囍悅軒-星滿樓宴會廳

營業中

休息中

以前飲茶精選 抵食 大份 好味所以都會誇區過嚟飲返個茶，自幾個月前開始，應該換了一批廚師，燒味和炒飯 下降了一個班次點心 仲衰過大集團整好過嚟翻熱越嚟越唔使排隊係有原因的

新年入元朗錦繡花園拜年，老友招呼去錦繡商場嘅星滿樓宴會廳-喜悅軒飲茶。呢個商場間酒樓喺湖邊，如果坐喺窗邊就可以睇住個湖同天鵝游水曬太陽。😂呢間酒樓除咗普通嘅蝦餃燒賣之外，仲有好多特色小食。老友介紹咗一碟麻辣沙薑豬手，即管試吓。碟豬手送到上嚟冇乜特別，好似白雲豬手下邊有啲醬汁咁樣，不過一食落去，嗰啲醬汁真係好味到冇得頂，麻麻辣辣，食落後勁凌厲。老友介紹加少少醋汁，可以中和返冇咁辣，卒之辣吓辣吓成碟豬手食晒。再加埋其他幾樣精品點心，大家都食到捧住個肚。如果第時離開呢頭，都可以再約老友上嚟飲茶食豬手。

第一次幫襯外賣, 啲嘢食唔差, 服務0分。 打電話叫外賣, 叫我哋半個鐘去自取。點知去到佢話未有, 一路等 一路話未有得拎, 星期日係咁樣。後來有位男士嚟度, 發現自己叫咗嘅外賣比人拎咗。先發現原來落單嗰位撈亂晒啲電話同埋啲單, 幾個客拎錯嘢食返屋企。我哋等咗一個鐘, 比我哋嘅點心對番張單, 都係錯晒。仲要怪人亂拎啲點心, 其實佢哋自己入錯晒單, 真係冇下次。另外, 佢哋唔係唔夠人手, 根本有幾個企鵝係度同熟客吹水, 優先做熟客啲單。

農曆新年吃得最多的, 除了是蘿蔔糕和年糕之外, 再數起來應該就是盆菜. 盆菜作為正餐除了夠方便和菜式選擇豐富外, 也有一種圍爐歡聚的意味. 來到好友在錦秀花園的家中拜年, 煩惱着吃甚麼時, 他們已安排這家酒樓的盆菜作晚餐, 不用山長水遠出去元朗市中心, 但是路程和方便程度已略勝一籌.看到很多在社交平台上, 有關於盆菜的投訴, 說什麼貨不對辦, 食材質素惡劣, 甚至是在盆菜上面有一層厚厚的冰層. 今次點的沒有這些問題, 食材如鮑魚及花膠味道, 大小及份量正常, 以四人份量吃的剛飽. 有驚喜的是豬皮和腐皮, 雙皮炆得夠入味, 也夠稔. 至於芋頭就要改善一下, 就算煮到完熟, 內裡也不夠粉. 不過和好友相聚, 有時食物質素並非最重要, 更何況盆菜質素可以, 吃得盡興就好.

是日同家人黎飲茶 貪呢到比較小人 寧靜九點鍾上到去 唔知因為限聚關係定點真係好小人 又可能每台只有2人 同埋台與台之間有1.5M所以顯得人丁單薄. 有時候姐姐仲會拎D新鮮岩岩整好既餐包出黎問我地要唔要職員好友善蝦餃>>正常燒賣>>正常鮮竹卷>>好吃金錢肚>>好吃不太咸薑汁紅棗糕>>>呢個真係好好食..一層薑汁一層紅棗 唔甜唔膩 岩岩好沙律蝦春卷>>硬左小小 入面無咩餡鮮蝦腸粉>>皮好痴口蘿蔔糕>>煎得好好~好香好脆但係唔油..

年三十晚同家人近近地係錦鏽商場食團年飯（呢間餐廳轉過好多手了）由於大時大節座無虛席，餸菜整體來講不過不失，大大碟。年年有餘又食又打包-龍蝦伊面-安格斯牛柳粒 （個茨汁杰左d)-瑤柱菜苗-豉油雞全隻-欖菜炒飯（炒到粒粒分明又唔會太油，由於健康問題 叫左餐廳走肉炒，但都好有味！）仲蒸左條斑，因為家人健康問題 再三提醒清蒸就可以了 豉油同油可以另上，但上菜時，店員話廚房太忙呀 淋左落去啦 😖😖😖 有小小不快，不過過年🧧就算數啦... 係家人無得一嘗... 但其實蒸得幾好食！

今日週未親戚黎,唔想煮飯🐽醒起之前出月餅幾好食果間酒樓🤔係屋企附近果間,星滿樓。同親戚一齊上到去,好快就有位坐,職員見我班親戚有幾個小朋友就主動帶左我地入房食👍🏻我地一堆人叫左好多野食,但都keep住上得幾快,唔似我平時去果D酒樓咁要等15-20分鐘先開始上菜。🤤👍🏻食左好多碟野,其中有2碟我真心推介😎👍🏻1. 牛柳炒炸薯粒 (中式酒樓中的洋食)😍成碟每一舊牛柳咬落去好嫩,完全唔會食食下食到有牛根/會痴牙。調味都做得岩岩好,唔會太鹹又唔會過淡。薯粒感覺上係配菜,食到入口會發現佢係一D都唔會輸比牛柳🤯外脆內軟,就算掛住吹水講到碟野凍曬,佢地口感都無變過,完全KEEP到外脆內軟😳真心講句,市面上好多西食餐廳賣ge薯條都做唔到E一點。至於調味方面,都做得岩岩好,加上表面上無平時西式快餐店那種粗鹽在外,食落去無咁多罪惡感😆ps.班小朋友仲中意食到要我地叫多碟😂2.芥菜鹹蛋肉片湯好大碗湯,每人可以飲到2碗,果度ge職員主張過來幫我地分開湯一碗,湯渣各一碗,另外再幫每人分碗湯(懶人至愛🤤）飲落去好有住家味,清得黎又幾開胃,D料都好足下次親戚黎唔洗愁😆

酒樓位置較為偏遠。入面裝修簡潔，而且有多部大電視。我們這天嚐嚐他們的套餐。蒸龍躉班火喉剛剛好，好有魚味！竹笙翅整得十分入味，而且真材實料。簡單的菜粒炒飯，廚師功夫也很了得，略為較淡。總结而言，星滿樓的菜式水準很高，下次會再來吃。

上週一家人到星滿樓試菜，點了一圍金豬雙龍宴。燒豬燒得剛剛好，十分熱，吃下去不肥，口感極好！西蘭花炒花枝片，花枝炒得很夠火喉，值得一讚！！之後值得推介是燒雞和一字骨！十分入味！小孩子最爱吃龍蝦伊麵，比起其他酒樓水準高很多！菜式大眾化，而且味道很好，下次會再來吃！

今天和同事到了錦繡花園這間酒樓，聽聞更換了老闆後，食物質素變得非常不錯。入內後，環境和以往分別不大，基本上同樣的裝修，員工多了幾張新的點心紙。點了幾個點心，及侍應推介的鮑魚燒賣，瑤柱貴妃雞及九制陳皮鴨。不得了，不得了～～點心基本上也很好吃!特別是牛肉球，蝦餃。肉質鬆軟，料新鮮，真的很久沒吃過這質素我點心。還有員工推介的鮑魚燒賣，雖然吃起來都是燒賣及鮑魚仔，但點心的質素及鮑魚仔的視角感，絕對值得一試。重點來了，瑤柱貴妃雞及九制陳皮鴨。雞，皮薄肉嫩，很少在香港吃到這水準。陳皮鴨，好味及香，很少在香港吃到的菜式。本來只是想簡簡單單飲個荼，卻沒想到有了這麼大的驚喜。淨是那個貴妃雞及陳皮鴨以值得再幫襯過。絕對期待其他沒吃過及晚飯菜式。

星期日family day同屋企人去元朗錦綉花園飲茶E間野係朋友推介既，話轉左手試過都唔錯，所以咪同D屋企人去試下囉反正屋企兩老都鍾意飲茶，咁岩張枱係窗邊，可以望到個噴水池同D天鵝。D點心真心唔錯，有好多特色既點心都好好食，例如:西班牙叉燒包、沙律春捲、鮑魚雞批等。E D我都好推介，外面酒樓都比較少見到值得一試。而且D員工好熱情主動。環境整潔，員工也十分親切有禮貌，食物水準較高，價錢也很公道，推薦大家可以一試

最近母親大人買餸見到呢間裝修重開改左名叫 星滿樓宴會廳 ，呢幾日天氣熱左好多日費是煮到身水身汗，見放假就一家人去試下 。一行上到去D冷氣係滲住出黎 大熱天時我地係窗口位坐左1個半鐘都無熱既感覺交點心紙既時候，店員推介炒蟶子煎米粉底佢地話蟶子係嚮蘇格蘭新鮮直送，食落爽口鮮甜唔銀配埋煎米粉底一齊或者分開食都好好味例牌叫左 涼拌小菜，蝦餃，鮑魚燒賣，春卷同埋蝦餃 D蝦肉餡大隻好多，好飽滿鮑魚燒賣 出面好多酒樓都無既特色點心  味道配搭唔咸值得試多幾次下次可以再試下第二D幾好味既餸先

由於好朋友啱啱搬咗去元朗錦繡花園，所以我們就入咗去探他，之後我們就去咗喺市中心嘅「星滿樓宴會廳-囍悅軒」食晚飯！我們叫咗杏汁白肺湯係店員向我們極力推介，係他們每日新鮮即製，而且湯料非常足料，有瘦肉、鷄腳、菜膽同埋清洗得相當乾淨衛生嘅豬肺，所以一嚟到打開個蓋就閒到好芳香嘅杏汁味香氣撲鼻，湯底極之香滑濃郁，味道超級清甜鮮味，令人有超滋潤養顏嘅感覺，真係超正呀！係我們嘅必食推介！濃湯鮮菌浸時蔬嘅菜苗好青嫩，鮮菌亦好清甜軟滑，至於濃湯就有好清香嘅鮮菌味！蒜蓉蒸蘇格蘭元貝係新鮮由蘇格蘭送嚟，肉質非常鮮嫩彈牙，味道超鮮甜，而且相當大隻！一品燒鵝皇「例牌」燒得好外皮好香脆，肉質相當軟滑，唔會有「硬實實」嘅感覺！清蒸珍珠龍躉仔蒸嘅時間火候控制得恰到好處，而且係新鮮即叫即劏，所以肉質超鮮甜嫩滑，兼好大條肥美，真係好正呀！