喜點

營業中

休息中

其實曾經幫襯過好多次，但系唔會再來。今日點左百幾蚊野，其中有兩個臘腸蒸雞飯，一份唔熟，一份得兩塊雞肉打過兩次電話去，第一次話可以轉數快退錢，第二次都話可以。之後复電話翻來，話唔可能唔熟，叫我去鋪頭。我話費事浪費自己時間，算數唔使退。因為一開始距地話可以退錢，所以我冇影低相，不過反正唔會再來架啦，算數啦。

之前食過佢嘅炸雲吞 ok嘅 脆亦冇舊油味既問題今次外賣蒸飯加個豆腐花唔 🤔個飯 D飯好硬餸亦少個豆腐 完全冇甜味 唯有自己加白糖性價比實在唔高 下次考慮行前少少另一間點心餐廳

平日中午都好多人幫襯位於上環皇后大道中的點心店 <喜點>，尤其是公公婆婆，可想而知幾受歡迎及價錢大眾化呢！供應：點心、蒸飯、燉湯、小菜、炸物...等！鮮肉燒賣 $18/4粒滿載豬肉餡，真材實料！懷舊雞球大包 $16超巨型，果然份量十足！ 包質尚算鬆軟，味道少甜，餡料有雞肉、蛋黃、臘腸、蔥粒...等，口味豐富又飽肚！當中，臘腸較鹹！:缽仔梅菜肉餅飯 $32原個缽仔蒸，飯均勻軟熟，不會太濕腍，梅菜肉餅加入些少肥豬肉，食起來肉質不死實又夠香！缽仔煎蛋牛肉飯 $32煎蛋是全熟蛋，牛肉大件又厚身， 味道就好似酒樓食到的山竹牛肉， 還要混合芫茜，別有一番風味！熱豆腐花 $10最近再幫襯，驚喜發現有熱豆腐花供應！ 又平又嫩滑的豆腐花，配上黃糖簡單美味！

店舖前身係一間明星壽司店，呢間蒸飯店開張一年不到。由於店舖近馬路，所以非常多塵，但是店舖的清潔衛生非常令人滿意。老實講蒸飯還可以，推介鳳爪排骨飯，不過價錢略貴…… 正常外賣應該會比其他堂食的店鋪平，三十幾蚊一碗蒸飯比我選擇的話，附近有兩間點心茶餐廳，一樣價錢我仲可以舒舒服服坐低嘆杯茶。糯米雞略遜一籌，並不是材料多與少的關係，是因為我食到有酸宿味，可能因為我是在晚上外賣，又或者是店舖蒸太久的關係吧……

最近開左好多呢類點心蒸包店大部分應該都係自設廚房咁因為食過一兩間雖然包類品種相似，但味道大小都有少少唔同今次喺呢度買左個南瓜包價錢唔算好平，不過就大個過空氣包同食下蒸點，感覺上好似好過焗咁😅賣相都幾可愛南瓜色外皮加一點綠，做南瓜柄包肉都有少少甜味饀料係南瓜蓉幾幼滑，甜甜地，唔錯總結都幾滿意呢款包點下次可以再試下其他！

早餐如果下下去快餐或茶餐廳食成個早餐都會花費較大同會肥，所以都好多人買麵包，包括我在內😊😊 還有中式包點，現時都有幾個連鎖店是專做外賣中式包點。呢間喜點提供中式包點，平均一個包都只係$8或以下，其他連鎖店大部分是每個大概$7-$7.5左右，在上環附近無，所以喜點有其優勝的地方，而且亦不算貴好多，我覺得合理。除大部分包是$8外，唯一例如是懷舊雞球大包$16，size亦好大個，加上熱辣辣，冬天就快到，食熱包感覺會好過西色麵包，又平又大過，一個字: 抵👍😊喜點只有外賣，客人先買票，然後等叫號碼取食物。可用八達通。方便。除了熱辣辣的包點，如果想買定多啲，都有室溫普通的。包亦有好多選擇，有鹹有甜，叉燒包、菜肉包、梅菜豬肉包、葱油卷、糯米卷、馬拉糕、流沙奶黃包、豆沙包、南瓜包、紫薯包等，全部$8，再有幾款饅頭，$5。另外亦有其他中式點心，如糯米雞、春卷等、牛肉球、雞扎、鳳爪、排骨等。午飯還有缽仔蒸飯，話明缽仔份量就是缽仔，我相信不會像餐廳的碟頭飯那麼大。$32又不用加一，對上班人士尤其食量不大的朋友來說確是個好選擇。👍😊原來還有小菜，跟缽仔白飯，$36，一定要搵次試下。我同同事一齊共買了兩個，可以