和田便當 (已結業)

今日難得去金鐘食飯，一於就去試下和田便當。入到去就有兩部自動售賣機，仲有個侍應姐姐係到幫手點餐。原本我叫咗兩個便當，一個係炙燒塩麹豬頸肉配雜菌，另一個係香草雞扒配煙肉炒薯仔，但侍應姐姐話雞扒賣咗俾人，得返牛肉丼，之後就俾咗牛肉丼同炙燒塩麹豬頸肉配雜菌我。炙燒塩麹豬頸肉配雜菌 $66豬頸肉燒得好淋，就算擺咗係自動售簤機咁耐，仍然可以維持水準，另外玉子、西蘭花、車厘茄等配菜都好新鮮，感覺唔似擺過係自動售賣機到咁。燒牛肉丼 $43牛肉丼都好味，無用太多醬汁，但仍然食到飯同牛肉既味道，不過下次可以試到香草雞扒配煙肉炒薯仔就好啦。

喺金鐘附近返工想食好嘢其實都唔容易一黎人多 二黎價錢都唔平咁岩經過見到呢間全自動便當餐廳價錢又唔貴 食物感覺都唔錯最緊要係想體驗一下全自動嘅感覺就一於試試佢今次總共叫左兩個飯兩個都係好方便咁自動出便當感覺上同平時買可樂差唔多咁方便疫情之下咁樣買飯其實都係一件好事少咗好多人手上嘅接觸首先試咗個鰻魚飯鰻魚鮮甜多汁 加埋單思同埋蛋送飯一流另外亦都叫咗個肥牛雞扒飯呢個便當肉嘅份量多雞扒嫩滑 肥牛鮮甜兩個便當都食得出係有心之作同埋價錢上亦都唔貴四$50就可以食到咁嘅質素喺金鐘來講算係唔錯

平時係金鐘附近番工閒閒地食個飯 又唔想食連鎖舖頭既話都容易食左成舊水 對於我尼啲打份牛工人工微薄既社畜尼講都唔好話唔係一個負擔lunch既性價比真係好重要！味道唔差 夠飽 價錢唔貴 就係我最理想既要求尼間舖頭係同事推薦 開頭聽到佢話係自動販賣機買飯盒我仲心諗：咁咪好似ｘ仔叮叮飯咁頹但佢誠意拳拳 我就諗住信佢一次尼到舖頭見到寫住係日本師傅主理每日新鮮製作 好似好西利咁便當種類每日唔同 都有差唔多5-6款選擇我同朋友分別揀左三文魚西京燒 同 牛雞雙拼比完錢後 係部機取出既飯盒暖暖地岩岩好打開飯餸份量都恰到好處 唔多唔少賣相當然冇相咁靚 但最緊要都係味道整體飯盒冇過鹹 調味剛好 入味唔會太多醬汁白飯係珍珠米 軟糯分明燒雞尤其有炭香 惹味惹味價錢質素都相當合理 係打工仔午食好選擇！

見openrice評價唔錯，所以趁今日冇帶飯就特地去試試。雖然係販售機，但舖頭係有一位職員協助，職員服務熱情，唔錯！睇呢度嘅食評知道佢哋每日會有一款素食，因為我今日都想食素，所以就問下個職員，佢話今日係burger，有埋飯... ？？之後先知，原來係burger嗰舊素肉而已😅佢哋有燉湯賣，因為我鍾意飲湯，仲要有素湯，職員仲強調係冇味精，所以我又叫埋個湯。先講個飯，日本人果然仔細，鋪塊牛油紙喺食物嘅面，乾淨衛生，之前睇呢度食評好似話係可以吸咗啲倒汗水？總之係幾好，只係唔太環保。食物係幾好味嘅，質素唔錯。至於燉湯，本身都唔差嘅，只係唔知點解完全冇落鹽，但又搵極個外賣袋都冇鹽，究竟係真係唔需要落鹽？還是職員唔記得俾我？

今日試左和田便當，呢間便當專門店成日都好多人排隊，果然好好味😋入到去見到會見到兩部便當販賣機，只係掃一掃個電子屏幕就可以睇到今日有咩款試嘅便當同落單，之後比錢用八達通，有咩唔明白仲可以問店內嘅店員，都幾方便～店員仲講話如果想預先睇定呢個星期有咩款可以上番和田便當個網站，預先落單原來仲有折，下次真係要試下先！而販賣機嘅左邊就會有一個凍櫃，有唔同種類嘅飲品可以加配買埋，有汽水、紙包茶等等👍🏻我今日同朋友就試左蒲燒鰻魚便當&柚子照燒雞拼安格斯牛丼1. 蒲燒鰻魚便當嘅配料有蛋絲、蛋卷、蘿蔔絲同埋西蘭花，一開個便當比我想像中豐富，而且件鰻魚都好入味，配埋啲鰻魚汁送飯一流2. 柚子照燒雞拼安格斯牛丼就真係鋪滿左滿滿嘅牛肉同雞排，而且牛肉同雞肉唔會因為煮太耐而好韌，牛肉仲加入左洋蔥絲，有種真係係日本食丼飯嘅感覺😋總括而言對於今次嘅便當都非常滿意，好方便同埋美味，必定encore👍🏻

係午飯時間，周圍都要排隊，食飯時間又得一個鐘，真係好趕架，今日同同事又煩惱食咩之際，發現呢度有便當售賣機，試下好冇食先。好，睇下今日有咩食先。非常方便，選完便當，可以用八達通比錢，個便當就會升上黎岀口，成個過程唔使一分鐘。薄燒鰻魚，打開個便當，真係唔差喎，啲飯食落暖笠笠，又軟熟，鰻魚都有半條，而且夠汁，味道幾好。照燒雞拼味噌安格斯牛，呢個肉嘅份量好多呀，抵食！照燒雞肉大大件，雞肉食落好滑，牛肉就少少半肥瘦，感覺好新鮮，同即叫即煮冇咩差別。

去開金鐘，想簡單快捷食個lunch。見一間非常新奇嘅便當售賣機舖頭，價錢都合理，決定一試。間左個韓風烤牛肉便當🍱 $48嘟左八達通之後，便當就會慢慢推出嚟，然後喺出口度攞，過程1分鐘搞掂。 便當攞上手暖暖地，有埋筷子比你，唔使擔心冇餐具。便當份量識合女仔食， 有玉子燒同一啲日式嘅配菜，韓風牛肉就係一啲辣嘅椰菜炒紅蘿蔔絲同肥牛。 肥牛份量都合理，飯就大概一碗份量左右。唔算辣，唔食辣嘅人都可以試吓。佢每日嘅餐單都唔同，一日有五款選擇，鋪裏面有兩部機，而且買賣過程2分鐘搞掂，都唔使驚話要排好耐隊。除咗便當，佢仲有一啲燉湯飲，感覺非常滋補，價錢大概係四十幾至五十幾蚊，我覺得比起喺7-Eleven買件三文治，有陣時想食啲熱嘅飯都可以考慮吓喺度買便當，又唔洗自己叮。

和田便當趕時間但都想試下新野。既然係咪都要畀錢食野～ 兩部auto vending machine.. 但係賣便當嘅。我同會friend 就買左柚子照燒雞拼味増安格斯牛柚子嘅味道都幾突出，都叫做算係平均分布喺每件雞塊之上。安格斯牛係牛肉片，都係靚仔嘅，唔會太多核突嘅脂肪，分布比例平均，不過可惜嘅係，真係有肉就無菜～啱哂食肉獸照燒日本七彩豆腐扒雖然外觀上，名字上，好似唔係太吸引。但係，我食落，覺得未到拍得住照燒雞同埋安格斯牛。第一個原因在於佢有配菜啦，有玉子蛋，甜甜地，有紫椰菜絲，顏色幾悅目。又有一啲小小嘅鹹菜？所以整體嘅味道都幾多元。豆腐扒都有兩個$5銀疊上去嘅厚度，而且裏面都有一啲菜蔬絲，質感有少少似係魚肉豆腐，老少平安咁，但係味道小清新，再加埋冬菇片，感覺幾好運作流程

平時係海富中心做野，食物選擇都吾太多，今日見到哩間日本便當飯盒專門店，就同朋友去試下！去到先發現網上預訂有85折！大家記得早d上網訂完去拎啦！佢每日都有吾同既Menu,成20 幾30 款，有湯有飯盒有飲品！而且比完錢，do完就好似高速列車咁送落黎😍好得意，全自助吾使人幫手，飯出到黎仲好暖，拎到番office都熱熱地！未去到燙手！鋪面吾算好大，不過好干淨同企理！而且附近仲有個公園，岩哂拎個飯盒去chill下🙈🙈👍一邊望住個海一邊食，好高級既享受我點左個鰻魚飯，入面有蛋、有紫椰菜絲、有鰻魚配埋個日本飯，都吾使$50，金鐘黎講真係好抵食！朋友叫左個泡菜豬肉飯！見到仲有中式湯果d簡，吾係得日本野！推介比係金鐘番工既朋友仔們！

金鐘午飯時間一向多人，餐廳又很難等位，一個鐘的食飯時間實在有限，所以往往都是外賣自取。留意到最近金鐘出現日式便當機，想吃什麼自己選擇，非常方便。販賣機位置都算闊落，有兩部售賣機，基本上不用排隊，眼見種類也不少，而且每天餐牌都不同，價錢在金鐘區來說都算相宜，所以就買來一嘗日式便當既滋味。點了山賊雞扒拼安格斯牛丼，味道也不錯，雞扒份量都足夠，咬上去很嫩滑且啖啖肉，汁不算很多，但對我來說剛好，太多汁反而很膩；安格斯牛也很瘦，很合我心意，因有些牛會很肥，反而我喜歡較瘦的牛肉。除了有雞有牛滿足了我這個吃肉獸外，這個丼都有一點配菜，如果能多一點配菜更好😍可能放飯時太餓的關係，而且雞扒嫩滑安格斯牛很瘦，基本上很快便清了整個便當😋

今日早咗放lunch，就即興約咗係金鐘返工嘅朋友食飯。行行下見到呢間和田便當，五六十蚊就有個飯食，好抵啊！快快脆脆takeaway兩盒飯同朋友share！廣島蒜鹽汁燒豚肉 Sauteed Pork with Negi Shio Sauce 呢款廣島蒜鹽汁都幾特別，食落好惹味，充滿蒜香，又唔會淨係得蒜味，又唔會一味死鹹，我幾鍾意食。豚肉係脂肪比較多嘅嗰種，食落豬肉味幾香。同埋值得一讚嘅係豚肉比得好多好多，一啲都唔孤寒，食到好飽。 壽喜燒牛肉 Beef Sukiyaki 呢款係朋友叫嘅，望落好豐富，有壽喜燒牛肉、豆腐、冬菇、蘿蔔等等，仲有西蘭花、玉子燒同埋紫椰菜等等，我望到都流曬口水。我試左少少，雖然係便當但食落味道同壽喜燒火鍋差唔多，算係幾抵食。朋友話底下嘅牛肉都好多，食極都未食完。

因為一場世紀疫情，多咗人習慣買外賣醫肚，而少左喺餐廳dine in。作為一個打工仔，平日喺寫字樓區買外賣對我哋來講其實係一個最大嘅挑戰：首先，好多時候買外賣都要排長龍，淨係等啲食物準備好、煮好，都要唔少時間。另一個挑戰，就係啲餐具、膠袋、飯盒等等都用好多塑膠，實在太唔環保啦！咁啱今日經開金鐘海富中心，見到呢一間叫做和田便當嘅自動販賣機中心，俾佢嘅自動販賣機吸引咗，就入去一探究竟。呢一間便當自動販賣機舖頭可以話係解決咗我頭先所講嘅兩個concern，因為全自動嘅關係，大家選好飯之後好快就可以買，省卻唔少等待製作個時間！另外，便當用嘅餐具、包裝物料都唔係塑膠，而係可分解嘅環保紙，起碼環保少少！食物味道方面，用嘅米係珍珠米，粒粒分明好煙韌咖哩調得好濃，而且牛肉份量充足！一個大男人食都會夠！

今日特登過嚟海富中心打卡😂仲有就係去香港公園行下。。。。我哋打算買啲野食扮下野餐，所以就行下睇下有咩食，係2樓個巷仔位，有類似一個小food court 咁，全部都係外賣，無得坐嘅。我地咁岩見到呢間日式便當🍱其實我係香港無見過呢啲便當店，估唔到都有驚喜喎！首先佢係全自助形式，其實都有個職員幫手嘅，不過簡單俾錢，等，然後拎得😂佢每一日都有5款選擇，其中一款係素食嘅，價錢就$52-$66不等，網站都有得睇meun，同可以預先訂定，仲有8折！！！今次我地試下先啦，不過我地去到可能差不多已經賣哂，見到個職員都預備關門啦，好彩仲有。。日式照燒牛仔骨飯拎上手個飯真係熱辣辣㗎！仲有筷子，但無匙羹。打開個盒有張油紙，隔住倒汗水💦估唔到個便當賣相都唔差喎，份量又多，餸都好多㗎！牛仔骨都有6片，不過我就覺得overcook左小小，可能因為一直熱住個溫度，所以un左啲。另外個飯好好食，讚！個飯用左日本珍珠米，粒粒分明，煙煙韌韌㗎，又香，真係完全可以食哂全個飯！吉列蝦配芝士漢堡個吉列蝦焗左陣已經唔脆啦，不過都唔會食到成口油，蝦肉爽口的，唔會淋pat pat。芝士漢堡，估唔到仲可以拉絲，完全無諗過一個便當做到芝

金鐘中午時間都有好多人，商場有好多食店但食物價位都偏貴。最後決定去海富中心覓食，呢到都有好多選擇。見到呢間舖好特別，有幾部「便當機」同一部機放飲品，另外仲有一位職員係旁邊協助。「便當機」有個大螢幕可以揀飯盒，一共有五款，每款都幾吸引，重點係價位十分相宜！見到有啲機既飯盒已經sold out，最後我去左另一部機揀左新餐肉雜炒沖繩苦瓜便當😆原本只係貪得意想試下，但原來份量都唔少。苦瓜幾厚肉多汁，完全唔會老亦無渣；餐肉唔係平時食開既午餐肉，會食到有一條條肉絲，味道亦唔會太鹹；配菜有玉子、紫椰菜同番茄仔等，玉子甜甜地，紫椰菜醃製過有啲酸，感覺更開胃😋便當整體味道都唔錯，最抵讚係便當依然保持溫度。便當入面其實有醬汁，但包裝得好好，所以滴水不漏，仲附送一對筷子，好貼心。

Lunch Hour去咗海富中心搵食，見到有間放咗兩部販賣機嘅舖頭，好奇入去望吓，原來係賣日式便當，同同事都揀到啱食嘅便當，就一齊試吓啦！雖然呢度係自助販賣模式運作，但都有一位駐店職員可提供協助嘅～ 揀完便當款式，再用八達通俾錢，就拎得。蒲燒鰻魚 $59打開便當，有埋配菜，賣相唔錯，鰻魚肉質柔軟，醬汁香濃惹味多蜜醬雞糰子配焗薯 $52焗薯片幾好味，雞糰子就似ikxx肉丸嘅大小丶質感軟腍望過佢哋社交平台 page，原來每星期出一次Menu，如下次睇啱想食，網上先預付，到機自取就更慳時間～