嚟食

營業中

休息中

食物新鮮，巴東牛肉椰漿飯好味，串燒豬肉同雞肉燒得剛剛好。海南雞飯等咗比較耐但值得等，雞肉嫩滑而且個油飯超級香，飯仍然是亁爽的没有很油。接骨木花梳打唔止睇得仲好好飲！店主很親切，下次再到長洲一定再幫襯！

大概5,6點，行到有啲肚餓，咁岩落緊大雨，行左好耐都無頭緒想食啲咩。結果係比La eat嘅裝修報置吸引左，喺餐廳外面見到內裏柔和嘅光線，比人一種好舒服好有情調嘅感覺。入到去再發現餐廳所有物品都好有心思，例如係餐桌上嘅鮮花、桌燈、天花板燈嘅線都十分整理，無外露出嚟。再睇一睇餐牌，睇個餐牌就知道啲食物唔會唔好食，當一間餐廳主打幾款食物，代表廚師對呢幾款招牌精心鑽研過。我地叫左秘製香雞椰漿飯，每粒飯都食到椰漿嘅香味 ，而廚師上菜時亦都有提醒我哋將佢哋自家製參巴醬撈勻啲飯一齊食。參巴醬香辣惹味，再加上椰漿飯嘅甜味，令到成個飯嘅味道層次十分豐富。連女朋友唔食飯都忍唔住同我一齊食晒成個飯。而佢哋秘製香雞亦十分出色，雞皮香脆，雞皮同雞肉都充滿香茅嘅香味。出面好多餐廳只會雞皮有味，原因係雞扒醃製時間唔夠長。而呢個香雞就相當出色喇！成世人食過最好食嘅雞翼就係佢地嘅蝦醬雞翼！不得不提嘅係佢哋雞皮，從來未試過咬落個雞皮度係有酥脆嘅感覺，薄薄嘅一層炸粉(我甚至乎唔知道有冇用炸粉)係好費時的，首先一定要將雞翼滰乾水，將多餘水份抹乾，然後沾上炸粉，將多餘嘅粉拍走。其他餐廳都真係唔會咁嘥時間同你做咁多步驟，然後雞肉

第二次食，今次同朋友五個人食晚飯飲下酒，傾下偈店內偏西式佈置同暖色燈光好夾配埋音樂坐得特別舒服👍🏻👍🏻情侶去都一流😌呢個環境配支紅酒特別夾🍷食物方面印象最深刻係呢個胡椒蝦🌟🌟🌟(建議預早向老闆預留)老闆冇刻意介紹，但入口就知係新鮮蝦🦐味道濃郁而唔會過咸其實我仲好想叫一碗白飯撈呢個汁食🤤除左蝦頭外，我成隻連殼食哂🤣因為成日覺得去左殼，就食唔到啲汁🤭另外最意想不到係呢個蝦醬雞翼🌟🌟🌟冇諗過炸雞同呢個蝦醬可以咁夾蝦醬好易過咸，所以個份量我諗老闆係背後應該默默耕耘咗好耐 💯另外仲嗌左雞肉餅，咖哩配薄餅，燒雞，芝士脆卷,,,不過個個太心急，一上枱就開始食，影唔切🤣🤣有待其他人黎試既時間再影😌

只要細心留意，其實長洲不只是有大魚蛋🤣也有很多其他美食 今天第一次到訪這間馬來西亞餐廳 關於東南亞美食必定會想起咖喱沒有考慮，馬上點了一個咖喱飯🥘對我而言，咖喱用作拌飯真的一流這個咖喱沒有過多其他的調味 反而特顯出咖喱本身的香氣 配上皮脆肉滑的雞扒非常搭💯如果喜歡吃辣的人士必定喜歡這個👍🏻//雖然一個人吃，叫一個set lunch也許已經足夠但好奇心驅使下我多點了這個巴東牛肉餅🤣🤣用上煎到很脆的印度薄餅 ，夾著肉汁非常豐富的牛肉裏面還配上一些青瓜片來中和偏濃味的醬汁，吃起來還有一點清新的味道 十分推薦這道菜式 💯💯💯

Menu上有標示素食嘅菜式。餐廳有提供自家製素參巴醬，純素不含五辛。以下兩款菜式都包含煎蛋，可選太陽蛋或熟蛋。炸雞髀菇椰漿飯 ($88)椰漿飯表面似普通白飯，但原來已用椰漿調味，食落有淡淡嘅椰汁味，飯同一般白飯一樣乾身。素參巴醬食落偏辣，撈飯黎食味道剛好。MiGoreng印尼炒麵 配素菜串燒 ($88)素菜串燒包含翠玉瓜、秋葵同茄子。串燒表面會淋上沙嗲醬 (含蔥蒜)。話梅薄荷桔仔梳打 ($40)芒果熱情果梳打 ($40)

估唔倒長洲有新加坡菜，好耐無食肉骨茶所以試下，新店新裝修，有indoor 同outdoor ，樓底矮，indoor 開咗大門都有啲困聲。Menu 有註明每位最低消費80蚊。點咗肉骨茶set 128除咗肉骨茶，仲會有一個白飯，有油炸鬼，配個茶。肉骨茶望上去啲色比較淺，飲落去胡椒味勁濃。油炸鬼仲脆嘅，茶就係用車仔茶包😅燒雞椰漿飯set 138燒雞好香，飯側邊有個醬，有少少辣，另外仲配咗啲桔仔可吱落雞度調味。收費無加一，好難得👍