品記鮮粉人家私房菜館

營業中

休息中

超級多人 7:30上去排晒隊，不過好彩Walk in都等得唔係好耐，可能因為有限時，起碼條龍有郁過，大概等多20分鐘到就入到，一坐低好快就嘢食今次試咗雞煲✨，味道都幾惹味，叫咗小辣，我覺得差少少唔夠辣，下次可以試吓中辣，不過朋友話啱啱好，雞嫩滑大隻，佢唔鍾意係有啲地方全部都係雪藏雞髀嘅雞煲，有少少骨嘅呢一種好食好多，值得一讚嘅係紫洋蔥好爽口，而且好多料頭手切牛肉價錢幾優惠兩百零蚊一碟，雖然同大陸嘅價錢相差都有多少，但係始終喺香港食都唔同，有牛肉味

近排天氣好凍，咁啱適逢冬至，就同屋企人嚟呢度食羊腩煲暖暖胃😆我哋5:30嚟到，先發現原來有早鳥優惠🈹7:30pm前結帳離座88折羊腩煲 $288羊腩煲的味道濃郁而醇厚，加入姜、蔥、八角、花椒等調味，以減低羊羶味🐑經過燉煮後，羊腩肉會變得非常嫩滑，羊腩肉會吸收湯汁的滋潤，散發出誘人的肉香。再配炸枝竹、蒜苗、花菇🍄馬蹄等，食落豐富。仲送一份生菜🥬份量兩個人食都好十分足夠😋食完全身都暖笠笠，好滿足😌

品記，位於土瓜灣浙江街，距離土瓜灣地鐵站大約五分鐘路程，交通尚算方便，餐廳座位相當多。近日天氣凍冰冰，緊係去整返個羊腩煲驅寒補暖。$288 一份羊腩煲份量相當多，材料豐富配菜亦足，生菜，馬蹄，蒜苗，花菇等等，配送一份炸枝竹，炸枝竹吸晒整煲羊腩煲湯汁，精華所在。羊腩份量相當多，肥瘦適中，就算連皮食羊羶味都不會太濃，配腐乳醬生菜一齊食，確實一流。食完羊腩煲再加多份手切牛肉打邊爐，牛肉油花分明，肉味香濃相當有咬口。

.上星期天氣變凍 即刻同老公去食返個羊腩煲品記好近土瓜灣站 行5分鐘左右就到佢地既羊腩煲整得幾精緻 有好多羊件 騷味唔算好勁 羊件都煮到好軟腍 羊腩啖啖肉好juicy 就算連骨位都好易甩 味道鮮美 食完成個人暖粒粒🤩成個煲都好足料 有蒜苗 花菇 馬蹄等等馬蹄非常爽脆 花菇入味 仲會送一份生菜 配炸枝竹 食完羊 再擺生菜 枝竹落去煮 好索汁同掛汁 可以撈到成碗飯 冬天食羊腩煲真係好幸福啊☺️當日19:30前埋單仲有88折😚正今個冬天一定會二訪！

咁多年來最凍嘅冬至，都係嚟品記食羊腩，之前外賣過，屋企人都大贊，不過始終都係堂食更加有風味，氣氛搭夠呀嘛，一早去到過嚟，唔使等位嘢食又出得快，羊腩煲細煲嘅288，睇落份量都唔少，大概有10幾件羊肉，裏面有蒜苗馬蹄冬菇之類，值得一讚嘅係呢度係用炸枝竹，而真係脆卜卜嗰種，滾一陣間點埋個汁好香，羊腩多數都係腩位，而且冇骨，啖啖肉，正仲試咗啲其他火鍋配料鴨血:就一般般，始終都係台灣鴨血好食炸響鈴卷:熱辣辣唔錯

朋友聚舊食晚飯，有人介紹呢間食羊腩煲正，於是跟大隊一齊試吓，餐廳係樓上鋪，唔顯眼，唔知訂嘅真係唔會嚟呢度！我哋平日去，估唔到都滿座，大部分係一班後生仔女，非常熱鬧！原來鋪頭會同你慶生，邊枱有人生日都會播生日歌，全場一齊歡呼，氣氛高漲！講返野食先，叫咗加大羊腩煲成四百幾蚊好似好貴，上枱好大盤，份量足夠7-8人食，羊肉都大大舊炆得腍，配有支竹，幾好味😋，淨係食羊腩煲梗係唔夠喉，所以叫咗其他嘢打邊爐，有豚肉、本地肥牛，千頁豆腐，呢度嘅好處，係有小菜可以點，唔太喜歡打邊爐嘅都有熟食揀，我哋叫咗炸大腸、皮蛋、凍豬手，味道有水準，每道菜$88至百多元一碟，性價比合格，要多人來食，就可以試多幾款，除開每人3百零蚊，已經食到飽飽！酒樓以外嘅小菜晚飯好選擇！味道性價比服務環境

今年其中一餐生日飯..實在太不快，雖然食物好味，但若果有什麼興祝活動真是不要選擇這間店。先講約了朋友3人來這店食羊腩煲，我和朋友在6:50分到達，由於有一位朋友未到，但限時2小時，店員說由7點開始也可以先入座。店員安排了一張小檯，趕客情況展開序幕，過了數分鐘店員便開始過來我檯，將洗碗盤熱水由個電磁爐搬到檯面，過了一會另一店員走來問要唔要落個鍋先，點一些小食？我回答我還有朋友未到，不用叫野食住，當我同朋友傾計時，另一店員再過來問要叫個鍋先啦！若果叫羊腩煲要煮下，支竹先會淋d。那好我便叫了羊腩煲，小食兩個，一楂竹蓆茅根，之後我和朋友繼續傾計，當時另一朋友還未到，之後送鍋來，小食及飲品過來，開爐後因朋友未到我們便關上爐先再等一下，在這其間已有2個店員過黎話我地關左個爐，還追問我的朋友為何未到，我心唸關你鬼事咩？店員係咁追我們要快食快走，限時2小時，到8:10已last order,8:20便要我們埋單，最後我的生日蛋糕未切，8:30我們3人便離開，總結環境嘈吵，店員騷擾不能傾計，未夠鐘便趕客埋單就算好食也不會再去。

-天氣開始凍，一定會想食羊腩煲，但係又唔想出門食，跟住見啲間近近哋屋企，決定外賣返嚟試吓佢。羊腩煲 $288原來呢度外賣仲有九折，呢個價錢有10幾件好抵，因為朋友唔係好鍾意食羊，因為怕羶，但係佢都話好好食好香，而且羊腩夠淋，而且好足料，兩三個人食一煲都夠。而且入面好多香菇枝竹，全部好足料，而且送埋生菜，食完成個人暖笠笠，唔夠食嘅，仲可以嗌多啲配料，呢個價錢喺出面真係搵唔到，性價比超級高，快啲約埋朋友可以一齊食。

-天氣開始凍，一定會想食羊腩煲，但係又唔想出門食，跟住見啲間近近哋屋企，決定外賣返嚟試吓佢。羊腩煲 $288原來呢度外賣仲有九折，呢個價錢有10幾件好抵，因為朋友唔係好鍾意食羊，因為怕羶，但係佢都話好好食好香，而且羊腩夠淋，而且好足料，兩三個人食一煲都夠。

土瓜灣附近做嘢，睇見有間餐廳有羊腩煲食，所以就放工買返屋企去試下😍餐廳感覺有少少似室內嘅大排檔😆e家餐廳外賣免費送貨，自取仲有9折🥰餐廳係原煲拎走，所以返屋企用電磁爐加熱就可以👍🏻岩哂我地e d上班族🤗羊腩煲跟左一份生菜，配炸枝竹，蒜苗，花菇，馬蹄😍炸枝竹，好入味好香😋生菜同羊腩煲嘅湯底好夾😆講返主角羊腩，食落啖啖肉無骨，味道唔羶，夠哂淋🤩食完仲暖笠笠，我地仲自己加左唔少火鍋配料😋用個湯底黎打埋邊爐👍🏻

天氣開始凍，羊腩煲係秋冬必食既暖身之選! 聽朋友介紹土瓜灣呢間品記鮮粉人家既羊腩煲，話高質又好味，於是就外賣左番屋企食，外賣自取仲有9折添羊腩煲 $288外賣個煲可以直接用電磁爐加熱，非常方便！暖笠笠既羊腩煲真係好正，入面份量都幾多同足料，都有成十幾件，而且羊腩啖啖肉又無骨，老人家小朋友都可以放心食！羊腩唔羶又夠淋，真係不錯！配料有枝竹、蒜苗、花菇同馬蹄等，全部索晒醬汁好入味！想再重口味D仲可以點埋腐乳醬，另外仲會跟一份生菜！性價比好高～

天氣開始凍，想食個羊腩煲暖下身，但肥仔又懶，唔想落街買，所以試下品記嘅外賣送貨，因此有9折！🔥🔥羊腩煲羊腩煲內面好足料呀！288蚊有十幾件羊腩，全部啖啖肉無骨，完全下欄位㗎！而且煮得夠諗身，肉質唔會乾同柴，吸晒啲汁水夠juicy!!仲配有炸枝竹、蒜菌、花菇、馬蹄、同送一份生菜。配菜都好有心整，用炸枝竹，味道好香；花菇好厚身。總結，羊腩煲外賣依然好食，買返屋企食又平又唔洗同人迫，chill值之選！

秋冬開始當然要食羊腩煲啦！朋友介紹呢間外賣自取嘅羊腩煲都幾好食，喺屋企食就最嘆最舒服啦～🍴羊腩煲 $288送左一份生菜，配料有炸枝竹、蒜苗、花菇、仲有時菜，另外會跟醬料。我哋仲加多咗一份生蠔，生蠔嘅鮮味加上羊腩煲汁嘅香，非常好食！份量嚟講呢個價錢都好多，有十幾舊。唔怕佢會羶，而且肉質夠晒淋。最方便嘅係基本咩都唔使自己準備，可以連埋個煲拎走，返到屋企放上電磁爐就食啦🫕🐏 呢個冬天可以係咁喺屋企食羊腩煲啦！

9個人去打邊爐，比左張大圓枱，中間一個爐，坐得好舒服叫左好多野，放曬上枱都唔會迫到冇位食野叫左鴛鴦鍋，麻辣+皮蛋芫茜麻辣鍋花椒有D多，食耐左個湯底會麻到苦，建議可以食到一半就撈起D花椒先用QR code 落單，每碟都有相睇，好方便，都可以寫紙牛肉完全係有驚喜，手切本地肥牛同頂級雪花肥牛都好好食😋剩係睇花紋都正，份量都多，唔會每人一塊就冇曬黑牛栢片唔差響鈴卷係即炸，仲有碟泰式辣醬比你可以就咁食，但我自己鐘意浸湯底，索曬D麻辣味，超好食竹笙必點，超大條，好厚身，成隻手掌咁大條羊肉就正常蒜泥白肉就同想像中有些少出入，比較似手拍青瓜既味，唔係譚仔個種另外，幾欣賞佢野食，一渣可以倒3-4杯，但唔建議叫檸檬茶，因為一大渣得6-7片檸檬，係個渣到又好難吉，搞到冇乜味咁整體黎講係舒服，抵食，下次同一大班人食一齊會黎

之前聽朋友講過呢間羊腩煲好食係土瓜灣，終於等到天氣涼d可以食🤤見有得食涼拌魚皮又試一試，又幾好食好爽彈，涼拌汁夠入味👍🏻上面既炸花生都好香脆食唔停口😝羊腩煲！！大大煲一上枱已經好香正呀啖啖肉🤩🤩又唔會太騷夠晒肥美，連皮食好正再加埋靈魂既腐乳醬無得輸！！！入面既配料都有好多有炸枝竹、蒜苗、花菇、馬蹄炸枝竹真係索晒d汁好正！蒜苗、花菇、馬蹄都係好夠味最緊要係佢個味調較得好鹹味適中👍🏻仲會送一份生菜我地仲揀左本地手切牛肉見到d油花分布就知正🤤除左牛肉，仲有鮮鵝腸👍🏻正呀夠爽脆既口感！清理得都幾乾淨，抵讚！