影片
營業時間
今日營業
07:00 - 18:00
星期一至六
07:00 - 18:00
星期日
全日休息
以上資料只供參考, 請與餐廳確認詳情
工廠區唔好要求咁多啦，平得黎不過不失ok啦，係d 阿姐hea d 囉，不過快餐永遠都有個跟湯，佢d 湯都唔差，今次個🐷胡椒豬肚湯飯食完真係幾暖🥰🥰，一到lunch hour 永遠都係滿坐
繼續閱讀
#品味冰室#葵涌夠哂多選擇 每月有新餐牌今日揀左魚香茄子斑腩飯 $52變相味道一流 都可惜魚香去左班腩到如果有肉碎或者咸魚就夠哂正宗但成為飯堂之一🙌🏻#茶記#香港#chachaanteng #茄子班腩#foodporn#foodphotography #instafood#instagram #instafaily#hkig#hkfood#hkfoodie#18區搵食
繼續閱讀
Lunchtime 堂食$50，送湯加嘢飲。睇份量其實都幾抵嘅，算係喺雞髀位，菜嘅份量都多，菜其實炒得幾香。不過呢個係叫做口水雞飯，味道就不太口水雞，似普通白切雞加辣。例湯都幾足料。口水雞就不再試了，不過會試吓蔥油雞
繼續閱讀
今日返工早咗出門口，吾想咁早返公司，決定去搵間餐廳嘆返個靚早餐先。見到有間新開啲餐廳，可能吾係新開（我好少食早餐😂 所以平時無留意啲餐廳）就行入去食早餐。見餐廳好大好多位，客人都吾少，應該幾好食掛。港式早餐都係果啲，但都唔係間間煮得好食，睇吓呢間好吾好食先。我叫咗一個常餐，王牌吉列豬扒配火腿奄列及蒜蓉多士，份量嚟講，算好大份，個奄列都有半隻碟咁大，吾會炒到乾晒，有蛋汁，吾錯吾錯👍🏻吉列豬扒都係大大塊，我覺得佢真係炸得吾錯，表面金黃色，內裏有肉汁。一般茶記大家都應該食過果塊硬到好似牛肉乾咁嘅豬扒，呢間真係好味。配合莎律醬，有一啲甜味，入口減去了油膩的感覺👍🏻想講埋塊蒜蓉多士，估佢吾到，塊麵包吾會硬過床板，軟軟的感覺，加上好香嘅蒜蓉醬，嘩，真係好好味。今日雖然早咗出門口，但竟然比我發現咗咁好味嘅早餐，下次早咗出門口，我一定要再去食下其他早餐。
繼續閱讀
日日食Lunch都係炒粉麵飯，都想有啲變化。今日發現呢間茶餐廳，竟然有老火燉湯飲，真係要試吓。都市人日日都忙返工，放工忙家務，想飲啖湯水，真係難過登天，想飲一啖老火燉湯，更加難上加難。今日食午飯，見到呢間餐廳有湯飲，就衝入去諗吓。佢哋個餐係跟飯，飯就無咩好介紹，重點我想講吓個湯，花𣄃參椰子鮮雞燉湯。一上菜，個湯熱辣辣，店員介紹係日日朝早開始燉，午市開始賣，而且好快賣晒。我飲咗一啖，就明白晒，個燉湯好好味，入邊好足料，一入口就知道無加味精，唔會飲完好口渴。燉湯味道濃郁之外，湯料都可以食埋，湯料用來餸飯一流。飲完個湯，食埋碟飯，飽到上心口。咁好味嘅湯，都係賣六十幾蚊跟飯同飲品，我得一個字可以講，抵食😂店員重同我講，佢哋個燉湯會成日轉，叫我多啲幫襯。講真，呢個價錢，飲到真材實料嘅燉湯，佢唔講，我都會得閒過去食Lunch，鬼叫屋企無時間煲湯咩。大家如果都想飲到真材實料嘅燉湯，都可以去試吓，應該唔會失望。
繼續閱讀
您可能會有興趣的...