影片
港鐵深水埗站 A2 出口, 步行約2分鐘
繼續閱讀
營業時間
星期一至日
06:00 - 01:30
以上資料只供參考, 請與餐廳確認詳情
係深水埗其實想搵一間乾淨既餐廳食野，確實有難度。 我次次去完深水埗買完電器後就立即坐的士閃人。 從未試過會停留在深水埗搵野食。 今次因為早上去深水埗，見仲做周圍冇咁多人，就即管睇下邊間環境可以入去試下。 行過汝洲街，見到有好多間餐廳。 其中有兩間有出爐麵包，但裝入去望環境不太舒適。 再行前小小見到呢間「和味餐廳」睇到佢地門面餐牌好靚，廚窗好企理，感覺幾好。就即管入去幫襯。入到去，見到d食客都係斯斯文文，坐低拎餐牌睇，檯面餐具罷設都好整潔乾淨。 服務員態度又好。我叫左仿鮑魚出前一丁早餐，唔錯，堅出前一丁。 好開心，終於俾我係深水埗搵到間乾淨又好味既餐記
繼續閱讀
好耐冇食呢間餐廳嘅早餐,今日心血來潮反正又放假所以 order外賣一份精美早餐。 我叫咗一個係豬軟骨配湯意粉,腸仔炒滑蛋同埋厚多士 。先講個多士 厚度十足,同埋有兩塊, 我嘅食法就將滑蛋夾入多士內變為蛋治烘底 其實食完份多士已經有三至四成飽。另外個豬軟骨亦非常之入味,仲有三大嚿豬軟骨 ,一咬即開唔需要用太多牙力咬,個湯意粉份量亦都足夠； 配合埋杯凍咖啡總數外賣都係$39蚊真係平民價及食得好飽肚的早餐
繼續閱讀
服務態度十分差 嘢食嘢飲亂掉 問佢呢個餐喺點十問九唔應，又唔喺話好忙問下佢就好厭棄咁 一眼都冇望過客都算仲要側面厭棄 仲串不如唔好開餐廳啦 真係下次絕對唔會再來羅錢買難受又唔係話好食
繼續閱讀
下午茶餐叫左個豬扒炒烏冬同星洲炒米。 黎到個炒烏冬得2舊豬骨，完全冇肉。 同個呀姐反映個情況， 點知俾個呀姐鬧話豬扒係有骨架啦，咪嘈啦，你咪唔好食囉。 真係未試過食個飯都要俾人鬧。 豬扒有骨係正常既，但係唔係成碟烏冬得2舊豬扒骨，1舊肉都冇呀？ 呀姐堅持唔肯換俾我， 然後我問呀姐咁我退左佢唔要得唔得。 呀姐話咪退俾你囉， 然後我check番單，佢退左我個烏冬，但冇退我杯野飲， 夾硬屈我要俾淨飲雙計。 我明明係成個餐咁叫， 點解我要求換你又唔俾，然後我退又要退淨我杯野飲？ 我買既係一個餐咁買， 點可以退淨杯野飲屈我要？呢間野一定唔會有下次。 P.s 個呀姐叫珊姐， 唔知係咪上篇食評口中態度差劣既員工呢？
繼續閱讀
其實聽電話個呀姐唔炒真係生意一落千丈，長期叫個外賣都要受你氣，佢應該戾氣好重，比錢買難受感覺真係好差，希望貴公司認真嚴正處理下，大家街坊街里。野食好食會繼續支持。
繼續閱讀