唐記包點 (華園閣)

營業中

休息中

平日要返工返學，無咩機會可以飲早茶，放工後亦唔係一個食點心既適當時間😂所以唐記絕對係一個方便想食點心既忙碌一族的偉大發明🤣。佢價錢尚算平民，食物味道又幾好，平時返工返學都會去買個包同點心做早餐，所以今日都唔例外！發覺花園街呢間店舖食物價錢比其他分店低，好抵食！ 自己好鐘意食佢既蒸飯，尤其是鳳爪排骨飯，又平又好味，不過今日早上竟然賣晒😔所以試《咸蛋肉餅飯》$20肉餅好林，唔會好多肥肉👍🏻而且好有咸香，配埋豉油飯一齊食，好好味👍🏻《燒賣》$15大大粒，食落爽口有彈性，不過略嫌有啲咸。 《鮮竹卷》$15足料多汁，入面有好多蔬菜同埋木耳，口感好爽脆，配上腐皮十分惹味！ 《雞扎》$15好大件，好足料！雞肉夠嫩，好鐘意入面舊芋頭，粉粉綿綿索晒汁，十分惹味！《山竹牛肉》$15有三大粒，食落爽口有好多馬蹄粒，足料👍🏻 《香煎菜肉包》$15/3隻唔油膩，表面煎至焦脆，好香，不錯👍🏻

今晚屋企無飯開，唯有我落街買外賣。想簡簡單單食個蒸飯同點心，諗都唔洗諗就去唐記。唐記有好多間分店，總有一間在左近，可以隨時隨地食到點心蒸飯，非常方便。北菇蒸雞飯既雞肉非常滑，白飯亦蒸到恰到好處，唔會好乾，好有雞油味，再配以甜豉油，非常好味。加$8仲可以有兩條臘腸加餸。鹹蛋蒸肉餅飯嘅肉餅好厚，絕無欺場。鹹蛋黃雖然唔係原隻，但係唔似出邊其他鋪用鹹蛋乾，呢塊金沙肉餅送飯一流。鵪春旦燒賣唔係好多地方有得食。估唔到唐記將呢個傳統同差D失傳嘅點心變成隨時都可以食。雖然鵪鶉蛋嘅膽固醇好高，但係鵪鶉蛋既蛋味好香，配以燒賣實在太好味呀。鮮竹卷，唔會太鹹，腐皮仲有少少咬口，雖然蒸左好耐，都唔會太冧。以呢個價錢來講，抵食過好多酒樓，又唔使加一，就可以隨時隨地就食到點心，真係非常之方便。

唐記包點既氣味真係無法抵擋，呢日行經旺角又俾佢引到～當然要食我最愛既牛肉球最欣賞佢大大粒，肉質鬆軟又夠味，馬蹄份量岩岩好，爽口得黎唔會過多。呢排食得少菜就嗌左個蔬菜香菇包，果然餡料充足，好多木耳同椰菜，健康又飽肚。仲出左砵仔糕添呀～～～睇相都知多紅豆，啖啖都食到紅豆既甜香，唔會得糕咁膩豆漿口感好滑，有芝麻香，最重要係飲起黎唔甜最怕好死甜既豆漿。平價好食又多選擇，難怪間間都要排隊買，果然係包點店中之王呀

要方便但又不想頹食，我認為蒸飯是一個不錯的選擇。原本只打算要一個蒸飯，但來到花園街店，看到買蒸飯可以平$3的優惠價加配點心。我見未試過，就要了一個鳳爪排骨飯，加配一個燒賣，加少少豉油。打開外賣盒，食物差不多擠滿飯盒，十分豐富。排骨不是一粒粒只有雪藏味沒有肉味，而是明顯有排骨肉味的。鳳爪很淋很容易食。至於燒賣就有驚喜了。大大粒，肉很多很結實，所以食完都幾飽。雖然這盒飯都有幾多肉，幸好燒賣下面也有些椰菜，健康少少。茶樓食品不一定要特意去飲茶，是方便但不頹食之選！

香港好少中式包點店，而唐記嘅包真係做得幾出色，由以前嘅$5一個包，加到依家$7.5，但質素上都算keep到。自己最鐘情係唐記既香芋包。呢個包食過無數次，芋泥餡嘅味道好天然，而且十分綿密，甜度岩岩好，食落覺得好健康重點係餡料都算幾多，幾乎每一啖都食到芋泥，感到好幸福而麵包都好鬆軟，又唔乾，所以佢係我最愛既包不過淨係食一個包又唔夠飽喎，所以就睇下有冇其他嘢可以食啦！最後決定試下佢個煎鍋貼🥟🥟🥟！鍋貼表面煎至金黃色😍但因為凍左，塊皮食落唔脆同埋無禁香，不過就硬硬地韌韌地咁好有咬口，個人好鐘意💞鍋貼皮薄，有少少通透，個餡肉同菜既平例平均，食晒三隻都唔會好濟，食落唔乾有肉汁，我諗整返熱食會更好❤️ 由於隔離有個勁敵對手《包大人》，呢間分店既包比其他分店平$1/$1.5，$15/3 個包，係抵食啲，同埋我覺得好味過包大人👍🏻

平時想食點心，多數要去酒樓，宜家好多細細間食點心的餐廳，有的堂食，有的外賣。其中我覺得唐記D點心比較穩陣。今次買左個外賣飯盒：鳳爪排骨飯 $20乾蒸燒賣 $15鳳爪排骨飯非常抵食，而且味道好，鳳爪夠入味，夠唸，辣度啱啱好，排骨夠滑，夠香，還有D醬汁滲入個飯裡面，好好食。燒賣其實也不差，屬於中上水平，不過也不太出彩，正正常常，要贊的是它不肥，瘦肉居多。外賣點心確實提供了顧客另一些選擇，方便快捷，不不錯的。

見周圍開附左唐記包點，都想買去食下佢的包點同蒸飯，而且喜歡食蒸飯。鹹魚蒸肉餅，肉餅的份量會少過章魚肉餅飯的肉餅，由於多左件鹹魚，要慢慢食真D 鹹魚的味道，再加上醬料汁，令蒸飯料味提升左。

食過咁多間唐記雞飯，發現每間都唔太一樣，上次食過好味，但下次轉分店又可能會中伏。今次食旺角分店，唔知做咩個飯好乾身，明明係蒸飯都可以蒸到咁乾。不過個雞肉就juicy又大件，菜都唔會煮到無味，整體黎講不過不失啦。