喜聚火鍋雞煲專門店

營業中

休息中

{喜聚任食雞煲 - $188}每一個活躍嘅Foodie 應該都睇過六哥推介嘅喜聚雞煲短片，但OpenRice 中大家對佢地嘅食物同服務態度都唔少劣評，本麻甩今次用試伏嘅心態挑戰，雖然見唔到六哥本尊，但值得為佢地平反呀！因為朋友唔食牛，我地叫咗最平嘅1號餐，原來已經超正，雞煲任食，而且我覺得個雞煲整體嚟講都幾好味，雞件滑滑，雞煲汁味道適中！當然如果可以辣啲仲好！但係任食任refill 雞嚟講嘅級數CP值超高！估佢唔到，每台都仲會有一碟海鮮拼盤，入面有花膠、鮮蝦、蜆、脆骨腩、蠔！雖然係送嘅，但係絕對沒有揸流攤，每一樣食材都新鮮好味彈牙！平時食完雞煲係打邊爐，估唔到今次一轉係蒸海鮮，呢個花膠海鮮蒸鍋唔惹少，每人一隻扇貝，又有花膠同埋墨魚仔！份量唔多，但係呢個價錢實在係大驚喜！最後先至係打邊爐，除咗豬同埋牛仲有牛舌任叫之外，出面攞到返嚟嘅丸全部都係高質，唔係嗰啲街市超平價質素。成晚店員服務其實都好好，態度亦都非常之唔錯，我覺得非常之值得為佢平反openrice 入面嘅指控！如果可以見到六哥更好！美味程度：😋😋😋😋環境指數：🎇🎇🎇🎇番食機會：🦍🦍🦍🦍

之前一直聽朋友推介六哥雞煲，今日終於約左去食，一班人諗住可以一路食嘢一路傾偈慢慢坐，餐廳唔單止有刺身，刺身都算新鮮，仲有蒸海鮮，扇貝個啲，我哋叫咗雞煲同羊腩煲，食完之後仲有豬牛雞可以任叫，另外仲有好多配菜，好多唔同種類嘅丸，可以食到好飽好飽，而且店員服務都OK，上菜都幾快😹😹嘢飲都係任飲，食到最尾仲可以揀甜品食，有雪糕同埋糯米糍，我自己覺得都幾抵食，好適合聚餐嘅時候食，價錢合理🤍每人大約340左右

今晚又來喜聚, 沒有經openrice訂位, 直接walk in, 上到去大約8：30, 都好多客人, 不過以大班人為主, 同飲啤酒🍺🍻為主😛, 今次試雞🐔煲, 今次叫最平的套餐😆, 門口叫左餐之後, 比安排坐近夾食物的二人枱, 等在一陣送來花膠雞🐔煲, 聞到好香噴噴😋, 之後又送來一碟海鮮🦐🐟🦪拼盤, 煮一陣雞🐔煲食得, 都煮得幾入味😍d 雞🐔都滑, 唔算好辣😛, 差唔多食晒🐔就加海鮮, 蝦🦐幾大只, 也好新鮮😅, 脆肉鲩都唔錯, 都脆👍, 之後出去夾左前菜, 青瓜🥒, 鴨舌, 雞腳, 脆薯格, 今日d雞腳就酸左d, 無上次敢好味, 脆薯格🍟亦已經淋左了😄, 之後亦夾左d菜同其他食材都好乾淨又新鮮, 今次比我發現有稻庭烏冬😍, 之後亦拿左少少新鮮菠蘿🍍食, 飲品也有小枝裝同罐裝, 都有好多款, 甜品有泡芙, 桂花杞子糕, 布甸, 雪糕杯, 雪糕糯米糍😉, 試左一件泡芙, 唔太甜幾好🥰,桂花杞子糕亦都唔甜😍, 雪糕糯米糍迷你版有芒果, 香芋, 綠茶😋😋👍, 之後店員漏左比蒸海鮮🤪我哋亦無留意😆食到最後先上比我哋😂整體唔錯, 有d侍應服務也唔差😀

之前有經過, 但一直未試過, 不過即興walk in, 所以並沒有經openrice 訂位去享有任何優惠, 今晚過來啱啱9点後係特價時段, 有4款套餐可以選擇, 有2款限時2個鐘, 有2款無限時, 還有啤酒任飲🍻🍺, 一上到去都幾多人, 不過係一大班較多, 有幾枱都係有大啤酒😆, 門口要揀餐, 㨂左2號餐不過無要雞🐔煲, 要左花膠雞🐔湯底, QR code落單, 有豬肉🐷牛肉🐮羊肉🐏, 蠔🦪, 冰蚌, 脆肉鲩, 花膠, 蝦🦐, 蜆, 蝦滑, 墨魚丸, 大部份全部係出面夾, 有丸, 腸仔, 粉腸, 餃, 豬紅, 水魷魚, 鵝腸,, 冬菇🍄‍🟫, 金菇, 芋頭, 蕃茄🍅, 南瓜, 豆卜串, 菜, 連好少見的牛骨髓同雞子🤣都有, 🌽🥬•••公仔麵, 烏冬, 都算幾多種類, 各式醬料比自己配搭, 有d比較少見, 例如我揀左泰式酸辣醬🤩幾特別👍, 另外有小食例如青瓜🥒, 鴨舌, 鳳爪, 味道都唔錯, 炸物同薯格我無試到,試左迷你泡芙同杞子桂花糕😘😋都幾有驚喜, 舊糕唔甜食落幾香😙飲品就有罐裝汽水, 罐裝茶, 清熱酷, 啤酒等, 也有本地杯裝雪糕和迷你盲盒版雪糕糯米糍👍🤩食左三粒都係綠茶, 以這個

最近去咗一間好特別嘅專門店，佢哋朝早係茶樓，夜晚就變身做火鍋雞煲，真係一舉兩得🌞🌜今次我去咗飲茶，真係叫咗好多點心同粉麵，個個都好滿意🍽️首先，飲茶必叫嘅蝦餃同燒賣，真係冇得輸！蝦餃皮薄餡靚，蝦肉鮮甜，咬落去啖啖肉，真係好滿足。燒賣亦都唔例外，味道鮮美🦐🥟鳳爪排骨飯亦都係一個唔錯嘅選擇，鳳爪煮得好入味，排骨亦都嫩滑，配埋白飯，真係一流🍚最驚喜嘅係個爵士奶黃包，呢個真係必試！一咬開佢，奶黃就流哂出嚟，香甜滑溜，真係令人一試難忘🥮✨呢間專門店嘅點心真係做得好出色，下次一定會再幫襯，試下佢哋夜晚嘅火鍋雞煲，睇下有冇咁驚喜🔥🍲

個朋友爭兩日生日多口問句有冇生日優惠，個門口企位就語氣勁差咁話返我轉頭冇就冇……＊見貼住生日折扣……入到去個座位已經坐得五舒服又要受氣，d員工態度非常差！要求客人自己加湯(加一服務費黎做乜？)比錢貼難受！我地得三個人但要收四個錢＊有個朋友突然黎五到＊未食完野就係咁催你走……但身邊好多枱早入過我地都五洗走＊仲有都冇人等位……嚴重懷疑呢間野只對有背景同飲酒好大聲既客先會尊重……成世人未食過咁差既餐廳！希望快d汁左佢！

寫營業到夜晚1:00,但23:00開始埋數Last Order我地Book 22:30,樓下寫明23:30Last Order,點知坐底無幾耐已經叫埋單,23:30都未到就話無野叫,咁就唔好話23:30 Last Order啦,去到00:00出面野食都無 擺明叫你快D走 好趕客 冷氣唱到正一正 叫既野又唔齊 完全唔值$3xx唔好睇IG YouTube 條友係度跳舞9噏好似好過癮,唔會有下次………………………………….差！

今天點了一個無限時的任食和生啤任飲套餐，但用餐時點了杯生啤，但遲遲都未到（超過5分鐘以上）。但那個時間全間餐廳只有兩枱客人，亦見到侍應只是站左聊天，並處於空閒狀態。於是便問了一句：唔該，我想要杯生啤。隨即換來男侍應的一句：落單啦！（態度較兇惡）。自己顧著聊天沒有睇單，仲要態度禁惡。生啫牛肉那道菜真的不錯，味道有驚喜。再且還附送炸物和蒸海鮮，質素都還可。總體來說食物質素真的不錯，性價比不錯。不過唯一缺點真的是態度問題。

係網上見到宣傳，無限時任食雞煲打邊爐，諗住去試試。由於同朋友太耐無見，諗住搵間餐廳唔會趕住叫我哋埋單，無時間限制就好啦香港食飯都比較難搵好彩突然間係網上見到，即刻試試先。先試魚生，都幾新鮮雞煲味道唔錯，好入味，飲品都幾多選擇，打邊爐食品都幾多選擇。唯一希望餐廳可以改善一下，冷氣唔夠，夏天打邊爐唔夠冷氣真係好辛苦

6個人去，揀左個最貴的368無限時餐。外面的食物選擇唔係好多，主力都係掃qr code食入面d牛。好可惜d牛黎到真係對唔住距個368的價錢，完全無牛味，好似食緊200蚊果d垃圾邊爐。個雞煲可以無限加雞，不過難食到爆，鹹過鹽。係我食過最難食的雞煲。個海鮮叫人有我有，細細粒的鮑魚bb，迷里扇貝，垃圾一樣。個一次性的避風塘海鮮先癡線，入面有三文魚骨同蝦，全部都係食剩下的食材。呢個食物味道加quality，200蚊就ok，368真係唔會有下次。我地所有人難得一次過俾一樣commend，就係垃圾。

6月24日揾食肥華同靚媽在，旺角睇完中午埸，途經此店又撞啱喺，特價下午茶時段，就上咗此店，祭五臟廟，今餐點咗兩個特價飯，包括，靚媽至愛菠籮咕嚕肉飯，及肥華想食嘅，豉汁蒸倉魚飯，呢兩款飯同餸，都有水準，而白飯嘅份量亦足，至於在下午茶時段收，廿六個八一客嘅，瑤柱，花膠，灌湯餃，亦材料有齊，味道亦佳，呢餐整體，肥華所點嘅食物都有B+評分，但計埋兩位茶錢，埋單要$195以下午餐時段，唻講，肥華又唔覺得特別低食喎！

上次黎食2號餐叫左三個員工黎加雞都無人理，無限加雞喎？係咪唔叫3、4號餐無人權呀。用QR CODE叫五碟肉就永遠得兩碟仲要拖勁耐先到。見六哥個樣咁誠懇黎支持下結果變左咁唔好既體驗，真係好失望啊。

終於有機會嚟到試試六哥推介嘅生啫肥牛～可能大家唔知六哥係邊個，喺社交平台search 佢哋個page，話說我都係睇咗佢哋嘅廣告慕名而來！好耐未食過雞煲，星期五約到班老友一齊去試吓～地點都算方便，收工喺旺角東站行過去唔使10分鐘。朋友醒目有WhatsApp留定位(一日前問都仲有位)，嚟到嘅時候門口已經好多人。首先，呢度係麻甩佬雞煲場，如果帶埋女性朋友嚟要做好心理準備🧍🏻‍♂️🧍🏻‍♂️🧍🏻‍♂️🧍🏻‍♂️(女友人真實對白：咁多佬嘅🥲）🌟麻辣雞煲好快上雞煲，叫嗰陣唔記得有冇得揀辣度，不過朋友都食得辣，所以冇理到，唔算好辣，味道還好，雖然無限加雞，但係只係食咗一轉，因為想快啲打邊爐😂🌟刺身拼盤上咗雞煲，之後催咗幾次先上。本身都無太大期望，刺身出奇地新鮮，冇雪藏味，食完第二日都冇肚痛👍🏿🌟避風塘海鮮山睇廣告片有瀨尿蝦，但呢度冇，反而有雞塊同魚柳，蝦蟹炒到好脆，肉唔多，味道一般。🌟芥末一口牛好似每台會送一碟，肉質唔錯，雖然加咗芥辣，放落雞煲醬到煮，味道就唔係好出，不過都幾好食！🌟肥牛當然唔少得可以生啫嘅肥牛，唔算好肥，幾有牛味，唔錯！🌟海鮮蒸鍋食食吓無端端放咗盤海鮮蒸鍋上嚟，啱啱先放前料入去打邊爐，搞到

本身book左位 我未到 叫左個friend上去拎左枱先。我地揀左4號餐 即係最貴既餐。後尾我過到黎 我都預左個環境唔會好得去邊。行到入去成地都係沙 好似人地啱啱鋪原地磚咁。本身個場都唔係大 座位比較逼 枱同枱距離係好近 基本上座圓枱係要叫隔離枱借借先入到去。好啦 一座底 食個雞煲先，食物味道可以，款式同網上面介紹亦都相符。但當我叫左一座生啤1664，等左大約半個鐘都未到 。我再去問店員，佢就話陪生啤機壞壞地 要等耐d .但當我行出房去到大廳諗住拎罐裝啤酒飲見到比我地後到既一枱年輕女客人枱上面居然有一座1664生啤？原來係睇人既。好啦 都唔緊要 原來隔離枱都飲到大大地 仲要就談闊論男女性器官。後尾仲要係度唱歌大叫。試想像一間唔夠600呎既房入面 坐左20幾個人 有5枱人。仲要有一張枱係度大叫發酒癲。小弟都比較常落酒吧，但都未試過好似呢度咁嘈 耳朵係幾咁受罪 幸好我個仔無比佢地嚇怕。通風系統就唔使講完全係焗到乜咁你預咗食飽身上面一定會有雞煲味，所以落嚟食嘢之前唔好沖涼因為你返到屋企一定要沖多次涼，亦都要洗多一次頭。最叫左兩碟牛，加左一次雞，食左海鮮山同蒸鍋，再食左小小刺身忍5住埋單走人

成日係社交媒體見到喜聚賣廣告，成班男人睇下睇下，就心郁郁想試下，今晚終於約齊人上去會一會佢。餐廳有四個放題選擇，只有第三同第四個係無時限任食，同任飲生啤，其他兩個只有兩小時，我哋幾個麻甩佬梗係二話不說揀左最貴嗰個，喪飲生啤。一揀好食邊個餐就9秒9點個啤酒塔先，第一個先來Sapporo日本生啤，然後先叫店員落個惹味花膠雞煲，食完再打邊爐。雞煲揀左小辣，但係辣度都幾勁，雞件份量唔算多，一人兩三件就食完，不過唔會死咸，任食來講都抵讚。一邊食雞煲，避風塘海鮮山同刺身拼盤都上枱，個海鮮山來到有啲失望，得幾隻蝦同瀨尿蝦，係調味搭夠。刺身解凍得幾好，唔會一大陣雪味，款式都成十款，不過要食快啲，因為墊底冰塊溶得好快。食完雞煲就來左個蒸海鮮，有鮑魚，元貝同龍躉片，個頭小小但係新鮮，少少蒜蓉調味就足夠。之後當然係打邊爐，我哋就咁用清湯碌牛，主食黑毛和牛同安格斯牛小排，兩隻牛味都夠，同肉質唔柴，外面都有好多款配料可以自取，特別推介豬潤，相當鮮嫩。不經不覺由七點幾食到十二點，啤酒塔都飲完四個，之後每人再追加一杯生啤作結，埋單都唔使四百一個人，又食又飲真係去邊揾，不過餐廳冷氣好勁，同食完會成身味，大家要留意下。