咖啡空間

營業中

休息中

雖然炮台山餐廳選擇唔少，但係要喺lunch hour 搵到間靜靜地、可以舒舒服服咁坐嘅餐廳就唔容易啦。今次同同事嚟到咖啡空間放飯，舒服到好似放假去食tea咁😆 Lunch set 選擇都頗多，包埋湯同埋嘢飲，仲會定期轉menu，今次我哋就叫咗葡汁龍脷柳溫泉蛋飯同紅酒燒汁溫泉蛋豬排飯。龍脷柳超好食！😳😳 外皮鬆脆又唔會有多餘嘅炸粉，厚薄啱啱好，肉質鮮嫩；葡汁好香，加埋雜菌同埋少少沙律菜食，一啲都唔會heavy👍🏻 紅酒燒汁就好特別，同豬扒都好夾😋嘢飲方面餐廳除咗提供普通檸茶同咖啡，仲可以加配花茶或其他咖啡飲品👍🏻 等待餐點嚟到期間，仲可以喺店內周圍逛下，睇吓啲小擺設、黑膠唱片等等。餐廳位置闊落，即使我食到後期peak hour開始多人入嚟都唔會好嘈，係個放鬆用餐嘅好地方。決定下次會encore再嚟試埋甜品🤪

帶埋dogther @咖啡空間 網址:地址: 北角電氣道233號城市花園商場14座1樓95-96號舖電話: 37052595staycation 会月都起碼一兩次，停次帶同我寶貝小狗女先一起來staycation ,酒店訂了房，就要照顧埋人同狗的三餐，好彩酒店附近好多pet friendly or dog friendly 架餐廳，在check in 前先來個late lunch / tea 先，食飽返房涼冷氣玩同影相佢中午好抵，平均60-70一個人，簡單點入餐，加杯飲品。餐廳是cafe 木系風格.明太子忌廉意粉，個色粉紅幾靚，仲包飲品添叫了份salad ，田園沙律配柚子醋，夏日要降溫呀！必試蛋糕類藍莓芝士蛋糕，配埋飲品都只係數十元見到仲有個毛孩buffet ,做到好美的毛孩小點心。同毛孩來涼著冷氣開心過假期時光

同男朋友發掘到城市花園呢個住宅區入面竟然有間良心coffee shop💛💛鋪頭空間感十足，有野賣有佈置好cozy💛餐廳平時應該會同其他單位合作，而且係竉物友善cafe! 今日咁岩有寵物buffet，好多🐶🐶陪我地食野☺️仲有個小舞台應該有band show!自家製芒果慕絲乳酪蛋糕($35)蛋糕層次分明🍰一半慕絲一半芒果🥭仲有曲奇餅底，慕絲入口細滑有重重既乳酪味😍加埋清清地既芒果味好夾好清新💛岩曬熱辣辣既夏天💦食落口感一啲都唔乾👍🏻自家製芝士餅($35) Cheesecake texture 好實淨，唔會太硬唔會太林岩岩好! 入面唔會焗到太乾但表面又焗到金黃色👍🏻仲有好香既芝士味💞仲會有啲柚子醬係側邊鐘意點又得唔點都得👍🏻凍鮮奶咖啡(跟餐加$25)問店員有無咩咖啡推介，店員好詳細好耐心推介幾款俾我💞最後揀佐Latte! 呢杯同平時唔同咖啡豆應該選用佐較深焙個種 苦味較重! 唔係酸個種豆~個人鐘意苦味重既咖啡所以覺得幾好味😍就算啲冰溶佐都唔會無曬咖啡味😆加埋小小奶味好解渴!凍朱古力(跟餐加$30)朱古力正正常常，口感偏向薄身個種朱古力，唔係入口好杰身漿住個口個種，夏天醒返杯一流☀️為食指數:

我比較鍾意去小眾嘅咖啡店，因為唔想同人迫，又唔想俾人限住食嘢同嘆咖啡嘅時間，依度仲係可以帶小寵物去嘅添，雖然我冇小寵物，但係我都幾享受係依間店坐下。佢唔係裝修好靚嘅店舖，但係佢嘅咖啡就絕對值得你試吓，我叫咗一杯手沖咖啡，亦都叫咗一杯Dirty，因為我係下午茶時間去，所以佢嘅咖啡係減二十蚊就可以叫，如果平時一杯再沖咖啡要成$65 ，我就唔係幾捨得飲啦。叫咗一碗叻沙，一件桂花慕絲蛋糕，再配兩個嘢飲，加埋都係$160 ，好適合做下午茶，坐喺度幾個鐘。重點推介佢嘅咖啡，店員話有蘋果味，雖然我真係唔係幾飲到都有蘋果味，但係以我成日去咖啡店打卡嘅經驗，佢嘅咖啡絕對入口好香，味道都好濃，唔太酸。至於另外杯Dirty，好岩配蛋糕，佢嘅桂花蛋糕我覺得好特別，因為出面冇食過咁嘅配搭，桂花糕加芝士蛋糕，味道非常之清新，配埋dirty，成件事升華晒。

嚟呢度嘆一個休閒下午, 環境舒適, 餐廳內有各種書籍及擺設, 仲可以帶狗仔過嚟一齊進食🐶, 有悠閒嘅感覺~ 下午茶餐選擇多, 有三文治🥪、沙律、意粉類、精選蛋糕供應。自助形式下餐, 去櫃位先點餐, 然後等食物準備好, 再去服務台取餐。🍰檸檬罌粟籽磅蛋糕Lemon Poppy Seed Poundcake蛋糕鬆軟, 帶點濕潤度, 入口有陣陣清新嘅檸檬香氣🍋, 有牛油味, 仲食到少少檸檬皮, 加埋罌粟籽, 口感更豐富!🥗吉列炸蝦田園沙律跟餐會有是日餐湯, 沙律會配日式胡麻醬汁。沙律菜夠新鮮, 又爽脆; 炸蝦即叫即炸, 炸粉唔會太厚, 好香脆。

去完寵物展好餓，醒起炮台山有間寵物友善cafe。第一次嚟覺得好有趣，個場地唔似普通餐廳，似workshop area咁，仲見到有樂器同projector。成個感覺好relax 同causal。有晚餐同下午茶選擇，價錢真係好掋食。套餐包埋餐湯同檸茶/紅茶，個湯係南瓜湯，好香濃有驚喜。意式肉醬意粉配温泉蛋套餐（$60）- 估唔到份量咁多，意粉煙韌有嚼勁，個醬汁好嘢味，仲有好多肉碎添。温泉蛋反而變咗溏心蛋，但一樣咁好食。紅菜頭忌廉素菜意粉（$60）- 好健康嘅意粉，有蘑菇同好多好多紅菜頭汁。戚風蛋糕（$35）- 非常軟熟嘅戚風蛋糕，上面加埋忌廉同食用花瓣，味道超夾，一定要試下。餐廳仲有狗狗蛋糕，唔怕餓親你嘅狗仔了。

Weekend兩公婆去北角行下市集，因為知道今日有個竉物領養活動及一個小型市集，咁啱又發現一間樓上Cafe。這個cafe同個名一樣，夠大夠空間感，所以感覺幾好坐得都幾舒服😌，牆壁上又掛左好多收藏品，都幾特色。叫左兩分set lunch，分別是葡汁牛脷溫泉蛋飯同紅酒燒汁雞扒溫泉蛋飯，味道不錯，又有餐湯，仲有一杯好有心機又靚嘅拉花Latte😋。滿足，食飽飽去睇狗狗🐶同刺蝟🦔😆刺蝟抱係手好可愛

自從身體馬馬後，的確很少專登遊咖啡室嘆咖啡，但事實上，我真的很喜歡遊走不同咖啡室，所以就俾自己在這個悠長的假日放肆一次半次啦!今日來到一間空間十足的咖啡店，地方寬敞闊落，環境舒適寧靜，感覺挺不錯。門口挺闊落，內裏設有多張二至四人枱，還有一個小舞台，應該定時有band show。白色的牆身上掛了很多收藏品，四處還擺了不同的寄賣品，真係有得eating、有得shopping和有得watching的好地方。正正是下午茶時間，看看黑板，共有四款選擇，可單點($35)或跟餐($40)。本只打算點一碗喇沙，但在收銀處前見到是日蛋糕，好吸引，就餐後甜品啦!*******************先來一碗新加坡喇沙米線($35)，熱辣辣，香氣十足。用料簡單，有爽口的菇菌、清爽的芽菜、椰菜和半隻香滑的雞蛋，岩晒下午茶享用。湯身沒有大量油光，感覺不太油膩，稀稠度適中，稍稍香辣，帶點椰香，入口順喉，味道不錯。麵底是米線，煮得剛好，又滑又有咬口，雖索湯力一般，但舀一羹湯連米線一齊食，便更美味。*******************是日蛋糕有4款，揀了黑芝麻戚風蛋糕配黑芝麻鮮忌廉，加飲品($40)。蛋糕面淋上輕盈

悠閒既時光 放假最享受既時間 人唔多 有空間 有野食 有野飲 環境舒適 所以我揀左coffee space 以上既原則通通皆有選唔少 黑白手沖咖啡 茶類 都有得選擇下午茶 有我最期待既戚風蛋糕 今日精選 環境空間相當好 衛生程度都好好 乾淨企理黑芝麻戚風蛋糕配黑芝麻忌廉 黑芝麻可以降膽固醇、消炎、補肝補腎、仲話可 以令頭烏黑 呢個益處真係好岩現代人食 ，所以我都會擺一樽黑芝麻粉係屋企 有時加落牛奶到飲戚風蛋粒好軟熟加埋忌廉好滑溜 幾啖已經比我食晒加上一杯香濃順滑flat white 咖啡香加上黑芝麻味 有好好既交流融合 紅菜頭意粉因為見到有人食緊呢個意粉 一問之下係紅菜頭 就點左一個試下本身自己都會食紅菜頭 因為營養價值豐富但就未試過同意粉放埋一齊紅菜頭本身帶甜味 而且有好強既纖維素 加上彈牙既意粉 原來都好好味！！

今日嚟到炮台山搵朋友，佢帶我去一個好地方，可以傾吓計、食吓野，就係一個可以坐足成個晏晝嘅Cafe！餐廳環境好大，我地去嘅時候係下午茶時段，雖係係星期六但唔算多人，大家都好安靜咁睇下書，做自己嘅事。我哋每人點咗一份Tea set，每人一件蛋糕和一杯飲品，啱晒鍾意食甜品嘅我哋！伯爵茶雪芳蛋糕配鮮忌廉英式伯爵茶香氣撲鼻，除咗口罩都即刻聞到！食落空氣感好重，再配上濃厚嘅cream，但味道並唔會太甜，感覺上健康啲。草莓芝士蛋糕勁重口味嘅芝士蛋糕，旁邊加咗酸酸甜甜嘅草莓醬。呢個size一個人食都幾多下，所以要點埋啲草莓醬食落先會Perfect match。今日嘅天氣好熱嚟到即刻嗌埋杯Ice Chocolate和Ice latte，好濃郁同refreshing！呢度環境真係好休閑嘅地方，同朋友可以聚一聚！

樓上 Café  一向都係香港人週末嘅好去處，不過想搵一間靜靜地、又要空間感十足嘅樓上咖啡店，真係唔容易。最近就有朋友推介左北角一間取名「Coffee + Space」嘅咖啡室俾我。店舖位於城市花園商場 14 座，位置看似有點隱蔽，但其實沿著扶手電梯上一層就會即刻見到。踏進店，地方果然很寬敞闊落，而且集多功能於一身，除了供應輕食和咖啡之外，仲可以俾人 Book 場用嚟做講座、音樂表演、藝術展覽、私人派對、舉辦市集等等。餐廳採自助形式，客人要先去櫃位點餐，然後等震盪器響動，就可以到服務台取餐。我哋點左新加坡海鮮喇沙米線 ($60) 同 葡汁雞扒溫泉蛋飯 ($55)，另外再加左件蛋糕。跟餐配送餐湯及紅茶或檸檬茶，是日餐湯為西蘭花菠菜湯，將兩種蔬菜打碎做成濃湯，入口清新，沒有草青味。喇沙米線頗大碗，湯頭順喉不膩，入口富香濃咖喱味。米線夠爽滑，掛汁不易腍。配料有蝦隻、冬菇絲、蜆肉、魷魚、椰菜同半隻溫泉蛋，十分足料。溫泉蛋蛋白嫩滑、蛋黃粉香，非常美味。至於葡汁雞扒溫泉蛋飯，亦做得很不錯。雞扒金黃耀目，肉質嫩滑又 Juicy，入口啖啖肉。葡汁中的咖喱下得輕盈，香而惹味，用嚟撈飯食，一流！餐廳呢日有

今日同女朋友黎左炮台山呢間cafe 食下午茶🌈🌈仲可以帶埋狗仔黎食Tim .....環境乾淨👍🏻👍🏻👍🏻坐位都好舒服👍🏻👍🏻👍🏻______________________________我地叫左白汁龍利柳魚飯配溫泉蛋🤤好香濃既汁配飯食真係好好食龍利魚又大大塊正呀同埋肉醬意粉配溫泉蛋🤤🤤🤤意粉煮得岩岩好，肉碎好多，肉醬味道都好好食好開胃🤤🙌🏻

星期六返工返半晝, 想講番個悠閒週末, 炮台山城市花園咖啡空間正正係 一個讓人慢活的地方。店面走日簡約路線, 肯定是你我都喜歡的那種類型， 坐得舒適， 而且週末下午又有live band ， 亦有各種 書籍及怡人的擺設，肯定係文青都喜歡的休閒空間 。下午茶不花巧不造作， 沙律， 三文治蛋糕等輕食 都有得選擇。 吞拿魚碎蛋三文治， 麵包輕輕烤過 微暖帶脆。沙律生菜清新爽脆。叫杯cappuccino 及件 伯爵茶 雪芳蛋糕及鮮忌廉為這下午茶再添上色彩吧！奶泡打得適中，咖啡的香除除入口。 伯爵茶蛋糕有鮮忌廉的微甜，也有 伯爵茶清香， 不會感到厚重，為週末的下午添上甜甜的味道。

昨天去行完街街, 行到又攰又肚餓,即上opnerice 睇下附近咩食,找到有間叫到咖啡空間,位炮台山城市花園14座1樓 我見間餐廳名好特別, 所以想試下,去到剛好有位,室內環境好舒適,牆上面掛了好多不同嘅種類相畫，感覺好文清。每日套餐也寫上黑板上 ,我們點了兩個套餐， 1.忌廉雞球溫泉蛋飯, (原本是龍脷魚, 因為買哂龍脷魚所以改了雞球)，份量好足，雞球外面炸到金黃色，但內雞肉好滑，不會有乾身感覺，好味2.點了：清酒雜海鮮意粉，賣相相當不錯意粉好煙韌彈牙，材料有蝦，蜆肉，冬菇，還有最喜愛嘅沙律菜跟餐湯：南瓜蓉湯，好甜好清新。餐飲熱咖啡：意外地來到原來是拉花咖啡，真有心思這個價錢還有拉花咖啡飲真係好少有我見咖啡拉花咁靚，點翻件藍梅芝士蛋糕來打卡就最啱喇

北角城市花園商場內有一間性價比高的餐廳「咖啡空間」假日相約了朋友來這裡共進午餐，過了一個悠閒的下午。看到餐廳餐牌，價格相宜，便試試看。餐廳空間感十足，有不同擺設。📍清酒雜海鮮意粉 （套餐$60，配餐湯及飲品）是相當化算的價格，基本上到快餐店吃都需要這個價格。📍南瓜湯-相當濃郁的南瓜湯，味道香甜。意粉彈牙，量足👍🏻📍忌廉雞排溫泉蛋飯 （套餐$60，配餐湯及飲品）雞排香脆可口，配上忌廉汁，下飯一流。📍鮮奶咖啡 （跟餐+$10）跟餐只需加$10，就可以升級拉花咖啡，咖啡香濃，性格比高。👅 味道：4/5💰CP值：4.5/5🕴🏻服務：4/5🔰餐廳環境：4/5🍽 餐廳：咖啡空間🌐地址: 電氣道233號城市花園商場14座1樓95-96號舖