影片
營業時間
今日營業
06:30 - 21:30
星期一至日
06:30 - 21:30
以上資料只供參考, 請與餐廳確認詳情
食家推介
我爸爸會選擇買外賣家常飯餸，咖喱牛筋腩飯$32係佢嘅最愛，$32係一個抗通脹價錢，鍾意食咖喱嘅爸爸經常買，佢話間間茶餐廳都有咖喱牛筋腩飯，雖然份量同味道都差不多，但係唐記最平，爸爸果然持家有道。佢嘅味道係正常嘅咖喱牛筋腩飯，唔係椰汁甜嗰隻咖喱，又唔係日式嗰隻咖喱，唔係超辣印度嗰隻咖喱，就係我哋香港食開有少少辣嗰隻咖喱飯🍛，味道對了！
繼續閱讀
我在「美孚新邨」「吉利徑」商店街光顧食店，享用下午茶期間，無意中發現到「唐記包點」最近也出現了，售賣近期大熱「兩餸飯」的分店。但是我也發現原來「美孚新邨」分店「唐記包點」的「兩餸飯」餸菜櫃檯裡面，竟然沒有「牛腩」，我只看到餸菜櫃檯裡面有「菜心炒牛肉」而已。於是我購買了「兩餸飯」，至於餸菜則選擇了「菜心炒牛肉」和「爆炒雞」。「菜心炒牛肉」餸菜那一欄裡面有大約五塊「牛肉」，「牛肉」實際口感不算韌，沒有夾雜任何的筋。但是有一點可以肯定的，是「菜心炒牛肉」裡面的，「牛肉」沒有很濃厚被油炒過的痕跡，「牛肉」的實際味道裡面，沒有夾雜來自食油的味道感覺。至於「菜心」口感新鮮程度，也都算是中上水平，唯一問題只是欠缺跟「牛肉」一起炒，吸收「牛肉」肉汁鮮甜味道，只有來自「鹽」鹹味的感覺而已。至於「爆炒雞」方面，「炒雞肉」的實際數量也不少，跟「菜心炒牛肉」都是差不多一樣。「爆炒雞」裡面的蔬菜是「西芹」，「西芹」沒有被明顯大火炒過，所以「西芹」實際口感仍然很爽脆。「雞肉」的口感軟嫩程度也跟「西芹」差不多，但是我有一點不是太肯定的，是「雞肉」的鮮甜味道，有沒有完全滲透進入「西芹」裡面。明明「唐記包點」也有製作和售賣「咖喱牛腩飯」，為什麼「美孚」分店偏偏不把「咖喱牛腩」放進「兩餸飯」餸菜櫃檯裡面？是否因為「兩餸飯」賣港幣三十八元，「咖喱牛腩飯」則賣港幣三十二元。難道因為有人想靠賣「咖喱牛腩飯」賺更多的金錢，所以把「牛腩」留給獨立發售的「咖喱牛腩飯」，「兩餸飯」裡面就只有「菜心炒牛肉」？既然「唐記包點」「兩餸飯」餸菜食品裡面，已經肯定沒有「牛腩」，下次我或許也不會再光顧購買「唐記包點」裡面的「兩餸飯」食品了。
繼續閱讀
之前，曾寫過一篇美孚港鐵站內「唐包點」嘅蒸飯，而同區晌近街市一邊，亦有間地鋪嘅「唐記包點」，我老婆喺佢支持者，不時都會幫襯，因為，只有佢有「蔬菜香菇包」（相反，「唐包點」奇怪地喺無呢款素包）。呢晚，又買咗兩個包嚟過過口癮。唔使多介紹，相信大家都知佢哋主打買中式蒸包，的確，包款非常之多，而且，素包選擇亦都多，加上定價相宜，所以，不時都見到人龍。老婆最心水喺佢哋嘅「蔬菜香菇包」、「蕃薯包」、「香芋包」，而小弟今次就揀咗款肉餡包。沙嗲牛肉包 $7.5「唐記」嘅沙嗲牛肉就唔似得平常晌茶記所食嘅沙嗲牛肉，蒸包裡面嘅牛肉喺成球肉餅咁，份量十足，食落有啲似「山竹牛肉」嘅質感，但口感都喺實淨咗少少，沙嗲味就唔算好突出。始終佢哋做開蒸包，所以，包身不俗，夠鬆軟。蔬菜香菇包 $7.5老婆食飲偏素，所以，呢款素包佢經常食，可以講喺佢嘅精心選擇。相對我啲牛肉，啲蔬菜香菇就少餡咗啲，老實講，跟官方嘅食物相真喺差好遠。因為唔喺單純得啲菇，加入唔少蔬菜絲入內，故此，味道真喺比較喺清。我自己嚟講，兩款包都喺第一次食，整體觀感都喺麻麻，都喺蕃薯包最啱我。
繼續閱讀
一路都係唐記包點嘅粉絲🤩原因係佢嘅包點又平又大又好食🥰尤其係紅豆包同蕃薯包💯知道佢最近出咗阿華田麻糬包，聽個名都好吸引🤤呢款包係每日限量，今日十二點幾去到都仲有得買👏拎住個包，即刻聞到陣陣嘅阿華田味😍咬咗兩啖，即刻見到大大舊嘅麻糬☺️由於係即買即食嘅關係，仲係熱辣辣，麻糬能夠保持著非常煙韌嘅口感😇咬多咬，就食到流心嘅阿華田饀🥳但係要注意嘅係佢嘅流心程度係十級😂好容易會滴到周圍都係，食嘅時候要小心啲🙈
繼續閱讀
夜晚晚想食蒸飯同點心，會第1時間諗起唐記，外賣返去睇住電視食一盅兩件，真係一流。佢地每日都有一款特價蒸飯，22蚊一盅非常抵食，今日係北菇雞飯，緊係要買黎食吓啦。雖然係特價，但份量都唔少，成盒滿晒。蒸飯最緊要係落鼓油，佢地個蒸飯鼓油勁好味，而雞件都好嫩滑，仲有配菜跟埋，一d都冇嗎夫。我仲試埋佢新出嘅豬軟骨飯，飯同餸分開上，唔使d汁滲晒落d飯果度，豬軟骨炆得好入味好淋，d汁好濃郁，最啱攞黎撈飯食，非常好食惹味。叫咗款懷舊點心鵪鶉蛋燒賣，而家好少地方有得食，一碟3大粒，都非常足料，燒賣d豬肉都好有口感，仲大大粒鵪鶉蛋喺燒賣上面，好好食。蔥油餅-煎得好香脆，有大量蔥花，d蔥好香好惹味，買果時熱辣辣，好好食，15蚊有3件好抵食。佢地有新出品就係阿華田奶茶同流心阿華田包，啱晒小朋友食，個包咬開d阿華田醬流晒出黎，有好濃嘅阿華田味醬，個包唔係普通白色果d中式包，佢係有阿華田味，呢個包好有特色。而阿華田奶茶都幾好飲，估唔到阿華田同奶茶都好match,好好飲。
繼續閱讀