影片
港鐵旺角站 E2 出口, 步行約2分鐘
繼續閱讀
電話號碼
35656278
開飯介紹
以內蒙直運的百日羔羊為主打，讓食客感受地道的蒙古風味。餐廳每日供應限量的羊上腦（頸）、高鈣肉等罕有部位，搭配五款不同部位的優質羊肉，無論涮煮哪一款都嫩滑無膻味，還帶有天然的淡淡奶香，令人一試難忘。
繼續閱讀
營業時間
今日營業
17:30 - 02:30
星期一至日
17:30 - 02:30
以上資料只供參考, 請與餐廳確認詳情
有關獎賞計劃
踏入冬天，暖笠笠、熱辣辣的火鍋，當然是首選，今晚食完旺角通菜街一間新開張的咩記打邊爐，感覺美味且推薦~~餐廳新開張，獨家羊肉，百日羔羊直運自內蒙，除了獨家羊肉，菜單還提供多種香港地道打邊爐食材、新鮮牛肉和海鮮……等，滿足不同口味。更有串燒和糖水供應至深夜，成爲朋友聚會、享受美食的絕佳去處。鴛鴦鍋底麻辣鍋拼清甜雞湯鍋，麻辣鍋辣中帶麻，灼出的肉類都是麻中帶辣的，更添惹味。至尊羊肉拼盤，上枱見非常驚喜，份量勁多，羊肉拼盤彙集多種部位，每一片羊肉都展現出不同的風味，讓人一試傾心，羊肉肉質嫩滑，淡奶香氣四溢，羊上腦部位，珍貴且口感細膩，高鈣肉則富含營養，肉質細嫩，無羶味……，食完暖笠笠，滋補且回味~~生蠔個頭飽滿，肉質鮮美，搭配清甜雞湯鍋，更顯其甘甜。基圍蝦新鮮彈牙，與麻辣鍋的香辣完美融合，帶來雙重享受。牛柏葉薄而爽，涮煮後口感爽脆，與鴛鴦鍋的兩種風味相得益彰。炸魚皮香脆可口，浸入鍋中吸滿湯汁，風味獨特。最後，以一碗紅豆陳皮糖水作爲完美收尾，甜而不膩，爲這頓豐盛的火鍋盛宴畫上圓滿句號。
繼續閱讀
#羊腩煲關注組 推介 #咩記打邊爐 🐑開業第5日嚟食，餐廳懷舊裝潢，主打內蒙古頂級靚羊!仲有好多hkstyle金句，更有＂咩神＂鏡牌匾！金句🌟”咩記滾兩滾 神仙仁唔穩＂ 🌟食完今餐真係MEH SON U MADE MY DAY!🐑🐑咩咩～-中意食羊肉就會想食羊味濃，一般人就唔想食到有【膻味】但＂咩記”🐑嘅羊係【唔中意食羊】都會接受到～-今日2人同行，先拔頭籌嗌咗3款🌟羊上腦 $168🌟羊高鈣肉 $188🌟百日羔羊 $148全程用QR Code落單…湯底有麻辣、清水、鴛鴦、清甜雞湯和卜卜蜆湯。今次揀咗清甜雞湯，今次揀咗清甜雞湯，竹絲雞食到尾都好嫰滑！唔柴！要大讚係輕觸式枱面打邊邊，夠user friendly! 而且仲係採用改良版【涮涮銅鍋】，涮羊肉唔少人掂到銅鍋都唔會痴住咗! 羊肉由上至下介紹，味道由淡至濃，羊上腦＋羊高鈣肉都係味道一樣的，羊高鈣肉有條軟骨，食落爽口；百日羔羊羊味較濃，羊脂較前2者多，口感軟熟。醬料區有韭菜醬，真係做得好正宗! 向大家推介一定要DIP 韭菜醬、麻醬、少少麻醬咁食….真係好鬼正!!當然加腐乳醬就按個人口味~ 另外仲叫咗2隻大大生蠔、響鈴、魚腐 、生菜等。人均消費(2人) $490 左右，仲要係食到so full !!!-如果多人既話ME 強烈建議大家叫【至尊羊肉拼盤】$838!! 打卡一流…店員仲會問我地覺得D羊好唔好食，又建議下次食【羊尾巴】好感好得意又羊味濃！個人較中意【羊高鈣肉】第1次食..幾得意!除咗食羊肉，仲有M9+靚牛同埋串燒俾你揀！-Christmas 除夕元旦，留港消費嘅地方！訂位生日仲免切餅費！雨神我哋再去食靚羊啦～-🐑咩記打邊爐 (旺角)🐑旺角通菜街61號德發大廈2樓
繼續閱讀
旺角新開張的咩記打邊爐，主打直運內蒙百日羔羊，愛吃羊的當然要試吓啦！除了獨家不同部位的羊肉，菜單還提供多種香港地道火鍋食材、新鮮牛肉和海鮮，遠慮蔬菜等，能夠滿足腌尖嘅香港人。有多款湯底選擇，今次揀咗清水鍋，加上京蔥，紅棗杞子，清熱下火。至尊羊肉拼盤，現點現切，份量驚人，上百片的羊肉拼盤有多種部位，每個部位各有特色，百日羔羊肉-肉味最重嘅一款，入口溶化頂級羊上腦肉-肥瘦均勻，脂肪比較平均嘅部份，肉味夠之餘多咗一陣奶香味特級高鈣肉-肉帶有軟骨，食落更爽口有咬口。後腿肉，肉質爽實，羊味比較濃。蝦滑真材實料，粒粒鮮蝦肉。魚皮餃皮薄餡多。這裏除了火鍋外，還有燒烤食品，一樣出色。串燒雞翼，皮脆多汁，雞軟骨，送酒一流。人均消費不到$400，就能吃到頂級的精品羊肉，香港實在非常難得！
繼續閱讀
位於旺角通菜街樓上主打羊肉嘅火鍋店🥰裝修充滿香港本地情懷🥰位置闊落舒服啱晒同朋友聚會🫰🏻招牌清水湯底🙌🏻完美保留食材原本嘅鮮味，唔會太油膩💖肉類主打不同羊肉嘅部位🐑啱晒鍾意食羊肉嘅朋友😆羊上腦🐑肉質細膩油花分佈均勻口感嫩滑高鈣羊肉🐑肉質緊實，口感比羊上腦較實在🙌🏻羔羊肉🐑奶香重綿綿嘅口感肉香較濃～除咗羊肉呢度嘅配料都好新鮮抵食🥰A4牛筋丸🐮 口感彈牙👍🏻牛筋的香氣與肉質結合咬落去充滿肉汁😆黃金魚腐🐟非一般魚腐🙌🏻外皮較脆咬落去綿綿嘅魚肉吸收湯底嘅精華口感一流👍🏻手打蝦滑🦐肉質細膩份量足每啖都好彈牙是日海鮮蟶子✨海鮮質量都好新鮮，一啲都唔腥🙌🏻推薦羊肉愛好者值得一試呢間邊爐店😆👍🏻💖💖
繼續閱讀
[✨旺角咩記打邊爐 ]#旺角 #打邊爐 #咩記打邊爐🔸醬料台 $18/一位🔸湯底 - 傳統清水鍋 $38今次試下最簡單嘅清水鍋，可以保留食材本身嘅原汁原道，搭配羊肉一流。🔸百日羔羊肉 200g $148羊脂較多，羊味好濃郁，口感嫩而不臊，好好食！🔸羊上腦肉 200g $188羊上腦指羊頸後部脊骨兩側嘅肉，因為活動頻繁所以脂肪較少，口感亦好细嫩，味道都唔錯！🔸羊高鈣肉 200g $188帶有脆骨嘅羊肉，口感香脆得嚟又帶點嚼勁，正！🔸烤羊小排(一串) $56🔸招牌經典烤羊肉串(一串) $36羊小排係半肥瘦嘅羊肉串燒，羊味超濃！烤羊肉串就係羊肉粒嚟，咬落去啖啖肉汁超好食！🔸稻庭烏東 $28🔸午餐肉 $42🔸可樂 $18🔸鴨血 $58🔸黑椒豬肚貢丸(7粒) $48🔸娃娃菜 $32————————♡♡♡♡♡♡————————✨總結餐廳裝修走港式大排檔風格，主打由內蒙古直送嘅羊肉。香港打邊爐餐廳近年真係愈開愈多，不過好多時候主打嘅都係牛肉，即使有羊肉供應，都只會係以配角形式提供，呢間主打涮羊肉嘅餐廳對於羊肉控嚟講簡直不能錯過，供應多種少見羊肉部位，入口香嫩，品質同份量都好對得住呢個價位，鍾意食羊肉嘅朋友值得嚟一試！📍咩記打邊爐🏠旺角通菜街61號德發大廈2樓 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #旺角 #旺角美食 #旺角好去處 #旺角食乜好 #旺角餐廳 #GoobneChicken #咩記打邊爐 #打邊爐 #火鍋 #羊肉邊爐 #涮羊肉
繼續閱讀