四哥車仔麵

營業中

休息中

剛入去堂食座下.叫左 肉骨茶 胡椒豬肚湯 一個油菜 . 亂咁畀人客入嚟搭枱 我食緊 不是在外面等候 侍應安排 前面有一張大枱都唔畀佢坐叫去嚟我嗰張枱搭枱 一男一女侍應見到都唔出聲制止 有枱又不畀人坐

有個男人講嘢把聲好似冇氣咁樣 嗌外賣 問佢米線可唔可以煮淋啲 唔答我 但係佢有直接寫落張紙度 問我飲乜嘢 我問有冇凍奶茶 因為我第一次幫趁 所以我唔知有咩飲 又係唔答我 然後用命令式嘅說話方式 同我講 同我拎返塊板出去 拎住呢個牌仔 咩事呀究竟 識唔識分莊閒 冇客你邊有生意

紅磡性價比超高的車仔麵環境環境雖然唔係好靚，但係勝在乾淨企理，冷氣都好足夠食物嚟到四哥一定要食菜譜，佢個菜譜真係好出色，加埋車仔麵一齊食非常好食，沙嗲醬惹味濃郁雲吞入邊隻蝦超大粒，爽口，皮薄餡靚價錢平民但食物質素很高，性價比超高的一間車仔麵

員工服務態度差 明明我禮貌地落單員工都好似我欠佢錢咁 黑口黑臉又無禮貌我只係簡簡單單叫一碗麵冇臨時轉餐冇加咩走咩 我語氣好好講晒唔該餐廳果時又唔係多客好忙佢都係可以語氣勁差勁冇禮貌送餐時直接大力轟上枱面頭也不回食物質素一般 以同等價位來講實在麻麻而且衛生都幾差下 枱櫈都幾污糟出餐慢 唔明點解車仔麵都可以整咁耐又唔係多客 又唔係叫得多野我住附近 食過一次已經決定永遠唔再食另外食肆在凌晨時經常放任客人大聲喧嘩吵鬧凌晨一兩點仲成班人喺度嘈深夜時又會放任客人喺門口聚集吸煙極度擾民 我係附近居民每晚都深受其擾

食物選擇多，海南雞飯好食，車仔麵抵食用料足，雲吞暫時小弟食過最好食及足料的一間，香茅豬扒好食，食過呢度超過十次，食物份糧合理無揸流攤，美中不足就係座位較窄，但無計畢竟舖本身細間…有誠意的小店。

其實都係想落野食啫 啲餸賣曬咪賣曬囉 又何必用咁串嘅語氣？仲要串我地落單慢，話我地再慢啲咩都冇得我地食…諗住和和氣氣唔同佢嘈 快啲落單食完就走啦，點知再落單嗰陣仲要當住我地面掉筆 咩態度？我地一直唔出聲忍9你就得寸進尺？！最離譜係個男員工咁嘅態度，個男嘅老闆完全唔理覺得冇問題，找錢嗰陣明明企你則邊都要突登用個背脊對住我比…好忙？成間舖連埋我嗰張枱得3枱客 夾埋先4個客人，冇人要落單又冇餐出又冇外賣電話又冇人叫你…忙咩？果然有咩老闆就有咩員工！！！

之前去過，食物ok, 位服務態度好差。問可不可以不加粉麵。火記駡那就要加菜。而且要加hkd4和飲品冇得優惠。今次去態度仍很差。食物臭。比錢要看清楚。去了兩次，兩次找錢都找少錢。

食過幾次呢到既米線，覺得味道不錯之餘性價比亦甚高，41蚊3餸面加3蚊有野飲算係咁。最中意食香茅雞或者豬，啲餸做得算有誠意。之前都係樓面姨姨招待，好客氣好有禮貌，仲會主動介紹食咩好，又叫我地牛腩汁可以溝少少沙嗲汁，真係好味啲！但係今晚遇著阿叔落單，佢啲脾氣認真唔老黎。我地兩個人落單既時候因為諗緊食咩好，個阿叔已經係身邊行過好幾次，好似已經唔耐煩（我明白晚市時間繁忙，不過當時8點旁邊仲有一張空枱）。到我地落得單，佢埋黎既時候，我地問佢撈面既選擇。佢拎左我地手上張紙，用左10秒左右完全唔講野，用手指圈住落單紙上面一個地方，我地追問有冇得撈麵再揀，佢又再次唔出聲拎左另一張紙用左幾秒劃圈圈，再用支原子筆敲幾下張紙，然後潤左我哋一句，下坐左咁耐原來咩都唔知嫁？我地無理佢就話好呀咁而家落單，佢又窒番我地轉頭，話食車仔面就要自己圈嫁啦，全香港九龍新界食車仔面都要圈嫁啦，呢到都一樣。之後就行開左（！？）其實有一次我地食過，果時多人食野，我地圈完之後比單佢，佢就燥我地唔使圈，叫我地落單就咁講，外賣先圈嫁。一時一樣...？其實放工只係想醫飽個肚，想靜靜食碗面，唔係想受氣。要受氣我可以番公司😅不過想讚下阿姨，

1)趕客的樓面買外賣排隊等俾錢不斷俾埋單的人打尖，樓面仲話排隊嘅人阻住晒。2) 要咩無咩落單之後隔咗成15分鐘先話俾我哋聽油麵同肥牛都無，無又唔早講，前前後後搞咗成半個鐘先落到單。3) 難食甜酸齋變壞咗，酸臭味勁重。連菜甫都壞嘅，成個湯臭到爆。

平時食車仔麵都係以揀餸為主但四哥車仔麵就加入左好多唔同國家風味有越式、雲南、新加坡等等Order呢個海南雞脾喇沙湯米線既合拼應該唔係好多地方有先講湯底其實喇沙味唔算太濃不過上面的炒花生實在係非常好的點綴真係海南雞脾而且好嫩滑不過呢到既米線有少少淋唔夠彈牙但整體以$52黎講都算ok

在紅磡工作（工業村附近)，食來食去都係行仔裡面啲餐廳，好鬼死悶。 今日Lunch Time行左去寶其利街嗰邊（近土地廟）揾食，然後去360買下嘢。 響360望個對面，見都間好特別的麵舖“四哥車仔麵”。 特別在於除了車仔麵外，還有很多藥膳 湯飯/米線/麵，連海南鷄都有， 膽粗粗入去試下。入到舖頭發現有好多選擇， 有藥膳醉雞湯，胡椒豬肚湯，海南鷄和各式車仔麵……等等最後我和同事order左一個藥膳醉雞 湯飯，車仔麵， 麻辣豬耳，炸雲吞和兩杯檸檬薏米水。檸檬薏米水： 一杯裏面有很多薏米，煲得頗濃，再加上檸檬酸酸甜甜好開胃。飲完好舒服（記得要少甜）藥膳醉鷄湯飯：這湯飯可以凍食和熱食，我選擇了熱食，材料十足，內有圓肉，黨參，北芪和陳皮，加上多件鷄件，藥膳味十足， 雞湯味濃郁還帶花雕酒的香味，鷄件口感很滑，一啲都唔鞋。最特別係在鷄湯內有一隻雞蛋，餐廳選用了北蛋， 雞蛋參透了雞湯味，估唔到咁好食，絕佳配撘。 如果天氣再凍啲，食完這個湯飯一定暖笠笠😋😋車仔麵： 車仔麵配料有很多選擇 ，我們選擇了牛筋，魷魚，牛栢葉和香茅雞扒，中辣！ 牛筋炆得很淋和入味， 入口即溶。 香茅雞扒 醃製入味，而且肉汁滿滿

朋友剛住進宿舍，今天約了我在這間車仔麵餐廳食個午餐。一坐下，就發現這間店舖的姨姨叔叔很友善。這裏我的車仔麵都很足料，我朋友嗌咗個四餸麵，而我就想試一試特色麵，所以就點了熱食的花雕藥膳醉雞過橋米線，另加了一杯薏米紅豆冰。我這個米線的花雕藥膳料很足很補身子，除了藥膳湯底，這裏還加了經長時間浸泡的醉酒雞蛋，雞蛋的熟度剛好，蛋黃軟綿，醉雞酒味藥膳比例剛好，而且夠濃，十分之出色。薏米紅豆冰，薏米、紅豆、淡奶椰奶配搭很好喝，消暑解渴，外賣一杯也很值得。衛生: *****服務: *****環境: *****

晚上六時去到已經滿座，好受街坊歡迎😆 第一次食當然要試車仔麵，果然好味道，好飽肚又抵食👍🏻 店員十分友善，熱情招待🥰 餐廳環境乾淨企理，食物選擇多，價錢親民，質素不錯晚市二人消費：$185 🫧不設加一費用🫧 吃不完可打包喔食評💖💖💖𝑭𝒐𝒐𝒅車仔麵五餸 油麵配秘製辣汁+牛腩汁+蔥(小辣) ($51)✨ 油麵軟硬適中，配料份量多，五餸只需$51絕對比其他店抵食！特別推薦牛根 軟嫩又有咬口🥰車仔麵四餸 粗麵配沙嗲汁+牛腩汁(小辣) ($45)✨ 沙嗲汁十分香濃惹味👍🏻 配料份量多，特別推薦豬手 煮得好軟腍又入味🥰𝑺𝒏𝒂𝒄𝒌𝒔酥炸豬大腸 ($48)✨推薦！份量多，好脆 配上酸甜醬汁好惹味，食唔停口😍 酥炸雲吞 ($30/6粒)✨推薦！熱辣辣新鮮炸起，大大粒脆卜卜，餡料好豐富 有蝦🦐𝑫𝒓𝒊𝒏𝒌𝒔奶茶紅豆冰 (+$8)✨好甜，好好味😚👍🏻凍西洋菜蜜 (+$3)✨清甜滋潤，好味😚晚上六時去到已經滿座，好受街坊歡迎😆 第一次食當然要試車仔麵，果然好味道，好飽肚又抵食👍🏻 店員十分友善，熱情招待🥰 餐廳環境乾淨企理，食物選擇多，價錢親民，質素不錯晚市二人消費：$185 🫧不設加一費用🫧 吃不完可打包喔食

夜晚7:30經過餐廳，見到有人排隊，就知道系好嘢，立即入去試吓見到佢有車仔麵、海南雞、胡椒雞、雲吞雞、多數粉麵為主今次要做一個車仔麵，酸辣豬頸肉薯粉撈麵車仔麵- 麻辣湯底好夠麻香，唔係特別辣- 雖然韭菜餃有進步空間，皮唔係太薄，不過食得到家嘅味道-魷魚🦑正常夠爽好夠味酸辣豬頸肉薯粉撈麵-係港式撈麵，唔係內地酸辣嘅味道-有清湯另上，麻辣醬另上，可以自行選擇，調味-好足料，有酸菜、菜譜、雲耳、青瓜 等-一個女仔都未必食得晒兩個粉麵+ 兩個凍飲$96，價錢合理，性價比好高！

星期四晚上因為去紅磡打波，唔小心睇錯地點，喺紅磡落車再行去黃埔🥹去到體育館附近已經非常肚餓🥲附近搵到一間車仔麵店，見到佢海南雞飯幾吸引，所以就入去試一試🤤因為搵路遲咗，比平時正常晚餐時間遲咗少少，於是我叫咗半隻海南雞，一份腐乳生菜，一份黃薑飯，打波前食夠，滿足嘅Happy thursday☺️上菜速度超快，一眨眼啲嘢食就到齊，起晒一第一下就食咗一啖黃薑飯，估唔到連飯都有驚喜🍚半隻雞食唔曬 剩返半碗飯同半份雞，打包拎走下餐再食！☺️🤤