嚐糖

營業中

休息中

依篇速度真係要打快小小！因為唔想大家再去浪 費 錢 去 嚐 糖首先今日食完飯未想走 就行返去廣華街食糖水之前都未試過依幾間 咁求其見依間多人食就入去坐低啦！入到去 檯同餐牌係幾有噱頭 有中學回憶暗戀阿里山熱戀活火山香芋女神$49對上2個都算啦 因為個冰都算有顏色有啲生果陪襯 但依碗黎到 我真心呆左 成碗白色 啲椰汁稀淋淋 仲要得個甜字 啲椰汁真係多到乜咁 但芋圓又得幾粒 未試過舖頭食會係咁嘅質素 我係街邊買碗都好過佢 超差💛嚐糖 真係上左堂 唔好見多人就食

原來呢間甜品店嘅裝修係主要以中學的課室，入到去有一種返到中學的感覺！枱面係用課堂的枱，有locker甚至連Menu都係學校練習簿！甜品就叫咗一個心太軟，心太軟會流心而且雪糕配埋都好好食！可以一試！

今日夜晚同frd 食完返諗住食甜品 甘就入左呢間伏到喊嘅鋪頭。我地分別叫左一個叫阿里山嘅绵綿冰（$60)，士多啤梨味嘅芭菲（$60)同熱嘅生磨芝麻糊（$32)。佢地嘅分里都好少，以為係貴精不貴多， 點知係質同量都無。先講阿里山，個冰勁細，m記新地都多過佢。 啲芋圓明顯係一地交去鋪頭。 食過芋圓都知無論佢落地少芋頭/地瓜你點都會食都少少，呢間係完全無，只有化學添加劑嘅味道。個芋頭係非常難食， 係完全似未熟， 個芋頭係爽嘅，唔知佢發生咩事。到士多啤梨味嘅芭菲，我諗成杯野最貴係個雪糕。其餘都係不知所謂。 杯野大細只係一個細酒杯。最後個芝麻糊，唔知係我中文差定點，完全食唔到佢所謂嘅生磨喺邊度。 你會食到佢啲芝麻糊有一粒粒嘅物體，正常嘅生磨芝麻糊係唔會有，勁似用生磨芝麻醬加水整出嚟嘅芝麻糊。你只會食到甜味完全冇芝麻味。以上嘅意見都係俾大家參考，希望大家唔好中伏，如果佢係賣得好平，我會明白佢係要維持成本，但係基於佢嘅價錢其實有更多更好嘅選擇，所有食材都食得出成本唔高。只係想問店主一句，佢嘅良心去咗邊。

冇野呀嘛，$52蚊喎，雀巢粉？雀巢粉朱古力雪花冰加上好Q......難食嘅小丸子，絕配。一流嘅......垃圾。食你？我寧願食M字頭新地同甜筒。不能再差嘅甜品鋪，願天下人唔好再中伏為左比個負評你我決定寫夠200字，香港甜品D評價咪就係咁一直下滑囉，開起旺角，唔缺客，就做到成舊垃圾咁。我食左咁多間甜品鋪，你都係數一數二嘅差，冇心經營又冇落足料，當客人全部都係水魚咁，搞唔掂。大家唔好再助長佢嘅氣焰啦停下來，想一想。

這校園～ 這班房～ 🎵香芋女神 *熱* ($49) ●●●○○👉🏻 椰汁、芋圓、小芋圓、香芋、西米芋圓味道分別唔大，而且成碗淡味少少芋圓口感偏腍，冇咩咬口呢個價錢應該有更好嘅選擇🫢📍 嚐糖💰: ●●●◐○環境、服務: ●●●◐○（員工態度ok，係舖面細、坐得唔舒服、太多人等食得好急）

星期六諗住食完飯去食糖水黎左呢間覺得自己中左伏叫左個「華田濃一」覺得呢個甜品只係值個雪糕因為係用Movenpick 而舊阿華田既布甸如果上面唔係放左阿華田粉 舊野其實好淡完全唔知食緊啲咩另外仲叫左個「香芋女神」份量少到唔講以為佢唔夠貨椰汁仲要好水好稀 都係個句 唔知食左啲咩寧願俾多少少錢去食「鮮x仙」

尋晚同friend食完飯諗住去食糖水，見到佢門口啲相都ok就攞位等咗一陣就入去，店員態度一直都係黑面好趕客，睇埋啲糖水，就知中伏，嗌咗俩個楊枝甘露同一個楊老師、糖不甩、廣末涼子⋯⋯從來無食過咁樣的楊枝甘露，好似糖水掉幾块芒果粒落去咁，好難食，好失望😫仲衰過超市買的支裝楊枝甘露，朋友都係講佢𠴱碗都一樣唔好食，好希，間鋪好明顯唔憂做，因為出面又有客係度等位，所以是但做的糖水都敢俾人食，因為大把生客，奉勸你哋去其他間食都不要入呢間鋪，真係好伏😠

態度極惡劣我哋多人去食，舖頭冇咁多位，佢問我哋介唔介意逼少少，我哋話冇所謂。入到去望一望，我哋要膊頭掂膊頭咁坐，仲要逼到有啲係埋唔到去張枱，要用手攞住碗糖水嚟食。問題一：嫌我地阻住佢做生意由我哋一坐低，舖頭啲員工就開始西我哋，嫌我哋阻住佢做生意。叫我哋坐埋少少俾其他人出，又企喺我哋後面話我哋阻到佢出餐，其實我哋已經坐到好逼，唔係有心阻到佢。問題二：企起身讓佢行又嫌，坐喺度阻到佢又嫌咁我哋見阻到人，咪企起身讓人哋行囉，點知一企起身，個店員就叫我哋坐低，唔好企起身。我哋已經嬲嬲哋，坐又俾你嫌阻住，企起身讓你又叫我哋坐低。問題三：未食完就趕你走舖頭出面明明寫住限時60分鐘，我哋碗嘢最後一啖都未食完就問啲嘢嚟齊末，嚟齊就埋單，我哋坐低左冇30分鐘，就趕我哋走。其實小店嘅位置有限我哋明白，如果你冇能力接待咁大枱客咪講聲唔好意思，我哋冇位，咁我哋咪去第二度食囉。又要俾我哋入去，又要鬧我哋阻埞。永久blacklist，以後都唔會再食，呢啲質素嘅糖水一街都係，不外如是。

星期四晚嘅9點幾，門口排緊一台3個人嘅客，然後下一枱就到我。職員好快亦安排咗座位比我。Menu係練習簿，枱同櫈就係大家中小學嘅枱櫈格局，好有返去讀書嘅感覺。.食過幾次呢間小店，今次想食個簡單啲又想食芋圓，於是點咗《熱·陳皮紅豆沙》加$10芋圓，總共$38。紅豆沙唔會好甜，煮到都夠‘沙’，芋圓都有大概十數粒，同埋係好Q好食嘅！份量唔算大碗，$38唔算貴但亦唔算平，中價。.全程背住餐廳正門坐，食完比埋錢，擰完身先發現門外有幾堆人等緊位；果時係夜晚接近10點。.附近仲有其他甜品店，情況一樣墟冚！

去開旺角附近，諗住平日無咁多人，所以同屋企人去食個糖水，點知坐左15分鐘都無，我都未食完，就趕客走，問我地仲有冇野要，然後就叫比錢，又話出面有客等，唔止我一枱客係咁，見到後面兩張枱都係同樣待遇。我地真係入座就叫野食，睇番張單真係15分鐘都無！啲糖水雖然大大碗，不過好稀，料唔多，而且又唔好食！同埋佢規定每人一個order，所以如果想share嘅話真係唔洗諗食佢附近都仲有好多糖水，唔洗咁辛苦自己食呢間！真係唔會再幫襯

個日同朋友係旺角食完飯,話想一齊食甜品就揾到呢間甜品店😝個日係星期五夜晚都幾多人排隊食👐🏻而甜品店嘅佈置都係以中學課室為主題📚連menu都係功課薄🤣🔸朱古力心太軟 $60心太軟整得好好,好流心同朱古力醬好多🤩而雪糕揀咗朱古力味🍫兩樣同加埋真係冇得輸🫶🏻🔸涷豆腐花$25大多數人都會叫原桶但因為食得好飽就叫咗一碗🫣豆腐花有得揀黃糖或薑汁👀朋友就揀咗黃糖,豆腐花好滑😆整體黎講質素係正常🥰🔸同心闖朱峰🍫$49綿綿冰味道係雲呢拿朱古力🤍而配料有Oreo,可可米, 朱古力醬同小丸子🍡小丸子好煙靭,而冰都好棉同朱古力味都好濃😚整體口感好好,朱古力都係滿滿的😳🔸雪花綿綿冰科🍧$49呢個可以自選綿綿冰味同三款配料🙌🏻綿綿冰揀咗士多啤梨味但就偏酸🍓而配料有Oreo,蘆薈同哈密瓜🍈而醬就揀咗朱古力醬🍫個人就麻麻,朋友話好食🫶🏻

今日係貴店食糖水有段不愉快的經歷，糖水就普通一般糖水，但員工態度就一言難盡，咁我同我啲fd食緊糖水傾緊計，之後圖片中嘅員工就送餐到我哋後面嘅枱，咁正常講句唔該借借係咪好難？佢就直接好大聲喝我哋 走開啦，過門都係客 咁我同我朋友果陣就呆咗 氣氛一度尷 尬，本來收工打算係嚐糖relax下，食下糖水，傾下計，但係就搞到好吾開心，同埋我有個朋友情緒本生有少少吾穩定，咁樣喝我哋搞到佢好有壓力。呢幾年大家壓力大其實都明如果咁辛苦不如就休息下啦。咁都算之後我哋就add order，埋單嘅時候叫佢地update 個女員工就好吾禮貌嘅語氣問我地：舊單要吾要呀🤬>_<…之後找錢嘅時候都好冇禮貌：嗱1蚊啊 攞去啦，吾知係吾係員工態度refer返小店嘅topic，一開始幾青春好似返去中學咁。但係員工嘅態度令我勾起種種不美好回憶，情緒一發不可收拾的本生下次都有機會光臨貴店，但係宜家就應該吾會啦…真心唔推介俾錢買難受

以校園班房🧑🏻‍🏫為設計嘅甜品舖，坐位都係學生枱同凳，個Menu就用特色嘅練習簿設計，整體環境都算幾有心思特色。睇上去甜品嘅封面都算吸引，然後落咗一個宜蘭腐竹男神同滋潤牛乳西米桃膠雪燕，另外帶咗個麻辣餃子八隻。(👇🏻下圖)然後見到嘅賣相係唔係太吸引，味道都普普通通，芋圓嘅味道太淡，牛乳嘅味道都唔係太吸引，而且偏稀偏水，比起睇到Menu嘅時候期望落差太大，反而有啲失望，唯一最鍾意嘅係佢嘅校園主題設計。

餐廳環境（評分4/5）環境算係坐得比較舒服，冷氣都唔會話太凍，服務態度都可以話係中規中矩。當日食芒果比較酸，可能抽中下下籤，小丸子有嚼勁，口感都算唔錯，糖水黎講比較淡味，比較健康？如果唔想滿滿罪惡感既話，依間都可以考慮。豆腐花算係有啲新奇，有俾外型吸引到。食落口感同普通豆腐花差唔多，口感一般。台灣芋圓仙草，口感一般，難以去比較…總過而言…..雖然係顏色店鋪，但真係食落口比較淡，甜度有待調整，可以嘗試甜多少少。

呢間特色甜品小店成間舖頭嘅主題都係學校裝修同啲糖水名都好得意 😍 而且所有糖水都唔貴 大概$40一碗紫薯正妹 $42 - 個底係紫薯奶 然後有芋圓 西米同埋紫薯 overall 口味好啱香港人 唔會太甜滋潤牛乳西米桃膠雪燕 $38 - 呢個好啱養生嘅女仔食 😝 朋友嗌咗少甜 佢好細心咁分開咗煉奶另外上原桶即撞豆腐花 $40 - 估唔到呢個價錢有咁大碗 😯 而且真係即刻撞出嚟 成兜熱辣辣🍽 餐廳: 嚐糖 (旺角)🏠 地址: 旺角廣華街13號廣輝大廈3號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong