囍記車仔麵 (已結業)

好耐冇食過車仔麵,尤其是在下午茶時段。餐廳環境算整潔,叫咗兩碗三餸麵。兩碗麵也落咗腩汁,感覺湯底較為平淡,辣汁魚蛋方面的辣汁也較失色,而蘿蔔可說新鮮。侍應很貼心比多一隻細碟給我放雞翼骨。價錢可算不太貴(當然係講響商場的食店來比較)

今日既午餐食得有啲飽，但如果唔食晚餐又瞓唔着。咁就決定食下麵類，又唔洗食飯咁飽飽。行下行下，新蒲崗都好多選擇架。行到MIKIKI發現有間車仔麵餐廳，符合我哋想要既要求。入到去拎張餐單，可以自己揀麵底，湯底同埋想要既餸。可以揀既食物真係好多，選擇困難症既我，都花左15分鐘先揀到自己既一碗麵。麵底有大約十款湯底有大約十款餸起碼有三十款所以真係有排揀。另外又揀左一輪小食，大家一齊分享菜芯豬紅蘿蔔韭菜豬頸肉鹽酥雞最緊要係我哋都好享受~

見佢好似新開咁，於是走入去試吓，今次叫咗幾個餸咁啦，因為佢實在太多選擇，所以求其叫咗啲大路嘢，上枱嘅時候個樣真係好靚嘅，但係一食落口就話不得了啦，非常之好食非常之正，講住咁多先

今日買外賣車仔麵，拎到返office 打開，發現啲餸完全係錯晒。我叫嘅係公仔麵跟4個餸：豬紅，豬皮，紫菜，辣魷魚。但係就俾咗碗生菜冇麵嘅我，餸又得3樣：腸仔，韮菜餃，溫泉蛋。應該係執錯咗另外一個人叫嘅外賣俾我。Lunch 得嗰一粒鐘，已經冇時間拎返去換過，唯有照食。不過呢碗嘢份量實在太少，食完好似冇食過嘢咁。大佬你要執錯都執碗大啲嘅俾我吖！俾你哋激死兼餓死。唔通以後拎外賣嗰陣，要即場拆開嚟睇過冇錯先拎走

算係平價車仔麵～叫左炸燒賣同魚腐米線，湯底可以雙拼，揀左沙嗲汁同麻辣汁，份量都唔少，夠飽！沙嗲醬都幾多，所以湯底都幾濃！不過不失～普普通通，未至於好味，但唔難食。都幾多餸揀～

辣菜脯冇辣味，只係普通菜脯，咁樣要加2蚊，真係多謝🙇🏾‍♂️🙇🏾‍♂️🙇🏾‍♂️。唐心蛋ok蘿蔔都ok，冇渣，但係冇味既司華力腸最似樣，成條出酸菜腩肉竟然只得酸菜，冇腩肉😱😱😱😱😱。同佢地講，補想返腩肉，佢地就拎一碗仔酸菜腩肉黎，但都只係得3舊仔腩肉咁大把，我覺得譚仔，三哥佢地好闊卓囉。貢丸係唔係好貴？15蚊只得2粒咁多多？我未生日喎🤔🤔，定係呢期貢丸期貨升左？出面一串3/4粒都唔洗10蚊，呢度15蚊竟然只得2粒。。。不過味道係比之前喺葵廣嗰間好食既，味道唔錯，呢樣係可取既地方。不過如果叫我再黎食，我就冇興趣啦

去完坑口拎野又想吾去甘遠啟德車仔麵又貴就近近地去左呢到下午茶時間都算幾多人不過就吾洗等位三拼柱候牛腩、瑞士雞中翼、豬紅米線（酸辣湯）配凍維他麥精（加$5）牛腩好韌花枝條、蘿蔔、豬皮河粉（腩汁）配熱柚子蜜豬皮有點辣餐紙上部份有辣的野都無註明

食車仔麵通常第一時間都會諗起囍記，因為佢餸嘅款式多選擇不特止，個面底又多款，揀四款餸仲有嘢飲送😜今日又有食車仔麵條癮啦😍😍😍行咗過去Mikiki食囍記😍😍😍個Menu依然無變，都仲係咁多選擇😍😍😍我都係嗌返自己最鍾意食嘅，就係米線🍜➕腩汁湯底🐮➕菜心🥬➕甜酸齋🧆➕糖心蛋🥚🤣再加多碟菜心全走🟰完全係健康之選🤪米線依然係咁滑！亦都好大陣米味😋佢唔似其他連鎖式米線店舖啲米線係冇味嘅😌😌😌要特別一提嘅係佢個甜酸齋！次次食都係咁好食！好新鮮又入味！糖心蛋依舊，蛋黃熟度啱啱好😌雖然冇嗌四款餸，冇得送飲品，但都額外嗌咗支Zero，嘩原來支裝㗎！正呀！男朋友就嗌咗粗麵➕清湯底➕生菜➕香菇貢丸➕糖心蛋😜佢個粗麵正常，不過鹼水味就重咗少少🤔🤔🤔但係佢個香菇貢丸好好食😋係啲足料嘅😋不過得2️⃣粒，又好似少咗啲😣😣😣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：呢幾年每次食囍記，每次佢都保持到水準🫡🫡🫡特別係佢個甜酸齋😋😋😋今次試埋佢個嗰個香菇貢丸，好好食！呢個下次我都嗌先！🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

又熱又悶嘅午飯時間，最啱食車仔麵。初嘗呢間囍記車仔麵，正喎！⭐️外賣湯同麵分開裝，細心！（不過係用多咗個膠盒，環保同商業活動嘅兩難之處。盡量都係唔好外賣或者自備食物盒啦😊）✨食物✨✔️油麵：冇鹼水味，讚👍🏻✔️湯膽：聞落去有啲似豬肚湯味，應該係有落豬去熬製，有用心👍🏻✔️麻辣醬：味道豐富，唔係太辣。如果可以有得揀再辣啲嘅就更好啦🤗✔️花支條：大讚！爽口、彈牙、鮮味，足料🐙✔️滷水雞翼：鹹香得嚟，唔會太鹹，但又都夠味，恰到好處🤗✔️齋滷味：甜酸合宜，足料👍🏻✔️豬紅：，濃味、滑溜😬✔️蓮藕：大份爽口，吸埋啲湯更加好味😋✔️豬腸：滷水味濃郁、爽口，不過入面啲脂肪洗得唔夠乾淨，如果再洗乾淨啲，會更好。👍🏻🤗總括而言，係值得翻兜嘅車仔麵檔🤗👍🏻

呢日黎左新蒲崗outing又唔知食咩好 更加唔想太貴見到車仔麵 就入去試下都好耐冇食過呢到自己鍾意就可以寫咩落去大部份落單紙已經放好係枱上面所有麵底 湯底 揀餸都係自己揀餸有分3個價錢我就揀咗五寶米 多腩汁其實佢啲餸菜都多料同埋都幾好食

今日去新蒲崗mikiki食午餐，囍記車仔麵，貪佢夠多選擇，餐廳亦都乾淨企理。.🍚自選車仔麵麵底有好幾款可以選擇，我呢排食得健康，所以唔想食飯麵類嘅嘢，呢間車仔麵檔就提供菜底選擇，啱晒我。我今次就揀咗菜心做主食。湯底就揀咗腩汁，下次有機會可以試吓重口味推薦。美食配餸我就揀左4款，因為揀4款會送熱飲，四本餸菜分別係韭菜餃，甜酸齋，香辣豬紅，同埋五香牛肚。飲揀咗熱奶茶。韭菜餃未算好大粒，不過味道可以，甜酸齋一向都係我最愛，吸哂腩汁，非常好味，豬紅夠辣夠惹味，五香牛肚份量算多，鍾意食牛嘅你唔好錯過。.總括然而，車仔麵餸菜選擇多，最緊要有我鍾意嘅菜底，唔錯嘅午餐。

係Mikiki行街見到有一間門面好光鮮既車仔麵餐廳，同普通出面既唔同，呢間睇落好乾淨，於是就走入去試下。叫左花枝條、蟹子丸、響鈴，酸辣湯湯底。車仔麵既份量算大碗，夠食，花枝條味道好食，爽口，整體成碗麵味道幾好，但唯一係個湯底唔夠味，酸辣湯無果種酸味，淡左啲，下次試下其他口味既湯底先😋

這天在mikiki附近有活動，想吃簡簡單單的，於是去了囍記車仔麵。我叫了烏冬，配蟹子丸、韭菜餃和菜心。我吃著吃著，突然發現湯裡有小啡點漂浮；看真一點，有腳的。 是小蟲！然後附近又有另外一隻較小的，這隻有翼的雖然很小，還好我眼力好，發現了。如果我一邊吃一邊只顧看手機，就可能不小心吃掉了。跟侍應說，她說可能是菜裡有，給我換了一碗，著我選另一個餸，不要選菜心。雖然蟲小，但看見碗裏有不只一隻的時候，我覺得還是很噁心之後我查openrice看看評價，原來早就有評論說這店衛生不佳。下次光顧食店前真的要看看有沒有衛生問題

放假到Mikiki行下， 晚飯時間周圍都排長龍， 見囍記車仔麵， 最少人就入去試下啦😗！ 太懶唔想自選配料， 所以就點至尊車仔麵$61、囍記五寶麵$53、 罐裝可樂$3、 凍檸茶$3。🍜至尊車仔麵 ～ 韭菜餃、瑞士雞翼、蘿蔔、辣魚蛋、豬頸肉、貢丸條，油麵、腩汁加辣汁， 又大碗又多餸， 但整體味道普通。 🍜囍記五寶麵 ～ 紫菜、流心蛋、牛肚、花枝條 、辣魷魚，菠菜麵腩汁加沙嗲汁， 平時我多數點油麵， 今次試下菠菜麵，原來我不太喜歡， 口感軟淋淋，與湯底不太夾🤔。 最喜歡辣魷魚， 爽脆美味。 湯底方面，我食唔到沙嗲汁的味道。 🥤罐裝可樂 & 凍檸茶 ～ 食車仔麵， 永遠覺得可樂和凍檸茶是最夾的😁。整體味道普通， 我見到當晚還有車仔麵邊爐， 有興趣可以一試☺️。

今日天氣咁凍，梗係要去食下啲熱辣辣嘅野啦，所以就揀咗有好多選擇嘅車仔麵啦。今日遲咗出去食飯，諗唔到車仔麵都有下午茶優惠，睇到菜單，選擇係比平時午餐嘅少，但係當中唔少選擇我都鍾意嘅，所以就試吓下午茶啦。我今次揀咗油麵👌🏻，魚皮餃👌🏻，柱候牛腩👌🏻，同埋花枝卷👌🏻，加咗腩汁，同埋沙嗲汁。車仔麵好快嚟到，都有少少擔心佢份量會唔會細咗好多呢，好彩睇落都係同正常大細一樣，抵讚。不過個麵就比較單調，大部份車仔麵店都會送一兩條菜，有蔥花等等，點知呢度係連蔥花都冇，有啲失望。車仔麵個湯比較淡，其他餸菜都係合格嘅， $38蚊三個餸，再送一杯熱飲，其實冇乜嘢好投訴。******************************👍🏻好食 | 👌🏻可以 | 😔 難食評分 : 5.5/10簡評 : 價錢取勝