四季常餐 (利榮大樓)

營業中

休息中

睇到都已經唔想食整體OK 但唔該唔好俾嚿綠色嘅肉我雖然平，但係都唔好俾啲咁嘅嘢人食生意唔係咁做的煮之前睇清楚先我諗邊個見到舊綠色嘅肉都唔會開心我諗再係咁嘅話，老細應該蝕到執笠

今次見到app 又有半價優惠，所以又被引誘試多次伏， 計上２次中伏，１）四季厚蛋治（餐包) 配芝鹹牛肉， 油到爆，無芝士，少鹹牛肉。 ２）瑞士汁乾炒牛肉通，牛肉又薄又無牛味又嚡又柴，通粉硬，成碟嘢唔入味。今次試佢招牌之一叉燒滑牛炒蛋雙拼飯＄６５賣相唔錯，但係唔係熱，微温，似整定？因為呢期app 做緊外賣自取半價，所以都幾多人叫外賣自取牛肉算比得多，４塊左右，唔係薄牛肉，不過好韌， 又無牛味叉燒都有４塊，唔柴唔嚡，又唔會太肥薄薄的一層炒蛋，蛋無咩蛋味最後，所謂的秘製豉油汁，其實就係豉油，仲要得鹹味的豉油。 如果呢個外賣要$65，我絕對比劣評，因為性價比奇低，不過外賣自取$32.5，呢個質素同份量就可以接受 P.S. 有跟嘢飲

由於網上外賣平台做緊外賣自取優惠， 所有餐點也是半價， 所以即使上一次試了此店的出品， 知道品質不怎麼樣， 也再一次試伏。這次試的是其下午茶餐瑞士汁干炒牛肉通$24（網上外賣平台外賣自取優惠） 配料有：生蛋 一隻，葱花，洋蔥絲及炸蒜蛋味久奉， 攪拌均勻後， 蛋消失得無影無蹤， 無色無味。整個餐點最美味的洋蔥絲，炒得夠透， 香甜， 也吸收了「瑞士汁味」雖然餐廳用上我較喜愛的坑紋通粉， 但似乎未熟透， 有點硬，而且一點也不入味，所謂的瑞士汁， 其實也只是死鹹的醬油找了一會兒， 終於見到主角之一的牛肉， 牛肉算大片， 且有4-5 片。 只是牛牛肉沒有牛味， 沒有醬油味， 肉質又柴又老又嚡。其實餐廳的選擇集中只有幾項， 但未見餐廳能專於其所長， 待他日有所進步

💛大家都知餐廳嘅背景，食過嘅都會覺得上環舖絕對高質，過左咁耐第一次食灣仔分店嗌左經典沙嗲牛麵常餐，除左分左湯嘅沙嗲牛麵仲有炒滑蛋同埋多士，加多杯熱飲菜蜜😋價錢就因為外賣有8折而只需要$42，呢個價錢係灣仔都算抵！沙嗲牛汁夠香，成個加埋唔會太鹹太甜，不過因為鮮牛可能係後加所以就無乜味，如果係一開始煮埋就應該更加香😊其他嘅都係水準當中，多士有牛油香夠脆，蛋都有落味所以唔會太淡🤤熱飲就無乜特別，不過菜蜜都唔洗加錢！

我地兩個入內食下午茶，朋友已食飽野陪我入去，我叫左個45元嘅茶餐。食左5分鐘已經食完想埋單，之後個侍應話要按人頭一杯野飲。我已經小緊（佢間鋪門口冇寫咼！)。好❗❗我就有品D，叫個旦治加菜蜜。之後響手機按入上單，立即發覺錯左，已經即時叫個侍應轉外賣及轉杯咖啡外賣，前後吾夠三秒。點知個侍應話整好咼！（心諗有冇咁快呀！)重叫我飲埋吾好浪費！我個刻火都泥埋，吾係咁話！感覺佢地吾係做生意係搶❗谷住度氣立即埋單走，仲叫佢倒阻杯菜蜜吾叉飲。吾係連個紙杯都俾吾起呀！！！我永遠吾會再光顧呢間鋪頭。

之前間中經過呢間餐廳見到幾多人已經想試，不過當時晏就有好多人排隊，今次咁岩佢早餐有位就去食餐廳環境都算闊落，我叫左個叉燒通粉加凍奶茶，食物份量細食既人覺得適中，一般食量就可能爭少少，食物味道可接受價格40左右都係灣仔區來講都算常見，如果唔想幾十蚊食個早餐可以等佢午市，我記得除左午餐仲有兩餸飯？

之前提交過一次， 但一直未被刊登， 所以再提交一次。上星期四（12/1），早上約八點左右，入到餐廳， 大約有 7 成人。被安排坐在第一張枱， 點了 「忌廉通粉」及凍咖啡。 咖啡約 3 分鐘左右到， 喝一口， 正常即磨咖啡，不太甜。約 3 分鐘後，「忌廉通粉」到了，賣相不錯， 但巳覺得無咩煙。食一口， 微暖… 什麼味道、賣相都不及微暖湯麵難食。叫姐姐，話可否加熱。她說可以 ，有點點不好意思。 約 4 分鐘後， 另一碗「忌廉通粉」到了，眼看跟剛剛的一樣， 沒有煙， 但知道係新整嘅。試一口， 頂， 仲凍過剛才果碗。唔洗講啦，即比錢走人， 收銀阿姐個程看到，無講一句。明白， 現在連所餐廳運作， 但最基本嘅 「熱湯麵」都做唔到，不了。

灣仔開咗間新嘅茶餐廳叫四季常餐。佢個餐牌真係好簡單，得個幾樣嘢揀， 就連飲品選擇都少過人 ，朱古力好立克阿華田之類全部都冇。 最適合我呢啲有選擇困難症嘅人去 食。我見佢全部菜式都有滑蛋喺入面，睇嚟佢對自己嘅滑蛋好有信心， 於是就點咗一個忌廉雞湯叉燒通粉配滑蛋多士。滑蛋食落香滑有蛋香，仲帶有好重胡椒粉味，唔錯。忌廉雞湯有少少稀，上面放咗啲香草， 飲落有淡淡嘅忌廉同埋雞湯嘅鹹味， 配上通粉清清地，味道幾夾幾好食。通粉選用有坑紋嘅通心粉， 比起坊間一般冇坑紋嘅通粉彈牙，亦不致煮到糊狀，唔錯。 加下外賣自取有8折，承惠42蚊， 值得encore。