唐記包點 (大埔超級城A區)

營業中

休息中

唐記包點 －－ 大埔安邦路9號大埔超級城A區地下16號舖又到了Blue monday 需要返工返學的時候早上當然想食一點飽肚子 又熱辣辣的早餐經過唐記包點都有很多人在排隊 不過很快便可以拿包走了 所以就決定買他們的中式包點做早餐！＄15/ 3個包  單個＄5.5  很便宜！叉燒包 （＄5）外皮軟熟帶點彈性 餡料很多  叉燒醬的調味不錯！！！馬拉糕（＄5）十分鬆軟 大大件 不錯！～～～～～～～～～～～～～黑芝麻包 （＄5) My Favourite~~~

話說噚日晏就1點左右，諗住行去排隊買個飯食，排到我既時候個企收銀既女職員同我講我想買嗰個飯冇哂，咁聽到冇哂好自然就會即刻睇下有咩其他嘢可以買嚟食，點知睇唔夠2眼，個女職員好惡咁話我：「唔係買就過住啦，阻住哂!」最後嬲嬲地去咗馬會隔離嗰個又係賣中式甜心既舖頭買飯食算，老實講下次唔會再光顧。其實我真係覺得好無辜好委屈，原來連睇下買咩食都唔得，我睇一睇姐，前後都唔夠30秒。開頭諗住打去佢地公司投訴，點知發現淨係搵到個fb、同埋佢地係由 一間叫J&D Holdings Limited 祖遇唐控股有限公司 經營，但又冇email冇website，我諗佢地公司連請咩人都唔會理，根本就投訴冇門。我知可能會有打手睇完我呢個評價之後會話翻我轉頭，或者又有人會話你唔幫襯姐，都大把人排隊買。但請你地將心比己，如果你係我會有咩感受?? 只希望個位女職員會有所改善，我唔希望會有其他人同我一樣有相同經歷，亦希望佢地公司有機會睇到我呢個post，會有所利動。(雖然我諗冇咩可能架啦)

呃我錢 漏野五聽電話 未見過甘既垃圾公司 比我果時 個牙姐仲話齊 呃我牙？反到去少左野 上網搵你們電話 打極都五聽 好心你們啦 服務態度差 又要承信差 好心你們啦 改下d態度同服務啦 汁漏野 仲點叫人對你們有信心

又到blue monday 需要返工返學的日子，天氣開始涼涼地，早上都想食一點熱辣辣的早餐，搭車返工的地方會經過唐記包點，加上不需要等太耐的時間，所以就決定買佢地的中式包點做早餐啦！😊😊放在膠袋內真是感覺到超級熱辣辣，好想快d攞佢出來食！馬拉糕（$5）摸上去十分鬆軟，大大件份量十足，不會過甜，以$5的價錢來說不能有更高的要求！燕麥饅頭（$3）一早想食清d，所以選擇了沒有肉的包。同樣十分鬆軟，燕麥的份量不多，同普通白饅頭差不多！想食過平同快的早餐，這是一個好選擇！

由以前舖頭喺廣福道到而家係大埔中心， 幫襯咗好多年 。好鍾意買佢哋嘅盅頭飯， 今日買咗排骨飯 。熱辣辣，香噴噴， 佢哋先放幾條菜在飯盒裡，然後將盅頭裏面的飯餸刮到飯盒裡，淋上豉油 。就算蓋好飯盒， 我一路行都一路聞到豉椒排骨嘅香味 。排骨軟硬適中 ，白飯都夠香，配埋豆豉同甜豉油， 好開胃餸飯。 喺屋企一路睇電視一路食飯盒， 爽呀20蚊一個盒飯， 好抵呀 ! 但係喺大埔墟火車站嘅唐記要賣24蚊一盒飯喎其實我都好鍾意食唐記嘅點心，不過今日一個人食冇買到 ，下次會再買。

之前看報導說唐記的叉燒包比某五星級酒店更美味，於是趁今天「掃街」就來試試還順便買了花卷跟媽媽兩人share吃～先說叉燒包：外皮非常滿意，濕潤還帶點彈性，像「剝殼雞蛋」一樣，令人一口接一口餡料的叉燒醬調味及濃稠程度不錯，但叉燒太碎了，吃下去像肉碎一樣，影響口感要扣分～所以吃上來也不至於很好吃，只屬OK罷了，有點名過其實花卷更是比較遜色雖然外皮也是Q彈，但卻沒什麼味道...加進了蔥花火腿片也完全沒香味，就像加了一點點顏色的白饅頭一樣......

唐記蒸飯又大盒又平民價, 4大大盒食得飽又有質量既飯食, 係物價咁就高既香港黎講, 都算係咁。 今次買左盒章魚肉餅飯食, 打開個盒好香好香, 不過講左想要多鼓油, 但又唔多覺多左, d鼓油仲倒係塊肉餅上面, 好似好咸咁, 同埋d飯咪冇咩汁。。。 不過咁大塊肉餅又多餸飯既。 食落就覺得肉餅好足料, 但係但係d飯硬左d但係d飯硬左d 散左d，耐椰菜都冇味，好澇淡d，整體上一般。

同朋友係大埔等緊call 的又肚餓, 即刻去隔離既唐記買兩盒章魚肉餅飯食。 聞到已經好香喇, 食落d肉餅好夠味, 仲有好足料咖, 又多又大粒既章魚，有咬感，仲有馬蹄咬下，爽脆咁既感覺，口感幾好!! 而飯既軟硬度都適中!! 讚呀! 不過唯一唔好既就係豉油會加左係塊肉餅上面，就就有少少咸左d喇，但用黎餅飯都幾好既。

放左工趕住去預備其它活動, 就快手買個飯啦。 係唐記買左個章魚肉餅飯再加左份鮮竹卷。 拎到番去, 大概20分鐘後先開始食, 打開見到d鼓油竟然大部份都係塊肉餅度, 真係無奈左, 明明肉餅都夠味, 點解仲要加係上面 唯有每啖飯都加舊肉餅黎食啦, 唔係就唔食飯又冇味, 淨食肉餅又太咸!

是日, 不知為何, 完全沒有任何意識外出做任何的東西. 本想煮個麵仔食下的, 當我正在找公仔麵時, 突然收到太太的來電, 問我要唔要食野. 因為她疹唐記門口. 既然有溫暖的送飯, 咁我當時也窩心的接收. 繼續在家邊寫作, 邊等娘子回來.在大埔, 要係排骨飯界立足, 並非一件客易的事. 因為好食的, 實在太多了. 不過, 唐記, 以大埔墟這個競爭最為激烈的地方也能成為一間人龍店, 也的確是有水準. 而且, 做到可以係同區開多一間分店. 唐記呢一個招牌, 是認真的有實力. 而我今天食的這一盒, 就是在大埔廣場分店製作的. 豉油汁甜, 排骨也夠好肉. 唐記的排骨飯有一樣野好, 就係有返幾片菜你食. 不過, 雖是好好夠味道, 但相比起來, 這個也未算大埔最好, 因為飯粒, 可能浸得過腍. 總覺得硬身少少會好一點. 充滿愛心的排骨飯, 味雖是一般, 但這只限於大埔區內. 離開了大埔, 唐記的飯, 始終是實力派的.

大埔開咗唐記，估唔到佢有即煎餃子。$12有3隻。三隻餃都幾大隻，個兜吱咗辣椒醬，再放三隻餃上去。餃子皮薄，但唔係煎到脆嗰隻，似日式加水煎嗰d餃。餡料包得滿滿的，好多肉好多菜，有一、兩粒肥肉。味道調得剛好，不會太咸。不錯！下次會再買！