影片
港鐵沙田站 A3 出口
繼續閱讀
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
約咗個朋友出嚟傾嘢，到咗沙田廣場嘅嘆點心飲夜茶，貪佢新開有優惠，又可以坐耐少少傾下計。店員好快就送上茶同餐具，小店用qr code落單，點心款式都幾多選擇。⭐招牌酥皮叉燒包最先到嘅係酥皮叉燒包，烘熱先上枱香噴噴㗎，叉燒餡甜而不膩，好食喎。⭐金牌蝦餃皇再來有蝦餃，蝦肉鮮甜爽口，仲夾咗啲筍粒，味道唔錯。⭐鮮蝦燒賣王燒賣大大粒，包住墨魚滑同蝦膠，好彈牙😍⭐鮮蝦南瓜紅米腸紅米腸好吸睛，腸粉皮煙韌有咬口，入面包住類似越南春捲皮嘅嘢，脆卜卜有口感，加上鮮味蝦滑同甜甜嘅南瓜蓉，呢個勁好食，推薦😘⭐甘筍鹹水角鹹水角呈同紅蘿蔔造型，肥嘟嘟好可愛，新鮮炸起熱辣辣，外皮又脆口又煙韌，餡料鹹香。⭐梅菜牛肉飯仲叫咗個蒸飯share食，塊肉餅好厚身，入面有唔少馬蹄增加口感，但梅菜份量唔多，哈哈，當佢喺牛肉餅飯食啦。折完後人均消費百二蚊，抵食啦😋
繼續閱讀
前幾日經過見到沙田廣場新開左間點心專門店, 門面幾四正, 感覺唔錯就黎左試開野喇~~呢道既裝修設計都幾舒服~夜晚黎食2人都有得坐car位, 好闊落, 唔錯~~餐牌一張紙前後兩版睇到晒~有單點亦有套餐 選擇都唔少呢~~招牌酥皮叉燒包 $38叉燒包外皮酥脆, 咬落去卜卜脆~~麵包好鬆軟, 叉燒餡香嫩多汁, 肥瘦相間金牌蝦餃皇 $38蝦餃外皮晶瑩剔透~ 蝦肉餡非常飽滿~~外皮Q彈有勁, 蝦肉餡非常飽滿, 肉質鮮嫩爽滑鮮蝦燒賣皇 $38大大粒, 燒賣皮薄有彈性, 內餡鮮蝦&豬肉鮮嫩可口, 口感豐富~~鮮蝦南瓜紅米腸 $40紅米腸表面光滑, 腸粉皮滑嫩柔軟~南瓜蓉超甜呀!! 連埋大蝦, 脆皮同腸粉皮一齊食, 層次感好豐富!!!黑松露野菌腐皮卷 $38外表金黃酥脆, 外酥內嫩~黑松露野菌味道濃郁鳳爪排骨飯 $46份量都OK喎~~鳳爪軟腍, 排骨酥嫩入味, 肥而不膩~飯粒粒分明, 醬汁既香味滲透入飯粒
繼續閱讀
餐廳：嘆點心 (沙田)地址：沙田沙田正街21-27號沙田廣場地下7A-7B號舖沙田廣場有間開咗2個月左右嘅點心店——嘆點心，隔離仲有間姊妹甜品店，食完點心仲可以堂食埋多款中西式甜品🍧，最啱約埋班friend喺度食完晚飯直落食甜品慢慢嘆慢慢吹水😜，最重要依家有開業優惠，下午兩點後所有點心買三送一㗎🎊坐低先飲返啖熱茶🫖，茶芥每位$8，揀咗角落頭嘅位置坐，環境有別於一般嘅茶樓，木系嘅裝修設計帶嚟古色古香嘅氣息，不過因為點心店開喺廣場地下位置，對出嘅木柱設計雖然帶嚟更大嘅空間感，不過喺商場行過嘅人都可以望入嚟，而且距離都幾近，食食吓嘢俾人望住私隱度就少咗啲喇🙈✝️金牌蝦餃皇(3隻) $38絕對可以用皮薄餡靚嚟形容😍，咬開薄薄嘅蝦餃皮就見到鮮蝦同蝦膠，爽彈鮮甜嘅蝦肉確實令人愛不釋手✝️鮮蝦燒賣皇(3隻) $36除咗豬肉香之外仲比以往一貫嘅豬肉燒賣多咗一重蝦肉香味🦐，加上蟹籽喺新鮮放上燒賣上面，多重嘅鮮味食得出師傅背後嘅心意❤️✝️蜜汁叉燒手拉腸 $36晶凝通透嘅手拉腸粉，勝在嫩滑夠米香👍，包住餡料都幾多嘅蜜汁叉燒同香蔥，唔使蘸豉油就咁食都已經好唔錯✝️招牌酥皮叉燒包(3隻) $38呢個喺必食推介😎，酥脆香甜嘅雪山包皮，包住濃味香甜嘅蜜汁叉燒，口感嘅對比帶嚟驚喜同滋味，真喺可以食多幾個😆✝️棗蓉滑雞飯 $46份量都算幾多，可以裝滿4-5個飯碗🍚，雞肉滑溜，食落唔會嚡亦都有鮮雞香，加上紅棗同杞子一齊去蒸更加健康，不過如果啲飯再蒸得入味啲就好😗✝️山藥猴頭菇湯 $42好足料嘅滋補靚湯，除咗猴頭菇之外仲有排骨、紅蘿蔔、粟米、山藥，原汁原味唔覺加咗味精，清甜潤喉又暖胃，鍾意食湯渣嘅人有福了😌
繼續閱讀
食物質素不錯，光顧了兩次，兩次的體驗不太良好，由於有一位男性服務員，不知道他是不是經理，他態度很串，非常惡劣。第一次光顧的時候由於枱上有食物，他未能放下他手上的食物，發出了嫌棄的嘆氣。 我們心想他這是什麼態度，但當時沒有發聲。 由於食物質素不錯，所以第二次光顧，他放下一碟蘿蔔糕在枱面側邊，正當我們想進食時，把那碟蘿蔔糕拿到枱中央的時候，發現非常燙手，他是不是應該提前通知我們呢，雙手指發紅，並且我立即拋下蘿蔔糕回枱面，他看到這個情形，還要取笑我，並用一個無辜的眼神看着我然後說，我隨手拿來的，沒有任何悔意。回想過來那碟蘿蔔糕應該是提早煎定的，可能是拿去微波爐重新叮熱。氣憤的是他的態度和眼神，香港服務業真的比他影衰了。 其他女服務員的態度不錯，積極！
繼續閱讀
沙田廣場隱藏電梯底下的點心店，夜晚都可以食到點心卡位闊落，唔太滿意係坐卡位，佢個頂係無封到，上面搭電梯啲灰塵可以跌落嚟，感覺唔夠衛生點心味道全部不過不失🥢香煎蘿蔔糕🥢金牌蝦餃皇🥢鮮蝦燒賣皇🥢酥皮叉燒包🥢野菌卷
繼續閱讀