唐記包點 (港鐵大埔墟站)

營業中

休息中

還記得唐記包點是在大埔起家的，期後數年，愈開愈多。今時今日已有接近30間分店了！以前吃早餐，大多會選擇美心麵包，因為火車站必定會有，而且選擇多，味道也不錯；但吃得多，還是會厭的！今天早上路過唐記，驟眼看也不錯的，好吧！試一個吧！這一間是位於火車站旁的，交通非常方便！一出閘拐個彎，便到了！售賣的包點款式不少，有叉燒包，菜肉包，豆沙包等，有咸有甜，應該總有一樣會適合的！另外價錢是貼地的，幾塊錢一個；無論大朋友還是小朋友，我想應該也能負擔的！附了包外，其實唐記還有蒸飯的！屋企人說好吃，但我還未有機會試哩，所以未能評價！或許...我還是說說我買的菜肉包好了！哈哈包的份量不是很大，女士剛剛好，但男友們可能要兩個才夠了！餡料不算很多，皮較厚，味道...只屬一般...唯一最可取的，應該是熱騰騰的感覺！這一下感覺真的是屈機！間中吃一兩個還是可以的！

可能中午一餐根本未夠飽，放工順道買盒飯反屋企充飢。鳳爪排骨飯其實份量亦不見得多，排骨有四五塊，醃到只有豆豉味，鳳爪不會甩皮甩骨，喜歡啜骨的朋友，相信可以接受，飯底是粒顆分明，加點豉油幾惹味。雞札多年來不離不棄的點心，但越來越覺得不值，以往的魚肚變成豬皮，火腿條變成芋頭，淮山變成腐皮，冬菇又不見了，也許只徒回憶。如果要求不高，但求一餐溫飽的，還是可以。

最近的早餐首選。位於火車站出口處，常常排長龍。 高纖的蕃薯包和香芋包，不會死甜，蕃薯包有一絲絲的纖維，餡料貨真價實。 香菇雞包裡面有雞肉、木耳、菜、冬菇，雞肉滑身，木耳爽甜。三款包都是近日常吃的，6.5元一個。

由於諗唔到去邊度食晚飯，所以今晚我們喺大埔墟站嘅「唐記包點」買咗點心外賣返屋企食！我們叫咗煎蛋牛肉餅飯、北菇滑鷄飯、鳳爪排骨飯、糯米鷄、山竹牛肉球、鷄扎同鵪鶉蛋燒賣！煎蛋牛肉餅飯嘅牛肉餅嘅肉質不過不失，但最令我驚訝嘅係煎蛋竟然消息咗！糯米鷄非常足料，糯米亦好煙韌彈牙！鳳爪排骨飯嘅鳳爪好腍好入味！鷄扎入面嘅鷄肉幾嫩滑，豬皮亦幾腍，豬肚唔會好韌！

向來返工前都會在唐記買個包便返工，一向對唐記既感覺係好多人光顧，要排隊，都算快，食物品質有保證。 是日屋企冇飯，買了包點，糯米雞同鳯爪排骨飯，因唔係即食，理所當然地豉油另上，因擔心不夠味故要求多一盒豉油，點知冷冷一句公司規矩得一盒豉油，你想要豉油就幫你淋上去......大佬，買左幾十蚊野多一盒豉油都要咁計較，我亦明白如公司規矩如此阿姐亦不便打破。頓時心諗ok, u win，但食左咁多年飯，食物品質同價錢既性價比係點我點會冇考量呢，只可以話唐記在我心中形象降低了.....