唐宮小聚 (新城市廣場三期)

營業中

休息中

之前都食過中環、TST分店因為家人未試過而咁啱係沙田開咗呢間店，今次想食吓點心+中菜咁再次光顧這集團。可能疫情好轉咗小小加上父親節都好多人，好在可以訂座但去到個枱太近隔離枱，半個側身都唔係咁易入，但你唔係平價餐廳酒樓 (講下其他一般餐廳先:有時什麼限時食真係好老肚, 10個8個人你得1.5小時食，都起碼有2個鐘呀) 白玉王鴿人頭鴿因為好抵又好味，同區有另一間好相似(都係集團)佢個D就好乾身呢間油份充足鴿樣飽滿 脆蝦多士餐頭真係好小食，好在佢真係炸得脆口，蝦身爽，賣相好好、值得一試 冰鎮咕嚕呢個值頭必食，因為唔係好多做得面脆而且入面又唔會一o舊肥肉，你唔會食到好油嘅感覺，好想食多碟 肥牛叉燒這個份量偏貴，我地8人唔夠分添，佢係比較淋身但唔叫係好好食 點來聚聚(墨魚汁餃、芋容流沙、三色果、桂花糕、番茄蛋)呢個純影相就唔錯，但味道唔見出色…可以唔叫 小小熊仔我就無食，但家人就話入面有好濃嘅朱古力味 煎辣小籠唔算辣但都有肉汁 黑金流沙本身黑色配金色已經係好靚仔，佢都係做到流心而且唔太甜 小聚拼盤(涼拌蒿筍、醬汁鴨舌、冰鎮秋葵、青芥木耳、雷椒茄子)涼拌蒿筍佢嘅蒿筍幼嫩好爽口, 醬汁鴨舌好惹味

由第一次朋友帶我去試，我都覺得白玉乳鴿好好味，好抵食，只係三十幾蚊一隻，仲平過街市買！其間都有再去，亦有帶家人去試。大家都非常滿意。因疫情問題，外出吃飯既機會少左，外賣機會多左，疫情前，無論堂食或外賣我都幫襯過多次，價錢方面都有一定既概念，由三十幾蚊食到四十幾蚊隻鴿！但今日，我完全覺得佢當人係傻仔，乳鴿變左$59，外賣8折 $47，仲貴過之前食開既正價🙄。見到另一張紙寫$59減到$39，咁即係點呀？！堂食平過外賣？？好迷惘！

最後就黎中秋肯定要訂返盒月餅應下節啦👉🏻芳華西起禮盒 佢個盒係Tiffany blue扇貝形手挽盒設計好潮 入面有黑芝麻蛋黃 肉乾紅蓮蓉 雙黃白蓮蓉同金腿五仁 4款口味月餅 攞嚟送禮自用都冇問題Yeah yeah

真係得閒就會掛住粒黑金包..今日行市中心見佢又有啲折扣咁，今日就獎勵下自己啦第一次黎沙田呢間，枱嘅間隔都做得ok, 都spacious先order左凍盤有醉蟹比想像中細，因為佢價錢都唔係平，但酒味釀得唔錯，肉質都厚實。真係折扣完先抵食啲...下次都係醉雞算lol之後黎個乳鴿，熱lak lak~水準都係keep住唔錯，都有肉，而且都juicy, 唔會太咸。之後點少得...再近啲，望下幾吸引！掛住食，忘記影埋佢流出黎嘅奶黄佢好夠溫度，影左陣相，傾左陣計都仲keep到..外表高檔、包體軟熟、入面嘅奶黄又夠流心，抵我咁掛住呢個南乳豬手冇咩特別..仲覺得啲sauce有啲啲唔開胃lol好jelly嘅感覺..但又唔會話難食嘅，不過下次未必再嗌。呢個正送飯一流冰鎮住d咕嚕肉..佢食落個感覺絕對唔會嘔心xD (本身我好驚佢掂住啲冰會唔會個質感暖又偏凍又濕..) 佢冰火咁嘅配搭令佢好似變得特別脆..我幾喜歡個質感。佢咕嚕隻酸甜都好入口會繼續翻啅！

屋企人想食點心小菜，於是去新城市買回家吃。這間的點心一向都有創意和得意，今次都點左兩款得意點心。沙薑豬手，份量都幾多，有沙薑味跟酒香，加上還有不少蒜蓉，帶有微辣。非常山竹，外型是山竹，內裡其實是龍蝦汁蟹肉，龍蝦汁味道都幾濃，外層像咸水角，非常創新。酸菜魚片，魚片份量都幾多，沒有魚骨，魚肉都幾嫩滑，湯汁酸酸辣辣，加上還有寬粉，吸收了湯汁，開胃又惹味。得意小豬，呢款布甸淨係外形都夠吸引，豬頭震騰騰，幾得意。味道係士多啤梨味，酸酸地，幾開胃。

好耐冇食點心啦，今日行經沙田，見到唐宮小聚外賣自取有折，所以決定今晚同友人的晚餐就買點心回家吃!外賣餐單有一人飯盒，也有套餐和散叫點心。我們點了一個點心套餐，點心套餐，套餐包括有乳鴿1隻、奶皇流沙包2個、松露蘑菇包2個、黑椒和牛咸水角2件、炒蝦腸粉和西蘭花苗。乳鴿回到家還是熱辣辣，乳鴿皮脆又多汁，肉質嫩滑。奶皇流沙包餡料不會好甜，還有少少流心。松露蘑菇包有淡淡的黑松露味，內有很多菇肉，而且包的外型也像菇一樣。黑椒和牛咸水角外型是啤梨的樣子，十分可愛!而餡料好重黑椒味，幾刺激味蕾!炒蝦腸粉，腸粉幾滑，用上XO醬和韮菜炒，帶有少少辣和香口。西蘭花苗，火喉都好夠，用上肉碎一齊炒，令味道更惹味!就算外賣質素都好高，值得再次訂購!

一直都好鍾意去#唐宮小聚 飲茶食飯佢主打摩登中菜 款式特別 價錢唔貴 而家因為#疫情 關係 荃灣同沙田店#外賣自取 仲有8折 2人餐 4人餐 點心餐更低至75折 超！級！抵！我今次單點左七樣食物再加一盒月餅👇🏻有興趣可以睇埋落去👇🏻👉🏻黑金流沙包 一咬香濃奶黃流沙即刻流出黎 質感細膩 甜度適中 👉🏻白玉王鴿 皮脆肉嫩超級juicy 👉🏻小小熊仔 我覺得個名好得意所以先點 原來係朱古力流沙包黎 賣相好可愛 朱古力味超濃郁 唔會太甜 好有驚喜 冇點錯！👉🏻糟滷醉蝦 👉🏻陳釀醉蟹 花雕酒味好香濃 蟹同蝦都鮮甜又多膏（個人認為隔夜食更入味更好食）👉🏻肉鬆抓餅之前仲擔心外賣會唔會淋唒唔好食 但我嘅擔心係多餘 就算外賣個手抓餅都好脆內餡仲有超多肉鬆👉🏻水煮魚片原本都唔太期待 因為我係香港食過幾間水煮魚都覺得唔夠辣 估唔到呢間夠晒麻辣 魚片夠滑量亦夠多 配飯一流

買左個粟米斑塊$50外賣，份量極少，未開始食都好似俾人食左咁，味道Ok, 包裝都OK，不過如果做到份量咁少唔夠價做，不如賣貴d，好過做得咁差，以後唔會幫襯，大家自行決定

同班同事一齊食飯 想搵個地方傾下計食下飯 見到唐宮新開 一早就book左7:30 不過去到都要等左好耐 店員話上一round 8:00要交枱 所以就算book左都成8點先有得入去 佢menu選擇唔係好多 不過有好多好得意打卡able嘅點心 不過有d得個樣食落伏伏地 黑金流沙包 唔伏 食個時小心爆汁炒紫准山 好健康5色嘅點心 伏伏地 有舊紅色係蕃茄蛋 入面真係用水晶皮包住蕃茄蛋 完全唔夾 有舊實丁丁嘅白色糕 勁硬好似好得意個樣係啤梨 入面係黑椒牛肉 不過個外殻太多炸粉一口鮑魚撻 好評 炸蝦多士 都係好食嘅 不過太多炸野

新型冠狀病毒病疫情减退後，限聚令又放寬人數。大家都為父親慶祝節目。就去左沙田新城市廣場第三期，新潮的點心品牌唐宮小聚吃晚餐。我在父親節前2、3天已訂位， 我訂左父親節前一日晚上7:30吃飯。去到餐廳。 已很多人在門口等位。拎座位時，有位小姐說，我排到23位，來到餐廳都要等位。 當時我已經火起，訂位時沒有說明給客人知道來到餐廳都要等位。仲說打給我時，唔聽電話。 我就說你們打來我手提電話。你們沒有發出聽音。由於我是用座枱電話致電訂位，餐廳電話都有來電顯示，也可以打給我呀! 想問下訂位有何作用???? 對於此安排很不滿, 所以向經理反映, 而且發覺唔止我一人投訴。我算好彩，我等了半小時才有座位。有食客得左45分鐘都未拎到座位。就走左啦! 入到餐廳裝潢很華麗，但是座位之冷氣不足。於是叫店員開冷氣。餐牌上也很多有創意的點心及父親節特別餐牌。先介紹父親節特別餐牌。豪食虎蝦 (蝦是用黑胡椒焗出來， 蝦是全隻上的，不椒好味。)天鵝仙子 ，裏面是用紫色蕃薯加上芝士造成。黑白配的天鵝。迷你啤梨 (黑椒加和牛)，白玉王鴿，超抵食，因為它的味道非常好，皮脆肉嫩而且仲有好多肉汁流出。擔擔面也是不錯的選擇，湯底濃

到一田掃貨掃到差不多九點，因為疫情關係很多餐廳都提早關門，幸好趕得切last order前來到想試很久的唐宮小聚。馬上剔了想試的幾款點心，最喜歡的是焗鮑魚酥($29一件), 鮑魚比想像中大粒, 撻底鬆脆，鮑魚汁惹味，好食！推介！紅油抄手($59), 有八件，都算幾辣，夠熱，香口！薺菜蒸餃($49), 上面有杞子，菜餡十分新鮮,外皮口感不錯，有點像粉果。擔擔拉麵($49)，因為朋友怕太辣所以汁另上了，麻辣味都頗重，麵質不錯，湯底夠濃，有水準。見到餐牌仲有好多特式點心，希望下次再來試試！

星期六午飯全店满座, 幸有網上排隊. 三人被安排到窗邊的四人枱, 有陽光作伴, 心情靚靚. 金色茶壺的茶, 淡淡的, 可惜欠茶香. 碗上印有螞蟻, 有意思.白玉王鸽, 非常香口, 鹵水味好出色, 只有王子鴿大小, 一人吃兩只也可以. 蝦多士是整隻虾在多士上, 香脆不油腻. 知足常樂是海鮮粥,粥靚但不夠鮮味.松露紅菇, 熱軟香, 有内涵！ 點來聚聚, 五款點心夠精緻, 有創意, 最愛芋蓉流沙.荷花蒸飯, 看照片, 每粒米都是明亮的, 點這個來飽肚心思思, 下次再來試其他點心菜肴！

唐宮小聚味道幾好，款式略少，產品好有創意👍👍👍多數屬乾身食品，奶飲品方面可以略為改善，一杯凍奶茶，沒有冰只是放入雪櫃雪凍，奶茶，有點澀口，百香果太甜.食品質素是可以的👍👍👍

唐宮小聚新開左係新城市廣場咁我地就梗係要去探下個✨得意小豬🐽啦·🦐脆蝦多士蝦多士上枱嗰陣熱辣辣🔥咬開唔太油膩 值得試下👍🏻👍🏻·✨黑金流沙普普通通一個留心奶黃包冇咩特別只係個面黑色 但會食到棚牙汙糟咗😟·🐽得意小豬✨✨✨✨✨✨✨黎唐宮小聚就係為咗試吓呢隻豬仔個樣好QQ📸打卡夠吸睛🤣你咪就系俾佢吸到碌咗落嚟睇囉😌🤣🤣食落唔會太甜💕·🍐陳皮燉梨秋天食應該好啱食落去好潤而且個梨好清甜👍🏻·🥚鮭魚燻蛋呢個又係值得推介👍🏻煙三文魚超級好食魚油超香🤤🤤🤤個蛋都好jeng😋·🧊冰鎮咕嚕肉呢個麻麻哋食落有啲油膩而且冰鎮冇乜特別效果.🥢焗鮑魚酥$29有一個鮑魚酥其實超級抵食🤣不妨一試 味道正正常常

因疫症已近尾聲消失，所以要出來促進經濟，好似很久沒有一班人去食飯了，所以朋有介紹去了唐宮小聚試試，我們一行8 人，所以都叫了十多款點心+飯+麵等食物；總括來說，食物賣相大部分賣相都不錯，可以增加食慾👍🏼，粉麵就比較細小點，所以我們多數叫2份，平均來說食味道都不錯，但炸的食物點心就不太好了，有回油情況，食咗好油膩（炸的技巧不好）；皮蛋豆腐、煎辣小籠包、開蔥拌麵、肉鬆抓餅、黑金流沙，這幾款我覺得味道不錯；至於個紫淮山糕的甜品就樣子靚，但內有紅棗涵比較甜，不是個個喜歡。環境坐得都舒服，下次會再去試試其他點心。