嚐味喇沙 (已結業)

一張相都冇影，但係都要寫一寫食評。（完全唔值得影）三個字：唔好食本身件開咗好多新嘅店舖，想隨便搵一間入去試一試。咁岩佢做緊下午茶，我同男朋友入去叫咗個咖喱牛腩撈公仔麵，豬頸肉喇沙參參。豬頸肉喇沙仔湯底非常之淡，同正宗嘅馬來西亞冇得比之餘，同香港茶餐廳或者香港嘅喇沙都比唔上。佢嘅咖喱牛腩撈公仔麵更加差到冇得講，啲咖喱淡茂茂得個辣字。牛腩又UN又硬.......連公仔麵都可以整到咁，真係好出色。喊出嚟嘅係，佢嘅檸檬茶啲檸檬都壞壞地....除咗佢嘅員工態度都正正常常幾好，呢度真係冇嘢可取。有興趣可以入去伏一攸。🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

知道屋苑附近開了很多新餐廳。見星期日有空，一於試試。見一間食店標榜喇沙，價錢亦算平，立刻入來品嚐。叫了一個下午茶套餐，有扎肉喇沙龍蝦湯底加茶走，盛為$38。約10分鐘內，全部到齊。喇沙份量不少，湯底味道尚可，但不算味濃。扎肉有四大片，有半隻蛋及豆腐卜、芽菜等等。喇沙由粉絲及油麵混合而成，味道非常一般。油麵有少少奇怪味道，湯底亦食不出有龍蝦味道。總括來說這碗喇沙勉強合格。雖說以$38來說不可能有更高要求，但以新都城食肆林立，這餐廳以這水準來應付，相信會處於下風，不敢睇好。

今晚黎咗呢間食，又係開咗一排，係門口睇吓餐牌先，哇！咁多唔同類食物⋯⋯泰、越南、意粉、韓國石鍋飯😲 同埋價錢都好實惠😁等一陣就有位，其實係門口都諗咗食咩，我就要咗雜錦喇沙，而女友就揀咗冬陰公豬頸肉河粉，叫咗食物，可半價叫嘢飲，今次都叫咗杯話梅梳打兩碗麵都到喇，賣相同香味都一般😝 食落當然都係一樣😆 都幾一般，碗冬陰公無咩酸味，只後辣味咁，啲豬頸肉亦都麻麻地。 而我碗喇沙，唉！都係麻麻啦，除左個幾舊雞絲好味少少，其他餸都麻麻地 😕👎🏼 雖然價錢係幾實惠，但真係唔係幾好食，仲叫自己做嘗味喇沙，連招牌菜都整得一般，其他嘢又點試呢，成餐飯最好味係杯嘢飲🙈 所以，應該都唔會再黎喇⋯⋯

其實原本唔係想食佢，但由於迷失新都城又太餓既關係...見到佢話無激素雞就入左黎。先上凍檸蜜，落左唔少蜜糖，雖然蜜糖唔會靚蜜，但見佢有四塊檸檬仲要唔薄，估計都有成半個檸檬，均真搭救到蜜糖不足🤣海南雞都要等一等先會上，大概都要十分鐘。雞算ok，都ok滑，但稍嫌少，而我有一塊係雞屁🤦🏽‍♀️更少。海南雞有三款醬，中間果個唔錯，另外兩個一般。油飯普通，唔算特別香口但配雞真係唔錯。Btw，侍應好好，隔離枱婆婆想要紙巾，侍應非常友善話：我成盒俾你用住先，唔夠同我講！又會同婆婆傾下閒計，推介下食物，唔會唔耐煩，俾十個好！總結而言，算ok既海南雞飯，無話特別想再食又唔會話唔想再食，不過見到佢既常餐好吸引🤣下次再食應該會想試下。

早前見到此餐廳新開幕，有不少食客排隊，所以今天午餐時段為咗想食喇沙來嚐鮮。我們點了無骨海南雞飯及喇沙湯麵，結果非常失望。首先，無骨海南雞飯的雞極之難咬(硬過白切雞）， 雞飯亦太多水份過熟黐埋一舊入口無味。。。好啦咁以為咁擺係menu 第一嘅海南雞飯唔在行咁餐廳名大大隻字喇沙冇事啦， 個喇沙湯麵o即湯底係溝左水㗎。。。 wasted money and wont go again。希望你們管理層正視下!係咪為咗錢就可以出啲咁嘅quality嘅食物？個餐配嘅熱咖啡係OK 既

該店第一次晚餐外賣評價， 以下評價包含 今天3月16日堂食的劣評。上次晚餐外賣還未感覺到他們的差!!!食物: 十分一般，可以講係"熟"囉，味道就一般偏重口味的咸，務求蓋過所有過度煮食的味道，啲食物啱啱攞過嚟已經唔熱。啲雞肉牛肉全都overcook好老，啲面發脹晒，豬扒超硬，吞拿魚包，自己去百佳買罐頭都無咁求其。服務: 態度惡劣，一入場你就會感受到，好似啲侍應先係"客人"咁，送餐唔係放喺枱，係隨便"掟"落枱，十分唔尊重人。入場坐坐10分鐘，叫人落單，無人理，但見到啲人行嚟行去避開啲客(唔只我哋枱叫緊，一樣無人理)。後來，不斷舉手時，侍應十分唔耐煩咁回應「得啦~等一陣啦~呃~(語氣其差)」。見到有其他客人喺到換枱自己搬嘢(大枱換細枱)，比幾個侍應公然啲大聲「話」咗十幾分鐘(客人個個都聽到，客人好唔高興，但佢哋繼續鬧)，個客人其實事先已通知換枱，因為又係無人理，所以索性自己嚟。利申: 純熟客人，不過以後唔會係佢哋客人。看完以上經歷，請各位三思再消費。

上次晚餐外賣還未感覺到他們的差!!!食物: 十分一般，可以講係"熟"囉，味道就一般偏重口味的咸，務求蓋過所有過度煮食的味道，啲食物啱啱攞過嚟已經唔熱。啲雞肉牛肉全都overcook好老，啲面發脹晒，豬扒超硬，吞拿魚包，自己去百佳買罐頭都無咁求其。服務: 態度惡劣，一入場你就會感受到，好似啲侍應先係"客人"咁，送餐唔係放喺枱，係隨便"掟"落枱，十分唔尊重人。入場坐坐10分鐘，叫人落單，無人理，但見到啲人行嚟行去避開啲客(唔只我哋枱叫緊，一樣無人理)。後來，不斷舉手時，侍應十分唔耐煩咁回應「得啦~等一陣啦~呃~(語氣其差)」。見到有其他客人喺到換枱自己搬嘢(大枱換細枱)，比幾個侍應公然啲大聲「話」咗十幾分鐘(客人個個都聽到，客人好唔高興，但佢哋繼續鬧)，個客人其實事先已通知換枱，因為又係無人理，所以索性自己嚟。利申: 純熟客人，不過以後唔會係佢哋客人。看完以上經歷，請各位三思再消費。

第一次食，覺得好味，所以再黎，同上次一樣叫番雜錦喇沙龍蝦湯滲滲+熱阿華田但碗麵一黎到同上次差好遠，上次係白色碗，隻碗比較細，材料豐富好多，湯既顏色亦一睇就好吸引，總之就好味但今次隻碗係黑色超大，其它全部都相反，視覺上已經扣左分，好啦，開始食，試啖湯先，好淡唔夠味雞~好鞋扎肉~難食，一食就知貨源唔同左，有d 似變壞左既味道，豬頸肉~真係變壞左...同職員講：豬頸肉變壞左，可唔可能換番幾舊雞俾我，再講扎肉都好變左味跟住佢話：扎肉轉左供應商我都覺得自己好勁，咁都食得出唔同左好喇，都換左俾我最後飲埋杯阿華田，一睇色水，又係已經好淡色...鞋飲過飲清水，唉...唔換喇，走...下次幾時會再黎定會唔會再有下次...真係唔知...

諗住試下呢間新餐廳既早餐，叫左個羅宋湯腸仔粒通粉套餐，個羅宋湯好咸，後來黎左炒蛋同多士，侍應話多士無牛油供應，都係第一次聽餐廳既多士係唔配牛油，已經好失望，再試埋果個炒蛋，個樣望落唔好食味道更加差勁！可一不可再！

話說屋企附近個商場最近翻新，翻新後多左唔少新食肆，同事食過呢間都話幾好，貪佢夠近又俾次機會佢🤣👉🏿✨雜錦喇沙龍蝦湯摻摻 Hkd 45 💸📌因爲係外賣，湯同麵分開裝，個人覺得個湯底唔太濃味，可能啲麵浸得唔耐都唔算入味，不過佢個豬頸肉係好味到出乎預料😍係彈牙又夠味（炭烤的味道～而且都幾大塊下架！仲會有豆卜，雞蛋同扎肉，佢既扎肉入面係冇香茅的，口感都較甜，好彩本身我都係偏甜口味所以接受到，整體黎講都算ok～新開味試下唄😆

鋪頭岩岩開張幾晚都係大排長龍，所以無入到去試，但琴日五點幾落街吃下午茶，見到叻沙大把位，下午茶款式都幾多，所以就入去試試新野。落左單叫個豬頸肉叻沙摻摻，見幾新奇咪試下，40蚊仲包一杯熱飲。摻摻其實即係米粉加油麵既意思，搭配起黎普普通通，唔算有無咩特別。湯底就好濃，好重花生味，唔錯！但豬頸肉方面就比較失望，因為豬頸肉比較多肥肉，唔係我鍾意既瘦肉。但碗野都尚算大份既，食落幾飽，同埋粒豆卜幾特別，好食！收銀叔叔都幾friendly，會問我d野岩唔岩食，希望下次食第二樣野會有驚喜啦！

見開左新野又見人唔名多就入去試下，兩大一小叫左海南雞二人餐，瑞士汁雞翼同串燒，雞翼好咸又無乜肉，串燒最差，拎切件豬扒扮串燒豬肉，唔好食👎🏻海南雞飯算最好，不過隻雞斬到癡埋一舊舊，無下次

附近新開左幾間餐廳，同媽媽一間一間去試。今日同媽媽去左試呢間。茶餐時間去，都唔洗話等好耐，5分鐘左右。入到去個地方都幾大。叫左兩樣野，豬頸肉喇沙滲滲同香矛肉碎煎蛋飯（唔記得個名，大概咁上下），諗住叫得喇沙咁食喇沙應該安全，抱有少許幻想應該會好食。個豬頸肉ok既，個湯就一般般；媽媽果個就伏伏伏伏伏。肉碎好油好酸，酸係似變壞既味道果隻酸，汁酸，肉都酸。唔知係本身係咁既味定點，我分唔到。服務方面都唔錯，上菜時間都唔會話要等好耐。

話說寶林新都城最近開了不少新餐廳，見這家嚐味喇沙人龍不算太長，即管試試看，結果中伏。雖然店員的服務態度挺友善，以為這家是專門吃星馬菜式的餐廳，但這只是貴價版茶餐廳。三人點了三客食物，合共$164。這裏的喇沙賣相參差，味道亦不正宗。另外這裏有售韓式石頭鍋飯、台式肉燥飯、西式意粉薄餅等。本想吃意粉和薄餅，但因新春期間人手不足，所以沒供應意粉、薄餅和炒飯。於是我們點了韓式泡菜雞肉石頭鍋飯，但當然味道非常不正宗，剛看這照片便知道了。至於台式肉燥飯，肉燥飯亦不是正宗的味道，配上普通的烚蛋而非滷水蛋，加上韓式泡菜和香脆的鹽酥雞拼泰式酸辣醬，雖然味道不是十分差但感覺誠意欠奉。