囍記車仔麵

營業中

休息中

淘大呢間囍記平時有食開都幾唔錯但今日試咗個滷水豬大腸一打開有口水味咁樣白雪雪嘅 完全冇滷水味！好似放咗舊淋拔坺嘅油入口咁之前食開沙嗲湯底幾儂依家又淡哂 不過佢清湯係唔錯嘅食到最尾見佢仲送粒通粉俾我🤮

今日來到九龍灣淘大附近，畀我發現一間又平又靚又好食的茶餐廳，雖然囍記主打是車仔麵，平日午餐四餸面，送奶茶，今日唔使返工，專程試下佢嘅早餐。港式茶餐廳早餐~沙嗲牛麵是我的至愛，牛肉夠淋夠入味， 麵質爽口。腸仔滑蛋配多士，香脆厚多士配滑蛋已是一絕，再加腸仔便錦上添花。樣樣新鮮，樣樣好吃，值得一讚！當然，最重要係杯奶茶，唔使加糖，一樣好飲，奶夠滑，茶夠熱便夠香濃，正！香港人每朝一杯咖啡、奶茶或鴛鴦，工作的動力就在這裏。

食過幾次都算唔錯但必須要食佢個秘制辣汁先好味如果叫清湯或者只要腩汁就無乜味道😢唔好話我知清湯就無味阿😂。車仔麵配料勝在多選擇而且樣樣都唔差，份量亦算多幾中意佢個菠菜麵同粗麵其他淨係試過幼麵(唔好食)。不過開左一段時間品質同服務都無初時咁好香港泥講都係正常😅難請人嘛…。因為長期多人食所以會好急住翻枱食完唔好諗住慢慢坐😅未食完都唔好諗住慢慢食😂。同區我仲食過［富記車仔麵］同埋［35座車仔麵］3間比較之下我會揀35座雖然地方細啲，但有人情味啲加上湯底同秘制辣汁香同好味💓😏

附近做完運動好肚餓咁岩又想食車仔麵，所以你試吓囍記車仔麵，無論係面底，配餸，同小食都好多選擇。～秘製辣汁（小辣）米線、芝心丸、麻辣蓮藕+小食炸魚皮炸墨魚卷～加左杯凍咖啡先講下個湯底覺得秘製辣汁冇咩特別，食唔到咩味。麻辣蓮藕啲蓮藕都幾大嚿，食落去又爽口好味，仲好夠麻辣味不過下次可以叫佢分開上，唔好攞落湯。炸墨魚卷侍應拎上枱即食，點知原來好熱（加分）估佢唔到，仲以為係炸定。食到一半發現，原來買四個餸可以免費有熱飲 下次叫多兩個餸先得。

平價之選，又好味又飽肚。自選三餸麵都係$39揀左蜂巢豆腐，麻辣蓮藕，豬腸。沙嗲汁+粗麵。湯底十分惹味，好明顯係味精，不過食車仔麵就係食呢啲味道。豆腐吸收晒湯嘅味道，麻辣蓮藕十分入味。豬腸肥瘦適中。

每日出門口都會經過呢間餐廳，最喜歡叫佢嘅沙嗲牛肉麵。今日又去呢間餐廳食早餐，牛肉唔會有梳打粉味，沙嗲汁都整得好食。仲可以配埋炒蛋、牛油厚多士，多士烘得好味，價錢都唔貴，值得一試。

今次黎到淘大的囍記，車仔麵叫左豬紅，豬腸，蘿蔔，香菇貢丸呢幾個鎹。豬紅同蘿蔔都正正常常，蘿蔔都唔會起渣。香菇貢丸大粒又爽口，唔錯唔錯。但係豬大腸唔夠味道，眼見顏色都比較淺色。麵底叫左油麵，辣汁。總體感覺不過不失啦

晚餐便宜之選豬腸，豬紅，豬肚公仔麵，佢麻辣汁。豬腸冇肥膏，正，份量亦都好多。豬紅冇咩味。豬肚爽口，唔會韌。麻辣汁偏辣，本人比較食得辣所以覺得好味。晚餐食都係30幾蚊，算係平價之選。

Weekend想出去食早餐，今次決定去淘大商場試下開左無幾耐嘅囍記車仔麵。沙嗲牛米粉餐先$31，非常之抵（仲有2條細脆皮腸，個碗遮住左）！ 首先個米粉係好吃的，唔係平時好硬又無味的米粉。依隻係曲曲地又比較軟身的，亦比較索湯。我平時唔鍾意食米粉的，因為無通粉先叫黎試下，估唔到依款米粉又ok. 亦都欣賞有加2條菜心另外多士好外脆內軟，搽左牛油亦好好吃！沙嗲牛肉就一般般。而蛋就整得比較差，偏生同埋顏色偏黃，唔知點解。

已經食過幾次, 自第一次開始就中意左囍記五寶麵, 佢有齊晒我想食既料, 非常豐富飽肚。佢隻蛋係溫泉蛋, 紫菜份量超多, 魷魚軟硬適中, 牛肚非常入味, 花枝條就冇咩特別。$50蚊價錢合理, 仲會再幫襯!

同老婆拍拖睇戲，開場前去食dinner先，間間都要等位，唯獨呢間唔駛，諗住隨便食碗面，睇完戲先再搵野食，點知，食野真係唔可以隨便揀呀。米粉+花枝條+韮菜餃+豬頸肉+小辣汁油面+豬紅+豬皮+豬大腸+小辣汁先講個辣汁，兩碗都係小辣，但唔知點解實際兩碗既辣醬係一碗得個一丁屎咁多囉，我同個侍應講，佢仲講人手”不”會有多有少，但唔該唔好相差咁多丫，之後仲問我想點，我話可唔可以加返啲比我，個侍應仲要叫我試下先，真係唔夠先攞，我一食入口，嗰一丁屎咁多既辣醬，真係原全無辣味囉，最後我都係要求佢比返多啲辣醬我。個所謂秘制醬汁得個辣字，一啲都唔香。河源米粉都ok既，夠幼滑。豬頸肉太薄，亦太硬。花枝條一啲啲都唔彈牙。韮菜餃內裡的肉味太重，唔夠韮菜，完全唔覺得我係食緊韮菜餃。油面的軟硬度適中。豬皮完全唔夠入味，要做到豬皮唔入味真係好利害，打邊爐或白灼都好味過佢。豬紅都係唔夠味。豬腸就應該用左好多好多超級多既梳打粉去”拿”佢，完全無咬口又唔夠香。唯一好既，係份量足囉。埋單時，先知原來4餸1面會送熱飲囉，侍應落單時都唔講比顧客知喎。總結，五個字，中伏/無下次。

見好多人食呢間車仔麵，等我都入去試吓，由唔太餓，選擇食車仔餸，午巿叫麵加四餸包飲品，淨餸就要叫五個餸餸多選擇，每款八至十二蚊點了麻辣蓮藕片，真係有麻辣未正，豬紅都有口感，牛腩就脂肪作多，蘿蔔應該用水整熟的，只有蘿蔔清甜味道由於是清湯底，所以湯底就正常

這個星期出城到九龍灣淘大觀賞電影，宜先祭五臟廟，填飽肚子再入場。筆者只來過這邊2次，印象中淘大商場有挺多餐廳的。當天是一人上陣，於是選了這間方便快捷的「囍記車仔麵」。餐廳採用剔剔紙形式下單：先選麵底、然後是調味醬汁，最後就是配餸。車仔麵的好處就是可以自己的口味選擇食物，但同時也因美食當前而產生選擇困難症。無辣不歡的筆者，調味醬汁自然選了麻辣汁和秘製辣汁。兩者混合後，入口有著絲絲微辣感，但較為偏咸。配餸分別點了墨魚卷、溏心蛋和蘿蔔。墨魚卷口感煙韌，內裡有墨魚顆粒，吃上來更有咬口。溏心蛋一般，蘿蔔可以煮得更腍一點，但入口也是蠻清甜的。

鍾意食車仔麵就係貪佢夠多選擇，由湯底到餸的選擇都係自己話事！鋪頭在商場入面，見環境唔錯，就入去試試，居然有驚喜！今次同老公去食，一坐底二話不說各自拎張菜單tick tick tick。款式好多，心大心細咗好耐>< 最後我就自選咗「3餸菠菜麵」，老公就直接要「懷舊車仔麵」再加個「糯米雞翼」𠻹~ 菠菜麵都幾冧身，如果多多少少菠菜味就更加好！其中一個餸要咗台灣蜜汁腸，平日車仔麵菜單好少見，好味！懷舊車仔麵($45)就有新鮮豬大腸、豬皮、豬紅 同埋牛腩。樣樣都入味，老公大讚 呢個麵係套餐，包嘢飲，真係估唔到有好多支裝飲品選擇，仲要唔使加$$添！糯米雞翼($20/2隻)好足料，啖啖糯米，個皮炸得好香但又唔會覺得太油膩， 味道十分夾！ 平日去麵店見有炸雞翼都唔出奇， 但有得食糯米雞翼真係加分呀！附上菜單俾大家參考

已經幫襯過好多次既車仔麵，無論下午定夜晚時段去都必定座無虛席今日下午同同事黎食LUNCH，12點半到都竟然要等位...可想而知佢係幾咁受歡迎因為同事們係第一次食，除o左驚呼好多餸既選擇之外，亦都感嘆佢既份量好大，難怪中午時份有咁多職安真漢子食！我會推薦佢呢度既豬紅、牛柏葉(唔韌又爽)、牛肚(又淋又入味)反而佢既大腸係白色而且入面無肥膏果種，唔係我杯茶，唔夠香口不過佢呢度既腸仔係廚師腸湯底一定要叫佢既辣，好惹味而且唔算真係好辣而且佢既湯底可以mix2種，我鍾意叫沙嗲再加最少果種辣呢度都有波菜麵叫...佢無出面咁硬，鍾意淋身既波菜麵絕對要叫貪心既我們每人都會叫起碼四款餸，最後大家都食到捧住個肚走