咖啡空間

營業中

休息中

連放三日假當然要四圍出走一下去覓食,今次特登揀左比較少黎既港島東區:炮台山,無諗過炮台山都隱藏左唔少餐廳,而且仲有好多新既商業大廈進駐連帶都有各類特色商店.走過城市花園見到呢間咖啡空間,對於咖啡控既我一定要入去飲返杯試試.明太子忌廉溫泉蛋意粉意大利粉上鋪上大量木魚絲,紫菜及蟹籽充滿鹹香及鮮香,令意粉入口更香.意粉醬汁間帶有粒粒明太子,入口帶明太子獨有既鹹鮮香.整體味香而唔會過鹹.溫泉蛋拮穿後慢慢融入意粉中,與太子忌廉醬混和後令口感更香滑.Dirty由溫熱既espresso撞上冰凍既鮮奶製造出漸變層,係短短既時間內見証到兩者既融合.入口先有一陣濃厚既咖啡甘焦香,後帶香醇厚香既鮮奶甜味.