唐記包點 (機場一號客運大樓)

營業中

休息中

啱啱落機，唔知食乜。機場啲餐廳都好鬼貴，而家香港啲服務態度又差，真係冇興趣食啲乜! 周圍行下，遺留咗呢間唐記，性價比高，又可以食啲香港嘢! 一於幫襯! 點咗個咖喱雞飯辣到飛起，淨系得個辣字咖喱就冇乜味! 大熱天時，諗住點返個凍甜品食，點知好多甜品都冇凍! 唯有點只得一款揀嘅雪耳糖水，價錢唔貴，好似22蚊，但係品質都一般，料都幾足嘅其實。只係個糖水好傑。飯一個膠袋，甜品一個膠袋，真係好唔環保。我話唔要甜品膠袋，收銀就同我講，話熱飯一個膠袋、凍甜品一個，唔想一個凍一個熱放埋一齊。佢係講得啱，但係態度語氣可以好少少。加上，其實佢都唔使咁多解釋，幫我收翻個膠袋咪得囉。喺機場工作，俾多啲笑容，係好緊要

好耐冇嚟機場， 行到接機大堂盡頭見到個大屏幕幾吸睛， 設有座位和小枱，感覺幾舒服。 原來旁邊有小食店，其中一間就係唐記包點。立即睇下有乜嘢食 基本上同其他分店差唔多 但就有個“小食拼盤”幾吸引， 包括腸粉、蛋魚、燒賣、魚蛋粉果等等， 仲有齊豉油甜醬麻醬辣醬，＄33機場算合理。立即買返個試下，味道不錯醬料充足 ，份量畀我想像中多， 真係可以食得飽， 旁邊座椅舒適， 冇諗過喺香港機場都可以食到呢啲香港小食 ，感覺幾特別 ，下次到機場大家可以試下。我就自己買多支黑芝麻豆漿， 喜歡佢不太甜，滿足。

香港國際機場內餐廳一般都偏多為中高價位，除左麥記外都無太多選擇，對於經常出行嘅我，比較在意澱粉質及蛋白質的份量。而呢間係香港機場入面算係抵食嘅外賣店，份量及價錢黎講性價比好高，可以話機場最平食店都唔過份。今次買左個北菇滑雞飯，姐姐會問要不要配菜及鼓油，除左有蒸飯選擇外，蒸包及點心類的款式都跟市區分店相約。可惜不設堂食，但買完可以在對出公眾休息區享用，如果想用實惠價錢係香港機場揀快餐的話，呢間係填肚首選👍

喺唐記包點機場店買嘢食，完全係受罪，服務態度勁差，點餐時已經好似全世界得罪咗佢咁，其實唔想做可以唔做，真係以後都唔會再幫襯。完全唔敢想像如果係旅客比佢咁既態度對待會點諗香港，影衰哂香港。