嗎哪餐廳

營業中

休息中

嗎哪(Manna) 餐廳位於觀塘泳池側，觀潮浸信會一樓。唔好諗住響教會內就一定好多宗教色彩，餐廳環境以水松、木紋為主調，吧枱用了簡約燈飾，加上兩邊落地玻璃採集天然光及配上高樓底，形做了一個休閒舒適的空間感。食物方面，今次享受左一個All Day Breakfast。(由於剛開業，早餐暫有3-4款，午餐5-6款，聽聞將陸續加添及增設晚市)當中有煙三文魚、吞拿魚茸、豬肉腸、漢堡扒、焗豆、薯蓉、炒蛋、半個火龍果及兩片哈密瓜。淨係聽咁多材料，就感到個餐好豐富，大家睇埋相就知道份量好足，食完真係好飽足。至於味道，吞拿魚茸帶有點點嘅甜味，薯蓉非常非常軟滑，入口即溶。炒蛋層次豐厚，味道偏淡，配返濃味嘅漢堡扒同埋三文魚，整個餐味道十分平衡，味蕾再經歷左一次多彩嘅旅行。個人最欣賞佢地有咁大份生果，飽肚又健康。由於咖啡師剛剛進修，要遲啲先可以返去上班，所以暫時未有手調咖啡。期望下次嚟到嘅時候，可以一試。(今次叫左奶茶，偏向英式風格，茶味同奶都薄身，對於飲開港式奶茶，嘆慣茶味醇厚奶要滑嘅朋友，只可以話唔係嗰杯茶)餐廳採取自助形式，可以減省樓面人手，但同時提供返足夠嘅活動空間，都係一個聰明嘅取向。至於少咗一份

小見係教會建築物中既餐廳，自助形式購買食品，服務員態度親切，環境裝修都好好。當日食早餐，三個人食左差唔多$150。選擇雖然唔多，但勝在都大眾化，應該會㨂到想食既野，食物唔錯。

剛剛開業嘅嗎哪餐廳，坐落喺繁囂嘅觀塘市中心。寬敞嘅空間配以水松與木紋傢俬、Bar枱簡約線條嘅燈光、兩邊落地玻璃透住天然嘅光線，將城市與天然融和結合。早餐嘅Menu暫時有兩三款，可能係開業不久，期待着佢哋加入更多豐富嘅款式。對於習慣簡單早餐嘅自己，今日破例叫咗一個All Day Breakfast, 當中有漢堡扒、豬肉腸、三文魚、吞拿魚茸、茄汁焗豆、炒蛋薯蓉同埋生果。以分量來講，確實係好飽足豐富。薯蓉入口即溶、炒蛋香滑、吞拿魚茸咁甜，加上足足有一份嘅生果，係呢個餐比我最大嘅味覺享受。暫時佢哋未供應咖啡，所以今日退而求其次選擇咗奶茶，佢比較偏向傳統，茶身香薄，入口有茶香。但對於飲慣港式奶茶嘅嘴巴，就會感覺到欠了濃厚。視乎個人囗味。總括而言，味道、份量、質素、環境都係十分理想，適合小家庭，年青人共聚之選，午餐有5-6款選擇，有待下一次再嚟幫襯。聽聞會陸續加埋晚餐。到時成為全天侯「飯堂」也未可知。

我既A餐，即手打漢堡扒，入口即溶，薯蓉好香滑；我老公既E餐，香草雞扒好多汁，再加藜麥飯同香濃蘿宋湯，好足料同好味！食到停唔到口😻食物質素好得！要搵日要過來試下佢既早餐呢！🤩🤩