喇沙 (已結業)

見這裡的食評不錯, 昨晚終於一試.二個人去食, 本來諗住一人一碗喇沙. 但見到周圍人客都叫咖哩牛腩, 餐牌仲要寫住係秘製, 唔試都唔得啦. 於是叫咗一個海鮮喇沙, 一個咖哩牛腩飯和一碟炒通菜.喇沙-------一般啦, 但好大碗, 有2隻蝦. 如果用其他海鮮代替魚旦魚片會更吸引.咖哩牛腩飯------十分出色, 與昂貴的餐廳相比, 有過之而無不及. 好耐都無食咁香和咁淋的咖哩牛腩, 用咖哩汁撈飯一流.炒通菜-------略咸一點. Okay!總括而言, 以此價錢, 是水準之上. 食到十分滿足.

又在奧海城睇戲前在大角咀找吃. 路過此店, 被光鮮的門面吸引了過去....點了海鮮喇沙, 咖喱牛腩腸粉, 薯仔薄餅另加蕃茄咖哩汁.海鮮喇沙先到.... 睇勻晒, 只係得兩隻蝦仔, 魚旦魚片同豆卜, 再摷底d, 先有幾件魷魚. 咩原來東南亞海鮮就係指呢d... 湯底好重椰漿味卻無鮮味, 好彩我不太抗拒椰漿的. 一夾起"喇沙", 咦, 乜係米線0既?? 即時搞到我有混亂... 乜原來喇沙係米線咩? 乜唔係油麵或者米粉??? (回來看其他食評, 原來要油麵或米粉是要"主動"提出的!!!)咖哩牛腩腸粉其實等於咖哩牛腩鋪在腸粉上, 咖哩就唔錯, 牛腩亦入味, 但腸粉就真係腸粉, 一點味也沒有. 就像兩者一點關係也沒有.最好吃的要算是薯仔薄餅, 熱辣辣, 內裏有咖哩薯仔, 有口感. 再配個蕃茄咖哩汁, 好味, 就算飽都食左大半.這裏裝修的確不錯, 橙色色調感覺很有朝氣. 服務尚可. 但不足以吸引我再來呢...

响香港都未食過好味的喇沙, 睇到這食評就一定要試試點知都係行貨啫, 咖哩都算ok, 價錢以地區來說就吾算平羅, 可能午市會平d啦

去旺角唔太順路,但最近諗起喇沙陣味就係呢度搜尋.結果呢間多笑容就特登去啦..um,唔覺有令令老板娘..嗯..坐係最埋面.係正整餅既阿叉隔離..隔住塊玻璃就望到佢點整.佢亦展露笑容.d叉係咁.哈問職員兩種咖哩有咩分別.佢話下面個隻無咁辣,有椰將.我就叫左呢隻既海鮮喇沙啦.等左15mins..都算耐..可能多人掛..嗯.試左啖湯底先..同又一城間noodles差唔多(個次第1次食喇沙)到送..海鮮係兩隻蝦-ok有蝦味,魚蛋+魚片-ok幾爽口.鮮尤-都係咁..麵(好似係米線)都係咁上下.整體我未能接受到香港好多地方所謂既海鮮..只有一兩樣算得上海鮮既送..但價錢相對貴過叫肉類..如果係咁..叫返肉類好過..而家諗返起之前做eurogogo整d海鮮意粉有龍利柳,鮮尤,蜆肉, 巳經不錯.

呢度有個靚靚老闆娘，好溫柔，貌不像香港人。是日我要了個一人晚餐，有0加0里雞，菜，薄餅和餐飲。最愛呢度杯拉茶，很好味！男友要了喇沙，味道都吾錯。食食下有只飛娥仔'中'了落男友的喇沙度，好采我地都食得七七八八，叫老闆娘幫我地撈番起只野，拒連忙話吾好意思。哎呀，老闆娘0甘迷人，真系一點bad feeling都無lu。

同獸獸1齊放工去食野..因為0係奧海城..所以諗住去試下喇沙..初時以為好易搵..點知都唔係.獸獸好肚餓..我都唔忍心再搵落去.所以就放棄..點知1決定放棄就見到佢喇!!!?低左,睇menu.都ok多野揀'有好多種唔同0既咖哩最後揀左新加坡海鮮喇沙同埋咖哩雞薄餅餐(咖哩係有蕃茄的!)1路食1路睇最美麗的第7天已經好耐無0係呢個時段睇過電視..由9點幾坐到差唔到10點半先走..可能樓底幾高..感覺上都幾舒服

看見這裡的笑臉這樣多，在香港已很久沒有食過好味的喇沙了，決定來試試真假。地方唔算大，但幾乾淨又光，感覺都幾好；看完餐牌便決定了選擇海鮮咖喱喇沙、咖喱羊腩和油鬆餅。海鮮咖喱喇沙- 咖喱唔算太濃、完全沒有喇沙葉的香味，海鮮也好一般，只是好一般吧。咖喱羊腩- 羊肉幾淋，但完全沒有羊味，薯仔幾好，可惜份量太少，咖喱味一般。油鬆餅- 餅身偏韌，而且唔多夠熱，好在咖喱汁夠熱，保回不少分數。看到這樣多笑臉，實在有點唔明白，味道好一般，完全未夠班。真係好掛念的喇沙，可惜不知能否可以再試到了。

唔會再去, 我去食下午茶.睇個樣以為正啦~点知原全都唔正宗.味道一般.最差的係比米線我,問佢点解唔係麵同米粉.佢竟然話要特別要求.又寫清楚. 差

湯底已經唔似舊時正中…再食完全唔似樣喇…都應該唔會再去…

愈0黎愈晏食lunch, 3:00pm 人在大角咀, 唔知點解「順腳」行了0黎大全街(真奇怪, 明明行緊去「魚魚魚魚」0架喎...?), 見到呢間Openrice 人氣店, 仲見到有tea menu, 就0黎試試佢的喇沙. 叫了個「海鮮(咖喱)喇沙」($28), 加個「特飲」-- (熱)馬來亞拉茶(加$2).先0黎喇沙, 賣相都幾似樣, 湯底微辣, 好香椰味亦鮮味, 好味! 米線夠晒索汁, 好在食落唔係腍bad bad, 唔錯; 配料有豆卜, 一隻蝦, 一塊魷魚, 魚蛋, 魚片同芽菜, 亦同坊間好多食店一樣, 獨欠鰤魽... 咁多樣以魚蛋, 魚片同魷魚最好食, 魚蛋魚片彈牙有魚味, 魷魚亦鮮味, 唔似得坊間的「擦膠魷」; 豆卜芽菜一般, 隻蝦就係敗筆, 唔夠新鮮, 不過好在肉質唔霉的. 整體味道唔錯, 不過都係0個句, 如果有埋鰤魽就好了!熱拉茶其實即係奶茶, 面頭起晒泡, 味道同香港人飲的「茶走」差不多, 質感都幾滑, 唔錯.鋪入面好乾淨又光猛, 環境ok; 招呼幾好, 店員們好有禮貌又attentive!一向對喇沙無乜研究, so far 0係香港亦只係食過呢度, 上環加東,

成日聽話大角咀D嘢幾好食咁, 就同男友特登嚟搵吓食.唔知係咪因為今晚凍呢, 間間火窩店都滿, 行咗個圏之係, 男友就揀咗無乜人既喇沙, 我哋叫特式香濃牛尾(真係好香濃, 好入味, D牛尾好淋), 馬來咖哩海鮮喇沙(我幾鐘意哩碗喇沙, D湯底好正), 馬拉盞炒青通菜(普通), 凍檸蜜& 凍馬拉茶(原來馬拉茶即係廣式奶茶咁), D嘢食上得幾快, 服務都幾好

我們也是選了2人餐,咖哩牛腩,一碟菜,咖哩角,串燒,看似份量很少,但也很飽.味道不俗,略遜一籌的飯and咖哩不夠熱.服務好好,不過不太就腳.價錢十分經濟.看了下面食家的相,以為地會西餐feel,到了才發覺係本地feel,有部電視,成晚男友就掛住睇電視,破壞了氣氛.

一月十二日(週日)PM6:30到大角咀,本來打算想去"譚仔"食米線,不過我女友知我根本唔鍾意食米線,所以就我去專食星馬菜的喇沙.其實到達後,有少少感覺似九龍城.當然無咁多人啦,但食物價格就平一大截了.去到大全街一覧街道便看見"譚仔",但更大的發現原來喇沙就在隔離.從外觀上可見奪目的黃色牆身,感受到很重星馬菜的咖哩味道.當時尚早,所以有大量空位.在餐牌中的菜色價格很大眾化,二人套餐都是$88.但我倆最後選了一會,洋蔥咖哩雞跟白飯($38),女友選了牛柏葉牛肉河($25)薯仔薄餅($18)不久上菜了,先來我的洋蔥咖哩雞,當時只見盛起的料都是滿滿的,總要小心地夾起的.我先品評一下我的洋蔥咖哩雞,大量洋葸,薯仔有四大舊,但不入味,只屬於外層沾入咖哩而已;雞一般,骨太舊過肉,咖哩比較好一點,只可以說普通而已.我女友的牛柏葉牛肉河就完全不同了.眼見湯底很濃郁,满佈辣椒,但唔太辣,而食物質料不算特別,但物超所值.薯仔薄餅份量很多,我們兩個人都食不完,它在薄餅藏了不少咖哩薯仔,但可能這餐食了太多薯仔,有點濟的感覺,不過可以一試.由於做薄餅位是半開放式,所以能看見內的師父都是印度人(我估)食起來也份外正

上年中路過,見到這間喇沙店仍然工程進行中,半年之後,這間小店,已成為貴網之中,其中之一間人氣店.憑著27 vs 0 這個紀錄,就引到小弟來趁熱鬧.小店裝修算幾骨子,此店雖然叫喇沙,但也不是獨孤一味賣喇沙的.除喇沙之外,亦有其他東南亞菜式可供選擇.既然用到喇沙之名來開店,應該是喇沙最有信心.單是喇沙也有好幾種,新加坡,馬來,檳城,有海鮮同雞絲兩味.當然,吃喇沙,一定是海鮮.這個馬來海鮮喇沙,材料有魚蛋,豆卜,蝦,魚片,芽菜,還有呢?沒有,先試湯底,椰味沒有坡系的重,但這個喇沙湯底,刺激不足,蝦的鮮味亦不夠,細嘗之下,更有點點苦味.喇沙正路應該是用油麵,這處的是用米線,當然感覺上差得多.材料就沒有特別,魚蛋魚片這些交來貨色,差極都有個譜.這處是香港,沒有可能三十多塊錢一碗,就要人落獅"甘",有時候,也不能過於執著.不過這個喇沙,實在好難令人明白,為何會惹來一面倒好評?

未有仔細留意之前食友推介食物,胡亂叫咗個喇沙,好後悔呀!新加坡海鮮喇沙- 個湯好咸,冇鮮味,配料麻麻,唔新鮮,有啲失望. 青咖哩腸粉- 呢個又幾有趣既配搭.青咖哩味道唔錯,幾香,再配滑滑腸粉都幾好食.柚子沙律- 如假包換,只係得柚子,同生菜絲,又冇沙律汁,真係好清!!下次一定要再試試食友介紹既喇沙,可能今次有少少失準,會再俾機會佢.