品越越式料理 (雅蘭中心) (已結業)

服務超級棒！很值得推薦 很貼心 很細心 很划算 環境也很好 因為我同我friend傾偈嘅時候佢哋留意到我哋傾偈 主動幫手hold住啲菜 驚上咗之後我哋喺度傾偈冇及時食菜 導致啲菜凍哂 可能影響口感 這點我非常之欣賞

經常幫襯2人套餐香茅燒豬仔骨🤗个人認為😊餐廳服務態度很好，今時今日的服務態度真的好緊要，如果有一个服務態度唔好都唔會再幚襯，Ps.呢個餐借得推薦，非常好味。

旺角想食越南野，諗唔起邊間而又見品越個樣幾靚幾舒服，就決定試試裝修新派，幾特別，服務非常殷勤餐牌好多樣野都好吸引，由湯河撈檬、主菜到湯都賣相好好，仲有happy hour啤酒特價配咸蛋黃小食河內生牛肉湯河粉，賣相好，而上枱都聞到個牛湯既味好吸引，食落個湯真係好濃牛味，配埋幼身河粉好好味好正，生牛肉正正常常，肉質都腍同好食既套餐配既法式牛油雞翼，非常驚喜，外脆，唔係厚皮而係鬆脆，唔油膩，蒜香同牛油味都又濃又好味入面亦非常入味，肉質嫩滑，下次要叫返客爽爽香芒軟殼蟹米紙卷，賣相都係好正米紙薄薄，軟殼蟹同芒果份量平衡得好好，成個卷幾鮮又refreshing口感好有層次，食住飲埋個青檸梳打，清一清再食，又重新享受下越味最後試埋鮮茄蟹肉湯(2人份)，好大碗，仲要有個爐熱住佢，唔講得笑，係隆重嘅飲落份量好足仲真係有蟹肉既，但調味相對咸左啲，可能失一失手最後係睇埋個價，依個價位有依個食物都質素、環境同服務真係無得輸仲有好多唔同既菜式可以試，真係要bookmark住#其實我一路望住佢個happyhour牌#係旺角坐底傾計另一選擇

經 Openrice 訂座有單點75折，就諗住試一試。訂左3個人，安排左一張窗邊大卡位，！因近門口，一坐落有點熱，員工即遞上一把卡通扇。實則應該天氣超熱，行到「㷫熻熻」。坐落一陣都OK的。Menu 有二/四人餐選擇，當然亦可75折單點（自己計計下數，哈哈 =P）最後叫左4樣野食：香芒軟殼蟹米紙卷、品越燒乳豬、蛋包海鮮炒金邊粉、青咖哩軟殼蟹配脆餅。特色飲品都好好飲，抵飲（好似係未折前$38一杯，如果叫二人餐的話，第二杯半價），不過忘了影相。整體都滿意，又無催埋單，食下傾下都坐左2個鐘。

中午到朗豪坊開完會，同事介紹到雅蘭中心吃越南午餐。餐廳空間好大，坐位好舒服，窗邊位可以望到彌敦道。中午我點了青咖喱豬頸肉炒飯，賣相非常吸引！豬頸肉和飯份量很多，豬頸肉很有咬口及燒得很有脆口，味道很香口濃濃的青咖喱味，飯入面有茄子、豆角、蛋青咖喱炒飯雖有點辣，但很惹味十分推介！小食加配了燒雞全翼，有雞槌同雞翼，燒得香口，吃完一隻還想再點多一隻。最後餐飲加配熱奶茶。值得推介，員工態度好友善同好熱情！！

星期六想係旺角搵間坐得舒服既餐廳🍴真係難..呢間坐就坐得幾舒服🤗可以同朋友慢慢吹下水😝雞絲🐓湯濛粉 本身諗住個湯會淡淡地冇乜味😬但原來又幾濃郁😍好中意越南粉佢入面放左幾多芽菜而且雞絲分量都算多🤪品越極上湯河 朋友鍾意食牛🐂呢碗河粉有牛小排、牛展、牛腩及雞絲🐓所有牛都魯得幾入味😌同好淋🙌唔會好韌👍另外加錢有埋小食及梳打🍹小食選左蒜茸牛油雞翼😋雞翼炸得好香口仲充滿左牛酒香味🤩薄荷青檸🍋梳打薄荷入口涼涼地搭埋青檸夠酸完全好開胃🥰菠蘿🍍熱情果梳打整杯飲品不會過甜👍有氣梳打加上大量熱情果核🤪口感豐富味道過癮🤩

呢個汰弱留強嘅時勢，點解仲有咁差嘅食店能夠生存⁉️集團式經營就係有呢個毛病。午市套餐：豬扒拼雞扒飯 $68賣相睇起嚟無問題，食落口就發現好有問題雞扒同豬扒都炸到乾爭爭，毫無肉汁，感覺係隔夜肉番炸，因為肉邊已經好實好硬。白飯一啲都唔軟熟香口，仲有啲硬嘅口感‼️伴飯嘅汁係甜豉油加水，一啲製作誠意都無。新鮮菜都費事煮，是是但但比啲涼拌酸蘿蔔同青瓜。如果呢個係即磨咖啡，只可以話佢啲咖啡豆好差勁，淡而無味‼️呢間集團式食店做食物好無誠意及心思，所以佢啲員工嘅服務態度同樣毫無誠意，只懂在店內高談闊論私人事件，騷擾客人進食‼️客人落單要叫幾次先聽到‼️

行完街找了間越南菜餐廳食晚飯。被色彩繽紛的霓虹燈門牌吸引。餐廳地方很大，容易找位置。小食要了酸辣無骨鳳爪。 辣度算適中，酸酸甜甜，十分開胃。配了蘿蔔絲洋蔥絲等，爽口清新。以優惠價加配的無骨鳳爪份量也不少。點了兩個撈檬。燒雞肉串撈檬。檬粉滑身，配撈檬汁唔辣，不錯。配菜足夠，有蘿蔔絲，青瓜絲，花生等。有兩串燒雞串，大大串，厚肉而且肉質嫩滑。燒烤味道惹味，沙嗲醬好配。蝦餅扎肉撈檬。蝦餅外脆內軟，蝦肉味道出，點少少甜酸醬帶出風味。扎肉厚切。一碗撈檬有齊兩款配菜。

平時唔食越菜既原因係怕粉麵味道太淡，而呢個湯檬既湯唔濃唔淡反而好好飲，即頭可以成碗湯飲曬咁濟，檬粉都好彈牙，已經消除左我對湯檬覺得淡味既偏見，牛肉串反而有d 辣，但啖啖肉好野味，咁先係叫做食過越菜。

好失望既餐廳，上網見到好吸引，就同朋友黎試下 ，叫咗四樣野食，菠蘿炒飯 冬陰功湯 大蝦炒金邊粉 咖喱軟殼蟹。首先冬陰功湯無味 得辣字大蝦炒金邊粉，係四樣最好食，炒得好乾身咖哩軟殼蟹，軟殼蟹好林， 好大浸香料味，麻麻哋。菠蘿炒飯都可以正正常常冇特別

上個週末第一次光顧了這間餐廳，餐廳的裝潢感覺上很有品味，食物質素還可以。上星期光顧的時候，是一個曲髮西裝男招呼我們的。他的態度10分友善，給我留下了一個很深刻的印象。所以這個星期日決定再次光顧！時間大約下午2:40pm, 誰知道當我們一家人進入餐廳的時候，當時餐廳大約3-4成客人。當時那個四眼光頭的男服務員正在出單。於是我主動跟他說三位，他沒有給我回應，走了。當他走了兩步的時候，我再跟他說：「三位、唔該！」他頭也不回地，隨便指了一張枱，說：「梨度！」我覺得他的態度極差，我們轉身走了。

星期六與太太在旺角覆診，同時是難得的二人世界時間，可兩個人食飯。診所在雅蘭中心，於是便揀了這間在雅蘭中心的越南菜。首先我點了牛肉串撈檬。牛肉燒得不錯，不會像很多茶餐廳的牛肉般硬得吞不落肚。檬粉我不喜加汁，淡口便好吃。有些越式餐廳的撈檬濕轆轆的，這一間不會。太太喜歡炸蝦餅，點了炸蝦餅及扎肉湯檬。她點套餐，加了雞翼、菜、及青檸梳打。雞翼及青檸梳打也合格有餘；其實菜也很清新，是沙律茶拼雞肉，惟與餐單上寫的「灼時蔬」有出入，太太不適合食未煮熟的蔬菜，所以都是由我吃下。有點令人摸不著頭腦。埋單二人合共少於200元，環境寬敞，服務不錯，是令人舒服的周末午餐地方。

椰子同菠蘿兩個味都比較特出，冇唸過mix埋一齊又幾夾，又唔會搶左大家既風頭食哂所有野食之後，先發現仲有一道菜未黎，壓軸既羊架， 就咁食既話真係有D 蘇，連埋個sauce 冚一冚個蘇味，感覺會好D煲湯既份量都幾大（上菜個陣都俾佢赫一赫）而且外觀幾靚仔傢，但飲落……普通左D,濃縮既罐頭蕃茄湯味， 自己喺屋企都煲得到既，放幾條蟹柳就可以收賣$88（收順D$68)不過人地真係有蟹肉既……不過味道就顯著，俾藩茄蓋過左

海鮮冬蔭功唔夠味，一啲都唔夠辣和椰香，餸少又冇款式，除咗兩隻蝦，全部都係菇同細個隻的魷魚。生牛河湯底淡，唔夠香菜，冇青擰，牛肉有啲羶，完全係唔夠水準。最離譜是40元一碟菜，份量少得好似人家食剩一半攞過嚟咁，見到佢放上枱時，我嚇了一跳。唔知點解D人話呢間嘢好食，我就唔會再幫襯了。我同女朋友一邊食，一邊批評，只能回味著之前去過的其他越南餐廳，唔通越南嘢有咁難做？如果你問我最正常的東西，只有杯青檸梳打。完！

講真香港無論邊度，越南餐廳都好多，當中大部分食嘅嘢都大同小異，但係大同小異之餘，你就要比較一下食材和味道了，旺角好多大中細高中低嘅越南餐廳，可以咁講，我差不多全部食過，就拿一碗生牛肉河粉來講，個人首選係雅蘭二期的“品越”湯清有牛味仲食完唔覺得口渴！牛肉亦都非一般將貨就價的貨色！關鍵係價錢唔貴！呢個餐廳係我首選之地！