啜

營業中

休息中

係網上某平台Book 位，有50%折扣優惠，到達後坐低左職員先同我講話要按人頭叫兩杯正價飲品先可以有50%既優惠，而且50%優惠只可以叫推介餐牌果幾款，但睇返條款根本冇寫話一定要按人頭點正價飲品先有優惠，只係寫住半價優惠可以叫主餐牌單點食品同飲品，而唔係得推介餐牌果幾款揀，雖然當時職員話可以幫我cancel booking，但我地突登搭車去食，加上當時已到晚飯時間，無奈只能叫左兩杯正價飲品坐低食晚餐。一支水$38, 一杯可樂$50, 仲要加一，呢間嘢就係用啲優惠引你上去博你唔會走，你地想比人甘樣呃既可以試下上去幫襯。

誠意推薦呢一間擁有香港海景嘅露台酒吧除咗唔同嘅酒類之外仲有煲仔飯，叉燒飯同埋燉湯可以飲添！雞尾酒都超級好飲！個海景真係靚到不得了！建議黃昏時期開始過嚟睇日落睇完日落之後就享用美景晚餐！！仲有室內位置！

I would advise against visiting this place. The dining area is simply a rooftop that you access via a very old and unpleasant staircase. It definitely doesn't live up to expectations. If you're considering using the Eatigo app, be aware that the options are limited to just five specific items, according to the waitress, despite no clear information provided in the app. Additionally, you're required to order a drink at full price, which was also not mentioned. Overall, I felt that the experience

呢次試咗間天台cafe嘅經典港式小食，真系客家實力派嘅勁啊👍！炸午餐肉味咸香十足，腸粉滑溜溜嘅口感令人一啖又一啖。炸燒賣外皮香脆，裏頭嘅肉餡又多汁，食落真系嘩！開心爆燈💥！Cocktail方面，madeinhongkong真係話你知咩叫創意滿分！將港式檸茶同vodka拍埋一齊，味道咁清新，飲落好似喺海風中跳一支舞咁，舒服！加上可以自選嘅口味如荔枝、草莓、棉花糖，飲得心花怒放🌸。啱晒啲想忘憂乎利亂嘅朋友。最正嘅就嚟喇！燉湯好豐富，花膠同蟲草花都夠晒份量，滋味滿分，而灌湯餃爆汁功夫真係得！喺滿滿童年記憶嘅小食選擇當中，迷你兵紫薯包正到冇朋友，連殼都想食埋！最後，慢煮叉燒飯，太陽蛋流心噴發，配上叉燒，喺我口入面簡直系炸出滿天星！整體嚟講，環境正、食物正、體驗正，啱晒同三五知己嚟聚舊、吹水、搏吓上去！👫👬👭💖

入到嚟，首先感受到嘅就係度嘅海景正到不得了🌊，同桌子上嘅美食正面切磋。今次嚟到試下餐廳嘅午后茶套餐，話說這個組合真係惹味到不行。啱啱出爐嘅脆炸鮮奶卷，外皮炸得金黃香脆，咬落去牛奶香味濃郁得滯，真係好正！🍮雖然啲腸粉喺影完相之後凍咗少少，但個皮滑得嚟彈牙，醬料都吸得好入味，我一啖又一啖喉晒。而個松茸菇瑤柱螺頭湯，嘩，滋味又深又濃，飲到心窩暖笠笠嘅感覺，一啲油都唔見，靚到不得了。炸春卷同燒賣都係脆到喳喳聲，入口時嗰種鮮、香、脆嘅三重奏，簡直係口感上嘅煙火秀。啲點心樣樣精緻，食得我心花怒放，最搞笑嘅係嗰個似Minion嘅紫薯包，唔單止靚樣，味道仲有得講，甜甜地嘅💜。當日，雲淡風輕，坐喺天台，吹著海風，凝望面前呢擺滿嘅美食，真係覺得自己賞到了一點小確幸。流行嘅菜式，口味正宗，加上星級嘅景色，平民價格就可以享受到嘅滿足感，真係令人食指大動！🌟🍽👅

餐廳採用預約制，入去之前要登記成為會員先會被安排入座，餐廳分兩層，樓下個層係室內，樓上就係天台，主打食水煙同埋下午茶輕食。餐廳啲傢俬好特別，好似每樣傢俬都有佢地既故事一樣。就好似我地身後既紅椅子，好似係一間執左笠既戲院拎過來甘。😆我地嗌左呢個下午茶tea set,大部分既食物都適合素食人士進食，生日既朋友係素食人士，除左粒蝦餃，佢所有野都食得，超級滿足，唔需要就住就住。而且佢係行中國風，係點心茶點，有minion奶皇包，腸粉，蝦餃，燒賣，涼茶，春卷，又有湯水，的的式式超可愛，兩個女仔來一定夠飽。望到無敵海景，呢個位置雖然有啲曬，但勝在無阻擋，完勝。

餐廳同樓下Soup Day係同一間鋪，樓上係rooftop bar，樓下soup day係室內飲湯，去之前需要預先預約，兩間係用同一個網頁自助落單日落海景係唯一推介嘅項目。Minions 紫薯包擺盤同相片不相符，兩個迷你兵蒸包實際上係搭埋放喺一個紙杯入面，兩個蒸包會黏埋一齊，分開兩個包時，兩個蒸包表層嘅皮都會甩皮炸粉粒粒雞，啲雞淨係得炸粉，得丁點雞肉飲品Avatar顏色同相片不相符，味道似藥水，飲到懷疑人生

Good chilling place😆for gathering環境好至啱一班朋友聚會第一次食幾好影相嘅好睇book咗個場～可以影相食嘢叫嘢食可惜嗰日落雨用唔到天台期待下一次嘅可以去

I celebrated my birthday there last year and I asked them if I can bring cake prior. They agreed. Then I got tart cake in small pieces, the girl told me that they only allowed cakes and they should charged me for this blah blah but they’ll waive it this time. It’s a passive aggressive comment. She told me that in front of my friends. This bar is run by kids.

第一次來訪時係舊年同朋友飲野慶祝生日同埋一齊睇左個靚日落，覺得呢度既港式fushion cocktail 有山楂為ingredient 之一真係好特別。雖然最近第二次來訪時係一個下雨天，但有兩個靚湯分別有花膠燉奶湯同蟲草花螺燉湯再加埋indoor 既落地玻璃窗咁望住個維港同朋友傾計係幾chill💕 想有第三回第四回同朋友來chill住飲靚湯。總結，環境同氣氛我都真心喜歡，唯一覺得要改善既地方係如果落雨唔方便開放outdoor , 個booking arrangement 可以再處理得妥善點。

搵左個星期三媽媽me time 時間去食個午餐點左個【香茅豬扒撈檬】味道還算可以但份量極小完全唔夠食去睇我post出嚟嘅相就知同一個【雪梨海底椰雪耳燉湯】個湯真心咩我其實對佢個湯好有期望我以為個湯係甜湯，但原來係咸湯Fine 咁都唔緊要，好飲就得啦但個湯真係好難形容，佢係一啲乜嘢嘅混合物完全唔係個回事真心無下次佢點餐個方法好似喺超級市場買嘢然後結帳咁我都唔期望，佢會係超級好食但起碼賣之前，應該要搵人試過先除咗唔好食，佢仲有最低消費雖然個地方景觀開揚可以望到海打卡影相影食物係幾唔錯既但真係只可以遠觀

一早預約午餐時間後2:00 食公司午餐，早一星期預約。到達之後發現他們完全沒有準備，我們到達才開冷氣，餐廳非常之侷促，餐廳冷氣欠奉。只有一個人負責落單同煮食，完全沒有準備招呼客人。到達後超過45分鐘先有第二位員工返工。由到達餐廳至上第一杯飲品（可樂）時間，需要超過45分鐘。食物落單之後經過長時間等待，被告知食物已經售罄。但全間餐廳只有我們一台客戶。食物質素同一般快餐店及小食亭差不多。最差的食物只有7–11的程度性價比極低。不知所謂！😡😡😡😡😡😡😡😡

餐廳有兩層，下層係室內，佈置得好似電影院咁，而上層就有戶外坐，可以飽覽維港景色。黃昏時間去，就可以同時欣賞到黃昏靚景，及維港迷人夜景，不過記得要預訂先可以去㗎餐廳serve 中餐、小食、啤酒、cocktail、wine 等，當然仲有Ss花膠蟲草花螺頭燉湯 梅菜冬菇蒸肉餅飯 打卡由天光到天夜，加上天氣開始涼快，點個燉湯蒸飯暖下胃暖啱。 燉湯熱騰騰上🔥，材料滿滿，味道香濃又唔太重，清甜滋潤。肉餅飯，加入梅菜及冬菇粒，食落鹹香有序，而且好有口感迷你兵紫薯包 紫薯包外型可愛吸引，外層煙韌，裡面鬆軟，紫薯蓉綿滑唔太甜😋Sìp on Beers～Peron

趁住未到晚飯嘅空檔，黎左 sipsip滿滿打卡位～ 去到天台望住靚靚嘅海景飲住杯cocktail，真係so relax！呢度日間同夜晚都勁有feel，一路坐、一路係甘打卡呢度特色 cocktail madeinhongkong 係港式檸檬茶做base再加入vodka，幾岩我口味House wine （紅酒）配 炸午餐肉 腸粉 炸燒賣 港式小食 超夾～～～係可根據個人喜好調出最岩自己嘅口味～會問中意花味、果味定係茶味今次調配出黎係我覺得最滿意嘅口味 （荔枝、草莓、棉花糖）香噴噴～～加$100 可無限追加當然最正就係望住呢個環境慢慢enjoy 下啦！

呢度果然係隱世同閨蜜傾偈好地方隱世露天維港景 私隱度高值得一讚湯美濃郁 夠曬可火喉足曬料#之但係呢間餐廳叫人飲湯之餘仲叫你哋食唔食其他食物, 呢啲都唔係問題, 但到最後埋單收錢嗰陣時話, 買咗啲湯唔計數, 要另外再嗌飲品, 先至可以計最低消費... 呢啲係咩態度？明屈？香港人嘅精神？服務嘅態度？其實唔關個職員事, 我知道係個老細叫個職員咁樣講？ 如果你要咁樣做唔該事先入嚟嗰陣時就要講最低消費係點樣係要叫一個湯同埋一杯嘢飲唔係臨走你先至叫人加錢再食其他嘢我都得畀人屈之餘, 仲搞到個氣氛冇曬好唔開心... 呵呵！呢啲咁嘅餐廳我都係第一次見, 我一定唔會再幫襯！#sipsiphk @sipsiphkSip Sip Rooftop & Lounge