嘉香汕頭魚旦粉麵家

營業中

休息中

若是沙田友，瀝源村的嘉香都應不會陌生，座落在華豐樓邊皮，頗之耀眼。下午茶時份來到，謝絕什麼下午茶特價之類的優惠，明碼實價，來客三拼麵盛惠廿四大元，不算平宜。牛雜魚片魚蛋河，牛雜只得膀肚，但炆得入味之餘亦腍脆的；魚片魚蛋夠彈牙可惜魚味不夠，扣點分數；但全蛋麵夠彈牙之餘亦沒有鹹水味，這點已經比起很多麵家已經不俗了。下午茶時間仍客似雲來，可見不小支持粉絲，價錢雖然稍為貴一點，但以這裡的老麵店來說，這個三拼亦算食得過！

補課早退在瀝源睇醫生,睇之前,先食碗麵。沙田舊屋邨,舊式食肆仍能保持舊式面貌。這裡的門面、煮麵位置是瓷磚牆,牆上有塊舊式生力啤的板。點了牛腩麵,加枝可樂。先食麵,爽口而無鹼水味,吸收了腩汁的味。再食牛腩,個人認為較硬實,但唔算韌。瘦腩不是我杯茶。至於則牛筋頗入味而不太腍。發現大多人入來都會點魚蛋同加腩汁,下次又試試魚蛋。食畢睇醫生,落樓梯過「凱旋門」就到。

由於在附近返學既關係，所以周不時都會黎lei道食晏lei道平時睇佢無咩人....但係一到學校放lunch時間..係多人到要等位...有時甚至要放棄轉投第2間擁抱==我好鍾意食佢果d牛丸...【只限煮得唔係咁淋果陣】有時同學仔們都會比粒魚餃我試...幾好味@@個皮唔會太淋..又係同學倒既首選!牛腩試過一次....竟然係半肥腩@@係好好味..但係d腩汁唔知係咪果日師傅落重料..好咸==魚蛋不錯河粉好滑*而家所有麵都係賣13蚊,勁抵食!我試過加底..都係18蚊係超大碗= =一定食唔哂ps...煮麵果個...煮得好慢= =要等好耐

早排要係沙田工作一段時間,機緣巧合下,發現呢間粉面店,見店內傳出陣陣香味,當然要試下。入到店內,見店舖裝修雖舊,但都算乾淨企理,叫左個牛腩面,碗面上枱嘅時候,真係比d湯色嚇親,成碗湯好似豉油咁嘅色水,算係我見過最濃嘅腩汁,鼓起勇氣試一口湯~香濃,且唔太咸,正呀!!再試下d牛腩,頗瘦,只有少許肥膏,係我喜歡嘅類型,貪其夠咬頭,味道亦好,再試埋個面,面質亦算彈牙,無鹼水味,最後到d牛筋,一向唔食牛筋嘅我破例試左一啖,因為好怕坊間d牛筋煮到好淋好瀾,所以一向唔食,宜呢到d牛筋卻十分出色,佢炆得既入味,又爽口,少有的合我口味。以十五蚊一碗嘅牛腩面,味道好,份量足,真係值得推介^_^

都萛幾正宗潮州風味既魚蛋河...唔錯架!

經過瀝源實會食, 次次都叫魚旦粉+樽裝可樂, 食過咁多間, 呢間最好食!! 鋪面雖古舊...但衛生算ok

11月27日13:00當小魔完成單車籌款後，他要和同學吃飯，我便獨自到這裡吃魚蛋、牛雜河。魚蛋：彈牙和有魚味牛雜：淋，份量足，膀、肚…腸齊全。湯底：加入了柱候味濃的腩汁。河粉：細滑。以HK$18.-算合理。老店一家，紙皮石地，牆身用防火膠板，但算整潔。題外話：老板穿西褲皮鞋煮麵，幾有睇頭^.^店主的四個子女在店內邊幫手，邊下棋，好不熱鬧。

街坊格局，相信呢度開左起碼廿年。魚旦(加色多青)做得唔錯，幾彈牙兼有魚味。不過唔知係手打定係來貨喇。十零蚊，算係交足功課了。