咖喱物語 (已結業)

大約1個月前知道lee間新店諗住去試下, 點知撞正weekend所以好多人等位就放棄左... 琴晚與兩位朋友再去即刻有位, 只係大約8成滿.裝修好modern, 餐具同水杯都好特別, sofa位幾舒服, 佢想設計到俾客人有私人空間既感覺, 但waiter太多, 有好多好似好無聊咁行黎行去, 同埋我地lee頭"筆"緊最後一羹野食佢地lee頭就走埋黎問你仲要唔要, 唔要就收走晒d碟, 好似好趕咁!佢隻7色咖喱幾吸引, 我地選左黑咖喱(係芝麻+squid ink), 味道一般, 食唔出芝麻and squid味... 另外叫左個火山石頭吉列豬扒飯, 同埋好似炸蝦卷...我一夾起塊豬扒覺得佢d肉粉紅色咁, 唔知係咪未熟, 但照食左先, 味道都係普普通通豬扒飯咁la, 炸蝦卷反而幾好味, 幾香口同埋外面塊麵包幾鬆化!重點係我同兩位朋友都肚痾! 我地琴晚只係光顧過lee間野之後都冇食過其他野, 所以9成係佢有問題, 我都特登黎openrice.com check下有冇其他投訴佢既食評, 奇怪地又冇喎, 仲有我有朋友之前食過都話冇事, 所以我懷疑係琴日d豬扒真係整得唔熟! 唯有當我地bad luck

o個日睇完戲咪入去試下囉~2個人叫左一個咖哩朱扒石頭飯吉烈蝦咖哩包~個賣相就ok..但係o的野唔夠熱..無乜味...得個香字...真係唔係好岩食...

上星期六去銅鑼灣，唔知去邊度搵食，行行下發現呢間好似幾吸引就試下。星期六一點四十幾分，仍然有位，午餐有成七至八款，三十幾至七十幾蚊，我要一set$58的咖哩牛肉石頭窩飯（exactly名唔記得），包埋湯同飲品都幾抵。講番食物，個湯係南瓜忌廉湯，買相同味道都唔錯，到個石頭飯，原本size都唔細，仲可以免費加炒洋蔥同芝士，待應一放低已經聞到好香。個人來講，我比較喜歡馬來或者印度咖哩，不過今次日式咖哩配合埋牛肉同芝士，效果唔錯，芝士加強了咖哩的味道同飯的質感，如果冬天食一定更滿足。在銅鑼灣區，一間又幾企理的餐廳，味道又要有水準，呢間算係幾抵。

Furnishing:Great, very modern and futuristic, even the cutlery and water glass is quite cool!Food:Interesting rainbow curry.Basically the sauce does not have any taste of curry, however the meat sauce on top of the rice is curry flavoured. The rice used is japanese pearl rice.Black = sesame & squid Green = spinachPurple= taroRed = tomatoCant remember the rest!!

個環境好好, 我同個friend 坐卡位, 好寬敞好舒服~ 佢o地唔會因為我o地得兩個人而叫我o地坐細桌, 非常滿意=) 個裝潢都好好, 白色主調, 感覺清潔~員工都ok, 可惜當日好多人, 坐full 晒, 佢o地都踢晒腳, 變o左等好耐都冇人留意都我o地要落order.反而d 食物就麻麻地. 我o地叫o左個奄列鴛鴦咖哩飯, 要紅+綠, 一客類似炆豬展+羅白, 一客炸卷(小食, 唔記得咩名.... 門口有display, 好似推介咁).個咖哩冇咩味, 好淡好淡. 綠咖哩好明顯mix o左綠茶粉, 搞到個味好唔match, 成陣怪味; 紅咖哩mix o左茄汁, 酸酸地都唔錯, 不過完完全全冇咖哩味, 只係似茄醬; 個奄列飯(唔計d 醬) 幾好食. 個豬展仲衰, 好肥, 又唔稔! 失望! 個炸卷最好食, 係唔錯o既餐前choice!要留意o既係, 全部o既dishes o黎到時都勁凍, 好似放o左好耐都冇人拎出o黎咁. 所以令到美味程度如直線下落! 呢樣真係令食客極度失望!!! 唔止我o地, 連隔離位o既食客都好大聲咁話"哇! 咁凍o既?! 有冇搞錯!".... 可能o個日真係太忙啦..

17/2 同辣椒仔去咖喱物語食咖喱！佢話新開張，仲有張七折既coupon，所以去左試。兩個人叫左個凱撒沙律、咖喱蝦卷、咖喱雞翼同埋蛋痷列包飯跟青咖喱汁同墨汁咖喱汁，環境唔錯，坐得都幾舒服，但waiter 招呼得太過周到，我同辣椒仔都係度問係咪識架，hehe。Anyway, 最好味既係咖喱雞翼(個醬好正)，果個蛋包飯係個waiter 介紹既... 呢個就麻麻地，唔多buy，個汁好鬼淡，我見到墨汁就話一定要試，但果個墨汁咖喱汁得個樣，黑色，但無咩味，反而個綠色既青咖喱汁比較好。凱撒沙律佢\加左隻生雞蛋，如果你地唔食生雞蛋既要早講(因為咁o岩辣椒仔唔食)，我覺得麻麻地，salad 都係fat angelos 好味d。而個蝦卷唔錯。有機會試下啦！我地兩個人食左170 (折左之後)，好抵！環境方面幾寬敞舒適，不過d waiter 成日聽我地講野，又成日行埋黎，仲會搭訕(唔係走黎同我地傾計，而係同搭咀- 所以知佢\聽我地講野)！但我地都唔係講秘密，所以都無咩！順帶一提，早前見到calbee 既咖喱味薯片做promo 係呢間餐\廳既7 折coupon，有心黎試既不妨買包薯片，咁樣抵d！

March 23 今晚同男友在這裏食晚飯,都幾多人,但唔多人排隊,我地都唔使等位就入得,好多雙人枱,如果四個人或以就可以半圓枱,感覺都應該幾好架!好香好香的咖喱味呀!! 但原來食落唔會係indian 個隻口味,indian一定食唔慣, 但迎合香港人口味!!我們兩人分別叫了2咖喱奄列飯,和蛋黃香草扁意粉,飯的咖喱汁有七種汁選擇,我們選了一紅(辣味)一啡(肉汁味),味道都幾好ga, 但那塊奄列煎得過晒火,又厚又唔滑身,好鞋呀! 幸好那些咖啡汁都不錯; 另外那個扁意粉超正呀! 好有韌性呀, 好難得,很多食店都會煮得過人,淋晒,無晒口感架嘛!這裡的扁意粉值得推介!

唔, 冇咩特色, 食物好, 不過又唔會令你留下深刻印象, 唔...普通啦!

20060205 尋日成十一點先食早餐去到銅鑼灣, 行到三點幾想試咖哩物語好耐(都係睇李純恩介紹)去到咖哩店, 無理由唔食豬扒飯o架?!叫o左個咖哩炸豬扒飯豬扒炸得唔錯飯用o的珍珠米亦軟硬適中o的咖哩就稀o左少少 算不過不失啦鱔稿..Rating: In-line with expectation

行完山返銅鑼灣,本來想食李純X推介o既日式咖喱豬扒飯,點知坐底時仲係tea time,唯有叫個日式咖喱薯餅,喱個咖喱薯餅其實冇咩咖喱味,只係一餅薯蓉同好小不明肉碎,雖則即炸熱辣辣,但味道淡淡的,所以佢都跟一個醬,甜甜酸酸咁,味道不比麥X 勞D醬好,$28似乎不值.