嚐泰泰國餐廳酒吧 (已結業)

剛剛有朋友約食飯，話想一齊食飯，但又想食泰國野，問我有咩介紹，我就諗起嚐泰啦～而嚐泰位置比較隱蔽，位於街市位置的其中1幢大廈內食飯時間果然係好超多人，好彩有訂位習慣，唔係都唔知要等到幾時點解咁多人呢？睇下有咩食先真係好抵～灣仔區$63就食到個飯，仲要包埋野飲而且所謂既特價套餐都絕對不交行貨（選擇仲非常之多，有19款唔係咁都選唔到呀燒豬頸肉飯 $63豬頸肉燒得剛剛好，而且食落肉唔會好實，配合埋佢地既秘制醬汁，真係野味又好食海鮮喇沙湯金邊粉 $63講到呢碗野真無得輸，贏左....點解呀.....真係唔知佢仲有無得賺，入面好多料，青口2舊，魷魚，蝦，蛋都好多，仲要個湯好濃....不過辣了點，唔食得辣既朋友就唔好叫啦，食到噴火～熱龍眼水味道清甜泰色奶茶香滑，奶味十足芒果糯米飯 $78見到有人介紹，所以都叫番個試下先。不過佢地真係好忙，忙到唔係咁好意思，再叫野食，但最後都叫左，唯有快食快就啦，快快讓位比人芒果味睇落仲生生地，但出其甜，而糯米飯配合埋個椰汁真係超正，想要多幾個汁添（汁先係仲點）最後仲問我地要唔要甜品，八怪想知咩，就要左一個，蕃薯糖水，味道較清淡，唔知算唔算係泰式蕃薯糖水呢？

經濟實惠！曾經有唔同朋友/同事帶過我黎呢間餐廳，而家我自己都識黎了。雖然要上樓，但位置都好方便，今日同三位朋友一齊食，都係當日朝早先打去book枱，好好都有位。午市特價餐真係好抵，$63包飯包野食，如果夠早仲會送埋甜品。青咖哩汁好香，雞肉又夠多，唔算太辣，但係飯多左啲，如果細食既女食客可叫佢少飯，基本上我地四個女仔去，四個都食唔晒啲白飯。豬頸肉煎得好香，夾埋啲汁真係不得了。但我略嫌佢乾左少少，雖然有點既汁但肉本身係乾，飯又乾，變左一定食唔晒啲飯。唔記得影餐牌後面，佢比較特別，有青檸茶，好香，冇黃色檸檬咁澀。可試試！

所有午市套餐都只是$63，包飲品及甜品，價錢十分親民。秘制焗雞脾飯(每日只售10份)雞脾香口嫩滑，再配自家制醬汁，甜甜辣辣，非常開胃惹味。燒豬頸肉飯豬頸肉肉質爽而不韌，沒有帶一點肥膏，不會像一般豬頸肉般有油膩的感覺。熱龍眼茶跟set加$3便可以轉泰式特飲。這個熱龍眼茶很足料，龍眼味濃，很好喝！泰式奶茶芒果糯米飯 ($78)由於不喜歡吃黑糯米，所以特地跟店員說只要白糯米。糯米飯及椰汁都是暖暖的，糯米飯質感煙韌，芒果亦很甜。兩者的份量剛剛好，令人吃個欲罷不能，一口接著一口不休止。

叫左個秘製焗雞脾飯$63，我見menu很多選擇，有咖哩/嗽沙/炒公仔面/炒河粉，而且只要$63，合理價錢。雞脾飯份量足夠，但有少少干，個份都很大份。另外免費送一杯飲品，叫了泰或奶茶，嫌茶味唔夠濃。不過勝在價錢合理

呢間泰國餐廳由泰國人打理，位置有啲隱蔽唔太起眼，藏身於街市舊樓入面，一般好容易被錯過。都係經由朋友推薦下先知道呢間餐廳。餐廳入面有好多泰國擺設，充滿住泰國氣氛！Lunch time好旺場，座無虛席，即使訂咗位，去到都仍然要等一陣位。一個lunch set都係$6-70，有main有飲品仲有甜品，而且食物質素都有番咁上下，真係好抵食！👍🏻唔怪之得lunch time成日都咁爆啦～首先講下呢秘製焗雞髀飯，雞脾烤得香口，雞肉嫩滑，配埋個辣辣地嘅泰汁，即刻將個雞脾提升咗，好正好惹味😋泰式炒雞肉金邊粉，無咩驚喜，屬於中規中矩。由於鍾情芒果糯米飯，所以無要到lunch set送嘅甜品，另外叫咗個芒果糯米飯。芒果同糯米飯份量配搭得好好，兩者不多不少咁一齊食晒。👍🏻 而且糯米飯暖暖地，咬落煙煙韌韌有咬口，真係冇得輸呀！😍

有一天lunch，跟我我同事出去吃，說實在灣仔真的沒有什麼沒試過了，但這間樓上的泰國料理卻被遺忘了！這次就去試試看，它的lunch menu 比同區的泰國餐廳選擇多，價錢也算很可以！我們看到lunch menu 上的19號秘製焗雞髀飯，他們說每日限定只有10分，聽見「限定」這兩個字便非常吸引了，便要點一個來試試！一上桌，說實在的真的不覺得有什麼特別的地方，不就是烤雞腿嗎？有什麼需要限定嗎？但一放在口裡，的確！的確香氣迫人！烤得很香，雞腿很好吃，但也不覺得有什麼過人之處，可能是因為「限定」兩個字令我們期望過高了！我們還點了一個青咖哩豬排飯，青咖哩真得有辣啊！好吃！而且豬排份量很多！而且跟餐可以點泰式奶茶，不過泰式奶茶真得太甜了！最後waiter會問你要不要糖水，今天的是紅豆糖水，不過也是太甜了！但我看到對面的人在吃泰式豬手飯，好像很好吃，這個應該就是我下次再來吃的理由了吧！

從來都唔寫食評，今次破例！本來想食泰過菜好耐，今日約埋朋友來呢間打算食餐好既！但呢間野水準愈來愈差！頭兩次食都OK。今次一入到去得果兩圍客人就知乃晒野！今次叫左佢嘅蛋炒飯好淡無味。叫左碟脆肉炒椰菜d菜唔熟好硬咬到牙交都軟！d脆肉係lum池池既好似燒肉浸完湯咁完全無口感！另外叫多碟青檸蝦！d蝦完全無醃過咁！蝦肉完全無味！本來仲諗住食埋佢嗰個咖喱炒蟹但係都係咪搞我！我驚浪費金錢！係我食過最難食既泰國菜！簡直垃圾！

是晚來到同事推介的泰國菜餐廳，位置頗偏僻的，位於小巷之中，還好一進巷就見到餐廳的燈牌，於是便直上一樓。當晚9時左右到達不算太多人，環境寬敞，座位都有適當相隔的空間。由於友人肚子都餓得很，一上菜也沒拍幾張相片就開始吃了。整體來說菜式味道正宗，其味道跟在泰國吃到的泰國菜相差無幾呢，特別推介青咖哩、炒通菜冬蔭功味道也不錯，但略嫌份量過少，侍應點菜時跟我們說大的冬蔭功足夠6人用，但最後也裝不岀六半碗來。。但整體而言，該處座位闊落，用膳後亦不會急著收起碗碟趕人走，是朋友聚餐的好地方

難得約同事出街食午飯，佢地帶路食泰國菜，由於我地人多，所以一早訂左枱，否則有排等！餐廳位於街市附近的樓上鋪，枱不多，但好多人食，不過位於灣仔，除非超難食或者超貴，否則午飯時間大部份餐廳都大排長龍哩！我點左海鮮喇沙金邊粉，隻碗超大，但份量不算超級多，我食量細，覺得剛剛好，但海鮮好少，而且全部無味，湯底都唔香濃，我覺得好普通，同事點左泰式炒金邊粉，眼見好少配料，但最驚喜的是附送的綠豆糖水好美味，通常附送的好難食，個這碗真的美味哩！但63一碗無味海鮮河真係一次就夠！

今日兩個人食DINNER，平時我都經常會係呢度食LUNCH，LUNCH好抵食，一律HK$64，主菜+野飲+一細碗甜品。我最鍾意飲呢度D ICE TEA，係正宗泰式紅茶沖，同係香港飲開嘅檸茶唔同架。我地兩個人，今晚叫左個生蝦刺身，個味道好好呀! 但蝦其實唔算好新鮮，因為佢唔算係好爽..>,<另外叫左個金邊粉同埋炒菜，兩樣野都好大碟，我地都食唔晒，個金邊粉都仲食淨左一半...佢個菜好好食好入味，而且菜亦都唔老個金邊炒賣相超好，有兩隻大蝦，好味道!最後我地叫左個芒果STICKTY RICE，賣相又係超好，D芒果排到好靚，而且好甜，可惜黑色果邊個飯有少少硬，其他都滿意!

好味既泰國菜🙈呢間可以book位既食lunch一流👍🏻一行六人每人叫一個share食！今次新試喇沙同海南雞，兩樣都普普通通可以吾叫🤣始終都係豬扒炒公仔麵同豬頸肉炒河（河粉係比較闊身既）最正呀❤️❤️香口又吾辣，岩晒吾食得辣既人！香甜既蛋絲加分不少青咖哩飯都大推，不過真係有啲辣！（好送飯架）另外就有限定既雞腿飯，仍然係好好味呀👍🏻不過原來甜品都係限定，今次無得食😩希望下次再早啲叫定上甜品先得！

近來吃多左泰國菜，朋友介紹這間，說是好地道，食材多數是從泰國運來的。店鋪位置有d隱蔽，在灣仔橫街小巷，並且是上樓鋪，若不是朋友帶路，好容易就迷路了。店內環境充滿泰國氣氛，擺設也蠻多。先點兩個餐前小食，值得一讚是泰國金柚蝦球沙律，真的比別的餐廳，美味百倍，正宗泰國空運金柚，不會酸只有甜，加上秘製自家醬汁，真系吃不停口，朋友多真的要點兩份才夠吃。至於酸辣去骨鳳爪沙律，爽口新鮮。串燒沙嗲 (豬牛)，好香炭燒味道，肉質香滑。必食馳名黃咖哩蟹，想食就要提早一天落柯打，不然很快就沒有。配上蒜茸飽，泰式煎薄餅，是天下無敵，朋友說為了不浪費咖哩原故，會點多些蒜茸飽來吃。因人多原故，多點了一份海鮮，老闆介紹酸辣青檸明爐蒸魚(盲鰽)，因盲鰽啖啖肉，又少d骨，酸酸地，好惹味。蒜茸炒椰菜苗，第一次食，沒有比芥蘭甘硬，有咬口，有葉吃。愛吃嗜甜品的女仕，都必點香芒椰汁糯米飯，加上賣相超漂亮，不捨得吃了它。椰汁西米糕，好香椰汁味也不錯。

晏就去灣仔搵餐廳食飯真係好難呀！因為度度都係人，又得一個鐘時間，真係分秒必爭！幸運地，同事十分熟路，一早已電話預訂了這間樓上泰式餐廳：）上到去，地方寬敞，好快就點左餐，同事推命豬手飯同炒粉都好味，而我最後點左海鮮冬蔭功粉，份量同材料都好足，令人心滿意足！而且，包埋野飲同甜品（不是常常有），都只係六十多元，太抵吧！灣仔人一定要記低呢間鋪；）

今日又去左嚐泰同同事食farewell lunch 啦~ 今次有成6個人去啊！醒目女梗係book左位啦！ 今次上去唔洗等~唔算多人，安排有梳化位比我地~叫左龍眼冰！好清甜！加$4咋~但略嫌細杯左d！同事叫左S14 燒豬頸肉飯~我試左一舊~ 肉唔係juicy個d，但食到有碳燒既味！偏乾但仍會想一口接一口地吃！醬汁很match!S3 泰式炒雞肉金邊粉看似普通但係好正宗！碟邊有青檸同花生碎！成碟都好香好惹味！正！我今次都係要S2海鮮喇沙湯金邊粉 加煎蛋(終於記得影，上次唔記得)少辣不過都係好辣~入面仲有半隻烚蛋~最後送左個栗米西米露比我地~

踫巧與久未相見的舊朋友難得的不期而遇，加上友人三個大食友吃了一頓超豐富的泰晚餐。本來在一般泰式餐廳都食到的蝦餅，精妙之處是釀入了皮蛋，效果不同凡響，堅好食，被眾人極速秒殺！燒豬頸肉油份充沛，很難不好食。最緊要夠香，這碟不過不失。沙哆串燒很香，肉不乾有汁，惹味之作。雞油飯差了下去，黃油飯不均勻，一啖有一啖無；雞太少之餘更只有一碟辣醬，可能店方對海南雞的調味甚有信心，但事實並不盡然。金邊粉很幼，雞肉及配菜都極之入味，眾人大搶！炒芥蘭鹹香得宜，還吃到芥蘭的清甜，炒得夠火喉，讚！最有印象的是蝦餅皮蛋，下次來一定翻炒。