咖喱至尊

營業中

休息中

我中一食到而家２６歲，味道冇變過！各位一定要食加哩雞排飯！！！！雞炸到好脆，加埋大量加哩汁，好好食．夜晚２人套餐　一個加哩加一個小菜都係６６蚊，好抵．大埔極點推介．

我住左大埔咁多年..咖哩至尊依然咁好味....去食個lunch都只係$22...好大碟女仔的話,可以2個人食一個都ok...但舖面好細....多人既時候要等位..or坐出街外個人意見...食過呢度既咖哩都唔需要試沙爹果d....仲有...我覺得呢度既咖哩配飯好食...但係都係盡量唔好配粉麵啦...

雖然呢間嘢細細，但食物(咖喱)(沙嗲)真係有水準，(咖喱)大、中、小辣任你揀，(沙嗲)又濃，好好味！

咖哩好香濃，幾好味!!以前食小辣，都好辣，但係我覺得佢e+輕手左，我諗想食辣既人要食中辣!!!咖哩牛楠最好味，仲有唔同小菜，同屋企人一齊食有辣有唔辣!!=v=但係我覺得有d污糟，桌椅有點"黐立立"，同埋試過飲過杯水有d怪味!!

之前食過2-3次,d沙嗲汁我幾鍾意食,d飯太多喇,次次都食唔哂!但次次都唔問我要幾辣(因為我好鍾意食辣),佢\唔問我又唔記得要同佢\講要幾辣喎!!!上次食下午茶係好平呀$11一碗,但我bf碗咖哩牛腩面佢\覺得唔夠汁叫佢\俾多d,個女人話\"呢d細碗係咁少\",d汁可以食得你幾多呀阿姐,同埋次次d阿姐都掛住傾計,!服務態度唔得

響咖哩至尊呢度食咖哩已經好多年了, 直到現在依然保持到一貫水準, 咖哩味非常香濃, 上星期又同女朋友黎呢度食野, 我當然食番咖哩啦, 所以叫左個咖哩班塊飯, 其實佢地既沙嗲亦不俗, 而女朋友就叫左個巴巴雞飯, 感覺亦唔錯, 有好多種醬料選擇的~誠意推介咖哩牛腩飯~!

今天吃過這裡的curry, 雙拼很大碗(因為是分開上的)﹐有curry的香味但是最好就是吃了之後那股味道不會很重﹐久久不散....也很抵食﹗值得推介﹗

雖然此餐廳其貌不揚, 唔起眼,但咖哩真係超級超級好味! 我叫左個lunch set, 只係廿三蚊!咖哩雞飯, 大辣嘩好夠辣好好味!!四個人食3個set 盛惠69大元!好好味我以後會成日去；]-但0的服務態度真係ok差入到去無位都唔理我地

其實居住大埔已十多年, 除了未到此吃過早餐外, 基本上午餐, 下午茶及晚餐, 堂食, 外賣都試過。先講食品質素, 堂食都幾好, 因為夠熱同大碟, 我本人喜歡較味食物, 所以覺得唔錯。但外賣就麻麻, 因為一來要等好耐, 二來佢地d 面唔知點解總係好林, 行幾步都未番到屋企已經林晒, 好難食, 同埋油好多。至於服務態度.........今時今日咁0既服務態度, 係應該俾隻黑豬啦, 我去買野, 幾位服務員竟然掛住自己傾偈, 仲要傾到我講到第五聲「唔該」先肯落單。而且佢地0既辣味分四級, 不過係落單時佢係唔會提你, 你唔出聲就唔會同你加辣, 但一般稍為有質素0既食肆侍應都會問聲「請問要幾辣」跟住俾個客人揀。至於價錢, 基本上係可接受, 尤其下午茶餐算幾抵食。但騎哩在於外賣, 個餐牌寫上外賣不收費, 但當你買外賣時, 佢又會計埋你個盒, 紙杯d 錢, 咁外賣不收費係咩意思？個侍應無答, 但照樣收番我外賣錢！真係唔知佢地想點！

呢度d咖哩幾正,加埋分量又多,食得飽!!最抵既係竟然有得tim可樂!!如果你係飲可樂既話,你飲到半杯就會問你tim唔tim!呢個時候梗係tim,無理由有著數都唔要嘛!!除左飲可樂會幫你tim之外,其他飲品都應該會!!例如:你飲凍檸茶都會幫你tim架(你飲晒果陣),咁就變左一杯凍檸樂架啦!!

我說的是這間的灣仔分店。咖哩分四級，有唔辣、小辣、中辣和最辣。我叫了雜菜咖哩﹝中辣﹞配薄餅。不夠五分鐘侍應便將食物遞上。咖哩味濃，配菜多，價錢合理。

I went there for tea time with my friend last time. I ordered a curry pork chop noodles. It tastes pretty good and it only costs me $10! What a good deal! You can also add $5 to get a drink.

食過2次~d咖哩豬扒飯都幾好味架~ (價錢合理)佢地忙果時......服務態度就......叫極都唔過黎.....要我自己攞刀叉開飯~一,一|||

因為O系男朋友買外賣返黎食, 所以Don't know鋪頭環境,但O系Lee間鋪頭Dee咖喱真O系好好食,咖喱汁夠濃同好香,正!正!正!

咖哩味好濃~雞扒加埋咖哩就真係冇得頂~價錢亦十分合理<br />可惜員工態度加差~地方亦不太清潔<br />所以通常都係去買外賣