影片
更多
2023-05-06
326 瀏覽
食過幾次呢到既米線，覺得味道不錯之餘性價比亦甚高，41蚊3餸面加3蚊有野飲算係咁。最中意食香茅雞或者豬，啲餸做得算有誠意。之前都係樓面姨姨招待，好客氣好有禮貌，仲會主動介紹食咩好，又叫我地牛腩汁可以溝少少沙嗲汁，真係好味啲！但係今晚遇著阿叔落單，佢啲脾氣認真唔老黎。我地兩個人落單既時候因為諗緊食咩好，個阿叔已經係身邊行過好幾次，好似已經唔耐煩（我明白晚市時間繁忙，不過當時8點旁邊仲有一張空枱）。到我地落得單，佢埋黎既時候，我地問佢撈面既選擇。佢拎左我地手上張紙，用左10秒左右完全唔講野，用手指圈住落單紙上面一個地方，我地追問有冇得撈麵再揀，佢又再次唔出聲拎左另一張紙用左幾秒劃圈圈，再用支原子筆敲幾下張紙，然後潤左我哋一句，下坐左咁耐原來咩都唔知嫁？我地無理佢就話好呀咁而家落單，佢又窒番我地轉頭，話食車仔面就要自己圈嫁啦，全香港九龍新界食車仔面都要圈嫁啦，呢到都一樣。之後就行開左（！？）其實有一次我地食過，果時多人食野，我地圈完之後比單佢，佢就燥我地唔使圈，叫我地落單就咁講，外賣先圈嫁。一時一樣...？其實放工只係想醫飽個肚，想靜靜食碗面，唔係想受氣。要受氣我可以番公司😅不過想讚下阿姨，
之前都係樓面姨姨招待，好客氣好有禮貌，仲會主動介紹食咩好，又叫我地牛腩汁可以溝少少沙嗲汁，真係好味啲！
但係今晚遇著阿叔落單，佢啲脾氣認真唔老黎。我地兩個人落單既時候因為諗緊食咩好，個阿叔已經係身邊行過好幾次，好似已經唔耐煩（我明白晚市時間繁忙，不過當時8點旁邊仲有一張空枱）。到我地落得單，佢埋黎既時候，我地問佢撈面既選擇。佢拎左我地手上張紙，用左10秒左右完全唔講野，用手指圈住落單紙上面一個地方，我地追問有冇得撈麵再揀，佢又再次唔出聲拎左另一張紙用左幾秒劃圈圈，再用支原子筆敲幾下張紙，然後潤左我哋一句，下坐左咁耐原來咩都唔知嫁？
我地無理佢就話好呀咁而家落單，佢又窒番我地轉頭，話食車仔面就要自己圈嫁啦，全香港九龍新界食車仔面都要圈嫁啦，呢到都一樣。之後就行開左（！？）其實有一次我地食過，果時多人食野，我地圈完之後比單佢，佢就燥我地唔使圈，叫我地落單就咁講，外賣先圈嫁。
一時一樣...？
其實放工只係想醫飽個肚，想靜靜食碗面，唔係想受氣。要受氣我可以番公司😅
不過想讚下阿姨，佢呢個伙記幾大脾氣都好，我地仲聽到佢係後面同其他客人超好耐性咁落單（係呀佢地都唔使圈嫁😂！）
家庭性經營我覺得唔容易，食物幾好都應該支持下，不過如果阿叔可以客氣啲，客人就食得開心啲啦😗😅
張貼