四寶食堂 (啟德零售館3)

營業中

休息中

XO醬黑毛豬炒讚岐烏冬，熱辣辣夠哂火喉！黑毛豬肉味香濃，肥瘦適中！讚岐烏冬都好彈牙，配埋XO醬真係好惹味，但有微微嘅辣味，味道啱啱好，唔會太濃！鮑汁鮑魚福建炒飯大大碟，份量好充足！鮑魚爽口彈牙，配埋大量嘅鮑汁同埋菜粒，炒飯粒粒分明，味道唔錯呀，食完真係好飽肚港式紅豆冰甜度適中，紅豆份量都唔少雪山紅豆冰夠哂冰涼，有大量綿密嘅cream，紅豆冰都好足料！粒粒花生醬西多士，熱辣辣厚身嘅西多士外脆內軟，蛋香味好濃郁！中間夾住大量粒粒花生醬，配埋牛油同埋糖漿一齊食，鹹鹹甜甜，口感好豐富酥皮蛋撻好酥脆，牛油味同埋蛋香味都好香濃可樂餐廳舒適寬敞，上菜速度快，餐廳店員服務態度好友善，抵讚！餐廳整體食物價錢都好抵食，食物份量都大大份

呢間茶餐廳食物選擇好多嫁，環境仲要好chill可以望住啟德既運動場館，入面既景致又光猛又舒適，岩晒同朋友黎tea一tea，傾計都好舒服，下午茶呢度有十幾款餐甘多，餐飲特別都叫左茶餐廳比較出名既紅豆冰同蘆薈冰茶，紅豆冰既紅豆好多又好粉，香葱鹹牛肉菠蘿包既口感又咸又甜甘都幾好味，仲要份量都好大個下，菠蘿包面好香脆，加埋滑蛋鹹牛肉同葱花呢個食法又有玩味又出奇地夾。蛋撻熱辣辣又酥皮脆卜卜甘好有層次，雪山叉燒包細細個當下午茶都幾岩。椒鹽避風塘豬扒飯：椒鹽惹味又香口，豬扒外脆內軟

最近啟德零售館同時開幕，四寶食堂都有分店係e道，緊係去試下喇🥰餐廳嘅裝修以光猛嘅橙色為主調，入到嚟餐廳以卡位為主，菜式有中式小菜，串燒等等😋當中有吸引嘅燉湯小菜套餐😍🌸蒜茸炒通菜，清新可口，通菜嘅脆感配合蒜茸嘅濃郁香氣，令人胃口大開。🌸沙嗲串燒包左豬同牛，肉質鮮嫩，肉塊經過炭燒後表面微焦，搭配獨特嘅沙嗲醬，香辣適中，好野味😋🌸沙嗲牛肉粉絲煲係一個經典之選，牛肉入味，肉質柔嫩，配合滑順嘅粉絲，吸收咗豐富嘅湯汁，每一口都充滿滿足感。同埋用沙煲上保持左熱度😚上枱熱辣辣香香噴噴🥳🌸松子甜酸魚柳嘅口感令人驚喜，魚柳外脆內嫩，加上松子嘅香脆，甜酸醬嘅酸甜滋味恰到好處，無論係做主菜定係配菜都十分出色，我地仲跟左燉湯同飯😋燉湯係蟲草花燉雪梨，岩哂鐘意飲滋潤野嘅我🤤🌸壽喜燒汁肥牛炒讚岐烏冬，肥牛鮮嫩多汁，烏冬滑順🤩食落唔會太膩😋🌸蘆薈白桃冷泡冰紅茶清新可口，帶有淡淡嘅桃香，入面仲有粒粒嘅蘆薈💕🌸檸檬桂花蜜糖冰茶則係酸甜適中，飲落好清新，味道酸酸甜甜😎

喺啟德體育園逛了半天，三間零售館都有商店和食肆，最後選了在零售館3的四寶食堂食晚飯。餐廳光潔明亮，座位舒服。門前有一個櫃放着麵包、蛋撻之類。晚市供應不少小菜，全部都可以加$28升級套餐，套餐有燉湯、白飯和飲品。另加$20有各款涼拌小食。全部菜式有質有量，價格合理。餐廳的出品令人驚喜，尤其是今晚的燉湯——🏅松茸蟲草花煲排骨，睇個名就知道清甜，喝完令人感到身心舒暢。追加的🏅蒜泥白肉選用黑毛豬，切片均勻，肉質鮮嫩，蒜泥的香氣濃郁，自行加一點辣油更是惹味，$20的價格相當超值。🏅沙嗲牛肉粉絲煲的牛肉滑嫩入味，沙嗲醬香濃不膩，粉絲吸滿湯汁，口感彈牙。🏅魚香茄子魚柳的茄子煮得軟綿入味，魚柳的外皮微脆，與微辣的魚香醬汁搭配得宜。🏅松子西芹炒蝦仁則是一道清新怡人的小炒，西芹爽脆，蝦仁的鮮味與松子的香氣交織，簡單卻令人回味。

📝胡椒大蝦粉絲煲($108): 三隻大虎蝦，肉質彈牙，仲有蝦膏香。粉絲炆得入味，食落鹹香，帶陣陣的胡椒香。📝鐵板黑椒原隻豬手($118): 巨型大豬手！📝豬手炆得好軟腍腍，一切就開，豐富嘅骨膠原，肉身入味，質地鬆軟！📝金銀蛋肉碎油麥菜($68): 滿滿嘅肉碎蛋花喺面，有家的味道，油麥菜熟度剛好，軟身得嚟唔會老。📝加$28可以配一個燉湯，白飯加飲品📝燉湯好足料，飲落鮮甜。📝蛋撻仔$9個，係層層嘅酥皮撻，蛋漿嫩滑。

平靚正之選我會選四寶食堂，平時都幫襯開，上次行街的時候先知原來都係啟德零售館開左啦！餐廳都幾大！無論是蛋撻、熱狗🌭️、沙嗲牛肉麵、焗豬扒飯、瑞士汁牛河、豉油皇炒麵及港式燉湯小菜都有我心水！海南雞飯雞肉大份而且好滑溜，送飯好滋味菠蘿🍍古嚕肉開胃酸甜是我喜好，古嚕肉軟腍入味蟲草燉盅餐廳仲有老火湯好滋潤呢仲買了兩件蛋撻 因見剛是新鮮熱辣出爐好好味😋 四寶食堂 九龍啟德啟德體育園啟德零售館3, G樓 M3-006號舖

最近試咗常餐C麻辣撈公，整體體驗相當令人失望。首先，撈公粉食落有一種奇怪嘅酸味，懷疑食材新鮮度未達標，甚至可能已經有變質嘅情況，呢點實在令人擔心。其次，炒蛋口感一般，完全欠缺應有嘅香味，味道偏淡，食落毫無驚喜，整體出品質素遠低於預期。麻辣嘅味道亦唔算突出，完全未能達到令人回味嘅水平。呢餐無論係味道定係食材質素都顯得非常普通，甚至難以接受。可能係分店出品問題，建議大家如果真係鍾意呢間餐廳，可以考慮試吓其他分店，或者改為選擇其他餐點，避免重蹈覆轍。希望店家能夠重視顧客嘅意見，喺食材新鮮度、味道調配同烹調技術方面作出改進，提升出品質素，帶畀顧客更好嘅用餐體驗。現階段而言，呢間分店嘅常餐C麻辣撈公實在唔值得推薦，大家可以慎重考慮再作選擇。

餐廳座落於啟德零售館三號，近宋皇臺站多啲，主打平靚正，大件夾抵食嘅港式料理，早午下午茶晚餐有唔同食物供應，店內環境唔算好大，裝潢行新派簡約風格，門口仲有個大大個透明玻璃擺放多款種類嘅麵包，幾吸睛。另外值得一讚嘅係店員服務態度友善，出邊好少有㗎啦。一坐低即刻叫咗蛋撻同埋雞批，好驚晏啲落單就會冇，因為真係好吸引，烘焙師傅有料到，蛋撻係酥皮底，酥脆可口，蛋味唔算好出，但勝在夠滑。雞批同樣出眾，外皮金黃色，香脆唔油膩，內裡包著超多雞肉，食完一個已經飽咗半。如果攞埋去焗一焗熱再送上會更好🤣主食方面都有唔少款色，肉類蔬菜粉麵飯小食樣樣有齊，老少咸宜，份量合理。私心推介沙嗲串燒，鐵板上，上枱時咋咋聲，香氣四溢，雞同豬嫩滑多汁，醬汁惹味得嚟唔會死鹹。另有黑椒豬手，同樣都係原隻鐵板上，皮彈牙且啖啖肉，醬汁好彈，着白色衫小心，呢款適合多人分享。咕嚕肉有驚喜，難怪抬抬都有叫，山楂汁微微酸甜，夠掛汁，外層脆身而且仲有拔絲效果！拔道腩水門雞半隻上，雞肉嫩滑唔乾柴，點埋醬汁可帶出雞嘅鮮味。想食的健康啲嘅可以要XO醬滑蛋炒蝦球同西蘭花炒蝦球，蝦球大隻Q彈，滑蛋似蛋餅多啲啲，西蘭花爽口入味，各有千秋。

假日留港有新地方喇！近日開幕嘅啟德體育園零售館，除咗有各式商鋪，仲陸續有不同食店開張。率先開幕嘅有四寶食堂，位於零售館3號，今日嚟食咗個港式下午茶，好有驚喜。窗外望住成個大球場，非常開揚。由黃昏食到天黑，景色不錯。至尊菠蘿包配田園沙律 凍鮮檸檬水第一次食菠蘿包咁震撼，餡料就嚟滿瀉，有芝士、蔥花、鹹牛肉同雞蛋，食完飽咗幾個鐘😁瑞士汁雞髀🍗配菠蘿油 檸檬菜蜜一拎埋嚟已經好香瑞士汁味道，比豉油汁醃出嚟嘅更香更甜，雞髀肉質亦都唔錯。🧸評分：🧸🧸🧸🧸4/5🗺️ 九龍城啟德承啟道38-39號啟德體育園啟德零售館3 G樓M3-006號舖#finefoodbear #啟德體育園 #啟德零售館 #四寶食堂 #香港美食 #啟德美食 #港式茶餐廳 #現場烘焙 #啟德 #香港美食 #新派茶餐廳 #經典必食

今天來到啟德新商場的四寶食堂，在悠閒的下午時光品嚐了一系列令人驚喜的美食！💫首先必須讚嘆壽喜燒汁安格斯牛炒稻庭烏冬的完美口感！烏冬保持著彈牙的質地，每一口都充滿日式壽喜燒醬汁的香甜，配上鮮嫩多汁的安格斯牛肉，讓整道菜充滿層次感。更讚的是烏冬吸收了牛肉的精華，配上爽脆的高麗菜絲和香噴噴的芝麻，每一口都令人回味無窮！🍜西多士的外皮金黃酥脆，中心塗上濃郁的花生醬，配上一大塊牛油，熱辣辣地送上來，口感豐富又香甜。外脆內軟，絕對是下午茶的滿分之選！🍞蛋撻可說是必點之選！外層的酥皮層層分明，一咬下去即刻感受到酥脆的快感，蛋黃餡料滑嫩香甜，配上冰涼的檸檬可樂，完美平衡了甜度。新鮮出爐的蛋撻，實在是一種享受！🥧雪山皮叉燒包外表討喜，包身鬆軟似雲，咬下去還帶點甜絲絲的雪山皮。正！🥟雞扒煎雙蛋配沙律，雞扒外皮煎得金黃酥脆，加入大量香草，肉質鮮嫩多汁，配上半熟的太陽蛋。旁邊的田園沙律新鮮爽脆！🍗四寶食堂的麵包櫃琳瑯滿目，各式麵包和甜點散發著誘人香氣，從菠蘿包到法式酥點應有盡有，每一款都做工精緻，令人目不暇給！🥐

啟德零售館首日開幕，作為街坊緊係去趁下熱鬧！3號嘅餐廳定價最親民，今晚就幫襯咗近門口嘅四寶食堂，有超多卡位，仲播住啲好chill嘅音樂，茶餐廳價錢但有cafe vibe!第一次幫襯我地叫咗一個晚餐燉湯小菜set同埋一個特色小菜加配套餐，仲要咗兩個蛋撻做甜品🤣 呢度燉湯清甜，冇過多調味，係住家湯嘅感覺～鍾意佢可以揀時菜，出街食都可以食到好健康嘅灼菜，XO醬黑豚肉炒四季豆都難得唔會太油太鹹，非常適合我～特色小菜我地揀咗咕嚕肉，肉質唔韌醬汁夠濃送飯一流，值得一提呢度啲份量好足，呢個價錢絕對物有所值～蛋撻係酥皮底，好鬆化，keep到微暖👍🏻 飲品不過不失～