影片
營業時間
今日營業
11:00 - 21:45
星期一至日
11:00 - 21:45
公眾假期
11:00 - 21:45
公眾假期前夕
11:00 - 21:45
以上資料只供參考, 請與餐廳確認詳情
成日經過時代廣場都會見到對面開咗呢間新嘅餐廳，和府撈麵。佢地點好就腳，呢一日朋友話想試吓，所以我哋就一齊去咗食。佢係手機落單嘅餐廳，我揀左當歸豬骨湯梅肉麵。飲品係要另外點。見佢一杯烏龍茶都要$16，我就冇嗌到啦。朋友試咗，覺得就唔係好值。😀講返個麵，湯底係由當歸味偏鹹，麵質呢就有啲似拉麵嗰種，都係有少少粗，唔煙靭嘅，但係又未至於好粉。上面有兩塊好薄嘅豬肉，唔肥，不過真係太薄🤣 整體你碗麵係食唔飽人嘅🧐呢碗麵賣$58 ，如果好食嘅話佢算係好平，可惜質素真係唔係好得，我哋兩個都表示失望🥲 同埋慶幸冇揀貴嘅餐🤭
繼續閱讀
諗唔到食咩，經過見到新開，聽個名好似日本嘢，一於試試佢。入去都算好迫下，坐低睇個menu先知係中餐。叫咗碗檸檬酸辣肥牛湯麵。湯底酸酸辣辣好開胃，牛就普通，面質都唔錯，有咬口。另一碗係燒椒板腱伴麵，面質煙韌，幾好食，牛腱都夠腍，有肉味，唔錯，撈埋啲青椒醬將味道昇華。整體都算唔錯，不過試過一次就夠了。
繼續閱讀
記得初初開時不論招呼、品質，也是十分不錯，餐廳人頭湧湧，坐無虛席。今日再行過見唔使排隊，就入去再幫襯，招呼上全自助式，即係基本上沒有招呼可言，店員們繼續忙著他們的聊天，客人被“安置”坐埋一二邊後，就可以自己顧自己落單就可以了。食物上，草本當歸湯底較之前淡味，沒有對比沒有傷害，第一次來的時候湯底是濃厚得多、香得多；豬梅肉又乾又柴，當係煲湯豬肉就會沒有負評。麵質正常，出餐速度亦十分快，可能係因為我去嘅時候冇乜人爭住落單。整體而言，此店可以免費加麵，一定食得飽； 如果追求質素的話，隔離街應有更好的選擇。
繼續閱讀
係附近番工見11:00開門過黎試試好唔好食🙊食物都可以接受，但服務態度好差無咩招呼可能得一個人手既關係希望可以改善下🫣 試過就算了應該唔會再幫襯畢竟收既價錢唔便宜可能做內地客多
繼續閱讀
🐖 當歸豬骨湯麵+炸豬排+陳皮檸檬茶（$68）餐廳係用QR Code落單，而且上菜速度都幾快湯底方面有三款可以選擇，分別係當歸豬骨湯、香草蕃茄湯及開味酸辣湯；我揀左當歸豬骨湯，上枱嘅時候都已經聞到當歸味，飲落口反而藥材味無我想像中咁重，湯底算係濃郁但唔油膩，不過飲完有少少口渴麵方面係預設左用澳洲麥芯麵，麵條幾彈牙；麵嘅份量唔算多，不過佢可以免費加麵，大食嘅人都唔怕唔夠飽每碗麵附有長壽鄉黑塌菜，菜好鮮甜不過份量極少，只係得一兩條炸豬排方面，比較細塊，炸得都算Juciy，肉質比較結實陳皮檸檬茶嘅陳皮味唔算好突出，飲落唔算好甜，對我嚟講甜度適中有顧客問多兩句，服務員已經有少少燥，服務態度有待改善
繼續閱讀
您可能會有興趣的...