品味

營業中

休息中

上年特登入屯門食Tuen Mun Baguettes，一直對佢嘅法包念念不忘，可惜真係太遠難啲成日食到🥲難得灣仔藍屋附近開咗間法包小店，唔夠半年仲要拎埋米芝蓮推介，終於可以一解對越南法包嘅渴求🤣🐷［品味特別 $𝟖𝟐］首先要大讚個包體😳酥脆到大！癲！鬆化到好似croissant咁🥐打破法包刮口、硬骨骨咬到牙骹軟嘅偏見！剩係個包體已經值得encore💯用上4款扎肉同越南叉燒，配埋自家調製肝醬（綿滑！）、酸菜、青瓜、芫荽等配料，男友一路食啲餡一路跌出黎🤣雖然加咗大量雞肝豬肝醬仲有蛋黃醬，但夾埋多款蔬菜清爽不油膩，good!🐓選用燒雞腿肉、雞肉鬆同雞肝醬做餡料。燒雞相對普通冇咩特別，建議可以試其他款🤔叫埋杯冰凍越南咖啡，可以揀奶啡或齋啡。原本expect奶啡用煉奶沖會超甜，但出奇地入口幾香醇濃郁，係接受得到嘅甜🙂‍↕️但飲唔慣煉奶建議番齋啡🤣我地一致認同包體比屯門法包更出色🏅，但餡就屯門法包優勝啲🏆品味價錢差唔多係屯門法包2倍，cp value嘅話屯門法包勝🎖️不過屯門法包位置對港島九龍人士黎講唔太方便🥲umm港島人士想食正宗越南法包首推品味🇻🇳😆見到唔少人讚蔥仔好食，有機會要捉男友去大角咀搵食😤

呢間越南法包完全俾整個社交平台宣傳，所以同朋友平日4點幾去到，冇人排隊，冇堂食，得外賣！原先想食五花腩，但sold out… 開放式廚房，乾淨，可以睇住整個炮製過程，食材當天眼見新鮮，沒有壞地方配料可以加減，麵包可切半$72 品味燒雞配料就唔多講，睇圖便一清二楚，店員有問要唔要加辣，咁當然要啦！同埋多笎荽先講包體，摸上手微温，法包好輕，完全唔係外國法包果種都有重量，唔講求有冇氣孔，而係「鬆」、「脆」，一啲煙韌口感都冇，連出名嘅越南餐廳都唔會食到呢口感，可以話「法包」昇華左成個包連埋配料。$82 品味特別 呢個就basic 料，用上越南扎肉，叉燒，都係薄切嘅兩個一齊食有咩分別？真係唔太覺🤣 因為啲料太多不過唔會覺得好heavy，抹上的醬料剛剛好，唔會搶過配料，亦唔會太濕潤 。btw 店員有問加唔加辣？加左！惹味好多，但真係辣

法包外脆但唔會有温度，真心厚肝醬，但肝醬唔算香，感覺溝了很多不同的肉入醬內。包內很多料，但酸蘿蔔唔夠而肉偏鹹味重，所以都係要買定杯茶飲。呢個包嘅價值有1/3係比舖租嘅，所以未試過的話，一次便夠了。另外服務我比一星係因為向街窗口係取食物，但又會話可以落單先，之後入舖內比錢，但舖內又另外有人排隊比錢，好似比人有打尖感覺。我企係門口等食物時都比人問了兩次，感覺混亂。

今日終於試到好多媒體介紹過的這小店！在灣仔藍屋附近的這店，只做外賣，店仔細細，但生意興隆！此店提倡用電子支付，不用找錢，勝在流程快。店員收到order 後就把法包放入焗爐，然後快速的加入大量配料，怕辣的朋友仔可要求走辣椒。這店出名的是「cold cut」三文治和「腩肉」三文治。我點了cold cut，足料的banh mi，拿上手很重手，很有份量。超足料！大滿足！香脆的麵包，加上醃菜、肝醬、cold cut、香菜、香蔥和肉絲等，一大啖入口，多元化的味道，超好味！

-Bánh Mì Nếm 品味 🥖位於灣仔有間自家製越南法包 有可能係全港最地道之一短短開業4個月就已經榮獲米芝蓮推介🌟🌟🌟🌟🌟越南法包係最常見的麵包 通常包有豐富餡料 入口開胃定居🇭🇰多年越南藉店主 Kiki Phung 為分享最正宗最地道「品味」所採用的大部分食材都由越南空運直送✈️而肝醬、肉鬆等重要材料就交由當地專屬廚師團隊預製店鋪以外賣為主 不過都有2張高凳可以坐係街邊食的～🥖品味燒雞（$68） 🌟🌟🌟🌟🌟主要以雞唔同部位作為食材 先係法包上塗上雞肝醬夾入雞肉鬆 + 札肉 + 燒雞腿 + 大量芫茜 + 蛋黃醬+ 酸菜 + 青瓜 + 蔥等組成主要餡料 想講呢個真心幾好味 風味均勻而且口感同味道都多層次 值得一試😍☕️ 越南咖啡（$30）成日都聽人講話越南咖啡好好飲 今次第一次飲有驚喜🤯香味濃郁醇厚 略帶苦澀回甘 幾有記憶點🧐

這家越南法包店才開業4個月，竟然已經入選米芝蓮推介，真的厲害！由一位越南女老闆主理，越南直送配料，而法包就由香港工場自家製作，外脆內軟，味道超正宗。特別推薦他們的*品味特別，裡面有越式扎肉、越南叉燒、脆豬皮和自家醃菜，口感豐富又好味。扎肉有多款，加上香濃的自製肝醬，簡直是味蕾的享受，清新又不油膩。還有他們的*品味炆五花腩，肉質超嫩，搭配肝醬和新鮮蔬菜，吃起來真的很輕盈，讓人驚喜！最後配上一杯越南咖啡，甜度剛剛好，味道濃郁這裡非常適合忙碌的上班族

今日第一次食令我對越南法包改觀，個麵包外脆內軟配料十足新鮮和味，我以前去過越南嗰度食個發包都冇香港食過咁好味其實應該越南嘅同胞越嚟香港試一下咩叫正宗嘅越南沙包，佢有越南嘅風味香港嘅口味，如果真係想試吓嘅就唔應該喺越南市應該係香港試，嘩真係好好味呀

十分鐘意食法包，基本上香港九龍法包大部份都有探過店。唔一定次次寫食評，但因為本身呢間係其他網媒報道講到好勁，滿心期待，食咗兩次之後覺得都係要寫。第一次食左coldcut ,酸菜係ok,肝醬ok,肉鬆偏咸偏甜，個包係外脆唔太硬。但係coldcut好少只有簿薄幾片，食完個包飽左，但因為唔夠肉好似到喉唔到肺咁，并不滿足。加左$18斑蘭茶冇咩味第二次去,諗住試pork stew豬腩加錢加coldcut。 哥哥仔叫我唔好、話因為個包會太大。好啦，試返佢原本豬腩肉，咩都冇改冇要求加減。今次冇理佢肉多肉少了，因為好咸！真係好咸同好重味精。成個包我一邊食，飲左500ml水要再飲都幾失望下。

近期人氣嘅越南法包小店，經常好早賣晒。今次星期六兩點幾過嚟好彩仲有得買☺️舖頭細細淨係做外賣，買完要喺條街搵位食。除咗法包之外仲有賣撈檬，今次叫咗人氣之選cold cut，價錢相對進取，一個法包大概要$68-$78。Cold Cut Sandwich （$78）法包會即場翻熱，之後拎出嚟塗抹肝醬，再根據揀咗嘅款式加餡料。cold cut 配搭咗越南凍肉片，夾住醃咗嘅甜酸白紅蘿蔔絲，青瓜，肉鬆，芫荽，辣椒🌶️。 食法包最怕硬梆梆，而呢個喺外脆內鬆軟，唔乾同唔會鎅口，法包質素比其他舖頭出色。整體成個味道好夾，肝醬少少鹹味，加埋甜酸白紅蘿蔔絲，好清新，如果可以酸多少少就更好。值得一讚係店員見到我哋兩個人叫一個包，主動幫我哋鎅開兩份👍🏻雖然價位偏高，但確實有佢嘅質素，嚟開灣仔值得過嚟買一個試吓😋

首先,餐廳的環境看起來髒亂不堪,昆蟲到處飛,讓人懷疑這裡的衛生狀況。從用餐環境到廚房操作,處處透露出缺乏基本的衛生意識和操作規範。有一次更加看到廚師不小心把越南法包掉到地上,沒有即時扔掉之餘,仍繼續當沒有事發生去製作食品,讓人擔心交叉污染的風險。再來看菜品方面,這家餐廳的表現同樣不盡如人意。《品味》標榜所有食材是從越南新鮮運到香港，但他們家的招牌越式法包、春捲、撈檬等,看起來眼熟但味道卻非常平庸。缺乏越式風味的鮮香味,食材的新鮮程度也不盡如人意。總的來說,這家越南包餐廳在各方面的表現都讓人非常失望。從環境、菜品口味到衛生狀況,都達不到正宗越式餐廳的水準。如果您想品嚐地道的越式美味,我強烈建議您選擇其他更有特色和保證的越南餐廳。

Lunch time叫左個烤雞肉法包係外面等左一陣就有得食 假日都有啲人一齊等外賣佢就係samsen個間餐廳隔離一拎上手，法包本體暖暖地，其餘配料就有酸蘿蔔、芫荽、豬肝醬等等(⁎⁍̴̛ᴗ⁍̴̛⁎)最驚喜係個舊烤雞肉 好滑！！ 完全唔鞋口，滑到好似蒸雞咁！個法包都係脆得黎唔刮口，同係越南食過既好似 😆 不過就會易食得狼狽，成身麵包碎 🥖整體好滿意 👍 唯一可能係個包同雞暖少少會再滿足啲（？） 但唔影響味道！🙌🏻

早聞這新開的越食小店，這天路過，正好一試。店子只售外賣，在店內柯打完便到門口等待。排隊時見到店子小小，卻放滿一層層的法包及各種餡料，又一次見識到精明地善用空間！等候的時間亦不太長，未幾食物已到手了。衝著法包而來，小人的越式法包名為品味五花腩，餡料當然有炆五花腩，此外有海量的芫荽、青蔥、酸瓜、甘荀絲、肝醬、還有撒了些炸豬皮，汁醬是蛋黃醬。一口咬下，法包極之香脆，中間除了蛋黃醬外，更塗有大量肝醬！五花腩軟腍鬆化，一點也不肥膩。蔬菜的混合相當恰宜，爽口鮮美，芫荽的出現更帶出清香，滋味無窮！越式春卷一客四條，又長又肥美。春卷皮勁酥脆，豬肉與粉絲餡十分惹味。小食跟有生菜、金不換以及辣椒魚露。把春卷沾些魚露，加少少金不換，再用生菜包起整捲送入口中，超級美味，無法停口！相當出色的越南街邊小食！

差唔多下午2點去到餐廳，好受歡迎有少少人龍，大概要等20分鐘，就食到外脆內軟嘅越式法包，以前食法包有被𠝹口的體驗，今次沒有非常好食我食的係五花腩法包，長度約長過手腕少少，餡料醬料配搭無得輸（*除了當中的炸豬皮），五花腩被撕開一絲絲配醃酸蘿蔔加上䔳茜（可走䔳茜），一大啖咬落去，微熱外脆內軟，即焗即食就有這個好我唯一的意見是，當中加入的炸豬皮，我猜係原意增加口感多樣性，就似食蛇羹會加蛋散片咁，我認為職員要篩選下，因為炸豬皮的邊邊角角令到法包變得咯口，原本咀嚼時全是軟身的食物，好似突然咬到小石頭的感覺，希望有所改善。法包菜單兼顧得好，有雞肉及素食款式可選，可惜小食類方面，可能剛開店，還未有足夠的儲備，下次會試素食款的。限量法包，名𣎴虛傳，不夠下午2點半，法包售罄。用僅餘嘅lunch time特登過來一試，好彩我能食到。

灣仔最近新開咗一間地道越南風味Banh Mi 嘅小店， 非常喜歡越南法包嘅我，當然會即刻走去試一試。 店舖面積唔算大， 但店舖佈置得幾有特式。看看餐牌上的介紹， 除了主力越南法包外， 另會有些越南小食， 撈檬等食物可選擇。 我要了一份 Cold Cut Sandwich ($78）， 都要等咗大概二十分鐘， 我 order嘅越式法包終於整好。法包份量算正常飽滿。包內各樣配料食材看上去夠地道亦非常豐富，驚喜是包內用上多種不同款式扎肉，肉鬆等， 食起來味道口感非常地道，非常豐富。 但我個人略嫌饀料醬汁調校過於濕潤。另外麵包相對包内食材嚟講就有㸃失色，麵包內層能做到鬆軟， 但外層就完全唔酥脆。 影響咗成份越南法包嘅風味。從師傅在工作枱上製作法包過程， 以至對包內饀料食材所選用嘅要求， 完全感受到店主對製作地道越南法包嘅誠意。

The banh mi bread tastes so crunchy and is the same as that in Vietnam. The fillings are also authentic with excellent taste and perfect amount of ingredients. Theyalso tailor made me a banh mi que that is not on the menu upon my request! It brings me back to Vietnam! Really appreciate it. The ca phe sua da is also authentic! If you want to have a real banh mi, you can’t miss this place!