喜萬年酒樓

營業中

休息中

老字號「喜萬年酒樓」經歷多次搬遷，懷舊菜式水準依然出色，尤其是烤乳豬。這晚，我最鍾意泥鯭粥、岩鹽燒牛舌、蓮蓉焗布甸，乳豬及烤雞是預期中出色，冬瓜盅夠火侯，天婦羅鮮斑球水準媲美日本料理店。我們訂了房間及菜式，賣單六千多元，價錢合理。岩鹽燒牛舌這個我很喜歡，牛舌夠厚，柔韌度討好，岩鹽份量剛好，簡而美。滷水豬生腸爽口味道好，輕輕的滷水香，做得唔錯。雞蛋焗魚腸喜萬年乳豬皮脆肉嫩，難有投訴，乳豬不迷你，分量十足。如傳統或者婚宴般有棵會閃亮的眼睛，懷舊意濃。海星斑兩味：天婦羅鮮班球炸工不下於日本料理店，炸醬很薄，魚肉新鮮，配備三款調味醬汁，粟米芡汁、兩款酸甜汁，各有各好。涼瓜枝竹豆卜炆頭腩相比之下，這個較失色，夾了兩件魚都是鰭位，口感只有吸收了濃醬的皮及碎骨，這一道最不受歡迎。鮮蓮八寶冬瓜盅醇厚味清甜，再添一碗了。當紅脆皮龍崗雞又係皮脆肉嫩，水準之作。鮮拆泥鯭粥另一必吃招牌，久熬的粥很棉滑，泥鯭鮮甜，至今依然回味，值得為此重臨。上湯浸菜遠豉油皇炒麵蓮蓉焗布甸甜度適中，好得。

例牌叫咗春卷，春卷炸得個皮好脆，都幾好食。蝦餃真係出色，內涵嘅蝦有好多隻，好足料，咬落彈牙，味道調得剛剛好，個皮又好薄，新鮮出爐，熱辣辣好好食。馬拉糕整得唔係好甜，個糕亦好有彈性，好好食。山竹牛肉球，牛肉球咬落入面唔會話有啲根咁咬唔爛，整粒都琳琳滑滑咁，個味亦調得啱啱好，值得一試。見到隔籬枱叫左個金黃色好大籠嘅食物，賣相好吸引，所以就跟住你叫咗一個，佢係花膠栗米蒸蝦滑，好大籠，花膠好大塊，蝦滑好多，粟米又好甜，好好食。好耐冇食鍋貼，叫咗一碟，煎得唔夠香脆，但涵料就好足，食一個都好飽 。

灣仔地牢夜總會酒樓？  誠意推薦春風得意腸《喜萬年鮮蝦餃（特）》$49 真係皮薄餡靚！一上台見到啲皮好晶凝通透。裡面有滿滿嘅蝦肉，食落爽口彈牙！ 《蟹籽燒賣皇（特）》$49 都係大大粒，有一大嚿豬肉蝦肉同冬菇餡，香口好食！  《豉汁蒸鳳爪 （中）》$42 不過不失啦，蒸得夠腍，不過味道就唔算太突出。 《春風得意腸(頂）》 $47 懶惰鼠最愛！集合幾種口感又真係好得意！先黎個滑滑既腸粉外皮，咬一啖係脆既？係春卷！中間有層香脆既春卷皮呀！最裏面又有彈牙嘅鮮蝦！勁好食呀～～～！不過呢個一定要趁熱食，如果唔係春卷皮潮左就食唔到呢個咁得意嘅口感㗎啦！ 《古法馬拉糕(中) 》$42 味道質感都係屬正常發揮啦！ $285  整體 食物味道中上，大推春風得意腸。 環境就唔太開揚，同隔離枱既食客會比較親密。服務態度就正常，不過黎飲茶都要等下位架。  Rating： 懶惰鼠 😻😻😻😻 懶惰虎 🤩🤩🤩+0.5  📍喜萬年酒樓灣仔軒尼詩道288號英皇集團中心地庫 💰人均消費：$150 ⏰營業時間：11am-11pm  

帶埋屋企人慕名而來，點知非常失望！Book 位嘅時候已經要忍住度氣，接電話嘅女士兩次交往都係冇乜禮貌，半死不活的語氣，問兩句答一句。昨晚嚟到食啦，點知中伏 -乳豬：1/4 隻，味道正常，都算 OK，但係唔值三百幾蚊。古法鹽焗雞：算係全晚最 OK 嘅，不過亦都只係正常好食，$568！鴛鴦醬脆皮蝦球：醬唔好味，所謂鴛鴦其實味道非常接近，一般嘅炸物整兩 pat 醬而已。帶子多士：唔好味，好油。七味脆皮豆腐：完全失敗，我每逢飲茶食飯都會叫呢道餸，可謂專家，但係佢個皮又硬又厚。蒜子浸菜心：真係經典，雖然味道 OK，但係要 $118 ，大約只有半斤。大膽講句錢唔係問題，如果啲嘢好食又食得開心其實已經唔計較，弊在又貴又唔好食，態度又一般。 六個人 $2,000，冇話平貴，係唔值。

喜萬年真係名不虛傳，食物水準保持，服務態度良好。屋企人慶祝中秋佳節，一定要揀間信譽良好的食肆，食好味的懷舊菜👍招牌乳豬皮脆肉滑，岩鹽燒牛舌好味，薑蔥撈粗麵亦是我的至愛😋總之但凡有喜慶聚會，第一個閃入腦海的地方就是喜萬年🥰

喜萬年位於英皇集團中心地庫灣仔站向軒尼斯道方向行十分鐘左右老字號酒樓，開業四十多年，點心是以前懷舊的味道🎊夏日冷盤推介爽脆生腸👍餐前小食，滋味無窮鹵水生腸，全部都肥嘟嘟入口爽脆彈牙，滷水味濃，一試難忘🤩香茜牛肉腸粉滑溜的腸粉包著牛肉芫茜跟牛肉很夾再淋上特調的豉油，簡單而美味🍽️山竹牛肉四大粒牛肉球放於腐竹上蒸熟鮮美多汁，口感彈牙，真材實料🎉鳳爪豉汁味道很入味肉質軟腍香口啃骨頭也是一種樂趣絕對係 飲茶必食 點心之一🥢叉燒飽傳統叉燒包的標準要求是「高身雀籠型，大肚收篤，爆口而僅微微露餡」肥瘦適中的叉燒做餡料，包身軟熟剛好，稍為露出叉燒餡料，散發出陣陣叉燒的香味❣️

今日要陪老公去灣仔做嘢！由於是午飯時間我哋需要喺度等人哋開工。我提議不如去飲茶，懐舊點心真係唔易搵，一見到喜萬年個牌就二話不說去試！佢哋起碼有40年歴史！雖然是午飯時間，但亦有位置不用等位！服務員非常之有禮貌，有親切笑容😊我們共點咗五個點心一懷舊蛋散，蛋散鬆化一啲都唔甜二山竹牛肉，手攪牛肉，好大粒，共四粒三金錢肚，好腍四蝦餃，好似乒乓波咁大粒，共四粒，五牛肉腸粉，牛肉腸加咗馬蹄好好味二人共食咗五樣點心超飽，埋單$300都唔需要

屋企人喜歡飲茶，加上這裡有早鳥優惠，所以一大早就帶家人來這間酒樓用餐。蟹子燒賣皇：燒賣外皮薄韌，內餡鮮美多汁，足料好吃的燒賣。上湯鲜竹卷：足料大條，鮮美可口。鮮蝦菜苗餃：餃皮晶瑩剔透，內餡是鮮嫩的蝦仁和清爽的菜苗，口感鮮嫩多汁，味道清新。強烈推薦。百花煎釀虎皮尖椒：虎皮尖椒外皮煎得金黃酥脆，內餡是鮮美的百花釀，辣味適中，口感豐富，是必點菜品。豬腳薑雞蛋：味道濃郁，調味剛剛好，可惜豬腳不算很嫩滑。流沙奶皇包：普普通通，味道正常。蠔皇柚皮鴨掌：鴨掌嫩滑，吸收了蠔皇醬的濃郁味道，配上清爽的柚皮，十分美味。整體來說，這裡的點心出眾且份量大，值得一試。

由多年前的酒樓夜總會蛻變成今時今日的老牌茶樓，趁週末到十二蚊店買東西，順道到來飲茶，緬懷一番。落單後點心很快便上，煎炸點有春卷、煎韮菜蝦餅和春風得意腸。春卷夠脆，而且不會太油，不過沒多少蒜味。蝦餅亦夠厚身，奈何韮菜味同樣完全不突顯。春風得意腸的腸粉油滑，但中間的油炸鬼過硬，毫不得意。蒸點則好吃得多。蝦醬鮮魷的魷魚軟硬得宜，咬下滲出的蝦醬味更是非常香口！百花釀魚肚及蝦餃都吃到很爽彈的蝦，魚肚更是十分入味。鮮竹卷浸在上湯裡，啖啖都有上湯濕潤著，而且鮮竹卷超級飽滿，肉餡是爆多的！燒乳鴿的皮由頭脆到落腳，鴿肉竟然還是幼嫩有汁。蘸點的淮鹽絕對能夠提升食味，一點也不會過鹹，必食推介！至於梅菜蒸菜芯，梅菜的鹹香影襯出菜芯的鮮甜，極之出色！越是懷舊，越有味道。

今日晏晝去喜萬年食lunch…除咗食咗垃圾之外，仲食咗一肚氣！先講環境，喺地庫，普通酒樓。坐低後部長問我哋飲咩茶？只係問佢一句:有啲咩茶揀？佢瞬間黑面…其實只係一個好普通嘅問題…唔使咁就黑面呀嘛？因為唔想食點心，所以叫咗小菜同埋麵，但係價錢都幾貴… $168一碟陳醋咕嚕肉，冇飯冇湯冇糖水… $128一碟魚香茄子炆伊麵…到上菜嘅時候，嗰碟咕嚕肉賣相真係好唔得，得16小嚿…第一舊食落去係炸粉同埋肥膏…已經冇晒胃口…個伊麵係普通嘅豉油煮伊麵，有六小嚿茄子…本身想再加嘢食，最後尾都係唔好啦…陳醋咕嚕肉16嚿…仲要豬肉質地好奇怪魚香茄子炆伊麵…茶餐廳好食過佢一千倍有個姐姐幫我哋執好張枱啲餐牌，阿部長可能睇我哋唔順眼，嗌走姐姐去上菜…唔知乜嘢得罪佢成餐飯食咗啲乜嘢？食咗堆垃圾之外，就係食咗一肚氣永遠冇下次，勇者都唔好去試！

喜萬年是我們公司飯聚的地方，食物是中上，點心是不錯的。但近來，服務質素下降，本人認為價錢中上的食店，都需要提供相等的服務質素，但竟然可以惡過客人，自問我是有禮貌叫她收碟，但她一手搶過後，還面黑黑，之後我和同事說出我的不滿，再望了那侍應一眼，她就好大聲說：我都收左碟，你想點，我和同事都嚇呆了，中上價錢，大排檔服務/語氣，我深信，除了因為老品牌可以吸引老顧客外，這樣的服務，我個人應該不會要惠顧

等左五十分鐘先入得。第一次問登記個個人，佢話未有人走，我哋話裏面有幾張吉枱，有大有細，佢先話唔知有冇人訂咗，之後就走左。咁究竟係無人走丫？有人訂咗枱丫？😅自己判斷。之後佢出返黎check都無check過有無人訂枱就比我哋入。食物正常啦。

樣樣點心都大件好足料，味道唔會死咸，價錢小貴，但好食，銅鑼灣行過黎都好近，如果黎開呢頭都一定會返黎呢到飲茶!發財好市大利❤有髮菜 蠔豉 豬脷既燒賣，燒賣食起黎唔油膩，粒粒都咁漲卜卜，亦唔會好粉係爽口彈牙。喜萬年鮮蝦餃❤餃子皮就較厚，但餡料好足夠，隻隻都食到有蝦蟹籽燒賣皇❤好味好味<3上湯鲜竹卷😃好大條，餡料多到一人一條都好滿足四寶雞扎😃雞肉一夾起就散，最中意係個芋頭條同冬菇，好香口百花蒸釀魚肚❤成塊大蝦膠係面，個底有幾塊魚肚，味道清新蝦醬蒸鮮魷❤必點! 中意濃味既必點，鮮魷爽口滑身，個底個有D粉絲好惹味!鮮蝦豆苗餃❤餃子皮好薄，菜餡十足，必點!蜜汁叉燒飽❤正常! 百花煎釀虎皮尖椒 ❤必點! 勁大條，滿滿蝦膠，好好食香煎韭菜蝦餅❤ 必點! 好香韭菜又唔油膩，外脆內軟，皮又薄水晶鮮蝦腸 😃好厚皮，蝦亦都唔係好完整，我地就麻麻地呢碟菜干咸排骨粥😃 味道清淡，一人份量蜜糖黑椒雞中翼😃 重蜜糖唔太食得出黑椒味，但隻隻都好厚寶，食起黎都好滿足。服務唔算好好，環境都坐得迫 同細，但食物味道係幾好。

打敗仗停更左一個星期，最近嘅流感真係好勁，加上轉天氣大家都要保重身體😣搵番倉底貨，發現竟然漏咗呢間「老字號」酒家——「喜萬年酒樓」未介紹😏 小編都係聽朋友介紹，30多年老店應該有番咁上下質素啦，誰不知食完真係成肚氣，得個「嬲」字😤《 點心 》 3 / 5 $30-$49整體野食唔算差，有某幾款都好出色，例如「上湯鮮竹卷」又長又厚，裡面好足料，湯頭亦好清甜👍🏻而最基本嘅「燒賣」同「蝦餃」，反而味道普通，蝦餃皮亦十分之厚身😖 「流沙奶皇包」只係普通奶皇包，做唔到流心效果🥲 「煎腸粉」就中規中矩，「牛肉蒸腸粉」就幾滑👍🏻 經典甜品「椰汁紅豆糕」口感彈牙，椰味清甜👍🏻 不過整體價錢嚟講偏高，呢個價錢值得更高嘅水準😕最令人生氣反而喺服務態度方面😤 話說當日等位已經用咗接近半個鐘，算係尾圍入去飲茶，食到距離落場仲有半個鐘已經feel到佢地好急執拾，甚至係我地隔籬枱大大力換檯布，搞到揚左勁多塵過嚟，當時我哋仲要成枱嘢食，咁樣樣都已經食唔落，而店員亦毫無歉意，只係望左我哋一眼😱😱😱😨😨😨 單靠老字號個名撐住，連基本服務態度都俾唔到，只係單靠老顧客係度食情懷😬

喜萬年是一家老牌的中式酒家，於1972年已經開業，曾經歷多次的搬遷，現時在灣仔英皇集團地庫營業。今次一群人預訂了一圍菜，前菜有岩鹽燒牛舌，厚厚的牛舌只感非常豐富，亦很美味，另外亦有黃金沙涼瓜條、滷水豬生腸，及蜜炙燒排骨。主菜方面，乳豬全體上枱時有閃燈，非常有趣，當然乳豬也很脆皮可口。冬瓜盅用料十足。最值得一讚是古法鹽焗龍崗雞，是用新鮮雞泡製，還附有一副雞雜，其他酒樓少有。甜品方面，蓮茸西米焗布甸一定要試，布甸有椰香味，甜度適中。另一要試的是懷舊雞蛋散，這道甜品不是太多酒樓食肆提供。