喜洋洋點心專門店

營業中

休息中

喺元朗飲夜茶其實都唔係第一次㗎啦，但係喜洋洋就係第一次黎位置喺B仔斜對面，非常易搵，位唔算好多，我地都係坐喺外面，另外仲有四五檯都坐滿左。我地今晚唔算好餓，所以只係叫左幾樣我地鍾意食既點心過下口癮燒賣一定唔少得啦，粒粒都好大粒，蟹子唔算好多，但係食落啖啖肉，都幾有口感㗎另外一樣一定要叫既就係鳳爪啦！又唔怕會飽肚，又好味平時我地都比較鍾意食鮑汁鳳爪多d，因為皮既彈性會好d，而且無咁喊，但係見呢到得呢款都照樣要啦，都唔會蒸得好乾身，d醬汁都仲係包住隻鳳爪，推介最後就係老公最鍾意既糯米雞，的確係好大個好足料，但就好似有d太油膩，同埋裏面既雞肉好乾，唔易咬開普普通通啦

😋今晚食點心🥧感謝餐廳的服務😋的確好新鮮，日日自家製👍🏻蝦🦐餃真係有鮮蝦在內，勁抵食😋腸粉係叉燒，連粉皮都係老闆自己製造。皮簿，但叉燒並不馬虎，都係自己一手一腳烹煮！而且，叉燒的份量比其他酒樓的多幾倍。就算連其他點心，都讚不絕口！🙌🏻平民價錢，食到好野食，心中好滿足👍🏻

一般吃點心都是到酒樓，甚少外賣回家吃，今天例外，回家跟母親大人来外下午茶，經朋友介绍，就来這裡搅点外賣。蝦餃，烧賣，牛肉，雞紥，奶皇飽。首先要清楚外賣到家需時，已失去即叫即蒸即食嘅原味。每件点心都大大件。蝦餃、燒賣、牛肉球饀料夠鲜又飽滿，食出各自味道。雞扎包得實實，咬落吾散，令你一口可嘗到鷄肉、冬菇，鱼肚，火腿带来的豐富口感，跟吃公司三文治不無两様。最後来過奶皇飽，雖然已是由熱變微暖，包皮已硬了点，但饀料還嘗到一丝蛋和椰香味。外賣能吃到如此水準，可见師父的功力！

年初二的中午到元朗吃午餐，見又新街有不少食店已開市，就選了這間還未試過的點心鋪。兩個人點了一個飯，三個點心。章魚肉餅飯稍為不夠熱，可是味道不錯。山竹牛肉肉質很彈牙，但不知怎的就是o急汁的味道很淡。鵪鶉蛋燒賣味道還好，但燒賣下半部份，即豬肉部份很硬，口感一般。叉燒包的包面很濕很林，應該是蒸太久時吸收了水氣吧，所以口感差了一大截...總括來說，價錢雖平 (過年每款點心加$4)，但質素一般，不會再來了...

行完菠蘿山之後，我們就黎到元朗，一路搵好野食醫肚，沒有被海鮮吸引，沒有被林林總總的小食吸引。直到即蒸點心，我們即停下了腳步，走進此點心店。店面小小，直視進店內，已經可以看點心師傅在制作點心，一籠又一籠蒸好的心拎出黎，我們口水就直流。特別記錄：牛肉球讚，雖然沒有亮麗的外表，但是牛肉味和彈牙口感，為它大大加分！牛柏葉讚，蒸得又軟又爽口，低層鋪上金菇，吸滿肉汁的金菇先係精髓！

假日到元朗逛街，見到這家賣點心的平實小店，有多款懷舊點心，立刻入內試試。 這店沒有美輪美奐的裝修，點心不及新派fusion的精緻，但很有風味。點了鵪鶉蛋燒賣、雞絲粉卷及糯米雞，真是以往的味道，相信廚師是由以往一直做到現在，保留傳統做法。我很喜歡雞絲粉卷的餡，紅蘿蔔絲、芹菜絲、豬肉等，非常紮實，一點也不馬虎。糯米雞材料亦很豐富，雞件、冬菇、肉碎及切了條的臘腸，這樣雖然功夫多了但很出味，糯米蒸得透，吃多了也不怕胃痛。蝦餃新鮮出爐，當然我不會錯過，是二撇雞蝦餃嗎？形狀比坊間某些酒樓更精緻，用蝦及肥豬肉做餡，一口一件，很好吃。最後再來一碟牛肉腸，牛肉有芫茜味道，質感很好，不算很滑，但厚薄適中，兒時味道。而且是淋上豉熟油，很香。記得以往點心姐姐在腸粉車中拿一碟上枱，先淋油，再下豉油，後來才因為健康關係，大部份人都叫「走油」，香味當然會較遜色。本來見到點心牌有干蒸牛肉很興奮，可惜老闆娘表示已停做，多數人都選擇山竹牛肉，唯有放棄，真可惜，現在真的比較難食到干蒸牛肉了。還想點鴨腳扎、叉燒包、馬拉糕，下次再來吧！

燒賣，四大顆，豬肉及蝦，瘦肉為主，伴點肥肉，剛剛好不太肥膩，四顆均平均，挺美味。鮮竹卷，也是典型的腐皮包肉、菜絲、木耳般，挺多肉汁在內，屬意料之外。流沙奶皇包，較差，名字是叫流沙，然而只得極少部分是流質的奶黃汁⋯⋯其餘部分都是固體狀，包皮較厚，僅屬一般，不會再吃此包。三款點心，喝喝茶，看看電視新聞，悠閒不過。

呢間野D點心都唔知蒸左幾耐，鵪鶉蛋燒賣粒蛋硬既，叉燒包又索晒d倒汗水，蒸飯又係硬既，得個蝦餃叫正常，好彩本身冇期望，如果唔係仲慘....我去果陣夜晚十二點幾，冇其他客...佢間野開到凌晨四點為乜？

大年初一到來B仔涼粉對面的喜洋洋買外賣，先帶大家感受一下强烈的倒數新年氣氛。各款點心加四元，這就是香港過年的飲食業潛規則。 人多無位，唯有外賣。鵪鶉蛋燒賣：新鮮蛋大隻爽口，非隔夜韌皮貨色。燒賣肉底厚實。此點心酒樓已不常有，多於路邊攤出現。貴在罕有。四寶滑雞扎：腐皮中包裹著厚切火腿、雞肉、魚肚，亮點在於以冬菇代替無謂的仿蟹柳、粟米芯、芋頭，菇味滲透整件鷄扎，又吸入雞肉汁，互相輝映，真乃乾脆俐落又聰明的製作。古法馬拉糕：一字記之曰大。大件、鬆軟，有糕味，且略有黑糖香。薑蔥牛栢葉：普通。如改用黑栢葉，效果應更佳。

喜歡這間小茶館除了有點心、蒸飯、蒸包子外, 還有粥品售賣。金牌孖寶粥餐就是「是日靚粥」+任何一款點心 或 腸粉。我走運了, 粥是新鮮煮起的。材料是 稍微有點稀, 但也算綿的粥底 和 切得很整齊的皮蛋和瘦肉。味道跟份量還可以, 但沒任何值得讚揚的地方。點心則選了燒賣。應該是脂肪比例較多了點吧? 吃下去感到肉質有點不夠結實, 豬肉或蝦的味道都沒有很明顯, 再一次, 真的沒有什麼可讚揚。另外也點了 北菇滑雞飯。雞挺滑也充滿油份、北菇沒找到多少片、飯粒較爛, 缺少蒸的感覺、醬油嗅起來既不香吃下去也沒味道。雖然一點也不會難吃, 但又再一次, 真的沒有什麼可讚揚。三款蒸包子都吃過了奶皇包 - 翻熱了也不「流心」, 真可惜。叉燒包 - 沒有特別。雞包仔 - 味道真的很怪, 請你不要點。由於味道不出色, 包子也很小, 所以5元一個可以說是很貴。 就算不滿意食物, 但還是想支持一下廉價小茶館。

元朗實在有太多食肆，每次經過都會找到新的食店，今次就去了晚市點心。點內陳設簡單，就連茶都用水壺自己沖。反正晚飯未食，就點了鳳爪排骨飯及雞札；盅頭飯醬汁不多，鳳爪及排骨夠乾身，亦醃得入味，飯粒飽滿但飯香一般；雞札用上大大舊竽頭，中看不中用，冬菇片、雞片及豬皮，吃來不過不失，這類小店亦不能要求太多，來光顧的客人都是街坊多，總之飽肚便是。

由於yoho midtown附近賣點心的鋪不太多所以就揀jor lei間近近地ge幫襯鋪頭細細,冇乜裝修不過對我lei講唔算係咩問題lei間點心鋪所賣的點心款式唔多而當日我買jor雞包仔同蝦餃各一籠雞包仔-$12蝦餃-$18老實講,lei個價錢絕對係貴不過我以為係貴係佢d用料或size到點知,只係普通貨首先,兩籠點心都係唔熱,只係微暖唔知係咪因為我外賣,拎返屋企開始食已經係10min後另外,兩款點心,size都只係普普通通但都係皮厚餡少而且冇餡得lei,唔知點解個雞包仔係甜wor蝦餃入面係有一隻蝦,不過冇味,好明顯用鹼水發個皮仲好硬tim本來我都幾支持lei類小本經營做街坊生意ge點心店不過,佢真係令我好失望

呢間店只是小本經營.裝修欠奉.店內的桌子.椅子也比較殘舊.不過...真係抵食夾大件..貼住一個粥.一個點心18元...抵.......因太飽...選擇外賣.蝦餃.燒賣..要等3分鍾......燒賣:好大粒...我只嫌太淡口.....而黃色的皮已經散左..只似一粒大大的豬肉丸...蝦餃.勁大粒..的蝦肉滿滿.雖則蝦肉不至於鮮甜.也算爽口....鳯瓜排骨飯:只嫌醬油落得太重.飯同料也頗多.排骨也新鮮而甜....成盒飯拿上手,好重....18元又平.份量足...無可批評..

由於身體不適，澳門歸來後的不少週末，都在元朗渡過；所以少了在尖咀、中環一帶搜羅新的美食，多了時間留守舊小鎮，試了一些想試而而未試的小店，其中之一就是這間喜洋洋點心專門店。　　留意到這間小店，其實全因對面的發記粥品；同樣地，當日覆診後本來打算吃粥，也是臨時經過想起這店，就進去一試。在簡樸沒有特色裝修的店內坐下，失望是目標內的包點三劍俠（即一籠有齊奶皇包、叉燒包、雞包三款包）已不存供應，唯有另選其他，首先是鳳爪排骨飯($18)。過去的我經常不沾米飯，就算要吃也是一啖兩啖止，這次病後知道要改了.. 久違熱暖白米飯的溫馨，其實點上豉油、再吸收了鳳爪與排骨的肉味後，軟硬適中的蒸飯也挺好吃呢! 這裡給的配料也很豐富，排骨幾乎滿瀉肉質也鮮香鬆化，$18盅真的挺好吃又抵食。也要了一份古法馬拉糕($10)來滿足甜胃，色澤較深邃的馬拉糕濕潤鬆香，甜味適中，又是物廉物美之選。在這裡飲茶最一般可算是茶本身，當日我飲的普洱是無味的，然而店內不收茶錢加一，也不能苛求太多了。而雖然店內已無堂食三劍俠，不過就有三款生包可供散買，散買又不限數量，故在埋單前又順手買了叉燒包及奶皇包各一，然後才打道回府休息。店內教路，生包

下午大約一點同媽去街市買【做冬】菜 , 買之前去到呢間鋪 , 坐出面枱嘗試一下。一坐低阿姐擺低一個大膠碗 , 係俾我洗杯及碗筷 , 另真空保暖金屬壺載住熱茶 , 服務ok 唔錯。我細心睇一個盎頭蒸飯$18元 , 同大棠道熟食亭差唔多價 , 但感覺都算係貴左少少 , 因為我平時同【肥豪】去開 , 水邊圍邨對面果兩間 , 一盎蒸飯都係$12元 , 呢道$18元真係爭好遠 , 不過我要試試先 , 睇下佢係咪物有所值先。 先叫一盎【鱆魚肉餅盎頭蒸飯】俾老媽子食 , 因老媽子出o黎前已經食左少少野 , 所以我用碗仔裝開一小碗我自己食。老媽子話幾好食唔錯喎 , 咁即係好食啦 , 因為我老媽子雖然年紀老邁 , 但好咀刁o架...哈!我都因為唔太肚餓 , 而且晏少少又約左【雞聰】飲下午茶 , 所以我凈係叫左一籠【叉燒包$10】, 一籠有三個包我食哂 , 因老媽子都食唔落咁多。味道我覺叫 ok , 但真係蒸得唔夠熱 唔知係咪坐外面冷風較勁 , 所以好快攤凍哂卦!?之後我夾硬食埋裝開果碗飯 , 飯粒又係俾冷風吹到一粒粒硬 , 肉餅就真係唔錯 , 感覺都幾新鮮 , 咬口都幾煙韌彈牙 , $18元唔計茶錢都