唐記包點 (新文華中心)

營業中

休息中

我係唐記FANS~~~因為真係好好抵食個飯都大碗先$25 特別係鳳爪排骨飯 份量多 抵食！ 當然 包就更加唔洗講! 香芋包＄7.5 番薯包$7.5  叉燒包＄7.5 黑芝麻蓉包＄7.5 菜肉包$7.5唔係得個包 係真係有好大舊!!! 好足料！D包未打開就已經勁香！以前最喜愛香芋包~呢家覺得黑芝麻蓉包都好好食!仲有好多小食架!燒賣 腸粉 粉果 etc...抵佢甘多人買!!!!!!!!!!!!!!!!!!!!!!!!!!!!!!

今日放工攰攰地冇咩胃口唔想煮飯又唔想出街食，經過尖東站唐包點，見到推廣海鹽檸檬柚子蜜，即刻覺得好啱而家濕濕悶悶嘅天氣，順便買埋個簡單晚餐回家。試咗佢嘅特色客飯咖喱雞飯$29，份量剛剛好，咖喱唔太辣但又幾惹味👍🏻👍🏻買咗章魚肉餅飯$27俾老公，肉餅都幾足料，老公話配埋佢嘅蒸飯豉油好開胃，唔錯😌另外買咗個雞扎$18當係加餸，又估唔到個雞扎攞到返屋企都仲幾好食，腐皮夠新鮮，芋頭夠晒粉😍海鹽檸檬柚子蜜，酸酸地甜甜地又少少鹹鹹地，都幾特別幾開胃，只係$8好抵飲最後買買兩個包做早餐，叉燒包紅豆包（各$7.5）叉燒包有叉燒係好正常紅豆包又真係有紅豆😆紅豆包真係值得一讚，一打開包裝已經聞到香噴噴嘅紅豆味，食落紅豆蓉好似起沙嘅紅豆沙，同個包好夾，值得encore👏🏻👏🏻👏🏻本來冇期望嘅晚餐又變得幾滿意，既方便又健康，價錢平但又可以食到唔同種類嘅嘢食，難怪佢唐包點越開越多分店，最啱鍾意食點心但又冇時間去酒樓飲茶嘅香港人👍🏻

今晚見到唐記出左新野 ，不禁走去睇下試下。唐記真係好受歡迎，人好多， 店員手腳好快，好快排到好，難得既係做左咁耐店員都依然笑容滿面，見到佢地對前面猶豫不定既遊客都好耐心咁推介，呢種態度真係買小見小。 最後買左糯米飯同腸粉、買多個包聽朝做早餐。再欣賞一次，雖然佢地忙，但見到我拎環保盒出黎果刻，都係無黑我面，仲問邊樣想放邊度，好有耐性。 糯米飯好特別，飯粒同用料都較細，好岩我呢種唔多鍾意慢慢咀嚼既人，同埋料切到同飯粒差不多大細，好香，好似食炒飯咁。用料都好多，啖啖臘味味。腸粉較為硬身，但醬料無得輸，好鍾意佢既鼓油，個甜度剛好，配上腸粉，恰到好處。馬拉糕好鬆軟，滿有水份，唔同外面有些食到成口乾晒，呢個食完一啖想繼續追食。叉燒包好多肉，啖啖肉，但唔會太多肥膏，個汁甜度好岩我口味，仲有幾粒芝麻，增加香既味道。 菜肉包，菜肉比例合宜，不過都係果句唐記既包既皮係好有水份，食落唔會成口粉。

呢日放學就黎買左唐記包點，想食點心之餘又想買返去慢慢嘆見佢新推出左個臘味糯米飯，就忍唔住點左啦！糯米飯好香，顏色都幾靚，不過有少少黏牙，入面有d臘肉粒同好似有d菇，不得不提，加左花生之後令到成個飯更香口之後叫左個燒賣，平時去酒樓一定要點燒賣，黎到呢到緊係要叫個返去食，當然佢唔會有平是酒樓食到既咁大粒，但咬落去會覺得幾足料，d蝦都幾大粒，我都幾滿意我仲叫左個菜肉包，個包好大個，聞落去勁香軟，係麵包既甜香味，將個包分開一半，肉香味即刻出哂黎，仲會見到入面到底料有幾足，好鐘意個包，包就又白又甜，肉就夠香最後因為懶，買定多個鳳瓜排骨飯返去做既餐，佢本身都好香，估唔到叮返熱更香！鳳瓜又軟，排骨又幾多肉，撈飯一流！好想特別讚一下呢到既員工，講野好溫柔，又好好禮貌，好難得有點餐員工比我既觀感咁好

唐記包點平時蒸包就食得多，今次試下佢d點心🥧 （平均$15-20）為屋企加餸😚。不過6點到來，有d野開始賣哂（如䓤油餅和牛肉餅都冇了）。外賣🥡返屋企仲係熱的，加餸一流✌🏻。點了雞扎，鵪鶉蛋燒賣，金錢肚，鮮竹卷，鳳爪同$15/3個煎包🥪。點心份量好足，尤其雞扎同鮮竹卷好鐘意佢d腐皮。金錢肚都有腐皮索汁。媽咪就最鐘意鳳爪，有小小辣椒🌶️，幾好食。不過煎包方便就有點太油了😢下次都係點返蒸包好點。

今日上班特別忙, 所以我也沒辦法, 去了無論任何時間都人潮湧湧的唐記買幾份餐跟同事SHARE這個CP值真的很高呢, 我跟2個同事買了90幾元的東西, 我們都已經很飽了!包包每個$7.5, 3個$15, 但SIZE超誇張, 叉燒包是超巨型, 應該比外面的叉燒包大上一半吧? 肉量也很多同樣超大的奶皇包超多餡! 叫3個的話應該, 一餐已經足夠了吧?要留意一下, 菜脯肉包是煎包, SIZE比較細, 但同樣很多肉, 也比蒸包惹味很多!這個飯有超厚牛肉餅, 煎蛋跟超多白飯, 才$26!

唐包點門口成日都係排長龍買點心，見鳳爪排骨飯都係廿零蚊，又未食晚飯嘅我就買返屋企食、份量都幾多！分量多之餘味道都幾好食如果油塘食嘅話就更加好再叫埋雞扎同鮮竹卷都係70 蚊都唔洗，好抵唔一定要去茶樓飲茶食點心買返屋企都一樣😋😋😋

怎麼在需要外出工作的日子天氣才轉冷...冷的時候總想抱著一些熱騰騰的食物！經過中式包點店，便買一些小食暖暖身！腸粉我點了一份腸粉。腸粉質地算細滑，配上美味的甜醬及麻醬，真的使人十分滿足！砵仔糕當然，我不會忘記我的團隊，所以我買了一些砵仔糕帶回去給他們。砵仔糕紅豆份量多極了，密密麻麻的。雖說砵仔糕𥚃頭完全沒有紅豆，但外層的紅豆量已足夠驚人了！整體來說，中式糕點抵食又好味，所以日後我一定會定時光顧！

有人流就有唐記包點嘅存在，$26一盒飯對現今社會絕對稱得上價廉物美，早餐/小點仲有多款包點/點心作選擇，有饀包點都好食過空氣包，有飽肚感得黎，抵食係重點！今日lunch又食唐記，今次孖埋同事落去賣外賣，實行兩飯兩點心share食。點知出左新產品，又有糯米飯又腸粉小食，仲有砵仔糕生煎包...想試下糯米飯啦，可惜賣晒~ 唯有轉北菇滑雞飯同咸魚肉餅飯原來都有好多雞，仲真係嫩滑 ; 而咸魚肉餅夠香之餘仲有馬蹄嘅清甜同咬口點心方面就有好熟悉嘅鳯爪同山竹牛肉雖然試唔到個糯米飯，但都叫左兩款新產品試下紅豆砵仔糕同生煎蔬菜包

平時經過見到好多人排隊買係咩驅使你會食唐記？係平而且分量多 多款又算高質😍-煎牛肉包($5.5)個包好好食有菜脯🤤🤤🤤-煎菜肉包（$5.5）菜肉包 基本上都會叫好足料!!咁大個 食兩個都飽😂-鳳爪排骨蒸飯（$26）啲飯軟硬適中味道又fit☺❤最重要係啲排骨 唔太肥又唔會淨係得骨!-唐記咁多人排隊唔係冇道理💪🏻 1個飯+1個包 已經好飽!留意番! 間間分店價錢唔同架~ --📍唐記（尖沙咀新文華中心店）

依家出街食個飯都要四、五十蚊幸好有唐記，$25有個飯。唔好話，$25個飯都好足料，份量足夠，仲有菜添所以中午都吸引唔少人排隊黎買。今晚經過順路買個飯醫醫肚，但打開個飯發生咩事？？我朋友仲笑咁似人類好友食個啲可能個男同事忙，但應該都唔忙過午市吧？還好我睇住佢整，如果咪我應該唔敢食😂之前見呢個男同事成日收錢打哈欠，估唔到整飯都咁求其😂😂應該只係個別問題其實整體不錯的呢個市道仲有呢個價一盒飯良心企業

在尖東完成工作後，就感到很肚餓。又要留肚晚餐，不想食得太多。看到這家蒸包專門店，買一隻包，份量就剛剛好。　電子餐牌顯示，心中首選香菇雞肉包已售罄，唯有改為買次選的菜肉包。盛惠七個大洋，好抵。熱辣辣的菜肉包，隔著膠袋都感到那熱力。要等稍等一下才可享用。打開膠袋，撕走包包紙，鬆軟的包身，帶著微微的甜味，正呀！　中間菜肉餡，就留在最後品嚐。不過這個肉餡，真係肉多菜少，嚐不到菜的質感，反而似平時火鍋的肉丸。只需七蚊，又完成一個快捷又價廉物美的下午茶了！