嚐味 (已結業)

星期日下午想食小小野，見呢間食店的套餐價錢合理，所以入去試一試。.............................................最後兩個人揀左一個歐陸套餐，再加一個沙嗲牛肉煎蛋公仔麵餐。歐陸套餐賣相相當靚，沙津有芝麻醬，炒磨菇有個美味嘅汁，薯仔明顯有烤過，有腸有炒滑蛋有麵包加杯意大利咖啡好味。沙嗲牛肉煎蛋公仔麵，味道一般，但屬超值。再$12加杯水蜜桃水果茶~下次有機會會試下其他食物。

沙律的柚子及dressing配搭得刚好、春卷很新鲜、生菜尤其出色新鲜比美高级餐廳沙律篥、串燒牛鸡豬、各有得色，豬肉很到位、農埸雞、幼嫩妙味、最后的喇沙椰味香濃、抄飯都好正。招呼周到，兼且價錢實為。朋友聚餐的非常好地方！大家食得好開心

今日入尖沙咀搵朋友食午飯，我唔熟呢頭，就叫佢隨便搵一間中餐食D簡單D的午餐就算。之後行到赫德道就入左呢間茶餐廳.下午1點, 入左一半客多D，仲有幾張吉桌子，坐低覺得冷氣好勁, 吹住個頭，想換位，然後店員話個個位都有冷氣架啦....我冇理佢, 揀左第二個位坐左，感覺呢間餐廳D人唔多友善...一坐低睇到個MENU好似曾相識朋友話呢間咪味皇囉~~咁我又唔知係唔係有關了~我覺得價錢都大眾化的，款式OK吧個人喜歡味皇多D點左個海南雞飯，正常質素啦, 有雞味, 肉唔鞋的. 份量亦適中,掛住傾計，冇影個隨餐送的椰子雞湯的相, 我覺得係個湯幾濃好飲, 幾多料, 又有養顏的雪耳.但係服務態度認真一般, 我個湯飲左一半就俾人收左, 問都唔問聲, 搞到鬼死咁口渴...

自從在Yamm品嚐過碗泰式湯粉後，車媽媽近來對東南亞粉麵產生了極大的渴求，這天明明想去吃日本丼的我，路經這間嚐味便被它的龍蝦喇沙湯吸引了進去！ 這間嚐味除了有叻沙米線吃外，還有海南雞飯和港式茶餐廳的出品，食物方面都幾多元化，而且我覺得這店的裝修頗舒服又富現代感最重要坐得夠舒適。 先揀選飲品見到特飲原來係果茶極合我口味呢！最終選了鮮水果荔枝冰紅茶原價＄26，但配粉麵餐另加＄12便可得到。 鮮水果荔枝冰紅茶真的十分足料，有青，紅蘋果，火龍果，鮮橙等新鮮生果粒在內，而且冰紅茶帶幽香荔枝味亦不澀口，喝下不會太甜膩還很清甜順喉十分解渴我蠻是喜歡它！ 期待的雞絲龍蝦湯喇沙米線＄50，這碗米線份量也挺足，除了雞絲外還有半邊鹵蛋，豆卜，一粒蝦球和一些生菜陪伴，先呷一口湯味道頗香濃唔會有唔湯唔水的感覺，可惜的是不見得有龍蝦的味道！ 那半邊鹵蛋我反而頗為欣賞，蛋白鹵得入味加上蛋黃夠鬆化吃得我頗為滿 意。 而米線軟硬度控制得宜入口爽滑，沒有過淋的情況已算很不俗了！！下次可以要去試埋海南雞飯呢。

成日經過見到這間「嚐味」都被他們的海南雞飯招牌所吸引，對於我這個對海南雞飯有情意結一定要品嚐下這間「嚐味」夠唔夠專業先😆泰式無骨海南雞飯- 海南雞很嚡，冇乜雞味肉質鬆散，油飯味不足，但米飯軟硬適中，幸好醬汁撘夠酸酸辣辣有泰式風味，海南雞實在有點失望🙁馬來咖哩牛腩飯- 咖哩汁濃，牛腩牛筋入味軟腍，但牛腩份量很少。但值得一提是他們的例湯，是椰子雪耳煲雞湯，椰子味非常濃而且很膠口，估唔到最好味反而是例湯😅

行行下街覺得肚仔餓就頭其搵間野走入去，先黎當然要叫返杯野飲先啦，叫左個黑糖玫瑰花茶，但係飲落真係冇咩味，好似屋企沖仲好過佢叫左個泰式青咖哩雜菜鍋，e個就真係好好食，用黎餸飯超正，青咖哩係香又唔辣，仲有陣陣椰香味加多個泰式肉碎生菜包，又唔係叫好食又唔係叫難食，不過用料方面就少左少少，我記得唔知係邊食過多好多料架再要埋佢地個無骨海南雞飯，個飯唔差既佢話係雞油香飯，食落都好香雞味，海南雞最好食其實係佢個醬

9點幾晚餐，唔洗等位。隨便點了海南雞飯、龍蝦湯扎肉雜錦米線。雞肉比較爽、唔會淋pet pet，油飯香，飯保持原粒，口感煙韌，略嫌偏硬。整體水準ok。龍蝦湯米線就一般正常，蝦湯可以再濃一點就好了，扎肉和其他配料都是現成的，米線沒有太淋，整體合格。

今天經過赫德道，見有間新開餐廳，即刻試試我地兩個人都叫了招牌海南雞飯,好期待賣相唔錯，不過雞肉唔滑，仲有少少硬,都係個雞油飯好食另外叫了紅豆冰，一般，竟然無乜豆

呢間好似都開左無耐，見店面都吾差，價錢又幾經濟，坐得應該都舒服，於是就毫不猶豫咁入左去食我地兩個人各自叫左個飯，加多杯野飲，見menu上面最吸引既係招牌既海南雞飯，所以最後決定左叫個招牌既海南雞飯同睇落去都好吸引既咖喱牛脷飯咖喱牛脷飯既分量正常，咖喱汁都不過不失，不過牛脷既分量就略少，多返一兩塊會合理d另一方面，基本上係枱枱都有叫既海南雞飯反而就跌破我眼鏡！個雞煮得過老，完全咬吾開，基本上我呀媽煮得仲好食過佢而且雞既分量都吾多，因為都好多係骨個雞油飯好似平時"叔"左既飯，我朋友食左一口就完全無再食！當然可能係我地食吾慣呢種雞油飯，大家想挑戰下都得！野飲就正正常常，無咩問題，但都無話好飲雖然整體而言，都係個海南雞飯出事，但話哂係招牌，應該首先要真係煮好佢先，如果吾係d客真係好難再幫襯！

諗住新開入黎食個早餐返工，對集團茶餐廳有要求真係我諗多左。係打開櫃搵包糖果陣見到味皇呢個字都心諗，冇事的冇事的新開唔會差的。叫個平常沙嗲牛麵餐，想個公仔麵爽少少唔似糊都係錯。。。

今日老公難得放早，可以出黎接我收工，行下街行到肚餓搵地方食野，周圍都好多人，見到呢間裝修唔錯，又唔太多人，就貢左入去～餐廳個招牌其實有d 老土，同入面工業風既設計有d 格格不入🙈打開餐牌，都唔少選擇，價錢都幾大眾化有個好得意既爆谷沙冰兩個人都食唔到d 咩，叫左2個餐跟主餐加12蚊可以轉果茶系列什錦鮮果芒果紅茶D 生果都幾鮮架，不過唔見有芒果，應該我理解錯，其實芒果紅茶係一樣野黎🙈🙈紅茶係甜底，都幾甜，不過都飲到有濃濃的茶味～份量幾驚喜，好大杯，2個飲都夠～叫左個75蚊的海南雞飯（ 呢度主打嘛 ）份量都幾多，一個女仔實食唔哂難得d 雞既份量都有番咁上下雞肉雖然未至於滑到不得了，但全熟無血水又做到呢個嫩滑既程度算唔錯值得一讚個汁真係好好味，辣得啱啱好，為碟雞加左勁高的分數～椰子雞湯，有d 油，又有d 味精，其實唔落味精我會更buy ~個油飯都做得幾好，食落口唔會覺得好油膩， 飯粒都幾煙韌，係多水左少少，如果鐘意食軟飯既就啱～個菜呢，其實係唔錯，幾爽口，d 豉油甜甜地，不過賣相有d 差囉～另一個招牌菜龍蝦湯底米線我呢個係什錦 45蚊豬頸肉同蝦都做得幾爽口，雞絲就比海南雞嚡好多，好彩有個海南雞