影片
營業時間
星期一至日
11:00 - 00:00
以上資料只供參考, 請與餐廳確認詳情
食家推介
我哋今日嗌左四個原蛊雞燉包廠翅，味道不錯，另外一個酥炸蝦棗同蟹棗雙併，份量比較少，反而檸檬蒸烏頭魚幾好味不過得半條，完整一條會比較好，而方魚炒芥蘭份量較少，而椒鹽九肚魚嘅魚身太淋，缺乏鑊氣，仲叫咗個香煎蠔仔烙但係啲好有沙，潮州炒麵咗略嫌冇乜味…
繼續閱讀
今日家中長輩生日，正宗潮州人，打算帶佢嚟食餐好嘅。我自己一個先到話轉頭先嗌茶，但個阿姐都係自己上咗壺鐵觀音話唔啱可以換(懷疑佢地自己沖多咗格硬俾我地🙄)結果出嚟就係唔好飲好澀。我地嗌咗以下幾樣嘢 ：1. 滷水鵝拼盤 - 一般，滷水唔入味2. 梅羔醬燒鱔球 - 有泥味3. 脆皮鮮蠔卷 - 好食，又脆又鮮4. 鮮蝦水瓜烙 - 好多粉，搞唔掂5. 欖仁肉碎四季豆 - 雖然偏鹹，但肉碎係肉片切碎幾好食埋單800幾淨係收現金，明明openrice講所有付款方式都收，訂位嘅時候又唔提個客，結論唔會再幫襯。
繼續閱讀
之前外賣幾次，鹵水拼盤、烏頭也不錯，味道幾好。今次試吓堂食，點知失望而回。食物非常一般，凍蟹$50/兩，正常價，肉質ok, 但完全無蟹味，翅$498一位配鹵水拼盤例牌，翅ok, 鹵水不錯，鵝肉少少un, 但也可以, 幾入味，最好味係白粥同芋泥，芋泥正宗，加豬油，香滑又不太甜，最奇怪係拎單來才說只收現金，問萬一唔夠現金點算，佢無答，幸好身上夠現金，佢又話舖頭要現金找數比人，幾有趣⋯⋯外送比外賣好味，更加奇怪
繼續閱讀
之前都嚟過幾次，今次有啲時間就寫個review😛晏晝2,3點無咩人幾好坐，環境都好衛生，侍應有禮貌，幫我哋用熱水洗餐具、碗同杯，都幾好服務。不過一入到去就叫我哋用安心出行，都係我哋自己拎紙寫名算啦。同埋有送到功夫茶，好濃幾好飲！仲有一小碟前菜，有豆卜、菜甫同瘦肉，個調味幾好食，我食哂成碟haha😂今次食咗蠔餅、蠔仔粥、糖醋麵💁🏻♂️蠔仔粥最好食，啲蠔仔有大有細，個粥底鮮甜，下次嚟都食繼續叫呢個😋
繼續閱讀
首先我們預約的時候是有叫留翅然後再叫佢hold住不留了 到時再算坐低點菜老闆娘話我哋已經留咗翅咁朋友都話留咗就照上啦然後點其他菜這基本上是我吃過潮州菜之中最不好吃的，這麼多道菜之中沒有一道好吃。凍蟹收費貴，但蟹肉好淋、感覺梅梅地、不新鮮，蟹醋徧鹹。煎蠔餅 - 非常一般大包翅 - 翅湯沒有味道滷水拼盤 - 鵝片鵝腸都一般ja炒芥蘭是全晚做得最有水準的一道菜沒有大眼雞只有烏頭，水準也一般今晚分了兩台、共十一人，埋單人均$1600 ，只此一次下不為例。
繼續閱讀