喜來稀肉 (登龍街)

營業中

休息中

喜來稀肉係我最喜愛之一既燒肉店，食左幾次，食物質素依然keep住韓國風味💥自助沙律吧記得之前有兩款口味既泡菜，如今只有一款，但都好食，酸辣惹味，而且脆身；還有韓式芽菜、醃製蘿蔔等醃製嘅小菜! ✨生菜、醬汁和生蒜片係任攞，餐廳提供既生菜又脆又清新，用嚟包住d肉一齊食用，中和返食肉的肥膩感💥爐邊蛋一邊放芝士，一邊放泡菜，仲係無限refill添！💥牛護心肉燒烤後牛既脂肪平衡，肉味香濃! 配上調味醬汁、生蒜片及生菜，味道一流，仲減去油膩，可以食多幾轉!💥牛肋骨肉燒到有少少燶邊就食得，味道非常濃郁，帶有濃厚的牛肉香味；💥蛋拌生牛肉生牛肉拌雪梨，戳破那顆生雞蛋，令蛋汁和柔嫩的牛肉混合在一起，加上甜甜的梨絲，入口的感覺真是太美味！💥蟹籽紫菜飯團蟹子和沙律醬還有超多的紫菜伴碟，戴上手套就可以幫這個飯來「按摩按摩」一番✨呢個飯好好味，口感非常豐富，每一口的料都份量十足，你還可以將它搓成一個飯糰，正宗玩得又食得！

性價比高既韓式烤肉店，必點牛五花、五花腩、豬皮🔥牛五花靠近肋骨周邊，油脂豐富，醃料味道岩岩好。豬皮真係必叫，整片油脂骨膠原，口感軟糯，充滿油香，包菜食一流✨蟹籽紫菜飯團建議自己加多啲麻油，自助bar一般有泡菜、生菜、醬料可以免費自取，好方便！💰韓豚五花肉 $180 蟹籽紫菜飯團 $50 牛五花 $158 韓式豬皮 $150

喜來稀肉 (登龍街) (銅鑼灣)地點📍銅鑼灣登龍街41-51號金龍大廈地下3號舖及1樓突然覺得好耐冇食過燒肉，又想可以飲下酒嘆下燒肉，行下就發現呢間燒肉店，就去試試先店內安排咗自助小菜區，生菜，醃蘿白，醃青瓜，泡菜仼添，味道一D 都唔馬虎而爐邊有蛋漿準備，一邊泡菜味，一邊芝士味👍👍---------------牛五花💲158 肉質一D 都唔鞋，燒完都唔會太老，本身已經醃好，就算唔洗用配料，味道已經好出---------------牛肉眼💲158一大塊肉眼扒，厚身，怕會太"un"或者太"鞋" ,但又完全冇呢個問題包生菜，泡菜食👍👍--------------韓式豬皮💲150佢同係香港食開既豬皮，係兩件事，呢個豬皮見佢咁厚怕會"un",但燒完之後，完全停唔到口

身爲韓國美食fans，燒肉係我嘅人生comfort food Top 3! 咁次來銅鑼灣辦事，結束之後火速搵到呢間一直以來都好想來打卡嘅韓國燒肉。我一個人來有小小遺憾啦，嗌唔到好多嘢食。嗌咗一個兩人餐嘅一頭豬 豬肉set，分量十足，有五花肉，韓式豬皮、豬頸肉、喜來五花肉、護心肉、豬頸肉、菇同埋玉瓜。豬肉品質好靚，好新鮮，燒完搭配店内嘅前菜豆芽，泡菜，青瓜簡直係大滿足啊!蔬菜盤，前菜都係無限量添加嘅，我一個人添咗好多次，夾住大塊大塊嘅燒肉食到飽得滯!!一個人來都係有啲可惜啦，下次仲要帶埋朋友一齊來，試下醬油蟹同其他肉！

第一次來這裡lunch,但沒有叫烤肉😆,我見唔多人,全部枱都冇叫烤肉感覺太重口味及熱氣了,我叫了石鍋豬肉拌飯,個太陽蛋幾特別,通常係生啲？😆豬肉係調咗味嘅都ok,加佢個辣醬撈個飯先好味,我冇加好多反而拎左拌菜嘅泡菜一齊食,其實係幾辣,不過係惹味啲同事叫咗人蔘雞入面有糯米,叫定食嘅6拌碟有4碟都係本身嘅前菜小碟,所以有好多小碟食唔晒😅🤣比定食有埋生菜比佢哋拌住啲烤肉食好豐富同冇咁膩咁。

有一個韓國收銀員&服務員，服務態度非常差，剛吃完，用餐時間還不到90分鐘，就跑過來瞪大了眼催：“吃完沒，還要不要？快一點！快一點！” 態度極其惡劣，大家可以去參觀一下開拓視野漲漲見識

好耐冇食燒肉，想食一間正宗啲嘅韓國燒肉。咁咁啱今日喺銅鑼灣放工之後就周圍搵吓有咩食啦。朋友就提議食呢一間燒肉，話有好多好評。我同朋友都係食肉獸嚟嘅，亦都比較鍾意食牛肉，所以我哋一共叫咗三款牛肉來燒。三款肉嘅質素都唔錯，而且三款都有調味肉，肉嘅味道都唔同，唔會話三款都一樣味。另外你食韓國嘢點可以唔叫個紫菜飯呢。呢度嘅紫菜飯仲加咗沙律醬，所以特別好味。可以自己落手整，仲可以當玩埋添。另外仲有個自助吧位置，可以任拎沙律泡菜同埋生菜。啲泡菜都幾好食我哋都添加左兩次。而且只要你烤肉就會有埋爐邊蛋，爐邊蛋入邊仲加咗啲泡菜，好好味呀。另外值得一提嘅係啲工作人員都好照顧我哋，只要爐黑咗少少，就會即刻幫你換過一個新，唔會影響燒肉嘅質素。

喜來稀肉我諗大家都好熟悉一聽都知係韓式燒肉既代表但我地今次黎試下其他傳媒韓食.《石鍋牛肉拌飯》Bibimbap黎講呢 絕對夠哂經典牛肉鮮嫩多汁 帶有微微焦香拌飯有大量配料 太陽蛋、紫菜、紅蘿蔔、芽菜、菠菜、芝麻等最正係石鍋煮到成底飯焦 好似食緊煲仔飯咁.《水冷麵》夏日炎炎 見到就碗清涼既冷麵 心情都舒爽起黎麵條Q彈爽口 搭配爽脆蔬菜湯底醬汁帶酸 清爽不膩 好解暑.《迷你海鮮泡菜煎餅》煎餅色澤金黃 外酥內軟內含各種新鮮海鮮,如魷魚仔、蝦肉、元貝仔等同酸辣惹味既泡菜融合 口感層次豐富 爽脆鮮美.

今日我同朋友哋黎咗銅鑼灣嘅喜來稀肉食飯,記得以前成日去，我都好耐冇去過。點知覺得質素比以前好咗。首先,我哋叫咗幾款不同嘅燒肉,包括護心肉、招牌菜喜來稀肉,以及牛舌。侍應喺啲肉味上之前分別會整咗兩款唔同嘅烘蛋。一個係泡菜另一款係芝士味嘅。護心肉肥瘦相間,肉質鮮嫩,油花分佈均勻,入口即融,香氣四溢。招牌菜喜來稀肉更加好食,燒完之後表層超脆，但係入邊啲肉仲好惹味。而牛舌更是滋味濃郁,質感彈牙,我自己就最鍾意食呢一款薄切嘅牛舌。除此之外,我哋仲叫咗個豬肉泡菜湯。湯頭濃郁鮮甜,泡菜酸爽爽脆,與燒肉絕配,因為可以減低燒肉嘅油膩感。最後提到沙律吧,那裡擺滿各種不同嘅自助式泡菜同醬料,琳琅滿目。我哋自由地選擇自己喜歡嘅配搭,咬下去酸甜可口,而且生菜同埋蒜頭都係任加價。總的來說,喜來稀肉嘅燒肉和湯品實在太正啦，而且侍應嘅服務都好唔錯，令我哋有賓至如歸嘅感覺。如果你鍾意燒肉,一定要黎試下。

隔咗一排無嚟食又掛住🥹除咗啲肉好食之外，我好鍾意佢個泡菜，比較生無咁酸好似喺韓國食到嗰啲，仲要係任食！每次都食兩大碟勁滿足🙈除咗泡菜、韓式前菜同生菜可以喺自助bar自取，爐邊蛋都係任添任食，用電話scan code就可以叫店員refill，好方便唔使舉手舉到手軟✨喜來烤肉每次必點嘅招牌肉，牛板腱無乜脂肪但肉味濃郁用淡醬油醃過，味道微甜唔會太濃味薄薄一片好快就燒熟食得✨牛五花呢款肥膏比例高，差唔多係半肥瘦比較邪惡用梨汁醃得入味，食落偏甜夾生菜食無咁膩✨牛肋骨肉無預先調味過嘅牛肋骨肉，牛肉味濃郁，有咬口但唔會韌就咁蘸鹽或者韓國辣椒醬食最好味✨石鍋牛肉拌飯要有飯到肚所以每次都嗌石鍋飯有牛肉、芽菜、菠菜、紅蘿蔔同韓國蕨菜好足料個底有少少飯焦

.心血來潮突然之間想食韓燒, 就念起呢間老牌韓燒店! 水準依然keep到👍🏻 最正係無限任食泡菜爐邊蛋同芝士粟米🤩推介: 👉🏻 喜來烤肉 👉🏻喜來韓豚五花肉 - 唔鐘意有太多肥膏, 揀呢款豬肉就岩曬啦! 偏薄身但豬肉味濃郁👉🏻 海鮮牛胸肉大醬湯 - 超足料! .🔻🍽 喜來稀肉 (登龍街)📌 地址: 銅鑼灣登龍街41-51號金龍大廈地下3號舖及1樓

在銅鑼灣繁華街頭,有一家深受當地人及遊客喜愛的韓式自助餐廳。今日難得朋友宴請光臨,從進門開始就被濃郁的韓式風味所吸引,彷彿一步踏進了首爾街頭。。最吸引我的是自助區,琳琅滿目的前菜選擇讓人目不暇接。泡菜、黑豆、生菜等經典韓式小菜,原汁原味,清新爽口,為主菜增添層次。。最特別的是枱上熱爐旁已準備好蛋漿,一邊芝士,一邊泡菜,讓我們自行烹煮。這種互動式的用餐體驗,增添了不少樂趣。。我們點了一系列主菜。首先是牛五花 ($158),肉質鮮嫩多汁,經過烹煮後散發出陣陣誘人香氣。。接下來是蛋拌生牛肉($160)。這道涼菜的亮點在於鮮嫩多汁的生牛肉,搭配脆爽的青瓜和清甜的雪梨。我們用筷子緩慢攪拌,片刻間就把溫軟的蛋汁、牛肉、青瓜和雪梨完美融合在一起,清新爽口的口感立即溢滿口腔。。另一道海鮮蔥餅($90)同樣出色,外層金黃酥脆,內餡飽滿多汁,海鮮的鮮甜與蔥香交織,令人難忘。。最後一道是我最喜歡的蟹籽紫菜飯團 ($50),待應特地為我們準備了膠手套,但我們發現用筷子攪拌更能感受到飯粒的Q彈,加上紫菜的清香,整個組合堪稱完美。。整個用餐過程中,服務生都非常細心周到,不時前來添水、收拾餐具,令人賓至如歸。雖然餐

登龍街一轉入去就係好易認，lunch menu有燒肉又有定食選擇，今日就食咗下面幾款烤牛肉定食$90-中午唔想燒烤太大陣味可以揀呢款，有6款伴菜+烤牛肉、飯、湯、生菜，超豐富，烤牛肉bbq味香濃，配飯/生菜都好適合蔘雞湯$100-同其他韓式餐廳一樣都有幾個前菜跟，雞肉唔會話嚡，雞入面有糯米同紅棗索曬啲雞同人蔘湯味正呀！迷你海鮮葱餅$40-有驚喜，寫迷你但都有三大塊好抵食，配料有葱、蝦、魷魚等都好足料

大約10年前興起元祖級#韓式燒烤 喜來稀肉相當盛名😆最鍾意爐邊蛋🥹 半熟蛋好香播住K-Pop歌好有氣氛😚出邊仲有自助區域可以任加生菜、韓式醃菜及醬汁!最鍾意係佢哋嘅爐邊蛋: 有泡菜爐邊蛋及芝士爐邊蛋🍳牛肋骨肉(150g) $150: 牛肋肉好嫩 牛味好濃🤍 用生菜包住泡菜及泡菜蘿蔔調味醬油雞肉(150g) $130: 醬油雞肉嫩滑 醬油甜甜咸咸好正🤌🏼豬肉泡菜湯 $85: 泡菜湯好惹味 五花肉帶少少肥肉 仲有豆腐、金菇等😆 牛肉薯仔餅 $90: 薯仔絲好爽口🥔 煎完表面有少少焦香🫶🏼 但牛肉感覺唔突出😀

喜來稀肉一直以燒肉聞名,之前我也主要都是去吃他們的燒肉。但有一次經過,發現他們的午餐菜單也很吸引！這次終於有機會去吃啦，發現他們的午市套餐性價比超高，選擇也很豐富。如果你想在午餐時間快速解決食肉的需求，這絕對值得一試。這次我們點了 Jung-Chan Box 辣炒豬肉套餐和烤肉水冷麵，再加了兩杯飲料，平均每人消費約107元。Jung-Chan Box 選擇很豐富,有5種肉類如BBQ豬肉、牛肉和雞肉,還有6款拌菜、生菜、白飯和湯。肉質鮮嫩,配上美味的辣醬汁。最特別的是可以用生菜包著肉類，再加上喜歡的拌菜和醬料，不用自己燒烤，既方便又美味。烤肉水冷麵絕對是夏日必點！香港的冷麵通常都很平淡，但保他們的湯底清爽但又夠味，完全沒有淡而無味的感覺，就像在韓國吃到的一樣！麵條煙韌爽口，吃起來清涼舒爽。配上烤肉(可選豬肉或牛肉)，更提升了水冷麵的風味。除了水冷麵和Jung-Chan Box套餐，他們的午市菜單還有很多其他選擇，如湯飯、烏冬、石窩拌飯和小食等，滿足不同口味的人。最重要的是餐廳環境舒適，可以輕鬆享受午餐時刻。