唐記包點 (港鐵觀塘站)

營業中

休息中

最近挺喜歡他們的蒸包，選擇多，作為早餐方便，出入地鐵站就能買到，而且價錢便宜挺飽肚的。黑麻蓉包：黑芝麻味濃郁，餡料有飽滿的麻蓉，而包本身亦帶黑芝麻香及甜甜的。麥皮饅頭：饅頭大大個，很飽肚，甜甜的，表皮有些麥皮，不過入面與普通白饅頭無差，如果有多些麥皮粒那就更好。秘製金錢肚：之前未試過他們這類型的點心，一直感覺一般般，加上很怕過度濃稠的醬汁。驚喜地金錢肚仍然保持爽口彈口，不會太腍。還有這個買三個包的優惠，可以買幾個回家自己蒸熱吃，不過那天剛好售罄了，不然很划算。

上星期有晚做野做到9點先走得，放工經過地鐵站，見到唐記仲未收，就行左上前睇下有咩食！！其實個日5點鐘左右外賣左個焗豬茶餐食，所以都唔算好餓既xpp但到左收工呢個鐘數又口痕痕咁想食啲野.....見到砵仔糕$7.5得返最後一個，為食既我即刻要左即時食xpp之後再買左之前食完覺得質素唔錯既 秘製金錢肚$18，三個蒸包同一枝原味豆漿（睇下屋企兩老食唔食）~~~返到去換好衫又開餐，金錢肚同上次食既都一樣，好入味，而且唔乾唔韌：）份量都唔會話好少，都有成六至八塊金錢肚：)仲有三四舊索晒d汁既蘿白條，正！！！跟住媽子話要訓教唔食，老爸就食左個叉燒包!我就食左我一直寵愛既香芋包，仲倒左杯豆漿黎飲添=]]]而個馬拉糕同個剩低個半枝豆漿就成為我第二朝既早餐laaaaa~~~

今日又同同事去唐記買外賣。地鐵站入面既唐記成日香噴噴好吸引，今次就選擇去呢度。最鍾意呢度啲蒸飯，有菜有肉又走汁，健康飲食之選。今日就買左熱辣辣又大大盒既章魚肉餅飯（$27）。同事覺得蒸飯唔夠，要埋夠曬足料既糯米雞（$27），同埋兩大個包（$7.5/個）。點心叫左豉椒鳳爪（$18）。甜品有紅豆砵仔糕（$7.5)。平平地又搞掂一餐，有齊蔬菜、肉類、澱粉質，好食又健康。唔怪得知中午時間呢度咁多人排隊啦。

唐記包點分店越開越多，特別是地鐵站站內經常都會發現有一間，我也是其中一個忠實粉絲。最重要是蒸包的店舖選擇比較少，街上主要都是西式麵包類型，而且唐記包點質素也很不錯。當然價錢也是會每年加價，由以前我用$5買一個包，現在已經要$7.5當然，這個價錢比其他麵包或其他食物也不算貴，但按加價幅度來說其實也不少！我最愛吃香菇雞包，感覺口感比較好而且沒有草青味，吃完也不會感到太口乾！大啖咬一口，雖然麵包內的餡料不算多，但也沒有越來越少，可以一啖包一啖肉，最適合用來做早餐！

每次返工前都去買個包做下早餐，我最常叫既就係呢個「香芋包」$7，一個對我黎講已經夠哂飽肚喇，香芋餡濃郁又超有口感的，麵包軟熟又Q彈，加埋枝香滑豆漿，早餐夠哂飽！

今朝一早起身去補習 經過地鐵站見到唐記 個肚又開始打鼓 於是就叫左個香芋包🤤🤤🤤🤤 個包拎上去手比想像重同大個 個包紫紫地色 咬一啖食到少少芋頭餡 個包同餡都吾會好甜 感覺啱啱好😍😍😍 而且仲熱辣辣 食完一個都已經飽飽地 係一個早餐不錯的選擇😝😝😝😝但略嫌價錢有d貴 要8蚊一個 試到見到其他分店賣5蚊咋🤔🤔🤔推薦:⭐️⭐️⭐️⭐️

通常我做完運動後都不會吃太多東西，一來是時間太晚，二來通常都會覺得沒胃口，但不吃的話，到午夜就會肚子打鼓，所以通常也會買一個包點來撐一下肚子。是晚很多包也售光所以沒太多選擇，可幸的是他們還有白饅頭和麥皮饅頭賣。我最後選了吃麥皮饅頭（$5)，感覺比較健康！這些包點舖的包是一值蒸著，所以很熱騰騰和鬆軟～小時候一定要加煉奶才能吃，現在已經可以不加任何東西來吃了～另外我最喜歡的便是吃他們家的砵仔糕～勝在質素不錯和方便～

真心覺得唔錯，26蚊有飯有餸又有菜，質素唔太差，仲想點🤔買個陣呀姐會主動問要唔要加豉油。梗係加啦，蒸飯最緊要就係啲豉油😂今日過左lunch 時間先買，但開頭眼見都有成2x人等梗，唔係講笑，平時頂盡都係10個左右。但呀姐們手腳好快，由我落單到拎到走人都唔使3分鐘👍🏻好有效率。一打開已經聞到肉餅香👍🏻肉餅下有小量菜，個肉餅成個5毫子咁厚㗎👍🏻而且入面有唔少馬蹄粒粒，咬落爽甜，又唔會太油👍🏻可能肚餓關係好快食完，好滿足，充電完，奴才又係時後做野喇🤑

菜肉包及叉燒包，我的最愛，包子大小適中，熱辣辣好好味，一定會先食菜肉包，後食叉燒包，純粹個人喜好，因為先淡味後濃味，感覺口味比較配合叉燒包有芝麻做記認，其實佢地包子底紙都寫左，仲要唔同顏色，好容易分，我食叉燒包好怕食到一塊塊肥膏，但唐記既叉燒包係啖啖叉燒，無咩肥膏，叉燒醬比較濃味，食落味道帶甜，好好食菜肉包，是最多人買既口味，包子鬆軟，餡料大大粒，菜又夠爽口，肉又夠鮮味，整體十分好味，推介🤩🤩🤤

真系佩服唐記包點，做包點做到全港各地方都有他的分店，而且款式越來越多，連飯市都做埋，依架我的同事，早上買早餐兼買埋午餐，午餐時間到就到微波翻熱下就0k，又真系几方便。而我呢就钟情于他的包包，菜肉包、芋頭包奶黃包、榨菜包、义燒包、糯米卷、雞包⋯全部都食過，而我最愛還是菜肉包，因為我是當早餐吃的，早上最想吃些咸咸地味道，而菜肉包正合我心意，份量剛好，包皮松軟咬下去，內里是个大椰菜肉丸，鮮味十足，肉多過菜，還保留肉汁，又熱又好味菜肉包加一盒鈣思寶就是我每天的早餐。

好耐都冇食過佢個菜肉包，正正放工又見有D肚餓，所以同同事一人叫左個包吃。黍襯唐記我都必叫佢個菜肉包，所以今次都唔例外，至於同事就鍾情唐記個香芋包。食蒸包最緊要個溫度。一攞到手個包都好熱辣辣，咬落去仲有熱蒸氣，由於溫度夠熱所以個豬肉餡料都熱辣辣，超正！呢間唐記個菜肉比例唔錯，肉多過菜，而菜亦唔會砌得過份碎，所以食落去會食到大啖大啖菜，咬到椰菜，仲有水份，唔錯唔錯！而且個蒸飽蒸得脹卜卜，食落口都好鬆軟。

每星期都要食唐記嘅我 終於試到新包了 一直以嚟聽到評語好好 忍不住去試Size比菜肉包饅頭果啲包細啲 聞到有微微芝麻香 忍唔住趁熱食 咬咗一啖已經見到裡面嘅芝麻蓉餡 口感一流！成個包餡料好足 加上係麻蓉 令成個包口感豐富咗 而且裡面好多餡 餡又好香芝麻味 絕對值得一試 加上價錢又唔貴！不過食一個都已經好飽 因為個餡都有啲濟 所以咪睇佢細細個咁 絕不能輕視！

又係唐記，今次揀左山竹牛肉球，同埋雞扎。山竹牛肉球係店舖推薦的一項，出面既牛肉球係有啲馬蒂，莞茜，而呢個就無莞茜，如果你係中意走青，都不防可以試一下，當然我中意食青，就會覺得有啲美中不足，但味道不錯，但略嫌啲牛肉唔夠彈，價錢為17蚊。另一款係雞扎，同一般雞扎用既材料有啲唔同，呢度用左豬肚，豬皮，芋頭，雞肉，用腐竹包住，食落味道同出面差唔多。出面食完點心，通常會口渴，呢度就無，同埋因爲我買完都無即刻食，所以影出黎都已經無咁靚。建議大家提倡環保，減少分開裝，如果店舖可以唔用發泡膠盒就好喇！！！

對於一個繁忙既打工仔，晚飯都無乜時間食，所以不免會搵啲又快又食得落肚既食物，唔通快就一定要食麵包？No..No..No...快都可以食飯！今次叫左個排骨飯，味道好過叮叮！又有幾條菜，咁趕既我，對呢盒飯只存在感謝，15分鐘就食飽，當然如果啲排骨可以再多啲就好喇！豉油可以購買果陣同收銀講，唔講都會問你！買完要企係黃線後面等，試過企左入去，啲姐姐會有禮貌叫你企返出去，其本上呢間舖真係好方便我，所以會繼續幫襯(之前食過鳯爪排骨，味道正常，不過感覺無乜餸咁)

呢排成日食西式麵包！！覺得有D悶！！今日想轉吓口味食個菜肉包！！通常西式麵包都係凍冰冰的！！除非新鮮出爐！！但好難遇到囉！！於是今日去左唐記包點！！望吓望吓！！買個菜肉包先！！嘩！！熱辣辣㗎！！足足有3吋×3吋大！！肉質爽，有咬口！！不會淋滋滋！！而且多菜！！所以不會太漏！！味道則剛剛好！！一個飽晒！！