喜迎館 (已結業)

喺Open Rice搜尋喜迎館先知道餐廳嘅名 因為我同屋企人多數逢星期日就去食 都冇特別去記名 總之啲食物好味 服務又幾好 仲好乾淨企理👍🏻👍🏻 之前去過都食過唔同道菜 有肉亦有海鮮 都好好食 道道菜都色香味俱全 而今次先寫係因為我轉食素之後 店員同廚師服務態度好貼心 幫我個菠蘿炒飯走咗雞絲 就係一個小小嘅舉動 令我有衝動執筆去寫🙈下午茶餐 🔸🍍菠蘿雞絲炒飯🍚🔸 走雞絲!!!🐓賣相好清新又吸引 原隻菠蘿切開一半做剩炒飯嘅器皿 我地可以得知佢哋用嘅係鮮菠蘿 成個整體已經加咗分 加上店員嘅細心 我可以好放心咁食素! 炒飯好乾身 食落去粒粒米都分明 加上炒得香 個炒飯好食😋🔸🥗野菜什菌炒金邊粉🍜🔸依道菜本來已經係素食 裏面有菜 有菇 有蛋 有芽菜 少量切過嘅蕃茄 金邊粉係似乾炒牛河咁 又軟又滑嘅口感 加上帶少少酸甜嘅味道 其實相當開胃 又係一個好食嘅菜以上兩款菜式 個人認為下午茶餐份量都幾多 價錢又合適 服務好 地方又整潔 😌💕 當然會再去食啦 星期日見!! P.S. 未食素前食過牛肉濛，同湯河 嘻嘻 其實仲有好多好野食㗎 大家去發掘下🙆🏻‍♀️

呢間野，等外賣要等1個中， 啲單亂到痴線，啲人十問九唔應！ 呢樣又無個樣又無，等到個豬扒是乾爭爭的，個檬粉林晒，又難食又耐，大家千奇唔好再食！ 實中伏！千奇唔好食！千奇唔好食！千奇唔好食！重要的事講3次！

Son’s classmate party invited to this Vietnamese fusion restaurant. Great private room with windows. Classmate’s mom ordered custom made foods to lower favouring for the children. We wondered if the foods were thus to have not much taste. However after we tried, they are still very yummy and fresh. Satay, spring rolls, steam rolls, fried rice, lemongrass pork chop are all children’s favourites. Foods were gone in half hour. Children went for second, third rounds on fried rice. Maybe they were a

今日過海上跳舞班，上課前同個friend喺樓下搵嘢食, 這間食店佈置相當別緻，因為早，唔多人。打開餐牌有個套餐可任意配搭，包咗三樣食品，叫咗個麻辣豬手，蜂巢豆腐，配一個酥炸鮮什菌，另外叫咗個手抓餅。先來一個極度醒胃的麻辣爽脆豬手(凍食)，非常可口，天氣悶熱最開心吃到這個，麻辣程度啱啱好。一大塊普寧豆腐放冰箱，輕微蜂巢，炸起熱烘烘，超級美味 在開心食到這個新鮮的雜菌酥炸，非常非常香口，實在一大驚喜手抓餅熱辣辣, 啱啱煎好，好香口，朋友吃個不停。最後店員每人送咗一碗綠豆沙，㷛得非常之有水準，好好吃啊!

今日朋友過嚟公司附近training，順便約咗我一齊食lunch~ 咁啱今日老闆又喺度，所以就揀咗公司附近呢間新開冇耐嘅越泰式餐廳,入面環境好寬敞,而且座位都坐得比較舒服,服務態度還好,上菜速度都比較快,所以趕時間嘅食呢間都都其中一個選擇， 食物種類比較多選擇 ，味道就相對一般，不過不失， 不過分量頗為多，男士的話應該會夠飽肚的

Restaurant was overly air-conditioned, food was pretty bland. Pho stock was very greasey and over flavoured. Shame because considering the sheer number of children's activities in this building this restaurant is perfectly positioned to capture all of that trade but I would not go back, worst Vietnamese food I have ever had.

平時鰂魚涌呢邊都無咩選擇, 但發現呢間新餐廳好似都不錯, 今次lunch time黎到都唔洗等位, 租左2個大舖都淨係full左1個, 如果多人黎食仲可以有間房仔坐, 環境都幾光猛乾淨今次試左3個set lunch:海南雞飯:擺盤都幾精美, 油飯粒粒分明, 帶點油香又唔會太油膩, 雞就普通, 唔算鞋口扎肉蝦仁炒金邊粉:呢碟都幾大份, 配料很多, 不過偏油膩, 味道帶甜, 個人不太喜歡。雞肉撈檬:個碗好大, 不過份量都好多, 佢既檬粉有少少似米線, 而唔係平時透明果隻, 不過都幾好食, 而有大量雞肉, 味道幾好, 3個之中最好食就係呢個! 夏天時食真係很不錯!餐廳新開, 而d裝飾同用品都幾有特式, 隻碗黎到真係嚇一嚇不過野食都幾好食, 價錢都ok aound $70/pax。

噚晩去咗“喜迎館” 食越南菜 ，啲嘢食嘅質素我同朋友都好滿意 ，真心講句真係好味。 服務員嘅服務態度及質素都非常好， 佢哋都好熱誠咁為我哋介紹 、建議及安排食品 ，加上價錢非常合理 ，真係值得大家去試試㗎，我下次都會再去幫襯 ，真心推介推介俾大家。

呢間野新開咗一段時間，但位置問題仲係無來試，今日終於的起心肝食!食咗唔少野，但我好想推介水煮魚，因為佢賣相好，魚肉鮮滑，最重要係個味道，我成日周圍食野，水煮魚都周圍試，呢間既辣度麻度好掂，問咗老闆原來係佢地既花椒突登四川拎過來，仲有師傅係喺四川煮過唔少好野食! 好多時我地話水煮魚好味，但呢間既好味真係非筆墨所能形容! 我地食完晒啲魚，雲耳，芽菜，超唔捨得，仲要打包成個湯汁返去，希望聽日自己再加魚片可以番尋味啦! 呢度有啲嘈，應該因為裝修唔收音，同埋啲攪拌聲超大。另外表面乾淨，但唔知點解都有幾隻蚊定蒼蠅食得辣既朋友，來到呢度，必點水煮魚

係鰂魚涌番工，一大班人食lunch係最煩，成日都要等好耐先有位。老細推薦呢間餐廳，又真係唔洗點等😂😂個地方都幾大。因為佢租左兩個鋪位，去到一泥就有位。今次我食既係招牌海南雞飯（lunch set: $64)🔹油飯比較乾身，但味道唔係甘香口。我覺得有d失望。🔹雞就不過不失啦。肉係叫滑既。有同事叫左鮮茄海鮮湯檬。見佢冇咩特別comment，只係講番兩隻蝦都係唔彈身，好林。我唸佢應該都幾失望。仲有同事叫左個香茅雞肉撈檬。佢就反而讚不絕口。佢話個汁本身都比較清新，同街外既唔同，而雞肉都係有先炸左炸，比較香口。不過我冇試😂😂最令人唔滿意係佢既侍應同收銀既服務質素。侍應不停俾錯野飲，問佢係咩野飲又講唔出。收銀果位女士叫佢俾番張收據，就即刻黑哂面都叫俾左加一服務費啦，真係唔expect甘都要黑人面囉。

裝修唔錯 附近亦無類似餐廳 決定入去試下 生牛肉湯河下午茶餐黎講係有少少貴 不過質素幾好 份量亦同lunch 差唔多咁既性價比係可以接受 連堆餐飲埋單 $5x 可以再去食👍🏻👍🏻

一個人食lunch 諗住近近地 食完快手返公司做野 見新開就試下 我叫左蕃茄珍寶大蝦湯檬 坐底 即刻落單 等左前前後後成30 分鐘 旁邊遲過我叫野食 都食緊 催左兩三次 d阿姐只會話 好快 但 事實係 漏單 我催左第二黎 同佢講 再唔黎 我走喇 碗野先在兩分鐘之後出現 *仲要唔好食 *蕃茄味好淡 所謂珍寶 其實係正常大細 如果咁樣係珍寶 咁蝦米大細應該叫正常 重點係 入面勁嘈 （明白lunch time 繁忙時間無得要求咁多） 但 佢嘈到一個地步係 比酒樓仲要嘈好多 一句：永不再幫襯

此店開張不久，由於附近很多寫字樓，係食店多足情況下，一至五中午時段人頭湧湧，今天星期六就來試試環境：新開張地方一定乾淨，坐位與坐位間距離舒服，但店與音樂可以細聲點，當日人不多仍覺音樂略見嘈吵服務：店員態度親切，上菜速度也很快，但未知一至五是否仍可保持速度食物：味道還可，當日點的是炒金邊粉，味道跟往常食的不同，粉好林，少少漿口，茶餐廳水準價錢：套餐計$58-$78未加一。前菜幾舊青瓜，主菜，熱飲，凍飲加$5價錢偏貴，跟質素收費略貴，份量也不多，勝價比低希望繼續改善

今日同好姊妹預祝生日，一班朋友數十人聚餐，今次我地去咗北角一間新開越南菜館，因為有朋友話想試新野，所以今次專突來試菜，未進入內邊、就比門面設計一百分，十幾級短樓梯直達門口、擺放喜迎館牌面，好有特色、入到佢第一感覺環境好舒服，好有西餐廳coffee cafe感覺，我們一行十幾人到達，幸好早早訂枱，否則要排隊等候，當時晚上7:00都客滿，好多人在等候入座，我們坐底後，老闆娘很好，過來招呼我們，同我地介紹好有特式菜餚，第一度係皮蛋金魚為前菜小食，起初我都心諗皮蛋有咩咁特別，到我食咗第一口，估唔到好到冇朋友，每一個朋友食完都比佢配汁迷倒，原來皮蛋配襯咗川味汁，十分野味，我地就即時叫多2碟，如果你冇試佢皮蛋金魚招牌菜，你就會後悔，我地還叫了石岐燒乳鴿，即叫即燒，好野味，總共叫了6隻，幸好早早預訂，否則就好快賣完，羊架做得好好，沒有大過羶的味道，我好喜歡，wasabi牛仔粒，我都係第一次嘗試，感覺好特別，正正正，食到唔停得口，仲有牛油雞翼，咖哩薯仔牛南，水煮魚等，我地越叫越多，因為太好食，仲叫了特式甜品，甜品賣相一流，令人食指大動，我地成班朋友好盡興，食到肚仔飽飽、好滿足，下次一定再試埋其他菜式，

有舊同事介紹呢間新開的越南菜館，位置在柯達大廈upper ground，一入大廈即可見👀。我們一行9人，店員安排我們坐入房 自成一閣方便傾計。餐廳裝修都幾別緻，唔似傳統越南餐館，似法國cake shop 多d 😙。我們叫了七份午市套餐來share, 因為比較抵食又包熱飲☕️🍵凍飲加幾蚊。再叫了兩份併盤和青木瓜沙律。值得推介是 欖角雞翼🐔，外層酥脆 內面軟滑 （我們之後再追加了兩份，一份四隻）。套餐方面 安格斯牛粒紅飯🐂，咖哩牛腩飯，鮮茄蝦球🦐湯檬...等等。都好有水準。呢個價位 已算超值👍🏻👍🏻👍🏻最後老板娘仲送左甜品😍😍😍，好似叫拉耶糕🤔都好好味 唔止贈品水準。整體來說 環境舒適 店員nice 食物用心有水準 連飲用水都係香芧🍋🍋水。我們的人均消費$100蚊。已經約好下次再去😸。