四川涼拌

營業中

休息中

嗌咗個小辣涼皮..返到屋企食..超級好食佢個麻辣雞腎.椰菜雞絲..同埋泡椒魚皮..真係好好味..食完唔記得影相...下次可以試下挑戰中辣..個女職員超級有禮貌又搞笑 .

本人買鐵板燒同涼拌首先佢啲野食無乜問題好唔好食嘅就見仁見智！$35一盒嘢 同一時間買兩個餸可以裝成一盒收$70已經親口問過老闆，你會唔會分兩盒俾我？然後佢答我：同一個味裝埋一齊（問號本人只係覺得份量有點少囉點解呢個價錢得半盒都無（因為本人重買多樣司華力腸，姐係三樣野炒成一盒…佢仲要好唔耐煩，黑面加皺眉….講返涼拌次次去買嘢都要受氣，我係過嚟買嘢食，我唔明點解要擺款啊佢（老闆？）叫人排隊排呢度排嗰度咁你排隊好正常，不過你一啲指示牌都冇應該排邊邊呢入邊又唔係大，啲態度仲要好似比阿媽教仔咁樣發生咩事？我嚟買嘢食㗎咋以後都唔會再幫襯，因為真係太受氣唔知有冇人感同身受啦😕

平時夜晚宵夜諗唔到食咩，就多數會嚟依間舖頭買炒烏冬，而我平時就會叫雞腎炒烏冬。烏冬嘅質素唔差，基本上我食咗好多次，都覺得個烏冬炒得唔錯，而且烏冬亦炒得好香。值得再次幫襯。

天水圍四川涼拌做開街坊生意，店內有四川涼拌、糖水、咖喱/原味魚蛋、豆腐卜腸仔等等街頭小食，可以話係應有盡有。一直都冇機會試，今次終於可以試吓，但估唔到今次會令我咁失望。本身覺得$45嗌一份炒雞軟骨好唔值，但見佢咁有信心開到$45，我又真係好想食雞軟骨，咁就即管試試佢啦。仲要見到有條人龍排隊嗌嘢食，咁應該都唔會太差掛。點知，炒完出嚟比袋野我我都覺得唔對路，一打開，個份量少到咁，我真係笑咗。大家自己睇啦，我就真係冇下次。

依幾日放工返到屋企樓下有黎到依間四川涼拌買蒜香炒雞腎～雞腎炒得好香又好爽醬汁標準而且食物衛生熟透程度係非常熟透冇任何唔舒服或口感既什麼出現問題～見到間店舖衛生程度非常之乾淨~四川涼拌多位老闆同老闆娘,伙伴們對食客既對答態度非常滿意良好～會問客人食物要辣或不辣或想要什麼食物方面等等！係我多次幫襯四川涼拌之中最讚賞做得最好既食店之一👍🏻👍🏻👍🏻好味又抵食～

四川涼拌搬咗舖之後第一次幫襯，$35一個餸，今次叫咗小辣多酸多芫荽。佢啲配菜選擇唔算多，有青瓜、雲耳、海帶，我覺得雞腎豬大腸嗰啲賣相麻麻就冇揀到。小辣都幾辣，味道同之前一樣，皮蛋係生既，唔受得既唔好揀呢樣。如果配菜多啲選擇就好了，建議可以俾人揀佢啲小食做餸。