喜茶 (時代廣場)

營業中

休息中

每次去times square，除非已經食到好飽，否則都會有個指定動作去買芝芝芒芒，試過其它牌子嘅同類飲品，始終唔及喜茶嘅原創。以前要排幾個鐘，想飲都要諗過，宜家咁易買冇理由唔買，不過都要提下，飯後係比較多人買嘅，walk-in買有可能有排等，最好食緊飯時用微信小程序買，食完飯去拎就啱啱好喇。芝芝芒芒係用熟透嘅呂宋芒配以綠妍茗茶，芒果非常足料，仲好香甜，成日買嘅我覺得水準算穩定，好間中會遇到微酸嘅芒果，但多數時候都係超級香甜嘅。奶蓋令到成杯飲品更昇華，可以話係"芝"味無窮，同埋成杯嘢嘅水準keep到好耐，試過有次拎咗成個鐘先飲，但味道都keep到，但可能嗰陣唔係炎夏啦。今次買多杯好抵嘅超清爽百香芒拎走，$19大大杯，一試無妨。呢杯係用鮮芒果同百香果汁混成嘅，兩種味都飲到都幾平衡，至於芒果肉就梗係冇芝芝芒芒咁多啦，但以呢個價錢仲用真材實料芒果，都冇乜嘢好批評喇，淨係覺得要吐返啲籽出嚟比較麻煩同酸咗啲，不過性價比係高嘅，論味道就當然係芝芝芒芒完勝啦！

今日銅鑼灣時代廣場諗住試下飲杯喜茶。點知要等成大半個鐘。大佬我分分鐘係錢嚟啦 人哋星巴克都唔使等咁耐。食屎啦。 我梗係去行下其他地方先轉頭返嚟啦 ，回來后我畀張飛個女待應，佢又即刻耍手擰頭話唔係。 有就有，冇就冇你講清楚呀耍乜嘢手啫。我話成個鐘你都末做好，後面有個高級啲又話放咗喺後面。我真係小爆佢。嗰杯咁嘅乜嘢純岩茶不知所謂。真係街邊呢都好過飲。以後唔使旨意再幫襯佢。我重申， 這間舖的飲品以及服務態度係垃圾中的垃圾。

🍴芝芝多肉桃桃 $45 (7/10)飲落去又好清香嘅茶味，帶少少桃香，飲到粒粒桃肉，桃肉幾足幾清甜，無糖比較淡少啲不過唔甜。奶蓋質地很濃厚，非常香濃嘅芝士味，一啲都唔甜，帶少少奶香同得鹹，都好飲，不過就貴咗啲😂推薦指數: 7/10$40樓下抵飲啲。

朋友介紹既消暑飲品，最正係《芝芝芒芒》最面個層芝士🧀，實在太好味喇～😍😍咸咸地既芝士🧀，加埋鮮打既芒果肉😍😍Oh My God !😌好好味呀！😋一試上癮！

究竟初戀係咩味道？如果你係星爺嘅fans 就千祈唔好錯周星馳《喜劇之王》聯乘喜茶，推出飲品同埋限量周邊產品！特調飲品「初戀瓜瓜甘露」，飲品靈感故事靈感來自於《喜劇之王》星爺飾演飾演嘅尹天仇教張栢芝飾演的柳飄飄尋找初戀感覺嘅經典橋段。飲品以新鮮嫩青淺綠網紋瓜作為主調，搭配經典生椰乳製成冰沙、脆波波及西米，底部仲有鮮制甜瓜果肉，淡淡果肉，味道勁香甜，炎炎夏日試一啖，呢個就係初戀嘅味道！～限量產品有尹天仇與柳飄飄角色徽章、「喜人的自我修養」記事簿掛飾及兩款經典場景坐檯立牌，星爺嘅fans必定要儲，喜茶銅鑼灣時代廣場店、澳門威尼斯人店，更設有限定打卡位，巨型擺設「喜人的自我修養」，參考代表尹天仇演員夢「演員的自我修養」嘅象徵，加上星爺親手寫嘅金句highlight：「每個用心生活的人，都是自己的喜劇之王」，絕對係Fans 最新打卡朝聖地！

喜茶🍵🍑📍 銅鑼灣勿地臣街1號時代廣場B2層B216號鋪❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎今個夏天☀️，喜茶既桃味特飲嚟到香港啦🙈。果茶 係夏天必備既飲品🤩，非常之解渴😌，大家又點可以錯過😂，而且勁抵飲🙋🏻‍♀️。🌟多肉桃李 $25飲落口，係有桃味既茶，唔算係好甜🥰，同埋有桃肉既咬口🤤。如果鐘意芝士既朋友仔， 仲可以加埋芝士。整體推介指數：❤️❤️❤️❤️🤍❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎❤︎

☀️天氣炎熱🔥偶然都想破例飲番杯凍飲開心一下🥳今日經過銅鑼灣見喜茶🈶️新野「楊梅系列」🍓就係一於同friend 一齊試吓先🥳酸酸甜甜💯係入夏消暑嘅好選擇呀🌡️🧊🍓爆汁楊梅🌈之前都有飲過喜茶🥤今次呢杯爆汁楊梅超🈶️驚喜呀🥳呢杯加咗楊梅爆波波💥輕輕峧爆楊梅波波💥味道唔單止清新💦仲有雙重爆汁嘅清爽體驗呀💯好正呀🥳🍓輕芝楊梅🌈喜歡經典嘅芝士香味🧀呢個新味道就一定要試吓嚕😍佢哋唔至杯頂🈶️一層薄薄經典芝士香甜綿滑🧀濃醇鹹香芝士奶蓋🥤今次仲加埋新鮮楊梅嘅酸甜爆汁呢個口感💯好🈶️層次感呢🥳🍓芝芝多肉楊梅🌈又一杯將經典嘅芝芝昇華系列😍芝芝多肉楊梅又飽滿💯果肉酸甜爆汁💥口感醇厚綿密💯啖啖暢享清爽又輕盈💯消暑解渴到極❤️

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼喜茶新推出期間限定飲品🥳 5月係楊梅一年一度嘅時令季節，最近天氣漸趨炎熱，嚟杯酸甜可口嘅冰涼飲品最適合不過🍹由選購、運輸至消毒、清洗，每粒楊梅都經過嚴格認真嘅處理👨🏻‍🍳先可以被製成為各款美味特飲，鍾意楊梅嘅朋友一定要嚟試吓💞🔹爆汁楊梅楊梅沙冰內有滿滿嘅楊梅鮮果💁🏻‍♀️配搭清雅綠妍茶，味道清新有層次👏🏻再加入楊梅爆珠，輕輕咬破漿汁四溢💥為顧客帶嚟雙重爆汁新體驗🔹輕芝楊梅楊梅肉酸甜爆汁🍒頂部有一層薄薄嘅濃醇鹹香芝士奶蓋🧀輕芝特飲口感輕盈，絕對係消暑解渴好選擇☀️▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

目前最好飲既珍珠奶茶 一定係heytea😊好鐘意佢個烤黑糖波波牛乳🍵 $36口感好滑 珍珠好軟身👍🏻係手機App落單仲唔洗等 去到有得拎 非常之方便我唔中意排隊既人😉

喺銅鑼灣行街經過時代廣場發現喜茶推咗個聖誕真果繽紛節日限定飲品～ 見到成杯嘢粉紅色咁真係少女心爆發呀💗 淨係打卡都有排你玩😬輕芝莓莓以當季嘅新鮮草莓同冇香精綠妍茶湯底冰沙混合而成🍓上面仲鋪咗層滿滿嘅邪惡芝士奶蓋，整體味道香甜又帶點清爽，感覺冇咁膩！飲落去亦食到粒粒果肉，口感豐富，值得一試呀🤤

打完波之後，朋友請飲喜茶~好彩有預先電話落單咋~如果要我企喺度半個鐘…我真係唔會飲🫤本身想飲番飲開嘅多肉葡萄，不過賣晒…朋友介紹呢杯<<粒粒紅柚>>($28)原來仲正😏Fresh fresh的!每一啖都啜到西柚肉🥰「少少甜」嘅甜度剛好，唔會澀~下次可以揀「少少少冰」!今次「少少冰」都飲到我起晒雞皮🧸

同朋友係銅鑼灣行街經開Times Square，見到喜茶有季節限定既多肉青提凍，身為一個青提控，當然要試一試！🎈 多肉青提凍嚴選新鮮既青提，同個名一樣真係做到多肉，有3份1都係果肉。果肉一啲都唔酸，仲係清甜爆汁，再配上彈彈凍，口感豐富😍味道：❤️❤️❤️❤️🤍環境：❤️❤️❤️❤️🤍價錢：❤️❤️❤️❤️🤍🍽️ | 喜茶📍 | 銅鑼灣勿地臣街1號時代廣場B2層B216號鋪

芝芝芒芒 平時我都係珍奶愛好者🧋既然水果茶為主咁今日就想試吓飲呢個出名嘅芝芝芒芒 飲落去個芝士奶蓋個質地都好香滑🧀蓋奶味濃郁 帶有鹹香 同芒果溝埋都幾夾😋不過我覺得太多沙冰啦 好似好結咁 唔係好啜到但係個芒果味就唔係話好濃🥺同埋冇咩果肉 我加咗啲好似爆珠咁嘅嘢食落去有啲口感補償番冇咩果肉🤣再比我選擇我會飲番佢其他產品🤣另外就係收銀員態度係超級好💛話說有個人佢個口罩帶得唔好基本上佢拉低落嚟咁濟但係個侍應哥哥就好有禮貌咁叫佢帶返好口罩而個客人態度勁差同埋睥住佢有時喺度諗點解啲人嘅防疫程度咁差

以前成日飲呢到嘅珍珠奶茶，今次嚟見有新嘢，夏天咁熱一定要飲返杯凍飲🫐酷黑莓桑今期新品黑莓系列，飲品紫紅色，濃濃黑莓味神秘黑色果粒混入莓莓機密配方，粒粒多肉，手剝桑葚果肉MIX新鮮士多啤梨，多汁好飲🍑多肉桃桃鐘意桃嘅我點會唔飲呢款呢，桃肉沙冰好冰涼，好多新鮮桃肉仲有啲啫喱，清甜味道，夏天飲沙冰特別涼爽～🚩喜茶 (銅鑼灣) @heyteahkmacau 📍銅鑼灣勿地臣街1號時代廣場B2層B216號鋪

其實呢間嘢咩事？今日行完街好口渴，諗住買啲嘢飲，點知等勁耐都未有！你做唔切仲接咁多單做乜？整嘢飲嗰啲係好密密手整，但pack嘢飲個男職員，仲要慢手慢腳！啱啱睇原來啲人等個幾鐘？三個鐘？有冇咁值得我浪費人生呢個時間去等你杯嘢？個幾鐘，我搭車返到屋企飲乜都飲飽咗啦！其實呢間嘢咩事？接幾萬張單根本做唔切！最離譜係pack嘢嗰個人，勁慢手腳，幾十杯嘢飲擺晒喺度等佢pack，佢仲可以pack完攞住人哋袋嘢喺度同隔籬嗰個職員傾偈，都唔遞俾人🙄