影片
電話號碼
67159448
營業時間
今日營業
08:30 - 18:00
星期一至日
08:30 - 18:00
以上資料只供參考, 請與餐廳確認詳情
小店好有人情味，我頭先同兩老去食午餐，老闆娘認得我，跟住就同我講：「好耐冇見呀！今次想食咩？」我就答佢睇下餐牌先。我同爸爸坐低後，睇到午餐餐牌都有好多選擇。爸爸叫咗個豬扒意粉，我就叫咗全份智利三文魚扒同媽媽分享。兩碟意粉嚟到之後，一向多彈少讚嘅爸爸都話豬扒好味，我就同媽咪係咁話三文魚扒皮脆肉嫩又入味，配鰻魚汁真係一流。另外不得不讚老闆娘好好人。媽咪話想要多少少鰻魚汁，佢即刻去廚房問老闆拎成支任我地加。埋單嘅時候，我地兩母女都讚佢地啲嘢好好食，老闆娘即刻好開心話：「咁我地下次再見吖！」放心啦老闆娘，一定有下次！我下次會帶埋老公、阿女同工人姐姐嚟食。
繼續閱讀
今日放假諗住去屯門碼頭飲咖啡chill chill經開啟豐園，見到呢間冰室係嘆啡之前，入去食個tea 先！😎店舖唔大，但唔迫夾！啲餐具🍴都好整潔沙嗲牛肉麵($38)成個餐冇乜特別，唯一唔同就係佢用沙律菜做點綴！成碗野即刻靚好多！餐肉炒蛋煎得好乾身，唔同出面嗰啲油淋淋！老闆娘好nice好禮貌！會主動同啲客傾計吹水，感覺好有人情味！最尾我埋單時佢收緊碟，都同我聲講唔好意思要我等！下次入屯門會再番兜幫襯！
繼續閱讀
今日黎到屯門碼頭附近既呢間冰室食tea，叫左一份芝士汁雞扒溫泉蛋撈麵，加左條腸仔。麵底就普通公仔麵，但芝士汁好香，有誠意。價錢亦十分實際，覺得呢個賣相係出面賣都可能做到5/60，另外咖啡幾好飲。
繼續閱讀
舖頭位置唔算多，撞正附近學校午飯時間就唔洗諗有得坐。舖頭食飯選擇唔多 ，但貴精不貴多，叫左海南雞飯配油飯同凍咖啡。 海南雞飯上面有沙律菜同薑蔥油，老闆娘仲會問要唔要配埋甜醬油，非常貼心！沙律菜上面有落少少芝麻醬，酸甜開胃幾啖就食晒；海南雞略嫌有少少肥，不停口咬走肥膏都有啲攰，配上薑蔥油同甜豉油食落好惹味，一啖雞一啖油飯好快就食晒；咖啡飲得出係用某大牌咖啡粉沖出黎，所以冇乜驚喜。 整體環境舒服，係會翻桌既街坊飯堂，老闆娘得閒仲會同你傾偈，人情味十足。
繼續閱讀
今日經過屯門碼頭呢間新開嘅茶餐廳，見到好多後生仔女喺入面食就入咗嚟試下啦！裝修乾淨企理帶有香港風情，老闆介紹佢哋嘅牛扒係新鮮貨，就等我試吓咩料先！嘩，多士嘅牛油非常豐富，絕無偷工減料！牛扒可以揀黑椒汁，洋蔥汁，或茄汁！我揀咗黑椒汁，但係一睇塊牛扒就知道充滿肉汁，根本唔需要加其他香料已經好好食！食落又真係新鮮貨，冇雪藏味，冇肉鬆粉，口感軟熟！配料方面，餐肉同火腿都煎得好香！塊多士睇個面都知外脆內軟！奶茶值得推介！係煉奶係煉奶啊！奶茶加咗煉奶，奶味茶味，比例完美！我10分欣賞注重細節的餐廳，把每一個細節都做好才有美味的佳餚。
繼續閱讀