四川小食

營業中

休息中

放工要去旺中買野，行行下有啲口痕，想搵啲野食下。行到1樓通去新之城你一定同佢擦身而過。平時佢係排哂隊，可能今日我地早左黎，人龍唔算好長，都係三個人排緊。我地要左涼皮加雲耳。份量比較細，咁樣一碗已經係三十幾蚊。份量細得黎比較貴，但味道係唔錯架。涼皮少有地有啲啲煙韌口感，濃味亦啱啱好，配菜份量亦適中。其實係做得唔錯架，不過我自己食過呢次，應該都唔會回購喇，因為價錢真，新之城仲有好多其他選擇，而且價錢比佢仲平啲。

旺中係繼葵廣之後另一個掃街熱點，有唔少人氣既小食店，呢間位於1樓旺中同新之城之間既四川小食都係其中之一，經過youtuber加持之後，今日嚟到排晒長龍。呢度主打各款麻辣小食例如皮蛋、青瓜、金錢肚、豬肚等，另外仲有人氣既涼皮同涼麵。四川涼皮（加豬肚）（小辣）涼皮叫咗小辣，另外再加$10豬肚，豬肚切得比較幼身，但份量頗多，好抵食。涼皮係即叫即撈，見到姐姐落咗好多醬汁同調味料，呢度嘅涼皮係比較大塊而且比一般厚身少少，食落好軟滑同涼浸浸，消暑一流。味道方面一開始食落有少少刺激感，小辣既辣度比較容易接受，唔會太搶，不過食到最尾，底層既涼皮浸住d麻辣醬汁，辣度就比較有攻擊性，食到小編流晒鼻水，頭皮都出汗lol，食完之後辣味持續咗一段時間先消散。聽過有其他人可以叫小小辣，佢嘅調味真係幾惹味幾出色，下次再食可以試下小小辣。人均消費：$40推介指數（10分為滿分）：8.5分

平時無辣不歡嘅講唔停特別鐘意食四川菜🥰 而呢間位於旺中 主打四川小食嘅小店 講唔停都幫襯左一段時間😚 皆因佢哋嘅涼皮真係好好食😋 自從 @foodki.may 介紹之後 佢哋嘅人氣更加係直線上升📈而家每次去旺中都見到佢地店外大排長龍😮手工涼皮 $25 + 豬耳 $10 + 雞腎 $10佢嘅涼皮真係超級無敵正😝由於佢係落咗一大堆調味嘅醬汁 所以食落去好惹味😋 而且每一條涼皮都掛晒啲汁😍 啱晒重口味嘅講唔停🤤口感方面 佢嘅涼皮係好有質感好厚身嗰隻👅 加埋香脆嘅青瓜絲同埋芫荽一齊食🥒 口感一流👍🏻 而配料都好高質🤩豬耳同雞腎都好入味同埋爽脆🥰份量亦都好多 10蚊真係超級抵🌟整體黎講 呢度嘅涼皮真係冇得彈😝 不過要提提大家 呢間舖頭啲嘢食嘅辣度好高🌶 平時食開譚仔小辣嘅講唔停叫呢度嘅小辣都食到流晒汗😬第一次食嘅話記住唔好嗌咁辣呀🙈

香港愈來開愈多呢類四川涼麵涼皮店，其實一啲都唔平，正常最少加一兩個餸，都兩三四十蚊。只得外賣無堂食，但係點解間間都排哂長龍呢？相信只要係食辣嘅人就會知，辣會上癮的，重口味麻辣真係食得好爽。四川涼麵($25)加金錢肚($10)/金錢肚唔係間間有😍份量都不少，好爽口好麻好入味，辣度後勁好凌厲☺涼麵撈起味道帶點醋酸，同其他舖又係有啲唔同。麵質唔會糊口，okay。同場仲見到姐姐手撕涼皮，真係好有風味啊！

📍旺角 四川小食𓇠 手工涼皮 $25 𓇠 行開旺中，諗起 @foodki.may 推介嘅涼皮就去咗幫襯😎3點幾去到，排曬長龍 (其他舖拍曬烏蠅..) ，佢可以加配菜，有木耳、雞腎、金錢肚、豬耳等等，但我無加，買咗一碗淨手工涼皮返屋企食，都有芫荽、蔥、青瓜絲同芽菜，好豐富！😋叫咗小辣，食第一啖唔覺辣，但我錯了！佢啲麻辣係慢慢咁出！屋企人之前食過葵廣間四川美味，覺得旺中呢間無咁酸，大家試過葵廣個間可以留言分享邊間好食啲😂

話說有日同朋友行完旺中，佢話想買啲小食返屋企就帶咗我去呢間小店。一向唔太鍾意食麻辣既我其實興趣不大，不過朋友狂sell話呢度唔會好麻，而且真係超級好食，耳仔軟又聽佢講買咗一份口水雞同埋涼皮拼豬肚同埋雞腎😄本來都想試埋黃金皮蛋，可惜沽清了😌返到屋企一試，原來真係好好味！口水雞記得一定要撈勻個醬汁先食，雞肉唔算好滑但一定唔會鞋口，食到我一件接一件停唔到口😍個涼片皮都好正，係店員姐姐即刻配搭各種調味粉撈勻，再加入青瓜絲、炸荷蘭豆、芫荽、豬肚、雞腎撈出黎😍不過涼皮嘅份量多返啲會更加好⭐️

旺中好多美食，今次見到新店試試（原本係日本手卷外賣店），本身自己好喜歡川菜，但好多都一係貴，一係就太過港式既川味，呢間試左川北涼粉$23，加8蚊豬耳，加5蚊雲耳，大中少辣揀，我選擇中辣，無論色香味俱全，仲要係北上川菜味道，絕不是港式味道，非常好，另外有小食口水雞，雞腎，拍青瓜，豬肚仲要見到涼粉係老闆整，不是入貨，不過可能好簡單，但老闆都即時切一碗給我（可能剛開門未準備好），不過老闆非常有善，全部調味在面前調較，地方乾淨