嚐品慕茶 (已結業)

12：45到餐廳，排了20分鐘先可以點餐。1點等到1：40都未有野食！同佢講佢話人手唔夠。唔夠人你就安排好少少啦。1：45即係等左9個字，終於拎得野食，但佢同我講冇飯！我比錢果時又唔見你咁講，即刻叫佢快啲轉意粉要急住返office。又等多5分鐘，拎碟勁求其嘅野。食左5分鐘放棄！強調唔建議人走去食。1.侍應態度差2.等好耐3.唔好食唯一好真係得個裝修唔錯永遠blacklist 已叫朋友一定唔會幫襯嚐品慕茶

睇到佢下午茶set好吸引，所以專程前黎，星期二下午兩點半上到去，見得一台客，見餐牌放到收銀台旁，自取餐牌睇一睇，問有無抹茶下午茶，店員講短時間內唔會下午茶餐😔，抹茶set, 蛋糕set都唔會有，大家若募名而來既要多加留意。是次只叫了拉麵，凍華田。

今天要去九龍灣臨澤街傲騰廣場，除咗喺大堂有間大家樂，附近好似無食肆，於是行過去牛頭角搵食。不用10分鐘路程嚟到呢間樓上鋪。今日午餐想飲嘢要加錢。可能時間接近2點，食肆內顧客唔多。我揀咗香茅豬扒湯拉麵＋餐湯＋熱檸檬茶。豬扒好“鞋”，唔會再試。

因為參加咗公司training，過左黎九龍灣，搵食同樣難，德福要同好多人爭，又有機會無位。同事介紹偉業街呢間樓上餐廳，無嘢好得過個賣點，「一定有位」。之前搭車都經過偉業街，有幾間餐廳都想試。入到黎好闊落，好大，好多位，難怪話一定有位。呢度係自助形式，點完餐，等叫號碼，自己拎餐。兩日都幫襯呢間，show我地公司pass有優惠（多謝前同事爭取）。日式吉列咖喱豬扒飯，52元，幾大塊豬扒，大過我塊面。粉有小小厚，但可接受。咖喱都ok，飯都幾多，難怪咁多男士揀呢個。另外一日食嘅係天使麵，肉過咸（我本人係食得清啲），呢個油咗小小。兩次飲嘅都係熱奶茶，如果奶再多小小會啲。環境唔錯，幾個來自唔同department嘅同事可以有個咁嘅機會傾計算係難得。呢間無油煙味，幾好。

以前食過，有自助沙律和湯，大約100元內，不過今次餐廳已經轉為一般午餐，點了雪魚炒飯不但淡而無味，賣相奇差，就算本人自己炒的水準也不比他差，真的沒甚麼料去炒，只有一些粟米、蛋和鱈魚，單調到如此節約成本，而沙律🥗午餐還算可以，用大長方形木盤上，看上去是有格調，最好的就是牛角包🥐夠鬆脆，可惜不是套餐，要湯另+8元，熱飲另+3元，凍飲另+6元，只可以說吃了一個較為貴的茶餐廳質素的午餐，沒必要走遠路去，應該不會再去了！

之前一心諗住啾試佢嘅抹茶🍵和風下午茶，點知去到原來已經轉左Menu變咗做呢個櫻花🌸主題嘅下午茶Presentation幾靚，一盒咁樣擺上台食物一半係咸點，一半係甜點因為係花💐嘅主題，所以每樣嘢食都有啲花嘅元素，例如桂花醬，玫瑰花瓣🌹，花味雪糕🍦等等不過其實啲嘢食好一般😞試唔試都得🙊

鰻魚飯😊是我的最愛。今日經過九龍灣到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫。見到很多舒適卡座。下午時間進入這間餐廳,主要是被它的設計及裝修吸引。非常有情調。店主亦十分好客熱情，向我們一一講解了各款菜式的特點。鰻魚飯生熟度剛好，唔會太鹹, 入味又嫩滑，微微鰻魚汁及肉香慢慢滲出，惹味而不會辣，吃不了辣的朋友最啱不過。他們這家食店的鰻魚鮮味彈牙，趁熱食最好。飲品我點了凍檸茶，茶味甘香，甜而不膩﹔而且有糖水可以任君加添。鰻魚飯亦有紫菜在旁邊,新鮮有彈性﹔當日因為比較晚去到，菜式品種雖然不多，但絕不欺場，食物質量十分高，份量也不少，個人吃到最後實在因為太飽而喝不下所有蕃茄湯，覺得可惜……我十分推薦這間用心經營的食店，我亦會再次光顧，會帶家人來慶祝生日。😘

今日到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫。下午時間進入這間餐廳,主要是被它的設計及裝修吸引。非常有情調。😘令人心情放鬆。餐牌相對其他食店而言，簡單直接，有多種美食及沙律任君選擇。富有時代感的歐洲單車裝飾、印有全店所有菜式的墊枱紙、帶有食店LOGO的餐碗及特飲玻璃樽，甚至中英對照的點餐紙，從各種細微處可以看出店主的心思。店主亦十分好客熱情，向我們一一講解了各款菜式的特點。鰻魚飯生熟度剛好，入味又嫩滑，微微鰻魚汁及肉香慢慢滲出，惹味而不會辣，吃不了辣的朋友最啱不過。他們這家食店的鰻魚鮮味彈牙，趁熱食最好。飲品我點了凍奶茶，茶味甘香，甜而不膩﹔而且有糖水可以任君加添。鰻魚飯亦有紫菜在旁邊,新鮮有彈性﹔當日因為比較晚去到，菜式品種雖然不多，但絕不欺場，食物質量十分高，份量也不少，個人吃到最後實在因為太飽而喝不下所有蕃茄湯，覺得可惜……食店方面亦挺貼心，見客人想喝湯，會主動問客人是否需要加湯。綜上所述，十分推薦這間用心經營的食店，我亦會再次光顧，會帶媽媽來慶祝生日。😘

這間餐廳位於牛頭角站附近，地點真的有點難找，與朋友附近的工廠大廈行了一轉，幾經辛苦才找到當上到去的時候，要打電話確認才知道我們找對了，不過當打開門既時候，餐廳比想像中大，裝潢設計都很美，與外面的工廠大廈是兩個世界似的，點完餐後都忍不住拍了些照片。玄米抹茶奶+$10伯爵茶朱古力+$10燒安格斯一口牛伴黑松露燴飯$138紐西蘭一級西冷牛扒配薯條$152我們太喜歡吃牛了，當看到餐牌上有關於牛的菜式，都忍不住點了抹茶批+$28檸檬芝士批+$28雖然位置是有點難找，不過有食物和裝潢搭救加分，為一天努力工作後，來一點甜

D野食好似擺咗好耐咁叫完冇耐就即刻上哂d野食素炸鷄幾特別但同個抹茶醬完全唔夾 同唔熱 好明顯炸起咗好耐牛油果煙三文魚酥 好差 食落好似放咗成晚既酥餅 D三文魚放到乾乾地最差係巴馬火腿哈蜜瓜差 D parma ham好似爛肉咁又薄又溶溶爛爛最差係「漏單」！上完甜點，我地等足 30mins 都未上咸點！周圍遲過我地落單既都到齊、影晒相、慢慢嘆完、走埋....我忍唔住催佢，佢仲要以疑惑樣回應，好似我地呃佢咁款....超好野佢漏單，俾個疑惑樣我都算啦....我催完佢，佢出菜果下都先俾另一枱，唔係即時出俾我....無言希望唔好再有人俾人呃上去食

話說同同事想試未食過嘅餐廳，OP完一輪lunch hr就過左黎呢間。喺偉業街都幾近我地公司。上到去發現環境幾靚，木系cafe，好舒服。叫左2個lunch set白酒煮藍青口蒜香野菌意粉 $75青口數量都幾多，另外仲配左個炸魚柳，哈哈係menu冇寫嘅，好似賺左咁🙈不過意粉比我想像中啖味，如果蒜香味可以再濃啲相信會更惹味！巴馬火腿黑松露忌廉燴飯 $70黑松露味道幾濃，唔錯！但燴飯嘅口感幾得意，唔係平常食開果種燴飯的口感，濕濕地但幾入味。餐飲要左桂花烏龍茶同埋玫瑰茉莉花茶，慢慢嘆埋杯茶就要返工繼續做野嚕！

午飯時同事都會很懊腦的想下午吃午餐，在尋覓次之下工廈的昌興工業《嚐品慕茶》- 那就來個快。距離牛頭角地鐵站B6 出口，再步行約10分鐘。 地方很大，我們等了數分鐘便可以入座了。十二月快到了， 我們在想想 .. 在這裡開個派對也不錯 — 有karaoke ,棋類, 麻雀, 藍球機等等 ！日式蒲燒鰻魚飯 HKD 78 鰻魚都幾肥美，也有魚油而蒲汁又不會過多。飯挺多必飽肚！ 清酒蜆肉珍珠帶子意粉 HKD 68 清酒味不算太重， 蜆肉有鮮甜味一粒粒的帶子也很入味。 白香果茉莉花茶 跟餐加 HKD 10甘香的百香果很濃也很大杯 ！ 香茫茉莉花茶 跟餐加 HKD 10輕輕的茫果味跟茉莉花混合又幾夾！

今天難得放假，約了很久沒見的好友吃午飯，傾傾近况。想找一處既悠閒又舒適的地方，並可以給我們坐上幾小時的餐廳，朋友介紹了這間位於牛頭角工業區的樓上茶居/餐館。我起初也懷疑工業區的餐廳真的可以給我悠閒的感覺嗎？上到餐廳，果然很寛敞，擺設和環境也很舒適，令人有一種輕鬆的感覺。日式蒲燒鰻魚飯（$78）👍👍👍👍半條的蒲燒鰻魚配合米飯, 甜甜的蒲燒醬汁十分惹味, 配合粟米粒和紫椰菜就令午餐更加輕怡健康。紅酒燴牛肋條配青醬野菌炒意粉（$78）👍👍👍牛肋條切至厚粒狀，份量都算多，但如果醬汁味道加強和加多一些，出來的效果就更加好。意粉也煑得較稔身，但青醬和蒜蓉的香氣則很濃郁亦與意粉很配。是日餐湯（+$8/Lunch）👍👍👍👍加$8 就可以享用是日餐湯，當天是蕃茄甘荀湯，味道清新。玫瑰茉莉花/普洱茶（@+$3/Lunch)👍👍👍👍午餐只需加三元就可以有一杯熱飲，花茶味道很香，每口也散發著花香，喝完還可以請店員添加熱水，慢慢享受一個美好的下午時光。門面內在環境餐牌

一入餐廳既感覺係地方好大 感覺好光猛舒服 今次分別叫左兩個餐 巴馬臣火腿拼黑松露意大利飯意大利飯上既三塊火腿好吸睛 火腿拼成一朵花型感覺好靚呀 而且可以保留番原塊火腿 至於黑松露意大利飯嘅醬汁調配得好好 每一粒飯都充滿黑松露味道 係均勻咁散發起每一粒飯上面 飯粒有咬口 照燒炸蝦拼牛肉飯感覺有啲似日本既丼飯 我最期待嘅炸蝦有兩隻呀 炸粉唔會好厚而且超級彈牙 配埋照燒醬汁既牛肉好夾 令人食唔停口😍

早已聽聞這文青feel 的餐廳，今天到附近辦事便專程到來，從偉業街地下沿樓梯步行上一樓，推門入內別有洞天，感覺光猛寬敞，果然適合一些包場活動，早前就舉辦過以茶為主題的活動，推介以抹茶為主題的和風下午茶等，最近就推出「賞花．嚐花下午茶」，以茶味手工雪糕做主題，嚐花時亦能賞花，非常特別。不過今天到來時剛過中午，就簡簡單單吃個午餐吧。午市套餐有多項選擇，包熱飲，凍飲加$3，而午餐時段由1130至下午3點，適合附近公司彈性午膳安排，1230前離座更加有9折。 店員很快已送上我的焗菠蘿瑞士肉丸長通粉，長通粉甜酸得宜，瑞士入口的小丸子味道像極宜家傢俬的肉丸，有肉汁，配合菠蘿及番茄醬汁，令人開胃。隨後我的熱日本抹茶亦已準備好，即時炮製，入口抹茶甘香，立即向店員詢問，原來他們採用日本老字號茶行「丸安茶葉」，怪不得甚有日本風味。 滋賀縣的丸安茶葉，創立於 1872 年，是超過140年歷史的抹茶品牌，曾經獲多項獎項，果然丸安茶業株式会社的抹茶產品質素是有保證的。