唷溫體牛火鍋

營業中

休息中

8月25日同朋友收工返到旺角想即興打邊爐，間間都無位，見唷溫體牛有位就諗住試下，入到去有2檯客，一開始都無乜野，坐低先睇餐牌：叫得溫體牛，都預左肉嘅價錢貴少少，貪佢有唔同部位揀，質素suppose好啲，我地就叫左圖中✅左嘅食物。當時係晚上19:45好喇，等左25分鐘，我連煲湯都未見到，大佬收工真係好餓，催左3次，姐姐不停話整緊喇整緊喇，等到20:15，足足45分鐘，我先等到煲湯，個心已經好燥，比大家望下個湯：好，我等左45分鐘，就係呢煲野，我真係好餓，就唔理佢諗住食，點知呢個煲設計到得個冬瓜中間先會滾，周圍係唔會滾，個姐姐又無問我地，將啲生雞倒左去冬瓜出面煮，結果？結果我去到9點幾，我都未放到一舊飽野落肚！最後真係太嬲，我地叫店員拎走個冬瓜，我只求打邊爐有野食，點知個湯煲極都唔滾，我真係好燥……當時時間係20:45我係19:30坐低，19:45落完單，我坐左1個鐘，都未真正食到野係呢1個鐘嘅等待過程，除左問店員到底我有飯食未，就環觀下間舖，店舖上菜咁慢，係咪爆滿？唔係，加埋我地，全場只有3檯客，後來再聽啲客講嘢，原來成間舖嘅客都係老闆朋友，全場超級嘈，飲完酒又大叫，又唱歌，好嘈好難聽，

朋友們臨時約食飯，就book咗呢間邊爐。入到去有一枱好多人嘅枱，鍾意熱鬧嘅會好開心，唔鍾意嘅會覺得過分熱鬧。由於好肚餓，都無時間再轉場⋯叫嘢食啦！呢到主打係牛，所以都係老老實實叫牛啦。因為餐牌上嘅小食⋯得返一款⋯再點一款海鮮⋯⋯又無⋯⋯湯底有啲似海底x的味道，但鍋底啲牛雜都食得吓嘅。其實係食得唔太開心⋯⋯唯一可以讚吓嘅係啲「牛類」唔錯，但要食牛火鍋太多比較，我再想食牛邊爐會諗起中環⋯我地4個人人頭食咗410，但唔飽都廢事再叫，轉場去食其他嘢佢啲牛係唔差嘅，但以一間火鍋店嚟講，食物及飲品都選擇太少，可能新開張，預食材要小心掛⋯

今晚約咗班friend 去打邊爐，因為大家年紀都有番咁上下，食量已比後生時細咗好多，所以要珍惜胃嘅quota，儘量搵D好嘢食。呢間店嘅材料非常新鮮，環境氣氛一流：連隔離枱嘅食客，大家都可以打成一片。

完全唔明白點解open rice book左位都可以話無位既 我地bk左8點 大約8點15分入到去 一間正常既餐廳都會至少幫你留15-30分鐘位 我當你真係有人排緊隊 都應該打比booking 既人 問下係咪唔黎啦 之後個職員行出黎話 個客由5:00食到而家 我唔好意思趕人走 。。。。你去食其他野啦 下。。。食咗三個鐘都唔好意思趕走嘅咩 仲有星期五晚 你話搵第二間咁易咩我自己覺得 一間餐廳連Booking 都處理唔好 d野食都唔好得去邊 唔會再黎食 非常失望

第一次試呢間火鍋，環境唔錯，原來想食麻辣火鍋，但姐姐推介冬瓜盅湯底，話係新出的，menu都無，見天氣咁熱咁就試吓啦，可以消吓暑😝點完菜無耐，姐姐攞咗一碗辣椒醉雞腳加雞翼尖送俾我哋食，真係好好味，我同個朋友食唔停口！可惜唔記得影相🙈 清酒仲要買一送一，都有幾多選擇，即刻開咗支720ml, 好彩我哋幾個都係酒鬼🤣冬瓜盅好特別，同我想像中唔同，啲料好足，有我至愛嘅花膠😍 冬瓜入面啲湯比外圍啲湯滾得勁好多，老闆話外圍可作慢煮，啲肉果然嫩滑好多！啖湯真係好好飲，唔覺意飲咗3碗😅除此之外，食物質素都好高，如手切牛，黑豚豬肉，墨魚滑等。今晚真係飲飽食醉，大滿足，一定有回頭👍🏻

今天跟朋友來吃這家火鍋店，因為太早，包場咁🥲😅這家店不是放題火鍋店，我們選了牛雜湯啲，小鍋。裡面的牛雜都幾新鮮，如果再入味啲就好了。前菜麻辣鮮魚皮不得不推薦，麻辣配上爽脆的魚皮真是絕配。極上牛肩肉二百多元一大碟，店員話可以點生蛋食，我覺得肉質鮮嫩，如果是麻辣湯底更好！東星魚塊打邊爐也很不錯，魚肉新鮮這裡的餃子都不錯，新鮮多料。朋友試了手工啤，他說不會太苦，很容易入口。如果想要有88折優惠，記得預先book位。

旺角覓食👀～search到呢間唷決定試吓新嘢，好必食推介：牛皇煲陳皮牛丸手打墨魚滑新鮮竹笙（強烈推介）手包餃子🥟⋯⋯配埋Sake🍶一流今晚真係大滿足，老闆仲打咗個88折，下次會再嚟

鐘意牛既一定要試一試個牛王煲，牛什湯底，濃而不膩，個牛什湯底原來可以咁配海鮮。鐘意飲返兩杯既朋友要試下依到既手工啤同清酒，一定唔會令你失望必試推介牛王煲肥牛竹笙自家製手工啤日本清酒

今日行經旺角見到呢間餐廳，門口裝修幾特別，所以吸引咗我過去睇吓，以為係居酒屋，原來係打邊爐，因為都有段時間冇打過邊爐，所以同朋友入去試吓，原來是新開的！店員服務好好，推介我哋試他佢哋自裝的手工啤，一向不大鍾意飲啤酒的我都覺得好易入口，唔會飲到肚脹脹，襯埋老闆送俾我哋嘅麻辣魚皮真係一絕！手工啤+sake～ 有好多sake選擇, 同火鍋好夾👍🏻老闆好好人送咗支俾我哋飲🙏🏻😊麻辣魚皮 ～ 辣味適中，口感好好👍🏻牛皇鍋 ～ 湯好鮮甜，而且好足料😋原棵鮮竹笙 ～ 從未見過同食過咁新鮮的竹笙!👏🏻手切牛頸脊 ～ 好有牛味，刀工好好，絕對唔簡單👍🏻牛拖羅蝦滑 ～ 好有咬口，夠彈牙👍🏻手釣東星 ～ 好新鮮👍🏻今餐大滿足!! 總括嚟講呢間餐廳食物質素好好，服務氣氛一流，一定會再嚟幫襯😋

即興與朋友的約會，又因為天氣涼涼地所以好想打邊爐，機緣下search 到哩間舖。店舖環境舒適，食物高質。店員會推薦食物，但絕不是hard sale，仲會主動提供服務。麻辣魚皮，超級好食，麻但不會辣到味覺全失。牛肉，有濃濃嘅肉味，坑腩係一絕，仲有牛頸脊同安格斯。真係好回味。叻外，手打陳皮牛丸真係好驚喜，絕對無諗過係咁好食。第一次食鮮竹苼，好驚喜嘅好味，強烈推薦。沙河粉吸咗湯汁後，再飽都食得落。店內仲有清酒同手工啤，手工啤唔會飲到一肚氣食唔落嘢。好正。最後店員見仲送咗支小青柑茶比我地飲，真係好解膩，茶有少少果皮嘅味道，非常清爽。絕對值得回頭的火鍋店多謝店員們真誠熱心的招待。

《真心推介》唷溫體牛火鍋🐄🥩🌟🌟星級推介「滋補牛皇鍋」真係要俾10粒星佢！🌟🌟🌟🌟🌟🌟🌟🌟🌟🌟仲有唔係周圍食到菇皇！一定要黎試呀！！！用料新鮮～馳名牛骨湯底鮮甜美味～具養生保健之效～「溫體慢煮蝴蝶牛腩」牛味濃厚.口感香滑🤩🤩🤩🤩🤩🤩🤩！「手釣東星」魚味香甜～肉質爽彈!😋😋😋😋「原棵新鮮竹笙」爽甜滑，簡直人間罕有🥳🥳🥳「牛拖羅墨魚滑」驚喜爆燈～電影（食神）對白哪句話齋（好好味啊🤤🤤🤤🤤🤤）

同友人一行三人計劃打邊爐旺 角一向多選擇，但我地打算試下新野，咁岩呢間餐廳新開，又好彩訂到檯（轉頭就已經full左）入到餐廳，老闆同伙記都熱情招待冷盤我地試左麻辣魚皮，一向食開既魚皮都係脆卜卜，呢度的魚皮係新鮮，入味又爽口，用嚟送老闆親自推介嘅手工啤酒真係一流啤酒有清新嘅麥芽味，又唔苦澀麻辣魚皮從來冇食過咁大棵嘅竹笙，又滑又爽又新鮮龍躉定星斑，我都忘記咗，總之一句好味好新鮮，老闆親手切打邊爐點可以冇響鈴，響鈴入邊有紫菜，仲有韭菜餃，皮薄餡靚手切安格斯牛肉，肥瘦岩岩好，好有牛味牛拖羅瑤柱墨魚滑墨魚滑食得多，咁有咬口嘅墨魚滑都係第一次食材料絕對係充足，完全冇揸流攤餐廳座位唔多，如果想試就早啲訂枱老闆同伙記都好有心，一眼關七，一唔夠湯就過嚟加湯，又主動過嚟refill啤酒價錢合理，一定會再去幫襯